好味餃子店

营业中

休息中

係葵芳新開左間餃子店 身為餃子迷既我  緊係要試下嫁啦 韭菜湯餃（10隻）$47大大隻 粒粒都好飽滿 韭菜新鮮 皮薄餡靚 湯底係野葛菜生魚豬骨湯 飲得出係老火湯  係好飲又鮮味既魚湯 飲完都唔會覺得頸渴 不過比較細碗 芫茜湯餃（6隻）$37同樣地係包到好大隻 但就冇咩芫茜味 味道清清淡淡 都唔錯 不過我地都覺得韭菜餃好食d下次都會想再去 試下個煎餃 雖然煎餃就會冇左個湯 ..但都會想試下 畢竟佢個湯餃都咁好食 煎既應該都唔會差 

#chuchu食在葵芳📍 好味餃子店 葵芳地膽發現有新餃子店，原來呢間就係長沙灣好好好好好食嘅分店‼️‼不過長沙灣好食啲🤣食嗰陣都唔知以為佢抄佢名，但餐牌都一樣咁應該係啦🤣前前後後有7-8張枱，坐得舒服，但略嫌侍應真係乜都唔識🫠—————————————————————❣️ 煎韮菜肉餃 細6隻$37煎餃唔係脹卜卜，係扁身餃子，半煎炸，外脆好炸！入面韮菜唔錯，新鮮！不過比起長沙灣嗰間細左啲.❣️ 煎芫茜肉餃 大10隻$47同韮菜餃一樣，煎得好香好金黃，不過可以隔下油先！.❣️ 餃子粉麵套餐 $475隻湯餃 + 粉麵 +飲品，🐷揀咗芫茜肉餃上海麵，湯餃係大大粒漲卜卜，上海麵都係好有咬口啦，湯底係野葛菜生魚豬骨湯，好清甜好好飲。無落味精，飲完唔會口渴！.❣️ 清熱羅漢果甘草茶 set 好飲！🐷係羅漢果狂熱！唔太甜！.❣️油菜 $16 雖然只係普通油菜，但佢淥得啱啱好，好爽！.❣️ 野葛菜生魚豬骨湯 大$32好濃！標榜無加味精但都有味，都幾咸添，仲咁抵，可以一試—————————————————————不專業評分👅好味指數:7/10💰性價比:9/10👍🏻推薦:7/10————————————————————

立場一樣不是大哂 有晚8，9點到打去葵芳分店問仲有咩款餃子賣 個中年女聲店員極串語氣回應 女店員：點啊？我：想問仲有冇粟米餃？女店員：咩啊？冇喎！我：好啊唔該晒 個女店員9秒9即cut線😂個陣照計唔係繁忙時間 員工應該冇咩workload 該員工態度好似我欠左佢咁？ 你新開分店打開門做生意用呢種態度對客 真係不可一世！希望餐廳可以提升下對客既服務態度

呢間舖頭係長沙灣都有舖頭第一次係呢間分店食環境好舒服都係其次...重點係啲餃子一樣都係漲卜卜 大大粒😋食一碗大嘅就夠曬另外煎餃都好出色外皮好脆唔油膩*遲啲好似有多啲款式嘅餃子...會再去試