好麵棧 (已結業)

放假當然係訓晏D，懶鬼唔會自煮，同另一半落街食野，揀左呢間新開不久嘅好麵棧，果次坐車見到嘅。可能星期六，好好生意啊，差唔多滿座，呢度位置都不少，有卡位有圓枱，乾淨企理。好在最角落有張枱啱啱埋單，店員好快執好枱，而且態度真係幾好。我地坐低之後，即刻睇下食咩。呢度食物選擇都幾多，一般茶餐、三文治、雲吞麵、牛三寶、大碗飯、芝士撈丁等等，價錢唔貴，四十零蚊，跟餐飲三蚊。車仔麵餸都有好多選擇，麵底、配料、醬汁，花多眼亂。小食方面有魷魚、炸無骨豬扒、紫薯餅等等。咖喱魷魚25：味道唔錯啊，份量適中，充滿咖喱汁，唔會太辣，幾香，魷魚都好嫩，又爽，不過就唔夠熱辣辣另一半點左推介嘅炸雞扒，我就點左最愛車仔麵。車仔麵麵底有河粉、米粉、公仔麵、粗、幼麵、油麵、烏冬、薯粉等等，定價9蚊/12蚊。配料方面，都係一般車仔麵款式，例如豆卜、蔬菜、雞翼尖、腸仔、魚蛋、豬紅、豬皮、餃丸類、鯪魚肉、瑞士雞中翼、咖喱魷魚、牛腩、牛筋、肥牛、豬手等等，價錢由8蚊至13蚊。至於醬汁可以揀清湯/腩汁/咖喱/沙嗲汁，最重要係，如果食得辣，記得試下秘製辣汁 /四川麻辣汁！我揀左我最愛嘅雞中翼、陳皮魚蛋同菜心，配油麵，一共36蚊，配秘製

呢日搭巴士到元朗(西)總站，一落車就見到巴士站旁邊有間餐廳嘅招牌仲貼住張紅紙，門口餐牌嘅鷄扒仲好似手掌咁大塊，新開張又有咁大件鷄扒，當然要同老婆入去幫襯下。餐廳光猛乾淨，坐得舒服。飯、麵都有，都幾多選擇。我同老婆都係畀門口嘅雞排吸引，當然要試下呢度嘅鷄扒啦！我叫左大碗飯個巨大香脆鷄扒配咖喱薯仔汁($46)，外加鴛鴦紅豆冰(跟餐特飲加$2)，老婆就叫左巨大香脆鷄扒芝士撈丁($41)配椰汁紅豆冰 (跟餐特飲加$2)。飯先上，真係大大碗，鷄扒夠晒份量，除左鷄扒仲有太陽蛋，賣相好吸引。鷄扒外面香脆，入面好juicy嫩滑，又醃得夠入味，配埋個咖喱汁同太陽蛋嚟食，正！巨大香脆鷄扒芝士撈丁嘅鷄扒亦係同樣好食，鷄扒下面鋪滿芝士，芝士唔會太咸，用嚟撈丁啱啱好！兩杯特飯味道唔錯，性價比高，無理由唔叫嚟飲下！埋單只係$82，原來而家新張期內至6月底有9折，呢餐真係抵食！

獨自一人來元朗晚餐，見到有間新開的麵店，決定試一試。環境尚算寬敞，旁邊有一排卡位，坐得很舒適。很久沒有吃車仔麵，今晚要放肆一下。點了五款餸加一個河粉。咖喱魚蛋咖喱味香濃，不太辣，魚蛋很爽口彈牙。墨魚丸大大粒墨魚丸，有墨魚香味。滷水雞中翼雞中翼肉質嫩滑，有陣陣滷水香。柱候牛腩牛腩鬆化，柱候味濃郁，一點也不韌。肥牛片大大塊肥牛，不太肥，很有咬口。河粉河粉很滑口，伴以咖喱湯底進食，味道很匹配。港式駌鴦奶茶與咖啡味道並存，調配得恰到好處。

是日午餐買外賣，見新開的小店試業有九折優惠，所以決定試吓~~~一入到去個電子餐牌顯示好清晰，想試牛雜冇牛雜，想飲豆漿冇豆漿，最後決定食牛三寶~~~**收銀後面塊鏡太大，所以影埋自己入鏡呢度買麵餐包冷熱飲品，但我叫外賣，所以要加2蚊的外賣餐盒費~~~返到office就打開，湯和粉麵係分開盒裝~~~河粉唔係好入D湯味，本身個湯唔太咸，但牛筋和牛腩軟熟又好食，感覺不錯，值得再返去幫襯~~~

今天山長水遠去探個舊朋友，他住係朗屏站附近，剛生了小朋友，所以前去探望，走的時候諗住食飽先返去就去了附近一間新餐廳試下。叫左「芝士撈烏冬配巨大香脆雞扒」，等左5分鐘就到了！真的好大塊雞扒，炸得好香口！個皮超脆又香，重點是無油溢味！雞扒肉好嫩滑，肉質一點都不鞋口，味道不錯！另一邊，烏冬也很淋身，芝士加上烏冬配搭不錯，芝士已經全部融了，混入烏冬和雞扒可以減低油膩感！$41是超值吧！跟餐配了紅豆冰，椰香味很重，冰粒細容易混入水中，紅豆都已經爛了，吃起來很淋身也很出味！想不到元朗都是卧虎藏龍呢！

今日見到間新開既餐廳！食車仔麵！但本身好肚餓，所以食飯～佢地話成手掌甘大！即點即炸咖哩飯！個咖哩好香好香！有d辣。但真心好食。我未試過食晒成碗飯！d汁真係好香好正！食過你就知佢係真係有用靚既咖哩香粉, 吾hea!仲有芝士撈丁同鮮茄肉醬！下次試下先！佢地吾知會吾會賣車仔飯呢？應該都可以試下！

這家店很是不錯哦！好適合約會的地方！完全是香港味道，非常驚喜！昨天天氣不是很好，但是我們很幸運地快速找到了這家店，沒有繞來繞去。環境適合，空調也不會開得很冷（因爲下了雨之後吹很冷的空調會很不舒服）。店裏的服務生態度很好，爲我們介紹了特色菜，所以整個過程讓人覺得很舒服，很放鬆。我覺得牛肉麵給料很足，不會一大碗麵一點點肉，所以吃得很過癮。我老公覺得餐後的咖啡特別好（我對咖啡無感）。洗手間很乾净衛生，會再來的！！

Yummy and nice food!面的味道不错，熟人介绍的店面。虽然我很少去元朗。食物的食材还不错。品种虽然不是很多，但是比较精致，看得出来老板经营的比较用心。以后会再来。

Perfect combination of price and taste. Quality is superb. Very convenient location next to Yuen long bus stop. Quick service and hospitable staffI had curry chicken with rice. Not only quantity of chicken pieces with rice is good enough, the flavour of the curry is simply delicious.