影片
以上资料只供参考，请与餐厅确认详情
劳动节本来打算拍住拖去西贡食海鲜。但实在太多人，而且食海鲜的餐厅大多近海边，海风虽然清爽，但我觉得很寒冷于是周围逛逛后，发垷了这间装潢优雅舒适的餐厅。5时多进店，店内已有不少客人。我点了醉香猪手上海面、薯条及一杯菠萝青柠蜜一间风格简约的餐厅，其上海面竟然是传统中式面馆的风味，面粉味极纯正，而汤亦同出一辙，清香依然。伴著的葱花非常清新，是因为近大自然的关系吧? 而醉香猪手的味道可用2个字形容: 醉．香猪手的皮及根已呈啫哩状(见图)，非常吸引一碗面有3嚿醉香猪手，正~薯条($18) 一上枱，非常热腾腾。薯味十足，不肥腻，反而感觉很轻怡。一路食，会爱上它^^餐厅不设加一，感觉亲民，赞~!
继续阅读
西贡食嘢离不开泰国菜,西餐同海鲜.当然好啦~但系就唔多特色食物!而做得比其他餐厅特别真系莫过于"好煮意"啦~~~~我系度都系常客~都食左一年~上年一开铺佢得7-8样食物可以提供~ Now~ 起码30至40样!最重要系样样好食~~~!价钱又唔系天价~平靓正~咖喱正!清汤腩正!醉鸡醉猪手正!喇唦OMG!台式牛肉面就食硬啦~儿家重多咗拉面$52(本人食过,同你去日本拉面店食比$80-100系一样的!).价钱都系$34 起~全日提供火㶽你话死未!而我真系见过一早有人吃鸡煲!!!好周星驰(你懂的)~~~我可能有 d HARD SELL,因为我系常客,PROMOTE 下啦~因为系有HEART餐厅!茶餐厅~西贡多的是~但同样地hea做都系对等的 所以这间直系冇得弹~好食!厕所都要讲下!可以话系比西贡餐厅任何一间都干净~ 系重视卫生的餐厅RESPECT!上水系本店~但系上水只系做鸡煲~所以如果有机会黎西贡一定要试下咖喱,喇唦,清汤腩,台式牛肉面等等!!!!值得!!!!!成日食开的~~~~
继续阅读
难得老公放半日，带我同BB去东霸行吓，吸收吓新鲜空气~风景真系好靓~六角柱好特别，仲好多牛同牛屎 要等BB再D大先好玩，抱住行，好攰呢老公安排好哂行程，之后就去西贡行吓，见时间差不多就食埋饭~行咗几间，最后决定试呢间，见冇咩人，可能未到晚饭时间啦~ 抱住BB当然坐沙发位，服务员唔多，反应好慢，慢几拍先有餐牌....餐牌有好多选择，讲得出都有，汤粉﹑乌冬﹑打边炉﹑咖哩﹑铁板.......带住阿囡当然要快食!!!!!点咗个蝴蝶虾咖哩﹑肥牛铁板饭﹑黑松露喊柠檬﹑热好立克先上黑松露喊柠檬﹑热好立克，前者好望落有D黑色物，浮吓浮吓，饮落几得意~后者当然无咩特别~再来系蝴蝶虾咖哩，买相唔错，咖哩﹑饭虾分开，咖哩好好味，唔太辣，个虾炸又唔会太干~~~最后肥牛铁板饭，上菜前服务员先提醒会弹汁，叫我地小心弹到BB，热辣辣，好大烟，好多油，味道喊D......同老公都觉得咖哩好味好多!!BB开始喊，快食完就走了~
继续阅读
愉快的一天西贡Boat Party后一行五人在西贡想打边炉就去呢间未试过既好煮意试下, 听人讲话呢间汤底特别正睇左MENU汤底系几特别! 有鸡煲，有抗氧化蕃茄，皮蛋莞茜… 最后叫左药膳醉鸡汤底, 美国安格斯雪花肥牛，手打墨汁墨鱼丸，招牌咖哩牛坑腩，冷盘四川口水鸡等。重点推介手打墨汁墨鱼丸！墨丸同鸡都非常新鲜，加埋少量醉酒味一流！！！！！其它料好似鱼卜，四宝丸，水饺同鹅肠都不错。舒服有卡位，老板娘招呼周到，所以我同朋友会再黎 ！！！！！
继续阅读
闲日同屋企人揸车去清水湾玩之后就揸入西贡觅食近近地就随意拣左呢间野试下门口贴有报纸介绍佢地既特色野食入到去感觉有别于普通茶餐厅环境舒服干净，连洗手间都好干净相比起其他茶餐厅既洗手间吾会一阵异味坐低后老板娘见到我地带住个两岁小朋友就送左包糖比小朋友 感觉好亲切三个大人一个小朋友点左佢地出名既手打墨汁墨鱼丸面，咖喱牛坑腩饭同铁板牛肉饭(可选择普通肥牛或安格斯肥牛)其他就点左炸鸡翼同炸薯条佢地既手打墨汁墨鱼丸系配佢地既特制酱汁，有辣有吾辣，我地就点辣既黎食，开头觉得呢个配搭好怪(个人认为，平时食丸都吾点酱)，但出奇地好食。咖哩牛坑腩饭既牛腩旧旧都好大又令(吾似有啲餐厅啲牛腩又"鞋"又韧)本人自己比较食得辣，所以啲咖哩对我黎讲吾太辣，好香椰汁味。而铁板牛肉饭都不失所望，都系好好食。炸鸡翼我估系蒸过先炸，入面吾会有血水，炸得岩岩好，吾会太老又脆卜卜。炸薯条同炸鸡翼都系即叫即炸，香脆可口。总括黎讲所有我地点既野食都好满意，全部野食热辣辣送上黎，吾会话吾够热甚至冻。本人从来冇打过仼何食评，平时都系影下相放上社交网站。但今次老板娘服务态度真系可以话好到不得了平时茶餐厅边会甘细心甘好礼貌佢见到小朋友支水就黎饮完，自己上前问要吾要帮我地倒啲暖水，真系有啲意外。平时都系自己叫人比水，第一次有人主动上黎问，斋系诚意方面已经攞满分。见老板娘心地好，又体贴又比到人亲切既感觉高级餐厅服务可能更好，但都比吾上老板娘个份真心同诚意。老板娘仲话佢地既野食真系自己handmade，希望有多啲人欣赏。有见及此，所以上黎特登开个ac黎介绍下大家有机会黎到西贡都可以试下今次偶然地黎呢间餐厅食估吾到会有甘难忘既经验由于开头太肚饿，有啲冇影相就食左haha
继续阅读