影片
以上资料只供参考，请与餐厅确认详情
经常排长龙，难得六点几见到只有4，5个人排队，又一个人吾想煮，试试吧！估吾到份量好少，之前系佐敦一间2𩠌饭三十几蚊有虾果间比较，起码少一半份量。回到家试下，味道都算可以，但吾系美味，懒惰吾都都要接受，但细食嘅我晚饭黎讲，都觉得吾够。 另外价钱黎讲，就真系好贵，香港平均黎讲两𩠌饭都系3x 几，吾讲最平28蚊， 但佢要43蚊得2个𩠌，仲要份量咁少，真系好吾抵食，d姐姐都几恶，你要排队时好谂定要咩，吾好阻住地球转，香港大部分多人帮衬嘅都系咁。但如果43蚊咁少份量，仲要排长龙，我宁愿行远少少上一田超市入面个2𩠌饭，人地3𩠌先44蚊，仲要好大盒，够2人食，所以反影地点嘅重要性，果个位系地铁口，又系巴士总站，放工鬼咁攰就会吾想煮。
继续阅读
每星期都会帮衬三四日 。味道都唔错 。唔算好咸 。 但本身有块透明玻璃挡住啲𩠌 所以都算卫生 。可惜 好多男士都比较高 。佢地会越过个透明玻璃去叫饭𩠌 。 变相啲口水会有机会落去啲𩠌到 。 所以希望店舖贴返张纸或叫大家唔好越过透明玻璃去落单 。 咁样就会衞生好多 。 黎紧都会继续帮衬 。 因为方便 同味道唔差 。 推荐菜式：南瓜排骨 咕噜肉 麻婆豆腐 炒蚬 炒虾 薯仔鸡翼另外 蕃茄炒蛋比较偏甜 。 菜式种类都尚算多 员工态度唔错 。 希望嚟紧见到上面提及既问题 会有所改善。
继续阅读
两𩠌饭越开越多，执都执唔少，在葵芳地铁站与葵芳交汇处中间就有一间，有家嘅味道的两𩠌饭。点解我叫有家既味道，佢唔似其他大鱼大肉既两𩠌饭，主打家庭风味，妈妈都会煮得到既𩠌，我今次选了两𩠌跟饭 $43蚊无野饮，价钱比其他两𩠌饭比较贵少少，但环境干净，最值得帮衬就系依点。咕噜肉：唔似其他铺头力sell 脆皮又传统酸梅汁，我喜欢似我妈煮咕噜肉既味，啱啱好唔系太酸味道亦都唔系太硬太趣，仲要系啖啖肉，正正系我屋企妈咪煮俾小朋友食嘅味道。椰菜花：爽脆微微辣味，开胃送饭，唔会煮到淋谢谢。今次食佢食得干净，浓郁屋企风味。
继续阅读
葵芳有几间两𩠌饭，佢喺葵芳最贵嘅两𩠌饭，但我觉得呢间个味道系最好食，但系份量偏少！平时钟意食开黑醋骨，佢呢间嘅黑醋骨都整得几好，好入味，味道适中，唔会过咸，肉质又唔会好韧，所以我都几推荐呢个！今次就叫咗咕噜肉同埋南瓜蒸排骨，咕噜肉味道都唔错，冇咩肥肉，但系佢嘅肉质比较硬，南瓜蒸排骨几好食，佢嘅排骨好软熟，而且冇咩肥肉，唔会骨比肉多，而且佢嘅南瓜甜甜地，南瓜煮溶咗加埋排骨成个口味都吾错，我觉得呢个𩠌感觉又健康又好食🥰
继续阅读