好運來盆菜專門店

营业中

休息中

呢間大排檔式茶餐廳夠哂親民🥹款式好多選擇，太多招牌菜，下次可以再試其他菜式👏🏾蠔仔粥大大煲足料到痴線，每一啖都能食到鮮嫩蠔仔，米粒吸收蠔仔湯精華，黏稠濃郁好味道👅老闆娘仲驚我地唔夠湯補多碗💕當然要推介欖角骨唔係周圍都有👍🏽鹹香欖角包住外酥內嫩的排骨，好有口感😆蜆蚧鯪魚球鮮味彈牙同避風塘三寶色香味俱全😋另外仲叫左風沙雞半隻都幾大份🐔，而小炒皇都好香口連飯一齊食好夾🤗依家地道大排檔又街坊人情味小店越嚟越少，支持支持🫶🏽

一大班朋友11人去呢間大排檔，叫咗十幾樣餸，生炒骨（汁另上）、椒鹽鮮魷、椒鹽三寶、啫啫通菜煲、㰖角骨、粟米斑塊、豉椒炒蜆、煎藕餅、黃金墨魚餅、薯仔牛柳粒、蠔餅、奇味雞煲、肉絲炒麵、福建炒飯每樣都好出色！其中嘅肉絲炒麵最為驚喜，麵超脆，肉絲多，汁好味，唔會太咸，蠔餅勁大份，炸得好脆，勁多蠔仔必試欖角骨，個汁酸酸甜甜好特別椒鹽鮮魷必點！好好好食！食得出魷魚新鮮！黃金墨魚餅勁惹味！本來想點黃金蝦，但因為有朋友唔食蝦，所以改墨魚餅，個黃金咸蛋醬好濃，食得出好足料呢間好運來真係我食過最出色嘅大排檔！

係black店係black店我下次一定會再去食，即場會報埋警！呢間食過兩次第一次四個人食，叫左3個小菜3個飯，原本諗住香港呢個咁文明嘅地方唔會再有亂收多錢情況，因為每樣餸都明碼實價，埋單後發覺比我計出黎嘅數多左$40，初時諗住自己記錯，就由得佢第二次去，得2人，叫左兩個小菜一個米粉炒硯$100椒鹽鮮魷$128米粉$18新春期間要加10%服務費（我入左去室內食，佢門口係完全隻字不提，去到收銀先見到要加10%，不過理解的）最後，佢收左我$284下？我計完應該係$270.6我即刻上前問，佢扮睇我唔到，扮哂野同客人吹水，我大聲問佢點解收咁多，佢㩒計數機：椒鹽鮮魷$138米粉$20我話：你餐牌寫椒鹽鮮魷$128喎佢細細聲話，而家貴左，要$138我話：但係你餐牌寫$128喎佢先話：比番$10你之後打發我走米粉又貴左$2？樣樣自動mark up博啲人唔計數照比，佢每枱收多幾十都好和味下

最近去咗一間叫「好運來盆菜專門店」嘅餐廳食飯，真係俾我留下咗好好印象。呢度嘅蕃茄湯真係非常出色，入面有真蕃茄，唔係淨係用茄膏加水，令成碗湯味道更加鮮美，蕃茄香氣好濃郁，令人好愉悅。☺️😆雞扒都係相當唔錯，切成三塊，肉質嫩滑，食落口感真係好滿意。以HKD 54嘅價錢嚟講，真係性價比非常高。而且上菜速度極快，喺繁忙嘅午餐時段可以迅速享受到美食，真係好方便。🤭另外，我點嘅檸茶要求少甜少冰，餐廳真係做到咗，味道恰到好處，清新可口，令人倍感清爽。服務態度方面，店員都好友善，令整體用餐體驗更加愉快。🥳總括嚟講，「好運來」係一個非常適合快速午餐嘅地方，無論係湯品定係飲品都令人非常滿意，真係值得推薦！☺️

2024年09月12日(四)與家人來食晚餐兩個人叫咗三個餸西蘭花斑球$100霸王雞$148黃金鮮魷$148西蘭花斑球：實物是斑片，不是斑球，斑片顏色灰灰暗暗，肉質唔靚，成碟菜都唔夠味霸王雞：雞肉鞋，冇味，豉油唔夠味，薑蓉冇薑味、冇咸味，落咗幾滴好怪嘅豉油味黃金鮮魷：咸香十足，油香撲鼻，得呢碟最好食根據餐牌價錢，三碟餸加埋$396但係收銀自動加$4變齊頭，埋單收$400冇下次，可以嘅話，唔需要來第一次

一間咁有歷史既大排檔，完全表現出咩叫樹大有枯支。叫個外賣咕嚕肉，跟一份白飯，同一碗味精湯，80蚊，雙餸飯都買到兩盒，但佢一盒小菜連人地一個餸都比唔上。成盒咕嚕肉配菜洋蔥同青紅黃椒，咕嚕肉唔夠10舊，10舊有幾舊得粉，唔建議任何人幫襯外賣，明呃你錢。除非鍾意食白飯就真係好大盒，一定食得飽。至於堂食，今次叫外賣唔評論，但見微知著，大家都諗下先食，呢個價同質素，元朗大把選擇。無諗過大裝修完就當街坊水魚咁劏。

路過見到燈光通明，鑊氣烚烚聲，好有大排檔風味😃忍不住埋去睇下，門口姐姐熱情招呼我地食物嘅色香都有齊，店內員工亦好有禮貌，天氣熱仲提議我哋入去有冷氣嘅舖位坐食物種類都不少，有小菜有火鍋，煮功亦都不錯，可惜每道菜都真係太咸，浪費左啲食材，最後我哋咸到要用茶黎沖淡先食得落總共叫左四個小菜，一罐可樂，埋單$560，價錢尚算合理，唯獨太咸係致命傷，係咁飲茶都解唔到個種咸😑希望店家睇得到呢個評論改善一下咸度

送個湯 有五碗湯左右 幾足料 味濃西蘭花鮮魷重口味 本身已經好咸 仲跟個蝦醬 腎病人士注意口感質感中規中矩 只係太咸椒鹽豬扒豬扒外脆內軟 火候控制不錯可惜唔入味 感覺似炸豬排再另外加炸蒜椒鹽不過反而炸蒜入曬椒鹽味 香口 齋食餸飯一流個感覺好似本末倒置咗啫啫豬膶雞煲上枱個陣熱辣辣 好似鐵板咁幾開胃但係雞得幾舊 豬膶幾舊都冇 得兩塊整體極重口味 大排檔嚟講幾差大概90～100蚊個餸 雖然喺元朗小炒唔算貴 但係無論份量 抑或係味道都唔值呢個價錢

茶記早餐速寫II盆菜專門店無盆菜...簡介🤔元朗廣場巴士站平易近民美食區, 這間鋪面最光鮮, 招牌彩色字醒神😆阿姐招待仲醒神, 主動幫手, 互動足應該儲落唔少熟客早餐又點了雞扒公仔麵, 麵條比起一般餐廳烹調時間短, 咬口剛剛好👍反而是雞扒煎得香脆, 但無分開上, 小心變腍🐓另一個餐點了榨菜肉絲米線配火腿奄列,米線偏散喎😅牛油方包是很一般的切皮白方包, 牛油量多, 可惜包皮無烘底。咦，怎麼奄列蛋同普通炒蛋的蛋皮一樣, 份量都一樣, 期待的juicy口感呢😲話雖如此, 隔離司華力腸原條上, 仲要𠝹花, 成個魷魚花, 太陽蛋煎得俊俏🌻😍🐒搵食後記: 茶記早餐左搭右搭, 呢間餐牌唔清唔楚, 坐低以為價錢貴得驚人, 原來無食跟餐配搭。。。

呢度除左盤菜,重有各式小炒,有室内冷氣位坐,亦有大排檔,三伍知己飲杯啤洒加幾個小炒傾下偈是個好撰選，我最鍾意個小炒王,送酒一流,其他小炒都好出色,難怪每晚爆場,好勵害,今晚一枝青鳥加兩個小炒,一個人,好麻甩feel

又是嫲嫲的覆診日，所以跟她覆診後便一起吃早餐，今次她選擇到「好運來」吃早餐。最近我們二人都喜歡喝熱檸蜜，所以不説二話便把它點下來。熱檸蜜不會太甜而且熱度剛好，我們亦相當滿意。榨菜肉絲通粉配火腿方包方包鬆軟，火腿煎得香口，嫲嫲相當喜歡。榨菜肉絲通粉賣相看似平平無奇，真的沒想過嫲嫲十分喜歡這碗通粉。她說湯底非常清甜，榨菜肉絲的比例亦相當多，通粉又不會煮得過腍，同時通粉完全地吸收了湯底的清甜味。吞拿魚三文治 (烘底)吞拿魚三文治烘得香脆可口，而吞拿魚餡料味道也不錯，不過餡料的份量實在太少而令我有點失望!雖然吞拿魚三文治比較失望，但事實上這𥚃的食物味道也不錯，而且他們很細心又有禮，值得再來!

今日和朋友走入來元朗吃早餐，元朗選擇繁多，而這間位於擊壤路的＂好運來＂見到個名已覺得今日全日都會行好運😆😆而且入面都是街坊，一於入去試下☺️沙嗲牛肉公仔麵 - 麵質軟硬適中，沙嗲味較淡，牛肉雖然嫰但沒有牛肉味。現在想食正宗沙嗲牛肉公仔麵真的很難了。熱奶茶 - 奶茶夠滾茶味濃，不錯！豬扒米線 - 米線柔軟，可惜豬扒超瘦很靭很嚡，湯底就是味精湯跟餐配 (腸仔，火腿) - 腸仔，火腿煎得偏油，腸仔好鹹，牛油方包都算軟熟茶餐廳名就改得好好，食物有代改進