好客來餃子店 (已結業)

本來想試附近一間美味既餃子店，但太多人排隊，放棄左。見行前兩步都有間餃子店，就入去試下。食左碗鮮肉白菜湯餃，好足料，一咬開 d 「涵」菜肉都好平均，唔會話勁少肉，至少我唔覺，所以食一碗已經覺得好飽。另外，我無叫野飲，但食完之後，又飲左幾多湯下，之後都唔會話太口渴，應該唔算落左好多味精👍🏻 所以我都建議大家黎呢間舖頭試下，支持下小舖。另外，入左舖頭發現有得租差電器，對於一個手機得返幾 % 電既人黎講，絕對係一個bonus~

原本試另一間餃子店，好失望售罄，行去隔離街見到呢間好客來餃子店寫住無味精，所以一試。店內今日人手不足，有點手忙腳亂，🤦‍♀️等左好耐30-45min先有得食,原來係即包即煮嘅，好彩都幾好食，真無味精，飲左餃子湯都無口乾， 韭菜豬肉餃同粟米豬肉餃都好好食。。

太子區荔枝角道至基隆街一帶可算是吃餃子的一個聖地，幾乎城中有數的名餃子小店都雲集在這兒。小弟有幸地嚐過其中大部份的，有部份確是實至名歸般的好吃，但更有大多的是名氣夠大但水平只屬一般之流....今天獨個兒摸到來人流甚稀疏的柏樹街，找到了這一所像新開不久的餃子小舖。萬料不到，這兒的出品竟是小弟近來食過最出色的餃子....餐牌內的選擇，差不多是清一色的各款餃子。今日心無旁騖只想只吃餃，就點了七隻淨放湯的韭菜豬肉餃，再加同樣七只煎的芹菜豬肉口味的....一開口落單，侍者就用正宗的純國語作對答。不說還以為身在內地呢....看見檯上放有一小樽醬菜，色水紅噹噹的甚吸引。看到鄰座的阿姐食得津津有味，也就有樣學樣地掏一小匙進碟當成開胃菜吃。原來那一顆顆小粒是蘿蔔來的，咬進口爽爽脆脆，辣度調得剛好帶少許微嗆，很過癮。間中吃著好幾粒青豆仁，挺有趣....這兒的餃子湯是平常的跡近像"白水"般的底，好處是真的沒下師傅，但壞處則是真的沒有甚麼味道。餃子旁還搭了兩條青菜，感覺上食得更健康....餃子皮不厚身但卻包得相當紥實沒有一夾就散之弊；咬了一小口，饀內全塞滿韭菜碎與豬肉，兩者比例接近參半混和得剛剛好，而且味道調

第二次幫襯，點了芹菜餃同雲耳餃雙拼，但結果上咗韭菜同雲耳，不過無相干啦。先喝一口湯，同上次一樣，是用大地魚和豬骨煲的，十分清甜，飲落好舒服而且感覺好健康。至於餃子大大隻，相當飽滿，細薄的皮包著豐富的餡料。兩款之中我比較欣賞雲耳餃，咬落有鮮甜嘅肉汁湧出來，加上爽口的雲耳吃來一流。韭菜餃都好香，好有韭菜味，不過相對肉味被蓋過了，而且肉汁冇雲耳餃咁豐富，不過整體還是不錯的。這裡的餃子偏向多菜少肉，不會很膩，調味也只是恰到好處，想吃得清淡一點的話是個很好的選擇。下次還會再來試試粟米餃同香菇餃。

本身是想去食美味餃子店可惜去到時未開門見到黎間在附近既餃子店膽粗粗入去試下店員全是操國語的不過都會聽廣東話既我地點了粟米餃芹菜餃白菜餃所有餃子都皮薄料多 粟米鮮甜肉料是手切的所以有口感層次及肉汁芹菜超香芹菜勁清新白菜是黃牙白 對比粟米及芹菜靠淡 不過仍食到啖啖黃牙香既清甜味因為都係手切關係食得出有纖維質感店方無用味精 所有味都係靠食材新鮮及選料發揮出來可惜肚子放不下 否則一定會叫埋個煎韮菜餃子令人回味 十分滿足既一餐誠意推介給大家

太子開左好多間餃子店，當然各有各的特色，呢日出街食飯，盲無目的咁行左一陣，未諗到想食乜，行到去呢間，見食餃子，咁就行左入去。間鋪唔算大，同阿姐講要食乜，點知阿姐完全唔識講廣東話🤪惟有用好有限既煲冬瓜同阿姐講食乜🤦‍♀️揀左鮮肉韭菜湯餃($40) 呀🤤餃子總共有10隻，隻隻都好足料，亦都算幾大隻，皮都簿，而湯底就用大地魚，鮮雞，鮮蝦米及豬骨而成，所以非常之鮮甜😋食餃子最緊要配上辣菜蒲，這間的菜蒲夠足料，不會太辣👍🏻下次食煎餃先得😋

在太子近大南街蝙隔2條街, 不是朋友介紹, 真的不知道甘好味道, 又好正宗的餃子店。  好想推介一下........門面真的很乾淨清潔, " 好客來餃子店" 就入眼睛了, 好清潔清晰的店名。 MENU簡單易明, 容易點菜。 韮菜豬肉湯餃子 : 清湯底配上味重的韮菜豬肉餃子,  味道配合的剛剛好。 白菜豬肉餃, 即叩即煎, 超好食, 燙咀都會想食下去.......香菇豬肉煎餃子 : 香菇未出, 香煎好野味, 好好食。店面店內都很清新, 店員好有禮貌。  從來都未食過甘好味甘新鮮的即叫即煮的餃子, 感受到店主的誠意, 值得一試。 

今日被調到去太子工作，當然襯機會同同事外出揾食。同事就帶左我地去一間新開無耐既小店食餃子。BTW太子嘅物價真係比中環平好多。韭菜煎餃 7pc /$34 10pc/$42每只煎餃都好飽滿，肥肥的，勁多韭菜。外層煎到金黃鬆脆但又油膩，點埋黑醋，正。而且會配一碗清湯，等大家無咁熱氣。香菇湯餃 7pc/$35 10pc/$43北方餃子既皮一般都比較厚，但呢個皮厚度剛好，大大只，好飽肚。同樣有足料嘅香菇，食落好香口。牛腩河 $30相對餃子，呢個河粉就遜色得多。叫牛腩但一滴腩汁都無，味道淡而無味。粉又好幼，煮到一餅嘢咁。不過算啦，人地打正旗號賣餃子，粉麵都不能要求太過。店員連小小廣東話都唔識，操一口正宗北方口音，勁重捲利，也為小店添上一陣地方色彩。下星期如無意外都會係太子翻工，到時再四出捐0捐 na 揾食