好呷台灣火鍋

营业中

休息中

吃到飽台式打邊邊-好呷台灣火鍋平日黎到呢間放題台式火鍋，唔使等位架😂因為唔係好食海鮮，order 2號set款式都好多，都啱晒食肉獸㗎啦🤪幾款牛當中，牛小排同風門樓都唔錯😛台式湯底，梗係要配返麻辣，叫咗麻辣鴨血藥膳同埋酸菜白肉，酸菜白肉仲有得無限追加架😂不過個人蔘醬有d特別，唔係太match😶‍🌫️台式飲品同其他飲品都可以任飲，仲有台式小食同甜品🫣真係吃到飽飽😋

一家大細，各有所好，所以需要較多的食物選擇。整體很平均，環境不錯，食物質素okay，食物款式多，價錢都在期望之中，可以再來幫襯。自己喜歡飯後的幾款甜品，特別係奶蓋雪條

終於試到牛角集團嘅好呷台式火鍋，餐廳名好明顯用咗台語，呷到飽即係食到飽嘅意思，我哋嗌咗台南餐，主打牛小排羊肩肉🐐，手機點菜仲見到鴨血雞子依啲，現場都有台式小食鹽酥雞鹽水雞絲沙律各式菜丸飲品就冇得飲啤酒🍻，除非加錢就可以飲蜜糖啤酒鳳梨啤酒。需要自助加湯，最後只有每人一杯甜品雪糕，當然在手機落單嘅時候可以一啲台式嘅甜品，例如係芋圓檸檬愛玉等等。但係對於佢哋嘅沙白大蜆超失望，入邊有好多沙，完全清潔唔到，咁嘅價錢可以更加好嘅質素🥲🥲。星期六夜晚七點都陸陸續續開始多人，當然可以用OpenRice book位。每位$320食兩個鐘頭，整體而言只可以係合格水平，我覺得可以食其他台式火鍋，起碼沙白會冇沙。

今年平安夜同老公嚟咗呢間好呷打邊爐，我哋鍾意嚟銅鑼灣分店因為比較闊落，而旺角分店就比較迫。平安夜做緊聖誕火鍋盛宴，湯底可以揀龍蝦濃湯底，有海鮮拼盤送，會員仲有七五折，每人都係三百幾蚊。肉類亦比平時多好多選擇包括美國和牛肩脊、牛小排。送嘅海鮮拼盤亦都有驚喜，本身冇乜期望，但鮑魚新鮮幾爽口、蝦亦都唔錯正常發揮、蠔都幾鮮甜。Menu仲有蜆可以逐隻叫，雖然細細粒但係都幾鮮甜。總括呢個邊爐變咗海鮮邊爐幾抵食！

🍴任你行•環島 晚市 120分鐘 $508🍴日本九州黑毛和牛肩胛肉真心係日本會食到嘅和牛，好軟腍，油脂豐富，好重油香，牛味幾香！不過食多幾碟就好膩。🍴美國SRF和牛牛助粒 手切牛下肩胛翼板都有牛味，ok的。🍴海鮮星斑魚柳正常，帶子都大隻，虎蝦彈牙有蝦味幾OK！🍴蔬菜丸台式小食好多選擇好豐富，可以出去自助夾。🍴嘢飲推薦桂花烏龍，幾清香解膩。🍴甜品紅豆湯偏甜，愛玉酸酸哋解膩，會有個moverpick雪糕送~推薦指數: 8/10有少少貴，不過朋友有折，ok的

今日次同朋友選擇食咗一間台式火鍋，佢有午市同晚市，分別可以座100分鐘同120分鐘。分別有4個選擇比我哋揀，有喜歡食肉嘅你當然要選日本丸州黑毛和牛肩胛肉重加麻好豐富嘅海鮮比我哋去選擇，如果唔想食海鮮，都可以只係選咗食肉嘅plan，真係好多選擇。另外湯底都有好多選擇，有辣同唔辣嘅選擇我同朋友選咗咗好呷酸菜白肉鍋，我哋當日不選咗食海鮮，所以只係選擇咗食肉plan。穀飼牛封門柳 -好新鮮美味豚梅花肉 - 肉質嫩滑嫩牛肉 - 好新鮮蔬菜丸類- 有娃娃菜、蘿蔔、台式貢丸等等飲品區- 多元化檸檬愛玉凍熟食小區醬料區

今日收工約咗好耐冇見嘅朋友食飯，去咗一間喺銅鑼灣時代廣場對面樓上嘅打邊爐，我哋咁啱星期五去，需要拎籌號排隊，最後都等咗起碼30分鐘先入去，可能因為我哋兩個人嘅關係，兩個人枱好似比較快，餐廳嘅位置非常方便位於銅鑼灣廣場對面，如果喺銅鑼灣地鐵站行出去嘅話就最好選擇A出口，行出去大概我估都係5分鐘距離，見到有一個大堂搭𨋢上去就係，位置嚟講真係非常方便，適合朋友同埋家庭聚會，因為附近都有得泊車，絕對方便！✔️餐廳分咗熟食區，醬油區，自助食品區，飲品區，其餘嘅食物就係用QR code落單，code通常都係叫肉類海鮮同埋甜品。整體嘅都非常方便，而且可以省卻到人手，令到成個流程更加快，呢一個位做得幾好，而且食物都非常快送到，絕對唔會好慢，餐廳用咗送餐機械人，非常搞笑！✔️飲品區非常多種類唔同選擇，當然有大家最鍾意嘅汽水，亦都有餐廳自家製嘅酸梅湯，同埋一啲自家製嘅冷泡茶，我同朋友就選擇咗冷泡茶，炎炎夏日，最適合飲啲凍嘅嘢，亦都非常配合火鍋嘅味道，清清地我哋揀咗白桃烏龍，亦都有唔同茶嘅選擇，大家可以隨意選擇！✔️熟食區就非常有驚喜，彷彿好似反左台灣嘅夜市，有即製芋蓉蛋餅，鹽酥雞地瓜球，蝦餅，仲有角色各類嘅台灣

咁啱經過銅鑼灣見到時代廣場對面有幾間食肆，就行過去睇睇，而元氣上邊就係好呷。👆🏿依間食肆主打台式火鍋放題，咁午市就分為幾個唔同嘅放題選擇，有正常款式、同埋午市100分鐘、60分鐘放題。但係由於午市指定放題係冇牛板腱食，所以我哋選擇咗正常款式嘅Level one $198+10，🐮🐮而佢最平嘅60分鐘放題係只需$98👍🏿講返食物方面，我哋揀咗個湯底係沙茶豬骨湯，捧上嚟嗰下就已經有好香嘅沙茶味。而佢哋出面都有唔同嘅手搖飲品同埋自製泡茶飲，熟食都有唔同嘅台式風味小食可以揀，尤其是炸物種類非常之豐富，但係衛生方面要做好d，因為我見到炸蝦卷個到夾住一絲頭毛😂🦐而講返最重要嘅牛板腱，我哋可以見到佢將一片片切成好細，令到成個口感豐富同埋易入口，反而牛五花味唔係好出總括而言，成個性價都高嘅，可以再去

好呷台灣火鍋好抵食，有會員折扣優惠每位$17X，任食的前菜都有很多選擇，例如有爆谷、炸魚皮、芋圓糖水等等，真係好豐富，而且味道都相當唔錯👍打邊爐部份我哋狂食牛五花及豚梅花肉，肉質嫩滑，相當有水準，其實都唔記得食咗幾多碟囉，如果想吃任吃台灣火鍋，非常建議來呢一度試試，性價比確係相當高😃

同舊同學打邊爐，銅鑼灣”好呷”。自從牛大人幾年前爆紅之後，周圍都開咗好多台式任食邊爐，而且規格越做越高。呢間”好呷”，基本嘅嘢都齊，台式嘅嘢飲嘢食都有唔少選擇，連爆谷都有。不過講性價比同牛站系列有段距離。

因為係牛角會員 一早就知道了這間餐廳 可惜一直未有機會去試 咁啱見到佢呢個月有個 熱能互動 情緒宣洩餐星期一至五 2位 $288 （加一跟原價$396）反正都係1個鐘 半自助 +2款肉 150g 每人，咁都真係好化算同好快食完 可以早啲番屋企。我揀咗M5牛肩胛 同牛小排 ，都係中上嘅品質，M5牛肩胛都滑身 同有牛脂香味 ，牛小排 有少少咬口 但都唔錯 幾香肉味。半自助喺蔬菜丸類面食 選擇基本上同 同集團嘅 火鍋店差唔多 但比起我去開嗰間真係乾淨企理好多 而且多咗啲台式小食 都唔錯 一定食得飽 當中鹽水雞真係好味 食咗2轉。但就唔見有甜品。。。。

入到去一陣台灣小食嘅香味撲鼻而來，個肚即刻響起嚟！首先畀距菜單一睇，咁多款湯底，心諗：「真係唔易揀！」最後決定响兩款免費湯底中揀一個，開始嘅豪邁食肉之旅。瞓眼望去，火鍋料任撈～從海鮮、肉類到蔬菜都仲要揀得我眼花撩亂。牛肉兩份就必點啦，上嚟嗰刻片得咁靚，又薄又均勻，涮咗兩下已經軟滑得嚟入口即溶，真正「正」！爽口滋味真係令人回味！話說，小食選擇多到你講「咦」，貢丸、墨魚丸同甜不辣，每款都係勁惹味，仲有啲典型台灣街頭風味。飲料方面亦都有冷泡茶，又或者想飲嘢涼快啲，有凍飲選擇啱哂天氣熱辣辣嗰陣飲。食到尾聲，甜品小小份，小清新下，平衡返啲口味，唔會太膩口，食得又盡興又滿足。寫到呢度，個嘴又諗起嗰肉味，喂，下次仲要再嚟喎！🥣🥢🍨

🍢行過銅鑼灣，夜晚轉角聞到陣陣台灣小吃嘅香味，忍唔住拉埋門口一睇。嘩，入面擺滿咗色彩繽紛嘅菜色，仲撩人過任何美食節目，真係禁唔住咗，入去計劃吃個夠！仲有得揀嘅是一個沙茶豬筒骨鍋，勁惹味！沙茶底湯香得嚟唔嗆鼻，湯轉到豬骨嘅鮮呀，d湯滑得嚟香噴噴；而啲豬筒骨大塊又多肉，一啜湯，一口骨，簡直係溫暖心窩。過咗肉嘅沉濃，轉戰泡椒鍋，嗌到食客頻讚。呢款酸辣感透心涼，酸得用心機，辣得剛啱"食口"，醒胃得嚟又岩哂夏天。唔一會嘅時間，上咗串烤物，汁水講真係流晒出嚟，啖啖肉香霑口邊，簡直係煙韌有勁，✨天呀！食呢啲，諗起仲有三星蔥爆漿貢丸，嘩！啲蔥味簡直飄散成間店，一咬落去係直情爽到喊出嚟！食完嘅朋友，你話咪緊係要來盤綜合紅豆湯啦。啲紅豆嘅香甜夠晒滋味，同其他糖水材料混到一齊，舌尖嘅美妙碰撞呀。最後嗌杯珍珠奶茶，滑滑珍珠配上濃滑奶茶，真係話晒都要贊個"正"！食呢一餐，係完美演繹咗平民價錢，卻有優質享受。行過銅鑼灣，記得呢個味蕾嘅驚喜🥳！

點左套餐3，雖然加埋一要$450一個人，但係都係冇乜貴價野食。湯底比較稀，唔太有味，冇乜特別。鴛鴦鍋加$50，但係其實好快就淥到要加湯，而所有湯底加湯都係加同一款，所以20分鐘後兩個鍋都係一樣味、淡味，要靠點啲醬料。反而薑汁皮蛋貢丸幾特別，有驚喜！套餐3入面既海鮮一般，不過牛肉質量OK。送既雪糕係 Dreyers（每人一杯）。入座時明明入面有一半座位係空位，但服務員都會要求你未夠鐘就入座開始計時，想諗多陣湯底揀咩都唔得。總括黎講，性價比唔高，亦冇特別好食既野要再黎😂 呢個價錢市面上應有更好選擇。

銅鑼灣之友想打邊爐，我有好介紹--🔥🍲 好呷台灣火鍋！我和一班朋友晚上約好一起去享受他們的120分鐘吃到飽餐！這個餐包括50多種海鮮、火鍋配料任你出去拎/手機點餐，連夜市台式小吃、甜品和飲品都係無限供應！真的是超級豐盛！🍢🍨我們還點了銅鑼灣店獨家的海鮮奢華拼盤和A4級黑毛和牛肩胛肉！這些追加的菜色都非常新鮮及高級！🦀🥩佢仲有好多台灣風情，包括台灣啤酒！喝著冰涼的啤酒，吃著熱騰騰的火鍋，真的是超級爽+滿足！🍻😋整個用餐過程，服務人員的態度也非常友好，讓我們感到賓至如歸。這次的用餐體驗真的超出了我們的期望，每個人都吃得非常開心！👏🎉