好叉好味 (宏利金融中心) (已結業)

嚟觀塘探班，順便一齊食飯，有人提議去宏利金融中心地下嗰間「好叉好味」。呢間叉燒飯人龍店，之前在上環光顧過，原來喺觀塘都開咗分店。門面好易認，肥豬仔 Logo 配上店面嘅紅黑色設計，裝潢簡約摩登。餐廳主打招牌杯裝叉燒飯，另外亦有小食及飲品等供應，選項不多，以外賣為主，不過店內亦設有少量座位供客人堂食之用。揀咗焦蜜叉燒菜飯 ($46) 同 柚香叉燒菜飯 ($48) 各一，另外再加咗一客小食：咖喱墨丸 ($24)。店舖而家做緊限時優惠，價錢非常經濟，十分抵食。兩款叉燒飯都用上大型的咖啡外賣杯盛載，叉燒同菜飯都擺放得好整齊企理，面頭仲配咗隻溫泉蛋，賣相美觀。同朋友 Share 嚟食，兩款叉燒都切成四方粒狀，加上與菜飯層層疊，分量非常之多，數過一共有 5 層。焦蜜叉燒肉質非常鬆化，厚肉得嚟又有咬口，帶淡淡蜜糖甜香。溫泉蛋呈完美流心狀，賣相超誘人，把蛋汁與叉燒及菜飯拌勻，入口香滑多汁，美味至極。至於另一款柚香叉燒，食味亦一流，叉燒呈燶邊狀態，Juicy 得嚟又帶點脆口，肉質軟腍不嚡，柚子味清新酸咪，非常開胃。將溫泉蛋戳破，蛋黃軟溜溜，蛋白像豆花般滑嫩， 蛋香十足，同柚子叉燒味道超夾。咖喱墨丸：一客

打工仔每日返工咁辛苦，如果中午可以食到一個好味既午餐真係會令工作動力提升返🔝🔝🔝呢間係觀塘工業區新開既叉燒飯，應該可以滿足到各位打工仔既需要！齋睇張相就知道好大碗份量好足，食完真係覺得超滿足！而除左份量十足之外，叉燒都好好味！柚子叉燒飯🥩平時蜜汁叉燒就食得多，柚子叉燒真係未試過！今次一於試下新野。叉燒都幾淋滑，肥瘦相間，如果鍾意食肥肉既朋友仔就最適合不過啦！飯除左份量多之外，煮到軟硬適中，完全唔會太淋。柚子味比較特別，酸酸甜甜，撈埋叉燒同啲飯一齊食別有一番風味！咖哩墨魚丸🧆呢個小食都不錯！咖哩味好濃，肉丸彈牙，整體都幾惹味！

🍽好叉好味😋 #yms_觀塘🍴杯裝叉燒飯🥡平時食嘅叉燒飯就通常攞發泡膠裝住嘅🙁今次呢個就係用杯裝 但份量都有唔少😆男士食都會夠飽 唔怕餓親👨🏻而呢2碗會到菜飯而唔係普通白飯🥬咁食飯之餘都會食多少少菜 咁就會健康啲～.🍯焦蜜叉燒菜飯 🍚佢地嘅叉燒幫大家切好一粒粒而唔係一片片🥓啱哂嘴細嘅人都可以一啖叉燒同飯都放哂入口😂呢款叉燒舖滿左成個面 幾惹味 😙食落幾香甜 又有微微嘅焦香味🌬佢嘅飯都做到粒粒分明 🤩佢嘅飯都有醬 如果多啲就更惹味啦🥳💰$46.🍋柚香叉燒菜飯 🍚呢款嘅柚子味幾香 幾突出 😉飯入面會有柚子皮 😍食落都都幾清新 🍃佢地嘅叉燒有肥有瘦 🧐唔會淨係食到肥或者瘦叉燒👏🏻我就鍾意呢款多啲👍🏻因為食落酸酸味味咁 😜好似冇咁膩 但有啲人覺得原味多啲🤔💰$48.🇨🇭瑞士雞翼🍗一杯有4隻 肉質幾嫩滑🍖食埋呢個小食就夠哂飽😚💰$24.回頭率💫： 🌕🌕🌕🌕🌑.#yms_觀塘#yms_港式

同事話宏利金融中心開咗間叉燒飯，不如今日去試吓，原來是「好叉好味」，之前都有聽聞，原來剛在觀塘區開分店！「奴叉好味」位於宏利金融中心外圍，店舖門口已經有一大隻豬豬做招牌，好吸晴😂😂「好叉好味」雖是外賣店，但店內也有位置可以供堂食的。柚香叉燒菜飯，打開蓋後，陣陣柚子味，又有隻溫泉蛋，叉燒份量不少，因為底層還有叉燒的…叉燒不太肥，偏瘦，但口感不會太乾澀，合我心意😝焦蜜烤雞菜飯，同樣都有隻溫泉蛋，雞肉烤得很香又惹味，而且雖然是菜飯，但菜的份量不少！瑞士雞翼，瑞士汁香濃入味，雞翼肉質鮮嫩多汁！

觀塘呢頭前排開咗呢間好叉好味嘅主打叉燒菜飯嘅外賣店，平時我都幾鍾意食叉燒，緊係要去會一會佢😙🍽焦蜜叉燒菜飯 ($46)- 呢到嘅叉燒有別平時普通見到個啲一片片，佢切到一粒粒，勁方便一啖入口；叉燒肉質都幾嫩，好味道啊- 焦蜜叉燒都非常好味，香甜得嚟帶啲微微嘅焦香味，食得好滋味😋🍽柚香叉燒菜飯 ($48)- 柚香味道突出，食落幾清新，勁解膩，份外refreshing- 菜飯份量超級大份，啱晒大胃人士，飽到要捧住肚仔😆叉燒菜飯真係好叉好味，叉燒都好高質，lunch外賣番個真心唔錯❤️

之前有人問路。搵呢間。就想試試佢的確係不起眼。行過路過真係會錯過俾個大門大家睇清楚自取優惠。可預先打去留只你Up得出的付款方式都收係唔收銀紙。當然你冇得找數。佢都會收。一碗飯一個豬印。咸蛋veri要早一日pre order開嚟見我白飯菜飯可揀。後者要快一層x燒一層飯。絕對夠飽。本人都大食我開呀！本人愛“燶邊” 但偏不是。中間位偏鞋有肉味。汁不太咸。冇咩味菜切到好碎。黃咗我最期待的畫面唔會encore。完

呢檔义燒飯係同事介紹，聽咗咁耐第一次食，真係有驚喜！！！！！！！！！！义燒又腍又入味，辛麻味撈飯好過癮，再加隻溫泉蛋又有日式嘅感覺，中和反少少辣味，係掂喎！！！！！！！！！！！！！！！下次一定會再幫襯！！！！！！！！！！！！！

【好叉好味既叉燒🤤真係好叉好味】📍 柚香叉燒配菜飯叉燒飯有三款口味(辛麻/ 柚香/ 焦蜜)之前食左原味，今次就試下柚香啦😎叉燒一如以往唔乾身有肉汁，柚子醬同叉燒都幾夾，好fresh 之前食其他分店有白飯菜飯沙律任揀，觀塘分店暫時得菜飯，我本身都係想點菜飯，要補充下膳食纖維嘛🥬大家睇會唔會覺得佢好少叉燒？其實佢係咁，分量絕對夠男士食用😎一層叉燒🐷一層菜飯🥬一層叉燒🐷一層菜飯🥬⭐️⭐️⭐️⭐️好叉好味

之前聽朋友講過，話呢間叉燒飯好好食，既然我得半小時食飯，就一於試一試啦！我完全唔知道可以有OpenRice優惠，下次一定會預約，今次我哋一行二人，其實心大心細食邊款味道好，最後當然是返最原始嘅味道啦，因為感覺正常啲安心啲就係揀咗蜜汁叉燒菜飯，外賣盒有啲似咖啡杯大少少，雖然我哋堂食，包裝沒有分別，比較不太環保，內裏座位只有幾張櫈，講返食物，叉燒頂放咗一個留心太陽蛋，最下層先至係菜飯，味道確實唔錯，不過略為油咗少少！至於飯嘅份量就啱啱好，餐飲仲送汽水，總括價錢就略為貴咗啲，如果有open rice優惠的話就合理！

Lunch心血來潮想去食碗燒味飯，經過見到呢間新開嘅叉燒飯，本來諗住打包番公司食飽肚就算，點知杯飯係有驚喜喎！😆無講錯，佢地啲叉燒飯係用杯裝住嘅，包裝好新潮！🌟我就係見人地拎外賣係一杯杯咁得意先吸引左我買🤣多數都係一個個飯盒架嘛一入鋪頭睇餐牌有三隻口味揀，分別係柚香、辛麻同焦蜜叉燒菜飯。因為第一次食我都係穩陣起見揀番焦蜜味😆驚中伏呀嘛🙊不過我試左今次呢隻，覺得辛麻果隻辣辣地應該都會好食，同埋見到佢個餐牌遲啲應該會有埋個潛艇堡，好似幾好食，會期待下，下次再試新口味！🥳等左一陣杯飯就ready啦！杯飯一打開就有一隻流心溫泉蛋，好正，有啲日式料理咁感覺haha🤣好香嘅叉燒味，我見啲叉燒係切開一粒粒咁，好特別。叉燒有少少瘦但係我覺得個口感我OK，個邊都食得出有燒過咁，焦焦地甜甜地，咬落有肉香同蜜糖味，真係唔錯，好香口🤩配埋菜飯唔會好膩，真係同街邊啲叉燒飯有啲唔同，新體驗👍🏻唯一唔好就係我呢啲中意食飯多汁怪如果可以多少少叉燒汁比我送飯就完美啦😝同埋想講原來杯飯好大碗，睇落以為好細盒，點知個杯好深，食到好低都仲有，差啲食唔晒😂我覺得自己都夠大食，大食嘅朋友應該可以放心🤣見到佢做緊promo買三送一

試吓新嘢，公司附近開左間新鋪，見好多人排隊，梗係唔執輸排埋一份點知有新發現。店內有得堂食，不過我趕時間就買左返公司食，菜單款式主要係叉燒飯，有3個味道: 蕉蜜(我估係蜜汁)，柚子同麻辣。 見柚香幾得意，就試試佢，高身杯裝紙盒好靚，同我認知既麻甩燒味飯好唔同，打開幾驚喜好足料，同埋拎咗返公司都仲熱辣辣。飯面頭一隻溫泉蛋，加上一層叉燒，同埋有柚子碎而唔係得啲醬，而個飯係菜飯，唔怕太多肉。啲叉燒係方形粒粒，雖然唔係粒粒都有燶邊，但都可以理解到，咁切一粒粒實有中間部位，飯本身有菜唔太乾，撈埋溫泉蛋一齊食，口感好豐富，柚子清新幾開胃，味道亦相當唔錯。筆筆下就到第二層叉燒，都真係幾足料，女士未必食得曬成個飯，男同事都話好夠飽。味道價錢同賣相都幾好，服務員都好有禮貌，性價比高，下次要再試埋其他味道

<好叉好味>最近係觀塘開左分店，之前係網上見到啲圖片已經覺得好吸引，今次終於到我試！餐牌食物選項唔多，叉燒飯只有三種口味，分別為柚香、辛麻 & 焦蜜。餐廳堂食座位唔多，大概只有十個，所以見好多人都係買外賣走。而且依加購買叉燒飯仲送飲品添！焦蜜叉燒飯 $54包裝好特別，係一個圓筒紙盒，紙杯上面嘅豬仔公仔十分吸睛，好可愛！杯飯望落好似好細兜咁，但。。食落你就知！一打開蓋，就見到好多件叉燒圍住溫泉蛋，溫泉蛋煮到剛好，一叉落去好流心，好正！叉燒切粒上，烤到有微微焦香，雖然肉質偏瘦，但仍然保持到外脆肉嫩，好有口感，加上有蜜糖，所以味道特別甜。配埋菜飯食好正，比平時食白飯再多啲口感！食完第一層叉燒同菜飯，下面仲有一層叉燒同菜飯，好足料呀！絕對唔怕食到中間就會冇餸食，呢個飯對於男士黎講都一定夠飽。

用OpenRice點菜外賣自取，不過似乎去到仲要同店員講佢先整？其實餐廳只賣幾款食物應該要再快少少先比人感覺grab and go。餐廳好隱閉，得一個入左玻璃嘅logo，可能真係要做多啲宣傳先會有人知（前身係理髮店，所以我從來唔會入去）。賣相係靚嘅，用紙杯裝住，食叉燒飯突然潮咗。味道方面我見第一次試所以揀咗最原始嘅蜜味叉燒飯，又有溫泉蛋又有菜飯感覺健康啲。不過食完感覺係好乾身。我平日唔係追求叉燒多汁嘅人，不過食到底可能又有啲蛋汁漿住所以好乾，建議可以多返啲汁。叉燒細細舊但極厚切，好瘦，不過不失啦但蜜味可以再濃啲。可以係個圓盒，望落唔大盒，但因為好深所以食下食下好飽肚，男人都會好夠食。

過年前我見到雜誌報道呢間餐廳，話中環分店兩個鐘頭買晒，我未食過，講到咁出名，咁咪心郁郁想試吓，點知去到摸門釘。等咗咁耐終於今個星期開張。上網見到社交平台啲人話中午去到已經賣晒，社交平台小編話可以提早電話WhatsApp落單，咁我就照做囉，大家可以喺menu 右上角搵到電話Number。講好pickup時間同食乜之後，就去拎。去到好多人排隊，就算電話order都要去排隊俾錢，排咗15分鐘左右，比完錢即刻有，可以唔使等。佢用隻杯裝住啲叉燒飯非常之方便拎住食，建議大家如果唔想坐公司食，可以走去觀塘海旁搵張凳。拎住食都唔會整污糟。餐廳亦都有大約10張凳左右，不過就唔見有人坐喺度食。每個人都係外賣。溫泉蛋係慶祝新開張免費送，撈飯一流。叉燒冇乜顏色，唔肥。菜飯本身冇乜叉燒汁，靠溫泉蛋望落好似好少叉燒，但係其實佢飯中間夾咗一層叉燒我見到餐牌第一個就係柚子叉燒，所以試佢。點知之後發現原來蜜汁叉燒先係最快賣晒。下次試吓先。而家仲係soft opening,所以淨係可以現金支付。OpenRice雖然見到有order system,但係仲未Online。期待遲啲可以用OpenRice order，因為見到用

見到這間在宏利金融中心新開，主打义燒的店舖，抱著期待的心情下單去試這义燒。我在WhatsApp 下單，店舖職員很快回應，我訂了一杯大裝柚香义燒，準時去店舖付款及取食品。到達店舖後，職員竟然說只剩下小件碎的义燒，我說我下了單，應該已留給我，職員入廚房了解後，說沒問題。滿心歡喜地帶著义燒回寫字樓吃，打開一看，只見大小形狀不一的义燒，烤焦的义燒邊佔了四分一，义燒有少許柚子味，但不太濃，义燒雖然不太硬，但很乾，口感差，一間以义燒為主打材料的食店，連主打食物都做不好，怎能再令客人再幫襯呢？至於菜飯，煮飯用的米很粗，明顯不是一級米，非常失望😞不可能再吃第二次😰