好旺角粥麵專家

营业中

休息中

趁住晚風輕拂，慕名來到「好旺角粥麵專家」撲下一盅熱騰騰嘅艇仔粥💨。第一啖入口，那香噴噴嘅鮮味即刻彈嘴；豬肉薄片嘅滑溜、蠔豉嘅鮮甜，再夾帶啲彈牙花生，呢碗粥簡直係味蕾嘅交響樂🎶。搭邊食埋塊柔軟牛腩麵，啲麵條滋味爽口得滯，啲柱侯牛腩又滲出嗰種深邃嘅舊香味，意猶未盡啊！講真，呢間嘢食鋪頭味道感覺就好似個老朋友咁，越陳越香。啲水餃河粉，水餃爽滑，河粉又偏偏喉，粉同水餃嘅紮實咬勁表現得好夾，令到人心情都跟住舒坦起上嚟🍜。有時飲食唔使太複雜，一碗得嚟真材實料、做得正宗嘅手藝足以打動人心。下次又要再嚟，食返啲熟悉嘅經典老味道！

我今日終於有機會去試食「好旺角麵店」，之前轉咗手之後，我一直冇機會去試下佢哋嘅食物。不過今日終於有機會去開旺角我試咗佢哋嘅傳統豬手撈麵，佢哋嘅水準仲保持得好好，真係值得一讚！麵條彈牙有嚼勁，撈麵上面嘅豬手好入味！每一口都好滿足！真係令我回味無窮。除咗食物好味之外，我都要讚一讚佢哋嘅服務。轉手後，佢哋嘅服務員比以前更加好！佢哋嘅服務態度好親切，好細心。佢哋真係用心照顧每一個客人，令人感到好溫暖。總括而言，我對「好旺角麵店」嘅評價非常高。食物美味，水準保持，服務更勝以往。如果你有機會去旺角，一定要嚟試試佢哋嘅豬手撈麵！相信你一定會同樣愛上呢個地方！

【109】用家自費分享，不是打手！Walk In 唔駛等，滿座。7️⃣0️⃣CP值：2023/8/17/四/13:41，平日午餐時段，2人埋單免加一HK$109，平均每人$54。店在大街，不近地鐵，空間唔大，坐得好迫，感覺算乾淨，食物可以，可以一試。7️⃣0️⃣A1雲吞麵$40，雲吞可以，但麵就偏淋，老字號來講，不是我杯茶。7️⃣5️⃣C8豬潤粥$45，正常，都好味嘅。樽可樂$12樽忌廉$12

行到旺角，无意间入黎食左牛腩竹升面，牛腩焖入味，竹升面幼细弹牙，牛腩汤汁浓郁，好正！下次再返黎食过。如果开多D分店就好啦。另外，点评点解要80个字甘麻烦？好食就得啦。大家点睇？

今午，天氣好熱，但家人好想食滾粥，懷念以前的富記，找到附近的好旺角。一入內冷氣充足既環境，叫及第粥，魚腩粥，淨雲吞，淨水餃。忙於工事，不斷傾電話，吃完才想起沒有拍照。粥底是綿綿的，不错。但及第粥內的豬潤，仍湧出不少血，影響胃口。魚腩粥，ok.雲吞和水餃，一般水準。天氣炎熱，室內冷氣十足。正！

係旺角大球場睇完港超聯八點幾毒L行出去係旺角諗左一陣決定去食間米芝蓮原來好旺角就係台風附近餐廳以手打竹昇麵聞名由21年開始入選左米芝蓮必比登既舖頭而家香港好似淨番無幾多間手打麵既麵檔仲有得睇表演真係要好好珍惜呢間係門口半開放式廚房就可以見到部製麵機不過夜晚晚就無人係度un麵了老店毒L要同其他搭檯係在所難免不過武肺影響而家多左塊板其實係好事黎雖然得半張檯但因為圓檯都叫做坐得寬落而且餐廳有裝修過所以環境唔差餐牌係玻璃底呢張只係粥品仲有另一張麵食淨係睇到一半呢種店最唔好就係老小二唔會比時間你諗由係一坐底就會企係你格離等落單好在我本身就諗好黎試兩個麵食物超快有由落單到上檯都係兩三分鐘時間隨時快過澳牛真係有懷疑過到底係咪即煮第一個係雲吞麵個湯熱到辣口麵條係由鴨蛋整既入面有五粒雲吞雲吞自己包皮都係自家製作但其實食落無咩感覺第二個係炸醬牛腩撈麵轉左粗麵細麵係碗上而大麵就碟上一乾三濕就緊係仲有碗淨湯最正統食法係含一啖就可以直接噴落小二到會得到七折優惠咁個湯同雲吞麵個湯其實係一樣既作用隨你或者你可以當佢沾麵食又得但因為係清湯就唔會掛到湯撈暈佢成個畫面就靚好多食拉麵我不嬲都係傾向沾麵一黨既所以就算係港式台

同事介紹，想食好耐，今次出旺角，諗唔到食咩，突然諗起可以試下呢間。一心黎食豬腰粥，因為同事極力推介，因為香港好少豬腰咁新鮮好味。所以我地叫左豬腰粥、豬手撈麵同淨水餃。豬腰粥：粥底好味，但自己鍾意食綿密d，呢碗綿係夠綿，略嫌密番少少會好d。豬腰真係真材實料，好味，爽不特止，去血都做得好好，只有一塊食到「鴨」味。下次會試下走油。豬手撈麵：豬手超正，本身鍾意食「林」的豬手，呢間做到呀！「林」得黎仲要有咬口，真係食到骨都想食埋🤣撈底都好特別，唔識講，同出面其他好唔同，下次要慢慢再食先再評。水餃：足料，蝦同荀都好足夠，但無咩特別。會再黎呀！

今日係附近唔知食乜，求其行左入去食😑首先，一開始碗麵已經落錯單，叫佢整幼面變左粗面。加上垃圾服務態度已經係促使我以後都唔會黎呢間咁既野。當時係晚上7-8點左右，正常應該大把人呢個鐘數心野，然而間野得嗰幾個客，已經心感不妙。由於我係叫外賣，我只係想問佢攞醋，佢就以「友善」態度話唔該客人自己入去攞。其實我係無乜所謂既，我都試過咁既情況，點知佢加多句，洗唔洗我走入去攞比埋你咁啊！」，當然是以不泄的態度講。好！我唔落，以後都唔會再食。另外，價錢方面固然是消費者既考量因素，一碗牛腩麵外賣係要39蚊？雖然唔係貴，但比起附近幾間類似舖頭絕對差得遠。有啲人會話，價錢貴姐可能味道好好呢，但事實上並唔係咁樣。講番先，碗野既份量只得一罐罐裝飲品的高度都無，份量極少，作為一個女仔，食完都唔夠飽，要再揾d餅乾充飢。講番碗野，湯底極度咸，咸到苦，一路食要係咁飲水，都算，呢樣加水就可以搞掂，但係入面d餸真係搞咁掂，牛腩碎濕濕，無一舊係完整既，份量係完全唔值。最後，本人寧願係屋企食餅乾都唔會再食，真係要食既就唔好expect會味道正常同埋食得飽。

好旺角粥粉面家已經幫襯左好耐，不過自從旺角店關門後已經小咗去，今日忽然間心血來潮，又有小小掛住佢哋嘅海鮮艇仔粥，同佢哋嘅竹昇麵雲吞，所以去咗⋯海鮮艇仔粥$39，好香蠔使味，再配上陣陣陣嘅魚片鮮味，再加上足料艇仔粥，真係出面好小可以食到，而且份量大大碗，期實只係叫－碗都可以食到飽晒⋯竹昇雲吞麵，雲吞好足料，竹昇麵更加係冇得輸，加上香濃嘅大地魚湯，而且真係買小見小，如果加上紅醋口感馬上提鮮唔小⋯不過聽老闆娘話，佢哋做到年尾就結業，真係要食好快D，唔係錯真係唔知邊度再可以搵到⋯

同老婆出旺角買嘢，每次出去旺角老婆都會心思思想去這間「好旺角」食佢啲粥同麵啦！我地叫了一個雲吞麵、一個水餃麵、再加一個及第粥。果然沒有令我哋失望，及第粥是一貫的高水準，用料足、粥底綿，超越了曾經最愛的中環羅x記，雲吞麵是傳統的味道，雲吞、水餃非常正，餡料新鮮，麵又沒有鹼水味，湯底鮮甜。這些都是我們兒時回憶的味道，聽閒這家麵店又會結業，一間一間的傳統店舖結業啦！經營幾十年的老店，兒時回憶的味道不經不覺買少見少！診有機會來吃多幾次先。

20210414，下午到了唐閣吃米芝蓮星級套餐，晩上想到旺角吃點地道美食和街頭小吃，看飲食資訊，得知有一家竹昇雲吞麵麵家，好旺角粥麵專家位於旺角洗衣街123號地下在門外可看到竹昇麵的開放式製作坊有緣就可欣賞到師傅製麵過程好旺角粥麵專家，算是香港少有仍堅持手工製作竹昇麵店家之一此店除了雲吞麵，也提供多款生滾粥和小吃調味料整齊排列在桌面上感覺乾淨衛生點餐一碗竹昇雲吞麵，一碗水餃麵有幾粒韭黃，湯底偏深色，傳統雲吞在下方，麵在上放的擺放先來一個賣相討好麵用新鮮鴨蛋打成，用竹竿䟴出來的麵，特別煙煙韌韌，且有滿滿的蛋香有四粒雲吞蝦肉爽彈，雲吞皮薄餡鮮湯底有大地魚、蝦殻、豬骨的味道，清淡鮮甜水餃有三粒，薄薄的餃皮能透視餡料水餃就唔算大隻，但蝦肉慷慨，餡料豐盛，餃皮滑溜，我個人口味就喜歡有較多木耳的水餃埋單: $74，$3X，就能品嚐到一碗極具代表性的香港經典美食-竹昇雲吞麵，價錢合理，物有所值，希望竹昇雲吞麵可以繼續傳承下去

📍#好旺角粥麵專家 人均消費: HKD48誤打誤撞食咗間 #米芝蓮美食指南 的麵店（其實食完先知😂） 裝潢就幾靚，但疫情關係分到迫坐得好辛苦😅 🆗鮮蝦雲吞麵🍜$37先嚐一口湯底，味道正常情況，可以話一啲味都冇！試咗一啖麵，我又唔覺得有啲咩特別喎，味道同口感都好普通… 😅 鮮蝦雲吞呢？ 除咗皮滑，無咩特別加咗罐可樂，$48結帳都算平，純粹覺得冇乜特別🤣🤣

響街度行行吓 居然見到有人un 竹昇麵唔理咁多就總之衝入去試吓食先爽脆魚皮個人認為都不錯不過做得未夠爽口至於雲吞同埋水餃兩個都處理得唔錯水餃食落去比雲吞更好食天氣凍嘅關係所以食撈粗個感覺就唔係咁舒服個面好快就凍冰冰啲汁就凍到定晒形相反食湯麵嘅就非常之開心但係無論係幼麵定係粗麵都冇乜鹼水味而且好爽口彈牙至於個豬手就簡直不得了超級入味極度林滑連骨髓都超級入味呢一餐真係食得超級滿足

中午突然之間想食粥同麵，在旺角，其實好多選擇，揀左下，見到好旺角粥麵專家幾特別，主要係因為在佢地既櫥窗睇到整麵既師父。我係十一點半去到佢地門口，唔駛等就入得門口有佢地既招牌食物：餐廳入面環境唔太大，比較古式D佢地餐牌在枱面就見到，主要係粥、麵我點左生菜鯪魚球粥同埋潮州魚蛋麵生菜鯪魚球粥有6粒鯪魚球，鯪魚球唔錯，估唔到花生係成碗粥既敗筆，粥本身就無問題。另外，潮州魚蛋麵既魚蛋就有5粒，魚蛋好爽，好好食。最後埋單$78，都算係咁，如果粥無果幾粒花生就好了。

今日放假行經旺角， 見到呢間「好旺角」， 心諗無幾可可以經呢頭， 所以就入去食返碗同傳統做法一樣， 雲吞放底， 麵在面但韮黃久奉無梘水味，麵是爽的， 但不彈牙， 老實講不少雲吞麵店同佢的水平都不遑多讓雲吞也是傳統做法， 一啖一口size 餡料係蝦同豬肉各半 但問題係，蝦無蝦味也不鮮， 豬肉碎都唔鮮， 㒌肉味，偏肥而且有少少豬羶味， 對我來講，係比較差的雲吞。雲吞都算滑， 但都係有啲位厚皮我覺得我食番屋企盒CP牌雲吞好過🙂🙂至於湯底除了咸味， 食唔出其他味。37 蚊一碗不算貴， 但同價位， 出色過佢嘅大有人在， 都係個句， 米芝連都唔可以盡信😗