好佰佰

营业中

休息中

火炭工業區入邊有好多新開嘅茶餐廳，今次見到呢間環境幾光猛，望入去有幾乾淨嘅餐廳，於是入去試吓佢嘅午餐。餐牌見到好多食物款式，午餐$40 就有，同時又有燒味飯食，選擇夠晒多。魚香茄子飯$42茄子做得幾靚，味道也唔錯，魚香茄子係超正撈飯必食之選，份量多多，呢度嘅午餐唔包飲品，如果飲熱飲加$6 ，凍飲加$8.極上叉燒煎雙蛋飯$48呢個係食店推介嘅食物，叉燒唔會太肥，味道醃得好好味，而且都大件厚切，啖啖肉嘅口感好正，蛋嘅顏色好美妙，好味又飽肚嘅地道選擇。

同事終於搬入期待已久嘅駿洋邨新公屋，話說佢成一家4口都等左成10年😢終於等到佢裝修完就成班同事上去house warming 下😄早左去到未食lunch就係駿洋商場1樓搵左間茶記「好佰佰」。.呢日係假期既lunch time, 都好多居民係度食野，餐牌方面分左每日午餐同常餐咁，都算多選擇。.🍴燒味雙拼（例牌）$88同事佢最近生酮飲食，叫左個燒味雙拼就當午餐，又估唔到呢度燒味幾👌🏻，燒腩仔係5層腩+皮極脆，都有成14舊燒腩仔；另外叉燒叫半肥瘦都幾好，睇落去以為好瘦，其實咬落係好淋同juicy, 叉燒個醃味好出，玫瑰露酒個味好香，價錢成正比。.🍴常餐（豬扒蟹黃麵餐）$38常餐有煎豬扒一大塊+蟹黃麵，食落好似公仔麵既加強版，再彈牙少少同浸耐左都唔會太淋，火腿奄列正正常常都有少少流汁，轉奶油豬要加$3，食落都滿意既，夠脆身又多醬。.👌🏻鹹魚雞粒炒飯$50 另一個同事就叫左鹹雞，正正常常炒飯，不過不失咁，主要係佢有切粒粒菜跟埋，同埋份量都算唔錯。.全部食客都送例湯，員工態度都算係咁，主要係好中意成日收碟🤣成個商場仲有間酒樓同翠河，咁佢點都好過翠河既😂😂

今日去左食午餐，問個侍應有無加飯，佢話加5蚊啦。我話好。轉個頭返來同我講要加十蚊喎，我就講唔使啦。之後，有3個衣著似地盤工人的男人坐我後面果枱要落單，問同一個侍應要午餐加飯，個侍應話要加5蚊。當場火都嚟！

火炭工業區新開的駿洋商場見呢到都新開左幾間餐廳，唔想試連鎖店，見到呢個裝潢新派的茶記就入去試下。一睇餐牌，價錢相當便宜見到晚市仲有多款飯麵外賣做緊32$送汽水今次坐低堂食試左午餐海南雞飯怕肥關係改了白飯，雞肉份量唔少，肉質嫩滑，醬汁夠味天氣冷點了熱咖啡，相當驚喜，咖啡味好濃好香，我呢個唔識咖啡既人都覺得杯咖啡好飲，一問先知係即磨咖啡友人試了叉燒雙蛋飯大讚好食，叉燒肉質是火炭工業區內少有乾淨企理價錢相宜、味道好的茶餐廳，見新開張但午市已經好多工友幫襯。希望keep住水準