影片
开饭介绍
怀旧大排档风格餐厅，以旧式香港霓虹灯招牌、铁闸、酒楼喜宴金龙等作装饰，提供大排档菜式如椒盐粟米、咕噜肉、香煎莲藕花枝饼等。
继续阅读
营业时间
今日营业
17:30 - 23:30
星期一至日
17:30 - 23:30
*Last Order 23:00
以上资料只供参考，请与餐厅确认详情
有关奖赏计划
相关文章
一大班朋友聚会，拣左食呢间女人街食饭公司，食中餐就系可以大圆枱方便倾计💬网上话服务麻麻，我哋又唔觉㖞，6:50pm入座，8:30pm准时交枱，大家有共识，每人食左$216，可能我地人多。食大排档小菜，落单哥哥提醒话我地全部叫晒炸野😅….成班友唔怕热气死🤣XO酱海鲜小炒王豉椒炒蚬黑椒蜜饯薯仔牛柳粒避风塘炒鲜鱿肥美烧叉烧脆皮炸牛腩酥炸小棠菜虾饼酥炸蚝饼黑松露鲜虾多士🔅野食大大碟，份量够多，但某几碟味道偏重，厨房落多左盐。✅每枱都必叫黑松露鲜虾多士，按人头份量，一人一件，炸得几香，好大旧虾肉，黑松露闻落去好香，但食落去又冇咩松露味。✅黑椒蜜饯薯仔牛柳粒，薯仔好食甜甜地有蜜糖味，牛柳粒就偏咸。✅酥炸小棠菜虾饼炸得酥脆！落左好多虾肉！🔆其他野食海鲜类，我因为大肚就冇食到，其他人都食到津津有味，最后我地系食清晒冇浪费做大side鬼架～😊👍🏼🍻仲叫左两支蓝妹啤啤佢！用战斗碗黎饮！🤪同埋可乐忌廉汽水！🥜不得不提场内装修都几特别好适合打卡，走怀旧大排档风格，但就嘈d, 讲野要好大声先听到👂🏼
继续阅读
炸蚝饼外皮光泽✨，用筷子夹起时仲会「沙沙」声。内里饱满鲜嫩的蚝肉即刻在口中爆发出浓郁的海洋鲜香🌊；点少少特调酸甜酱，酸咪咪带住少少甜，与蚝的鲜、外皮的脆完美融合，滋味层次丰富到停唔到口！葱油走地鸡未揭盖就闻到阵阵葱香同油香飘出🍗。鸡皮微微起酥、色泽金黄，淋上热辣辣的葱油酱后，咸香气息更加逼人眼尖发现两道「豉椒」系列，即刻决定试晒佢哋🌶️！经典的豉椒炒花甲，每只花甲都洗得干干净净，颗颗饱满，豆豉辣椒酱浓稠到完美包裹住壳身，咸香带辣，连汁都想捞饭；豉椒炒埋子皇，口感爽脆的埋子皇吸尽晒豆豉同辣椒的精髓，比平时的小炒多咗份特别的嚼劲，两道菜都够晒惹味，简直系送酒送饭神器🍚！
继续阅读
book左6点半，坐定已经6点40分。 一路食到7点几已经开始催你埋单，讲明8点3交枱。 全程唔够2个钟。 埋单时枱仲有𩠌未食晒，唔理，照叫你走。 走时发现半个场都系空嘅，出面等位唔够10个人。 咁点解要咁赶呢？3，5知己坐底食嘢，倾下计，饮下啤酒，1小时45分钟真系无可能咁。 咁赶不如转做茶餐厅。 其实如果好多人等紧，我地唔介意让位，但无乜人等都咁做真系好赶客。 嘢食几好食都唔会再黎。 鸡系好食嘅，其他一般般，唔会话食完觉得好想再返转头。
继续阅读
亲戚在这家店食过三、四次，佢强力推介下 约齐家人在星期日到访。 我哋被安排在角落房间内食头轮，八点十五分前需要还枱，到埋单时先知原来预订菜式价钱超过五千就可以包房，我哋十二人食咗五千几，早知包房，唔使食得咁赶啦！当晚预订了不少𩠌菜，而印象最深刻嘅系条蒸东星班、豉椒蛏子、陈肾菜干汤同埋单尾个炒面，反而侍应大力推介嘅水晶鸡就平平无奇，另外个铁板鳝上枱时抢喉都人人都咳。大家都几欣赏餐厅内嘅懐旧装修，好有童年回忆感。 内室冷气足够，坐得几舒服。 值得再嚟试吓佢其他菜式。
继续阅读
<女人街食饭公司>📍尖沙咀/旺角🔹好坏参半，人头$2-300食餐饭黎讲算系咁🔸会为咗只秘制葱油鸡再帮衬系Gimmick？定坚系大排档风味？～ 一半一半啦。 尖沙咀嘅装修比较有特色，好适合打卡 📸 门口嘅关二哥好有气势，震啲牛鬼蛇神 😎⚔️试过晒两间分店，结论系只鸡真系好正！够晒滑！个豉油送饭一流！简直系白饭小偷。🥷🏻👍🏼 秘制葱油鸡、椒盐鲜鱿、豉椒炒蛏、啫啫芥兰煲，掂！掂！掂！🫸🏼蜜饯薯仔牛柳粒、菠萝咕噜肉啲肉冇味，得个酱汁有味，不了。小炒黎讲直程系唔合格 😅 希望下次再去会有改善。 五个人去食六个𩠌，饮埋啤酒埋单都系$300有找，个人觉得OK ～ 下次再帮衬！
继续阅读