好味王 (已結業)

在學校(十一個月)渡過了一個美好的校園生活, 而且計劃也順利完成, 希望之後有機會再返去探下d學生, 懷念懷念!!!今日十月十五日係我正式進軍觀塘區的第一天, 加入我視為終生職業的公司工作, 現在目標就是盡力, 享受及成長. 仲有就係要食遍觀塘區好食0既東西, 然後介紹俾大家!!! 而第一間去0既就係我地公司樓下, 同埋被同事視為飯堂的<好味王>!!! 1. 咖喱雞球飯 + 凍奶茶 ($35) ~ 呢碟飯0既賣相都唔錯, 而且咖喱雞同飯係分開的!!! 不過整體0既質素就比較普通. 凍奶茶0既奶同茶配合得唔夠好, 唔夠滑, 加上比較重茶味!!! P.s. 呢張相影得唔係咁好添.整體評價：環境可以, 質素普通!!!

I just have to complain about the waiters in this terrible cafe. What has become of people's manners and service these days. .. The waiter, particularly the young man in suit.. is very very rude, rolled his eyes when taking an order and then throwing the piece of paper on the table and just left when we haven't even finish ordering. Its hard enough to get one waiter's attention. Had to wait for half an hr for food to arrive. and the food... its just getting worse and worse. I wish there were a

在官塘區開源道上班, 午餐多數是往好味王, 因好味王食味不差也多選擇, 但自從物价飊升就開始出事, 其實由年頭到現在好味王己加价 2 次, 每日的 set lunch 已比年初時加多 4 - 5 元, 來貨价貴, 要加价是無可口厚非, 但為何連食物水準和質量也一起退步....... 上星期要了一碟燒汁豬扒飯連飲品午餐, 豬扒出奇的細塊也鞋到不得了, 像吃柴皮, 和往昔水準相差十萬九千里, 好勉強吞下半碟飯就不能再吃了, 因已吃光那塊柴皮小豬扒及那薄薄的燒汁, 淨下白飯怎吃 心想祗是一時失準, 算吧! 不去計較. 今天再去好味王, 要了鳯瓜排骨蒸飯連飲品, 我的天.....鳯瓜是正常的有 2 件 (合共1 隻) ,但排骨竟祗得 4 嚿仔咁大把 就算豬肉价升了很多, 也不需刻薄顧客到這地步吧最係又淨下半煲飯沒吃, 因為無餸 另一樣最差的就是好味王的 service, 由我 day 1 開始幫襯到現在都無咩改善過, 大部份的侍應都可以當你透明, 任你怎揮手也扮忙睇你唔到, 就算連早餐時段無咩客人 D 侍應都係咁對客喎 (睇你唔到.睇你唔到), 穿西裝的男或女經理也是一樣咁差, 個個

呢間餐廳曾幾何時都有幫襯食下午既，食物都ＯＫ，價錢都算可以（以下午茶黎講），但呢度既服務實在一天比一天差，都唔知係咪落單既系統有問題，Ｄ野成日落錯，一係漏單。有好一段日子已經唔敢幫襯，今日有同事提意比次機會呢間餐廳，所以膽粗粗再次光顧。侍應生既面口從一開始幫襯就已經係黑口黑面無水洗面咁樣，無論係普通落單侍應定係經理級，唔知係咪公司要求佢地要黑口黑面先致係佢地既服務精神，我地四個人一個要粉面類，三個要小炒，在等候時已見有錯單事件，有侍應生拎住兩杯凍飲枱枱都問下有無叫呢兩杯飲品，Ｄ侍應又圍埋一齊研究邊個落錯單，杯野係邊個既，搞完一輪無人認領就拎返入水吧。我地的order有三個都到左，我地就問侍應代為跟進，之後又見一碟類似乾炒牛河拎左去我地對面一枱，我地再次叫侍應跟單（因為那枱的人比我地遲黎，當時其餘三日都食完大半啦），Ｄ侍應跟完單係唔會話你知究竟係咩情況架，後來見對面枱人投訴碟牛河，侍應用鼻嗅一嗅跟住又拎住碟野係餐廳度行左個圈，就入返廚房，係呢個時候其中三個同事已經食完個LUNCH啦，果碟牛河都重未到，再叫第三個侍應去跟時，終於見到個牛河黎緊，最終我同事食左兩啖就無再食啦，因為時間實在太考

價錢中肯，火煱配料新鮮。炸魚皮勁脆雲吞爽口彈牙炸芋件夠新鮮，而且即炸

呢間系我向公司附近最鐘意食既一間啦~~樣樣野都唔錯, 特別系焗飯, 好正! 價錢都系幾十蚊, 午飯之選~唔錯~

琴晚同老公試左呢間打邊爐。點左﹕1. 頂殼羔蟹仔 (2隻$38.8) - 真係好多羔同埋好新鮮 2. 五星級鮮肥牛 (大$118) - 好嫩，貴野d質素真係好d 3. 炸魚皮($16.8) - 大大碟，質素幾好 4. 水餃+魚皮餃雙併 ($32.8) - 水餃內的蝦大大隻又爽，好好味 5. 蟹籽鴛鴦滑 ($38.8) - 應該係蝦+墨魚，由於落左馬蹄於墨魚中，個人不太喜歡 6. 鴛鴦鍋 ($38) 7. 咸魚肉片飯 ($12.8) - 大大煲，雖然不大出息，不過只係$12.8，算係咁啦 晚市火鍋贈送一碟三星級手切鮮肥牛肉，不過，三星級的質素真係一般，好'蟹'，唔好食...

能深藏於觀塘工業區中仍可成為人氣地方應是有點功架的結果吃完一次要再吃多一次訂了位也要準時到因為仍是要等的牛肉分三四五星請先看相兩碟牛肉分別是三和五星遠的一碟不是因為影不清楚而是真的沒有雪花紋理的一下鍋就變得香口膠似的有點像再變了質的茶餐廳牛肉般相比之下五星的正常得多牛味充足淥來也十分爽口看來這也是營銷手段吧沒有那三星牛令你先入為主你就不會覺得那五星牛好吃第二次來索性不要那送的三星牛會送一打丸的蟹仔打邊爐十分好其實已不算十分細隻下鍋剛剛好肉不多不怕淥久了會變得難吃反之蟹羔超級鮮甜連湯也變得甘香三十八元共有四隻超抵鴛鴦滑有墨魚和蝦滑大大碟而且質素相當高打得很細緻兩款滑的確十分滑蝦和墨魚含量很高海鮮味道都很清晰電視?算罷有畫無聲的原因?「油煙大塞左喇叭」二人檯叫得一檯都也夠擺而且十分乾淨不夠飽還可叫十五蚊盎蒸飯雖然怪怪的整體而言百來元讓你舒舒服服的吃得飽很抵食

5個人想打邊爐觀塘區又無咩選擇所以黎左呢到,可能係星期日加上凍凍地所以好多人呀! 7:30到等到8:30先有位...叫左鮮茄鯇魚湯底(同清湯一樣無色無味,d蕃茄太少)點左象拔蚌$98.8,花膠筒$48.8,仲有d丸、餃、菜等等(普普通通無咩問題咁啦),見d糖水$8-$10咁就叫黎食下,叫左酒煮湯丸(幾香酒味),椰汁黑糯米(真係d一舊舊既糯米加d椰汁,d黑糯米仲要酸左)要換過花生餬(似係即沖果d)要叫先有人加湯加茶,但都唔算無人理既!記得check單,有d order左無黎or 隔離枱order既都會入埋落張單呀!

今天光顧此餐廳, 換來一肚子氣。我們一行二人於12:35pm入內找三人位(因我們的朋友要例遲些到), 剛巧有卡位, 於是我們便上前坐下, 我們二人亦先落單。不久, 有一態度差劣的經理行近, 問我們有多少人, 我們回答說有三人, 一位遲些到, 那個不知所謂的經理(lou 打格局)大聲說如果我們的朋友10分鐘不能到來, 我們便要讓出一半卡位給其他客人; 這還不止, 他更大聲和他的下屬講開始計時, 10分鐘內如果我們的朋友未到, 便即刻要我們讓座, 經過我們的座位時加送靈厲眼光一個, 態度之差, 令本人有被侮辱及想立即離開的感覺。心想我害你全家咩, 洗唔洗咁對客人呀?!最後本人問此人的大名, 他的名字是鄭桂滔, 滔天大罪的滔。請認著此人, 以免日後無端端受氣而不知原因。當然, 本人的朋友13分鐘後到達亦沒有位坐了。本人一定不會再去! 我發誓!

我同媽咪叫一份下午茶SHARE食，我叫公司三文治。大X樂、美X快餐都要成$20，喱度有人serve埋，又好味，都係$18，應真抵食。麵包好新鮮，用料多，抵讚！

早幾日好想食燒味飯, 但咁呢一帶又唔知邊道有好味燒味飯食, 左搵右搵終於行到呢度, 見佢有師傅想食野於是入去, 撞埋放飯時間所以好多人度等位, 呢間食店係要自己搵位, 企度等隻, 唔會有人招呼架, 所以睇下好唔好彩啦!好唔容易先搵到位, 坐底即刻叫碟叉燒飯加凍檸茶, 唔使等好耐就有得食! 原來燒味飯係有例湯送, 先試下個湯啦, 師傅飲左都唔知咩湯, 淨係知有味精, 麻麻地; 叉燒飯係半肥瘦, 叉燒好鬆好腍, 而且燒得幾香幾靚, 唔錯; 凍檸茶就普普通通啦咁啦!總括黎講師傅覺得呢度d野食都可以接受, 而廿三蚊單拼送例湯燒味午餐, 再加六雞就有餐飲, 都算抵食, 不過招呼真係麻麻地, 人手又唔夠, 如果可以改善話就更加好喇! 師傅覺得佢質素唔差, 而且價錢大眾化同埋選擇又多, 值得再黎!

因某事要去碼頭個邊.....去完在開源道搵食. 路過門口望入去都幾多人...就決定入哩間啦!! 入到去,冇人理...唯有自己搵位...任坐...跟住一個惡相既待應好大力咁放落杯茶.我叫一碗\"生灼牛肉金邊粉\"($14) ....等一陣....金邊粉黎啦...上到見到牛肉熟晒...心感不炒...但放第一舊肥牛入口....feel到係熟..唔\"o鞋\"....仲好入味..金邊粉份量都有幾多..真係好味又抵食!!! + $6 可以配食,但我太趕時間,所以冇加...未知飲品如何. 有機會會再試.

有次行街,就唸住吃点野,一入到去觉得好靓,就坐底叫野吃,鬼知叫写野都无人帮我地写,最终有个女经理行过来,仲好大声问;'吃点咪呀',哇,大佬,洗无洗甘样服务态度呀,野就麻麻地拉.

上星期六同bf到官塘行街街,好耐冇到好味王食野,咪特登去食個下午茶,唔知是唔夠人手或是什麼原因,女部長(經理)和員工個個黑口黑面,舉手點菜等了好耐在有人理(個個視而不見)...我bf的燒鵝瀨都食完啦,見我的鮮蝦雲吞面仲未到,咪打算提下d人囉,2個員工都說幫我看看,過左5-10分鐘,再問女部長(經理),她竟說:雲吞是生的要煮...~_~(是什麼借口嘛)...我於是打算取消我的鮮蝦雲吞面(找了一個全場唯一比較好的女生幫我取消),但她也要女部長(經理)簽名才可以,那張單去了又10分鐘,在追問之下才拿回來....劣評!!! (不過野食都幾抵都好食)