好彩海鮮酒家 (已結業)

元朗好彩開張咗唔夠一個禮拜今日試新嘢去飲下午茶裝修幾grand坐得都舒服食物質素貫切好彩一向唔差嘅水準服務好好係埋單比較慢今日食咗蝦餃-皮都算薄,蝦都幾大隻又爽口,味道一冠好彩出品鮮蝦鳳眼餃-鳳眼餃上面鋪咗d蛋白,下面係蝦,幾清!唔錯鳳爪-冇乜特別蝦腸-蝦都算大隻,腸粉都叫滑.不過唔夠豉油百花釀魚肚-百花球太細舊,魚肚碎濕濕.不過味道都ok嘅雞包仔-完全冇薑汁味,得d肉碎,少少雞都冇鴨舌拼海蜇(小食)-唔太好食,鴨舌鹵水味味唔凡突出,海蜇同鴨舌一樣味肉絲炒麵($38)-味道唔錯,肉絲獻另上唔會整淋d麵.不過稍為細碟,多返1/3就啱價錢貴咗少少下午茶茶錢$10/位4個人食咗7碟點心埋單$250另外碗碟好油waitress話因為佢哋唔好洗潔精喎

今日專誠去新開無耐既好彩飲茶,俾我第一感覺係門面堂皇美麗,有D似童話感覺,入到去叫左十幾樣點心,基本上可以接受,唯獨價錢較貴及份量較少,整體食物質素尚可,但美中不足係服務員效率有D慢,同埋餐具有D污跡,衛生方面要加多改善。我會推介$12煲仔飯,佢既飯吾會過燶、過硬、過淋,口感甘香鬆軟,我叫既臘味煲仔飯既份量都多,D料算新鮮,叫個小點心都成$8.5,$12煲仔飯填飽你半個肚子,可以話抵點心要彈係珍珠雞有D怪味,吾知係D飯/料有問題,還是包住果塊葉造成,如果大家叫哩樣點心時再有同樣問題,不妨係食評上再次指出或在佢俾你既意見表上寫低,然後投放酒樓附設的意見箱內等佢改善,為大家既飲食權益謀福址埋單連加一及貼士$200,仲諗住連加一不計貼士過$250,可謂意料之外,但整體既食物質素、環境都值得下次再來。