好好運快餐店

营业中

休息中

好好運的好好運快餐店🤭朋友極力推薦喜愛食沙嗲牛肉嘅朋友必食包你一試難忘。講到咁星期六就專程去到荔枝角食個午餐。嘩！令我難忘的是一寸厚紅腸，大開眼界之餘仲大飽口福，大口咬落紅腸味道同口感非常滋味。到主角沙嗲牛肉，沙嗲汁極之香濃帶有花生醬香味，配上洋蔥滋味無窮，朋友果然無介紹錯。👍🏼

位於荔枝角永康街既好好運快餐店，馳名沙嗲牛肉麵，今日下午到店食個午餐，點了一個簡簡單單既沙嗲牛肉煎蛋飯，加一杯菠蘿冰。很快就上餐，大大碟仲有多多既沙嗲牛肉仲有兩隻太陽蛋，沙嗲牛肉味道偏甜少辣，仲有濃濃既沙嗲醬，個汁很濃稠的，鍾意既會鍾意呢種味道，十分下飯，牛肉唔硬算淋，最緊要個汁自己鍾意，性價比一般。口味：🥚🥚🥚🥚环境：🥚🥚🥚🥚服务：🥚🥚🥚性价比：🥚🥚🥚

荔枝角出名食沙嗲牛肉既好好運快餐由細鋪搬大鋪，人流依然不減，中午時段大排長龍，不過座位多左好多，所以等十零分鐘就已經可以入座。🔹極上沙嗲牛肉套餐 $80轉米通 配炒蛋同煙肉 沙嗲牛配米通真係絕配！😍極上沙嗲牛肉嘅份量好明顯係比正常嘅多啲，佢嘅牛肉係來自澳洲穀飼無激素牛，口感亦都好滑，一啲都唔柴唔黐牙。沙嗲方面都唔錯，好濃沙嗲味，但少咗啲花生粒。不過整體嚟講都好好食。炒蛋超滑，份量亦都好多。煙肉煎起上嚟唔柴，仲保留住煙肉嘅鹹香，正🤤雜果冰勁多雜果，味道偏甜，幾好飲。🔹沙嗲牛肉套餐 $58出前一丁 配炒蛋同煎蛋 另外叫咗個正常嘅沙嗲牛肉，佢同極上嘅分別係肉質同份量，佢比起極上沙嗲牛肉嘅份量少啲，肉質方面又冇極上嘅咁嫩口，但係個人認為已經好好食👍🏻值得一提既係煎蛋極靚仔，係燶邊流心蛋😍凍檸茶正常發揮。特製豬扒+$15 (點餐嘅時候要講埋，不設另加)豬扒好厚身，但係肉質偏乾，可以唔叫🙂‍↔️

在荔枝角附近幫架車換機油。等既時候就去咗週邊揾間茶餐廳食個下午茶，原來附近有一間「世一」沙爹牛肉茶餐廳，「好好運」。咩都唔駛講，梗係入去試一下。試咗佢個沙爹牛肉麵，同一個牛扒下午茶餐。它的沙爹牛肉麵係好食的。主要係牛肉好味，至於你說它的沙嗲是否超級世一，我感覺係好過好多茶餐廳，味道濃，但好似又未去到一食就感覺超強。反而個牛扒有驚喜，肉汁同質地都好好，煎得很味。所以相比個沙爹牛肉，我更推薦這個牛扒。兩個人，100元落樓，性價比都唔錯。

經過荔枝角靈機一觸諗起依間傳說中的世一沙嗲牛係附近，一於決定黎試一試佢！店鋪都算大，但平日下午2點半黎到都坐無虛席。🍠沙嗲牛肉麵餐 $58麵餐可點兩款配菜包飲品，冷熱同價。傳聞紅腸都好出名，於是點佢既金牌沙嗲牛肉麵餐配紅腸同煎蛋。紅腸夠大條，外皮香脆，幾好味。個麵有啲淥耐左太淋身真係NONONO，至於沙嗲牛肉個人覺得一般，冇世間形容到咁出色，同埋食多左都會有點膩，但份量都算幾大碗。以依個價錢黎講都少貴雖則包埋野飲，我都應該係慕名而來先會試一試。📍好好運快餐店荔枝角永康街79號創匯國際中心地下B號鋪

星期六下晝兩點幾到達依舊人龍不斷大概有10幾人排緊大概排咗10分鐘就可以入去了今次係第二次食上次叫極上沙嗲牛肉套餐食落同普通牛肉食唔出個分別所以少少失望今次俾多次機會佢😆🥢沙嗲牛肉麵餐$58 包冷飲或熱飲沙嗲牛肉公仔麵+火腿，炒蛋炒蛋軟滑有蛋味火腿就正常加工肉炒蛋遮住嘅沙嗲牛肉汁醬先係主角通常第一啖即刻試食滿滿嘅沙嗲牛肉最濃味之後撈勻就會變成沙嗲湯底牛肉軟腍冇筋成碗湯唔會太鹹🥢酸辣吉列豬扒米線$58+ $9凍檸茶酸辣米線同出面食到唔同佢唔係好酸，亦唔係好辣但有少少檸檬酸味食得出係自家製冇味精湯底如果想食濃郁酸辣口感呢個就未必啱吉列豬扒超大塊而且有厚度炸得香脆，但唔油膩配埋沙律醬食好開胃🌸🌸🌸🌸🌸香港有好多出名嘅沙嗲牛肉麵店呢一間算係出色食到濃濃沙嗲花生醬味食完唔會話好口渴但酸辣米線就應該唔會再試

今日喺荔枝角附近，梗係要試吓呢間傳說中嘅世一沙嗲牛。之前網上見到啲評價好高，果日係平日嘅下午，嚟到要排隊，大約等咗10分鐘左右就有位，都算幾快，而餐廳都算幾大，同平時茶餐廳嘅裝潢差唔多。呢間餐廳最出名係佢哋嘅沙嗲牛，可以配飯、麵或淨沙嗲牛，好多配搭，而今次我就嗌份沙嗲牛肉麵餐。碗麵好大碗，好足料。而個沙嗲湯底有陣陣嘅花生香味，未食已經聞到好香濃惹味，而個牛肉煮得啱啱好，唔會話太靭，而個面嘅質地啱啱好，唔會太腍。呢個套餐仲可以任選兩款配料，我揀咗太陽蛋同腸仔，成個餐都好豐富好飽肚！整體嚟講，個餐幾抵食，份量又大，味道方面濃郁得來嚟唔會太重，鍾意食沙嗲牛嘅朋友一定要嚟試吓，食過呢間真係返唔到轉頭！

老常看見這間茶記小店的沙牛麵如何了得，某天終於下定決心一試。一碗沙嗲湯麵，先不說牛肉，沙嗲炒的真心濃郁，是如何炒的呢！牛肉當然應該惹味，充斥著滿滿的沙嗲香，可惜只得數小片，還有些靭，難道是太多人叫未煮得夠透嗎？教人如何理解？午餐肉就更加麻麻，根本就沒有煎過，雖然大塊但就超級極端的鹹囉，毫無誠意。紅腸雖則同樣無煎，但本身皮脆肉夠味，此乃正常貨色，根本很難不好食。麵條方面，一到即食，都已過腍，絕非小人的那杯茶。並非如傳聞中的出色。

尋日沙嗲牛肉麵的故事，假日約了友人去香公順便食lunch，諗返出名的好好運都係左近，趁今次即去試下。!假日加上食飯時段都幾多人要排隊，排隊果陣順便睇定食咩或點埋餐慳時間，排左10分鐘到有位，都算幾快。餐廳面積頗大，裝潢簡約格局一目了然。餐牌，沙嗲牛肉麵都有分幾款，特濃、極上等等，同茶記基本有嘅野。沙嗲牛肉麵餐，$58。好大碗份量十足，沙嗲湯底味道濃郁有花生香味，麵底質感正常，每啖都食到沙嗲的濃香惹味好滿足，但食食下都有少許漏，牛肉份量頗多口感嫩滑，任算兩款配料揀左太陽蛋及餐肉(個人like餐蛋麵組合)，十分豐富好飽肚。熱咖啡，正常水準。果然係傳聞中的沙嗲牛肉麵，幾好味，而且幾抵食，下次有機再戰。

第一次來試，見佢咁出名慕而試，本來仲諗住一步到位食最貴果個極上澳洲沙嗲牛！要$80仲覺得好似好貴爭札左一陣，點知原來得星期6有！唯有叫正常果個$58蚊嗲牛餐！佢其實幾抵食！算幾多牛肉又大塊又勁厚！唔似出面果d碎濕濕咁！個沙嗲味係我食過最鐘意果種！紅腸好大塊又夠厚煎香埋好正！個煎蛋有料到，正宗係煎蛋燶邊，唔駛專登叫佢都識咁整！100分！如果有機會真係要試埋果個極上沙嗲牛餐！呢間真係d人沒吹錯！果然係世一沙嗲牛！暫時係我食過嘅最好食！

以沙嗲牛肉面驰名的人气美食小店，租约到期结业后又在荔枝角重新营业。充满了对香港美食的探索欲，特意过来吃个早餐。🪴环境：开在少量车辆通行的隐蔽街道，装修很新，光线明亮，门窗玻璃上贴有一幅画，生动雅致。店面宽敞，堂食空间很大，桌位多，有些嘈杂。早餐时段去的，生意非常好，接近满座。🍜沙嗲牛肉滑蛋午餐面：早餐时段，百搭早餐，任选三款。沙嗲汤底香浓，有一些洋葱和花生碎。牛肉片块大厚实多汁，肉质还行，有可提升空间。午餐肉厚切，吃着不怎么热乎和焦香，风味一般。滑蛋细嫩，浓郁的蛋香，我很喜欢。面质正常水准，分量很足。没有撒葱花，总觉得少了些什么。冻奶茶好喝，正宗港奶的味道。价格适中，很多街坊打工人在这里就餐。🛎️服务：第一次在香港餐厅看到餐牌上写着冷热饮同价。点单的男店员年轻，服务态度非常好。📍香港特别行政区深水埗区荔枝角永康街79号创汇国际中心地下B号铺。

今天早上要在荔枝角開會，開完會後朋友說帶我去食一個超出名嘅早餐，咁就當然要跟佢試試啦！去到好好運快餐店後，原來是茶記來的，10點鐘左右都重好多客人，朋友說這裡的沙爹牛肉好出名，咁我就試試佢個沙嗲牛肉米線再加炒蛋及回鍋肉，再加多杯凍齋啡走甜。咁個米線就好快黎到啦！份量都是大碗的，沙嗲牛肉選用牛林片，師傅好好手勢咁去埋根，最重要係醃得唔會好林，有口感，而沙嗲味道都好濃，再配上回鍋肉感覺就變得咸左d了，但總結味道係出色嘅，杯咖啡就普通左d,價錢早餐黎講就偏貴一點。

25/1/2025📍好好運快餐店🙆‍♂️講咗好耐想嚟試呢度嘅沙嗲牛麵 呢日星期六中午12:00嚟到 排左5分鐘就入咗去 但食緊期間見到越來越多人排隊 真係好旺場⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨極上沙爹牛套餐（$80）沙爹醬非常濃厚 甜同辣嘅比例啱啱好 花生味好出 係重口味之選🤩 就算撈埋湯都好夠味牛肉有啲厚度 唔係碎濕濕薄切切 份量仲唔少添 食極都仲有 我哋一個揀咗烏冬 一個揀咗出前一丁 而配菜方面 就揀咗炒蛋、煎蛋、紅腸 炒蛋同煎蛋都正常 紅腸比普通嘅粗好多 煎香咗都幾好食😋 大推紅腸！嘢飲揀咗凍奶茶 加錢要咗紅豆冰呢個套餐雖然貴 不過份量真係好足又好食！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單~$166（無加一）我哋都好少食沙嗲牛麵 好難講呢間係咪最好食 但我哋都幾鍾意呢間嘅調味推薦指數🌟：4/5📍荔枝角永康街79號創匯國際中心地下B號舖

荔枝角名店「好好運」終於食到喇～一食就連續食咗幾次🤤🤤😎平日經過12:30排滿人，觀察咗好幾日，1:30之後就會比較少人！有次兩點去更加唔使等位！沙嗲牛肉麵出名就好多人知道，今年想推薦少啲人知嘅嘢食。 🤤🤤🤤好好運嘅扒類係好值得大家嗌因為份量超大牛扒煎蛋公仔麵額外加沙嗲汁亦都係比沙嗲牛肉更豐富嘅選擇！同埋佢啲煎蛋全部都係太陽流心蛋，撈埋啲麵食真係超正🤤🤤🤤🤤仲有1:30之後先有得嗌嘅大大份鹹牛肉蛋治。👍🏻👍🏻👍🏻呢個茄汁雞扒炒蛋飯睇相就知真係冇得輸。

下午茶時間幫襯唔算好多人排隊沙牛雙太陽旦麵，得，不過未至於好特別淨沙牛，份量多，夠熱沙牛偏甜，唔覺超群，同唔少茶記水準差不多吉列豬扒，似冇醃過，不韌，普通，切好上碟一堆咁火腿奄列，大型，旦完全煎過龍，餡係甜茄汁火腿，似N年前大家樂嗰d，同光榮差好遠奶茶普通，凍飲算稍細杯員工有禮積極地方普通整體就係普通，ok