影片
年初二下午茶时段，揾食艰难，隔住玻璃见到一围枱坐满晒人，其他枱都有客，即系照常营业啦，入到去都未坐低，有个阿叔即刻同我讲话冇点心㖞，问我想食咩，我心想我都未有menu，兼仲未坐低。我终于坐低咗，嗌咗罗汉斋炒米，落单个阿姐唔多客气，都算，我主打系食嘢，唔系食服务。但系啲嘢食难食到呕，个炒米啲油多到可以装一樽返屋企煮𩠌，又唔香，个鼻涕芡（已经叫咗少汁）捞埋啲油，掩盖晒所有食材的味道，兼夹好难入口。之后先发觉𠮶一台客，同埋其他所有客，其实都系呢间食肆嘅自己人，全部系亲朋戚友，搞到我好似入咗黑帮家族饭堂咁。可能就系因为咁，呢间嘢完全唔注重食物质素同服务态度。总之食完即走，永不回头。
继续阅读