影片
次次来到淘大去影艺睇戏都系食超级寿司或附近的茶餐厅， 见德宝商场翻新左好似开左几间食肆就去睇吓有咩食， 但原来得八方云集、谭仔、一间不记名茶餐厅， 一d 都唔吸引。。。咁我地就向淘大方向行返去， 路过超级寿司要等位， 就望吓佢隔离条巷仔有咩食啦？ 就见到有间叫好煮意嘅食店。 系门口望吓个 menu 又装下入面D人食咩， 见到好似D 木桶饭都好似ok, 最主要我比佢个住家例汤 "粟米雪耳苹果汤" 吸引左入去。入到去感觉好街坊小食店， 大概得5张四人台+3张两人台。坐好后就睇吓食咩。。。佢地随左焗饭木桶饭、泡饭。。。仲有串烧。我见隔离台嘅木桶饭好吸引就跟住叫咗。。。1. 木桶黑醋骨菜饭黑醋骨唔韧又唔太林， 酸味又刚刚好， 而饭里有黑醋汁伴住食都好好味， 不过我觉得D饭软左少少， 可能系落得太多水去煲再加上淋左汁向面食。2. 浓汤安格斯泡饭个汤的确好香浓好好味， 我男友话好钟意汤入面𠮶D蒜味，份量都算几多， 安格斯牛肉都松软， 如果可以厚返少少有仲好。3. 孜然原条烧茄子原本我地2个都要为9月大囍日子减肥，所以我打算叫两样野食就ok, 但男友都系抵受唔住引诱， 叫左一串烧司华力肠同我钟意嘅烧茄子嚟引我一齐食，讲个烧司华力肠先(忘记左影相), 我个人认为份量少左D只得5片， 但味道ok, 表面嘅沙爹酱够惹味。 至于烧茄子，一嚟就好香蒜味，钟意食蒜蓉嘅人一定大爱，因为个面铺满了蒜蓉， 我个人就觉得D蒜蓉多左D, 盖过左茄子本身嘅味道，但都好味的。总括味道和份量都ok, 唯一遗憾系个汤送晒冇得饮， 希望下次有机会再试吓个汤。
继续阅读
不大喜欢外食但又想找好野食既我(因为很怕那味精另我口腔超干极难受，二来环境因素将货就价)因经过眼八挂望入去店内客人在食那款色，食具特别，我既探索欲来了，刚有远道朋友来所以走进去食，吸引我既当然木桶饭啦，哈哈是日点了:木桶加哩羊腩饭，浓汤鸡米线，醋骨木桶饭，麻辣米线。伴送住家式既木瓜雪耳南北杏老火汤(店舖每日设有贴心汤送完即止)超惊喜，原来不但款色吸引，材料味道更应赞，首推加哩木桶羊腩饭(唔系我点的，但当时我想羊腩甘贵食材今时今日甘既价钱比咩你好呢实失望的)那羊腩肉质系高档餐厅既羊扒肉呢，加哩味香得来不太辣，一吃爱上了，米线既汤底有浓浓既清鸡汤味，讲到醋骨猪扒不知几多日子前已经没有食到甘既价钱有甘既质素啦(食落去块猪扒有返猪肉既肉味)。经过这一餐，到今日已经再度光临佢几次啦，哈哈，每当肚子饿就想去探索这店其它款式哩。
继续阅读
烧秋刀鱼,大大条.$10几左右..好抵食..烧得好香又唔会油腻!!必食..多春鱼真系好好食，咬落去多汁，一啲都不唔干，一份三条，价钱便宜，抵食。必叫。另外鸡尾菇.呢个好味！烧到好香。烧元贝-大大只..即叫即烧..好香口..爽口..烧羊架-大大件$20...肉松软多汁..钟意食羊既..一定要叫.
继续阅读