好食雲南米線

营业中

休息中

呢度有湯麵有涼拌麵，熱熱地又無乜胃口，見個個都食緊涼拌麵我就簡左呢個。$32一個雞絲涼拌功夫麵（可選擇米線）加左$6要左三粒蟹籽丸。野飲加七蚊。個功夫都好彈牙，值得一試！涼拌麵要左少辣，只係有微微辣椒香，加埋佢有醋，怕辣既人都食到。佢加好多芫茜既，怕既人一定要走，我唔怕食，但下次食都會走，因為好大味遮左其他味道。個人覺得抵食，好食。同朋友黎可以試下啲小食，都好抵食，下次會想試下個炸醬撈麵。餐廳算乾淨又大又多位，因為新開裝修好新淨。

「我地今日食咩好?」我向同行的朋友問道!「好食米線」她隨即應我「好好食嫁?邊間呀?」我問她「咪係好食雲米線囉」她開始不耐煩地說😧要在路德圍云云的米線店中突圍而出真的不易，原來間米線鋪叫好食雲南米線，是大家食集團旗下的，我中午時段去都幾乎滿坐，看來真的做到其名🍴這裏主打有暖心鍋，雲南米線，涼拌麵，炸醬撈麵，特色小食等，特色小食分涼食跟熱食，熱食有炸豬扒，椒鹽魚腐，涼食多是麻辣類，有尖椒皮蛋，麻辣雞翼尖，麻辣青瓜，麻辣雲耳，岩哂鐘意食辣的朋友♨落單是要自己填紙，我剔了清湯雲南米線，包一款餸，而且每碗米線已附送配菜: 韮菜，蘿蔔片，腐皮，豆卜，不要的配菜在點餐紙上打❌，很方便又吾怕阿姐忙中有錯寫漏，我吾鐘意食韮菜所以就走了😌米線份量對女生是足夠的，米線質感滑身彈牙，原味的湯底是清淡帶鮮甜，這裏跟一般的米線店有所不同，沒有肉碎，豆芽等配菜，巧妙地用上蘿蔔片，豆卜等簡單便宜的食材卻完全吸收到湯底精華😋 炸醬是另外分開上，炸醬的肉碎很多，味道很濃味偏咸，有點像蒸排骨的味道😈 用來撈米線一流，湯底變得更濃郁吸引👅午餐以28蚊米線包一餸這價錢真是抵食過路德圍其他米線家收銀位旁邊有得自助斟水，都幾貼心我

荃灣區出名多特色小店，但係對於某些人泥講，有時多選擇即係冇選擇！有選擇困難嘅我，今日就同朋友假喺荃灣區行左差唔多一個鐘，都決定唔到要食咩好。正當我哋打算求其食一間嘅時候，就經過呢間「好食」。其實一開始經過嘅時候，我哋都冇打算選擇呢間餐廳，除咗因為餐廳未開門，仲因為佢睇落普普通通，唔太吸引。當我哋準備走嘅時候，就見到有兩個女仔咁啱經過，其中一個仲喺度不停讚呢間餐廳。搞到我同朋友決定等多幾分鐘，等開門！涼拌酸辣米線今次就試咗呢間餐廳嘅招牌菜，涼拌酸辣米線，材料都幾豐富嫁，有雞絲、芽菜、青瓜絲、香菜、辣椒、花生同芝麻。米線偏酸，比較開胃，但就冇咩辣味；再配合埋香菜同芝麻調味，尚算清香；芽菜同青瓜絲亦幾爽口；可惜雞絲略嫌鞋口。整體而言，不過不失，但比嗰兩個女仔影響咗，有好高期望，所以有少少失望。

講到「大家食」應該好多朋友仔會知道同食過 出名手攪麵同埋削搖麵！望過卡片先知 原來荃灣嘅「好食 雲南米線」都係「大家食」嘅一份子 今晚同豬先生就係尼度齊齊食啦晚上八時入座 差不多爆場 地方十分就腳 開係多野食到爆嘅路德圍 相信唔少人都喜歡這平靚正的地方！同「大家食」大致上一樣 一樣嘅裝修格調 一樣青BB嘅牆身 一樣嘅餐牌 一樣嘅碟 唔知質素方面又是咪一樣呢？豬先生同豬小姐叫左一個小食 一個湯麵加一個撈麵首先小食叫左每日限量供應嘅麻香雞麻香雞份量適中 雞絲與香芹及芫茜混合 香口芝麻平均鋪面 賣相頗為吸引！雞絲口感實在 有一點還連著邪惡雞皮麻辣香味重 加上兩種帶有獨特香味嘅配料 一同放進口裏 真的開胃又過癮呢！湯麵就揀左清湯竹笙腩肉功夫麵清湯底夠哂熱出哂煙 味道並唔係「清」相反係濃！而且帶咸香 可能因為有肥美腩肉在內吧 再加埋極度索味嘅竹笙 有一種會吸引您一啖飲完再一啖嘅魔力配菜方面有韭菜 蘿蔔片 腐皮同豆卜 如果唔要配菜 可以係order紙打❌原來功夫麵係用「自創手攪機」製而成 難怪麵條口感爽滑 條條均勻 充滿彈性和嚼勁 豬小姐喜歡這個唔易腍嘅麵質其實手攪麵同功夫麵其實是咪一樣架呢？皇牌

店名同d嘢食一樣 依間大胃D已經幫襯過不下幾十次 次次係荃灣諗唔到食咩 但我又唔鐘意食雲貴風個d米線就會去依間 因為依間有功夫麵揀💃.每次都係叫#暖心窩 個窩大過我個🐷頭 湯底好好飲 又足料 我每次都會飲哂 因為無乜味精 😚配料有蕃茄 洋蔥 青椒 唔食既話係張紙到寫就得 .牧民雞翼 勁多芝麻係面 表皮脆脆 雞肉都幾嫩滑 但就唔係好入味 譚哥既雞翼好食d.椒鹽魚腐 個樣真係幾衰😂不過食落都有椒鹽味 唔乾 幾好食 .雖然依間個舖面青bb咁 但裡面幾乾淨 食物質素唔錯 經過荃灣既朋友可以去試下嫁.三個90後吃貨不斷開心share美食💓📍OpenRice: 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies #三個90後吃貨_荃灣美食推介.好食雲南米線 (荃灣)荃灣路德圍38號地下

話說今晚去呢間食野，咁坐圓枱好正常放個袋係張凳度，點知有個呀叔侍應走過來同我講: 呀小姐，你個袋放入d啦阻住條路！咁的態度，唔該都冇聲，就算你d野幾好食，我都唔會再幫襯！太過分！😡

大家食集團D野..真係唔好食但係...最近朋友告知..開左間好食米線店同我講味道唔差...咁鍾意食米線既我... 又想去一試我就試左個涼拌米線UM...只可以講.... 好食過大家食...又唔會去到一個食完想再返去試既地步

成九月都仲咁熱, 最岩就係食涼拌米線。米線同埋雞絲肉,青瓜絲,芽菜同埋酸辣汁一齊真係好夾呀! 米線可以自己選擇小,中,大辣同唔辣,個人建議就選擇番小辣,因為有小小辣味可以更加令個涼拌麵醒胃。米線既份量唔算大,當下午茶OR小食食就OK啦!

放工經過…見到寫住『好食』就一於睇下有幾好食！點咗個…涼拌功夫面…同麻香雞…功夫而質都幾彈囗有質感…味道都好夠味…辣度亦夠(中辣都夠辣)！而至於…麻香雞都有驚喜…！有我鍾意嘅中芹配雞絲…麻香味夠出…又唔太辣……幾惹味…！整體係值得再食！！

湯夠熱，料夠多，幾乾淨，而且快，是返工 lunch time 好去處。通常不會很多人，沒有其他麵鋪喧嘩擠逼。去過幾間米線舖，都覺得呢間最好。豆漿可能太甜。整體價錢都ok吧。

我最愛食米線，個個朋友都知道，瘋狂嘅程度可以一日食兩餐都覺得可以再食嘅，所以我中意不斷訪尋唔同味道嘅米線。荃灣其實我就比轉小去，但呢幾排有工作需要就成日過嗰邊，朋友介紹左去食嘅間好食米線。味於其名，真係好食喎。去左幾次獨愛拒獨家嘅暖心鍋，拒係用個鍋裝出嚟，我覺得甘樣可以令到d湯同米線都可以保住d熱耐d，唔會未食到尾就凍唒唔好食。至於味道呢，拒介乎於濃味同淡味之間，湯味道剛好，既有鮮甜味道嘅湯底，亦有麻辣嘅味道(我選左麻辣味，另外仲有酸辣同牧羊味)，又唔會因為要辣而做到成碗都係辣油喺面，你可以完完全全享受唒成個鍋嘅湯，好正！拒同其他米線仲有d唔同嘅係拒原有嘅配料已經好多，有青椒，洋葱，海帶，芹菜，紫菜同蕃茄。第一次見到呢d配料都驚味道會好怪，因為平時嘅米線通常只會有芽菜，肉碎，酸菜之類，但係食完後我可以好肯定嘅話你知，味道好鬼夾！另外仲可以自選配菜兩款，我就必食豬潤，另外魚腐都係不錯嘅選擇。另外仲叫左個涼拌米線，如果想食米線嘅你，又唔想飲湯熱辣辣，食呢個都唔錯，酸酸地好開胃，入面仲有花生配合，食落香口。兩個人食唔夠嘅都可以再叫多個小食，拒呢到d小食唔貴，20蚊左右就有交易。份量都唔細，我

家裡沒飯吃，於是放工到附近的路德圍找下吃什麼，毫無概念下，見附近一帶都多米線舖，就選了好食試試不知什麼是招牌菜，看到點菜紙上有皇牌撈，就點這個吧有青瓜絲 花生粒 炸醬，可配米線或功夫麵，我選了後者，另加了魚腐($6), 麵熱辣辣的端上，撈勻後頗惹味，炸醬微辣但香口，青瓜絲亦可減低油膩感不得不提 魚腐，它與我一般認識的不同但味道比一般更好吃，少少脆的外皮，一咬有點像炸魚蛋，但多吃幾口就吃到豆腐味了，內裡其實算滑的的確與店名相配，好食！美中不足的是豆漿杯有點髒(一達不知什麼在杯內)

去開荃灣做野, Lunch 要搵個地方食野, 周圍都咁多人, 就隨便入咗一間米線店都食了. 同一般米線店一樣, 擇咗面底之後就可以揀餸. 唯一唔同就係佢有得揀"功夫面" 雖然未食過, 但鍾意試新野的我一於試下!功夫面係比米線粗少少的, 食落彈牙有嚼口, 口感似當年盛行一時的"手攪面", 煙韌度同埋彈牙度做得好好! 正我叫咗麻辣湯底, 湯底唔會一味得個辣字, 而且仲好香, 味道都好豐富, 相比起譚仔的湯底, 我自己覺得佢的麻味比較香, 湯的味道更濃更好味.份量唔多, 不過夠女仔食, 男仔食的話可能要加底. 配料我叫咗麻辣米線必選的腐皮同竹笙, 兩種都吸收咗麻辣精華, 非常好味! 估唔到誤打誤蹱都可以搵到間正野!

週五午飯時間路經這間位於荃灣福來村的麵店，1點半左右店內人山人海的，我和媽媽二人只能搭枱坐卡位。米線套餐＄27可選擇原味(不辣), 酸辣，或麻辣湯底和一款配料（其他配料另加＄6），韭菜、豆芽、豆卜是贈送的，飲品要加＄7。我點了一個酸辣湯底的米線，配雞肉和炸醬，加新鮮豆漿。米線彈牙，酸辣度稍嫌過辣，一邊吃一邊出汗，夏天吃雖然開胃，不過店內冷氣不夠，汗流浹背。二人埋單共計＄68，很划算的一頓午飯。

已是第二次來了.上次路過肚餓,食了個冷麵後一試難忘. 今天有事去荃灣辦, 當然再來.今次食熱的湯麵,點了一碗少辣的竹生ma辣湯面. 湯正,麵煙硬,價錢平.本人十分喜愛上海麵. 此麵是白色,味道有點相似,多了份煙硬,個麵好正.個湯不錯,個人認為可以再ma點.但因是次點了少辣, 可能會跟正常辣有分別,下次試下正常辣.