好地方食館 (已結業)

晚上在觀塘鴻圖道真係無選擇，只有這間好地方，無計就入去食，地方真的不清潔，還有陣坑渠味😵，無曬食慾，所以叫左五香肉丁+雞翼麵，火腿奄列+多士，熱奶茶。等左10分鐘就有得食。點解五香肉丁得2塊又無味、又有點凍😰，唔好食！雞翼size偏細隻但不是炸定所以又熱又脆😋。一丁麵口感都可以，不太硬和腍，但個湯唔之點解無味😰。另外，多士脆但好少牛油，似白方包一樣😭。奄列不過不失，都夠熱，但油多。食完就即走，此地不宜久留。$38，值不值，見人見智，但我無下次。

星期日既Late Lunch，Studio附近冇咩選擇，又食好地方啦。見天氣咁好，好到好似去左泰國一樣，就一於黎個海南雞飯啦。其實對茶記海南雞飯冇咩期望，點知出黎又唔錯wor，首先就真係冇骨，食落啖啖肉，而且都係我中意既雞胸。油飯就不過不失，叫做有50分啦。比較可惜係冇黑豉油，得蔥油同薑蓉，不過係茶記黎講我都會比70分。

近年有不少特色餐廳進駐工廠區，裝修有個人風格，菜式又夠fusion，如果想坐耐少少係唔錯既選擇。間唔中想食個頹飯，就更加要到工廠區食，一來味道夠地道，二來價錢平，加上上得快，啱哂無乜時間既時候醫下肚。已經唔係第一次黎好地方，之前幾次黎係因為佢開24，係附近做完野過黎食番個泰色湯河又得，食海南雞飯又得，好地方實滿足到你，而且味道都唔錯。今次嗌左個餐肉雙蛋飯，侍應拎埋黎時真係嚇一跳，餐肉煎到少少燶，蛋亦煎到啱啱好，介乎蛋白熟而蛋黃未熟之間，碟飯放落黎果下個蛋黃彈下彈下咁，就好似細個睇緊賣彈下彈下既布甸廣告。急不及待用叉開個蛋黃流啲蛋汁落飯度，撈埋外表香脆既餐肉一齊放落口，媽呀，究竟邊個話呢個係頹飯黎架？

母親節晚中午要到觀塘做野，星期日工廠區到到都唔開，得呢到一個選擇。冇乜信心都係叫簡單野穩陣，點左個叉燒蛋飯。估唔到份量多，隻蛋仲要煎到流心，係叉燒略為淡口，不過咁既格局都唔可以要求太多啦。

Reviewed on 2013年4月8日 觀塘好地方 - 出前一丁餐 彈牙: 7/10 味道: 6/10 又係先落粉的... 麵底總算有少少味，不過一「撩」開碗底未溶既粉就鹹到食唔出麵本身既味。一開始都仲算彈牙，食埋d餸再食麵就開始「林」，sosad。

心血來潮好想食鋸扒又黎呢間茶餐廳.叫左個鐵板西冷牛扒5成熟配薯菜,黑椒汁.當然要等啦!時間都好合理.不過黎到見到... 無薯條!? 即同阿哥講: 阿哥呀! 我係叫配薯菜woo! 阿哥話: OK! 等陣.咁都意為係留左...等左陣... 好笑事出現.阿哥比左一碗...唔係薯條.... 係咖哩薯仔嘩! 咁都得!? hahahahaa不過我都幾鍾意食咖哩薯仔嫁woo重要佢地d咖哩薯仔入味得黎又唔會爛晒咁. (幾得woo) hahahahaa西冷好淋,無根,都唔會無晒牛肉本身d味. 夾黑椒汁都唔會比搶左. 85分茶走都係唔夠茶味. 50分真係第一次 黑椒西冷牛扒配咖哩薯仔一次過兩種汁!hahahahahahaa

要上堂知會夜所以路過此地食d野先.叫左個茶餐. 5:36pm滑蛋牛肉飯+茶走 滑蛋牛肉飯 (一般60分) 牛肉係滑不過無乜牛肉味. 漂到無味.但過有草菇成個飯香晒. 茶走 茶味太淡. (一般50分)5:46pm 比錢走人.一個字"快"

這裡環境不像其他茶餐廳那麼逼﹐店內盡頭亦有空間放著四﹐五張枱。 因那裡人比較少﹐所以嘈音亦比較少﹐環境比較清靜。 電視不只有影﹐還有聲。食物味道不過不失﹐是日叫了海南雞飯$33﹐價錢與同區差不多﹐亦有湯與餐飲。白飯份量足夠﹐海南雞的肉質亦不錯。如不用排長龍﹐這裡亦是一個不錯的選擇。

向正公司對面, 不過去果度食左一次, 叫過幾次外賣...野食系ok的, 價錢都同普通既差唔多....不過如果去果度飲茶就唔好了, 太差....環境差...之前個同事有左bb, lunch我地就同佢飲茶當慶祝佢既bb就黎出世...去到, 哇...乜甘架, 好多細細粒既野向冷氣口飛出來.....空氣有陣霉味...好似十幾年都冇開放過俾人入黎甘....不過食物系完全冇問題既...

今天和同事們到好地方的日本餐廳吃午飯。叫了一客滑蛋豬扒定食，豬扒不新鮮，肯定是隔夜或翻熱的。價錢48，完全不值。裝修及枱椅殘舊，餐具只是茶餐廳的款式，加上食物質素差，完全不值48元，我看只值旗下茶餐廳的午巿套餐價錢﹗不會再幫襯的了﹗

昨天去食....價錢好合理...嘢食都ok la! 由其是海南雞飯好好食呀!

LUNCH 都要成$3X , 幾貴. 又唔係話好食.... 抽風系統有問題,成身油煙味!

好地方食館座落公司附近，所以一個星期梗有一兩日會貪方便走去幫襯。堂食快餐跟普通茶餐廳質數無異，不值一提。要提及既係因禽流感無雞供應而推出既外賣鹵水飯餐，$20一盒鹵水四寶飯，內容有鹵鴨、紅腸、脯肉、鹵蛋，味道不俗，而且份量十足，不過唯一缺點係脯肉太肥，真希望可以改改呢個四寶配撘。隨餐附送細罐裝綠力，算唔錯喇。

今日攝氏33度高溫下，在高密集工廠區觀塘午餐。選擇了高危無比的----魚生飯！由於自小受地獄式陪訓，上晝坐完過山車、下晝坐海盜、跟住再坐過山車。其實真係無咩嚇到我。意料之外的係呢個切粒魚生飯，係無蟹柳的。用料是立魚3文鰻魚墨魚螺片青瓜雞蛋等。跟湯和水果。品質同味道及價錢都合理，由其在工廠區內。能夠提供如此水準的魚生。只不過價錢稍高（與同區比）。係好在乾乾淨淨。其實，對生食物的食物安全作討論，搵我係無用的。因為我真係好勇，無咩唔敢食。