女人街食飯公司

营业中

休息中

平日夜晚8點多舖頭門外都排滿人😳好彩fafafoodie book左位😬都要等左陣先入座🙈呢度真係幾時都咁高人氣👫👭好熱鬧好有大排檔氣氛，加上佢既營業時間開到凌晨12點，見有啲客人好夜先入座，如果夜放工都可以黎飲飽食醉👍🏻👍🏻#蒜蓉蒸蟶子皇 🐚❣️蟶子size都幾大～果然係蟶子皇😀火喉控制得好，彈牙唔韌，蒜蓉豉油唔太鹹可吊到啲鮮味😊粉絲索晒啲精華都唔可以睇小👍🏻HKD68/pc#八味脆鮮魷 🦑❣️侍應話八味姐係椒鹽，炸皮好薄😉鮮魷好軟嫩好易咬開💞喼汁都唔係一般餐廳俾既開水喼汁，而係似李派x喼汁既質素🤩HKD108#梅菜扣肉 🐷梅菜扣肉係一門手工菜😎肥瘦相間既五花肉炆得入味，甜梅菜索晒啲醬汁，砂煲熱力令醬汁變得更濃縮😲好岩送飯食～如果扣肉切厚身啲口感應該好啲🤔HKD98#砂煲臘味豬油撈飯 🍚❣️上次黎已經想試，但賣晒…今次揀大熱天時🥵黎食終於試到！有冷氣唔怕！🥳一黎到侍應話要焗佢一陣先，跟住佢會幫我地加豉油再撈～撈好左再焗一陣😉咁就可以等到靚靚脆卜卜飯焦🤩有臘腸潤腸芫茜，簡簡單單已經好惹味HKD88女人街食飯公司#fafafoodie_旺角

返工勁忙，OT完想食餐飯，唞吓氣飲杯酒，發現原來旺角有間小炒開門開到12點，最啱我哋呢啲野鬼入去飲返杯。女人街食飯公司，聽個名已經知道好搞鬼，係正女人街近油麻地嗰邊。樓上鋪要上一層，門面見到有對龍鳳，就好似舊式嘅酒樓咁。入到去見到好懷舊嘅裝修，摺檯酒樓櫈，仲俾個兜兜你洗杯洗碗，時光好似返返去童年咁樣。望到個名了花多眼亂，乜鬼都想嗌，店員哥哥推介咗幾樣。一於等佢發辦，真係有驚喜啵！➤黑松露厚蝦多士 ＄𝟤𝟪店員必點！三件起跳，但係唔使太擔心一個人都可以食兩件。熱辣辣炸起，多士好脆，蝦肉厚身彈牙，松露醬超香，忍唔住沾完又沾。提提你上枱好即刻食，凍咗會硬身冇咁正。➤咁鴛鴦蒜粉絲蒸蟶子皇 時價店員哥哥話今日蟶子好新鮮抵食！上碟好驚喜😂係婆婆以前成日用嘅蒸魚碟，紅色花花邊，中間有黃色花花。蒜味好香，有花心思整埋熟蒜，蟶子厚肉又大隻，爽身好味。識食一定係食粉絲，吸盡晒所有精華。➤脆皮牛腩 ＄𝟣𝟦𝟪出面甚少見到，脆炸牛腩都係第一次食。牛腩本身已經煮淋，但係呢仍然好Juicy，加一個脆卜卜嘅粉漿再拎去炸，口感好鬆軟，但係入邊又唔會乾爭爭。另外配一個泰式辣汁，好醒胃。➤𝖧𝗈𝖾𝗀𝖺𝖺𝗋𝖽𝖾𝗇 ＄𝟦𝟤大排檔又

訂咗23/5-1830～2015，但未晒啲餸就開始催，1945開始追交台…到2000又再追仲講埋仲有蛋糕未切，攪到一啲驚喜都唔無晒；啲嘢都幾好食既…可惜攪到無晒mood 囉！

想食新派大排檔又坐得舒服，即使係旺角都未必易搵到，見到依間都好多人介紹，所以都想試一試，結果係食物算好味👍🏻👍🏻但服務態度失望👎🏻👎🏻黑椒蜜餞薯仔牛柳粒($168)牛柳粒少到要搵先見到，估計不出四件，大量薯仔三色椒，味道甜甜地，好好食，但份量絕對同價錢有好大鳳梨懷舊咕嚕肉($118)咕嚕肉未算炸到好脆，肉質尚可，都好有咬感，少少菠蘿有黎清新感，除去整碟肉既油膩差距黑松露蝦多士(每件$28，三件起)👍🏻👍🏻👍🏻要趁熱食，好脆好香，大細算正常，蝦滑都好有蝦味，如果凍左食就有少少油膩蝦乾粉絲蒸勝瓜($98)賣相吸引，個底鋪左好多粉絲，平時勝瓜都會偏硬，但係佢蒸到少少淋岩岩好，蝦乾條條都大，鋪面既蒜好有熱度同鑊氣👍🏻👍🏻👍🏻好味道招牌炒米($108)比想像中細，味道正常，普普通通，四個人分都可以，當有少少澱粉質落肚服務態度👎🏻👎🏻👎🏻一坐低睇餐牌，朋友想詢問有關某菜式包含既食材，但伙記未答完就行走左，回答問題既態度令客人失望👎🏻👎🏻👎🏻是次為星期五晚飯時間，四人6:15-8:15限時兩小時，到7:30左右，已經收起我地所有碗筷，水壺茶壺都極不願意俾我地，好想我地快d埋單👎🏻👎🏻👎🏻

4月1日疫控放寬，也多了遊客。可能位置在遊客區，所以比較多遊客幫襯。首先去食店不是由商業大廈進入，反而行前10步由一幢大廈搭𨋢上。當日我地book 咗6:30，去到門口只得少數人等位。當然book咗位就安心d。入面張張枱都係圓枱，係幾好既，但我地7條俾張12人枱，又無轉盤就5太方便，我地不停將餸換位。伙記人數感覺5係太多，沒楚撚記一揚手就有伙記回應。至於餸菜質素，有好有不好，份量5多，計埋加一就5係咁值得。風沙九肚魚：我覺得入5到味黑松露蝦多士：炸得幾好，5會過火咕嚕肉：鬆化脆口窩貼小棠菜：皮肉菜分散，麻麻煎蓮藕花枝餅：食5出果2樣味道胡麻鮮淮山：冷盤，ok蟹籽蛋白野菜脆米炒飯：飯粒分明，ok屋村三鮮：同外面街邊檔一樣，無特別我覺得餸菜選擇無楚撚記多。同埋食店預咗90分鐘用餐，又何苦不停勁收碗碟，結果我地都無癮，1小時就走人。

懷舊窩貼小棠菜 - 冇食過呢個餸一直都想試下, 原來係小棠菜整碎再加好似魚滑之類既野拎去煎炸🤔 味道都唔錯, 但其實冇咩小棠菜味🤣 好似同墨魚餅蝦餅既口感同味道差唔多, 但呢個好似淡味d同埋多左層炸漿, 我就中意墨魚餅蝦餅多d la, 不過冇試過都可以一試! 唔會伏黑椒蜜餞薯仔牛柳粒 - 呢個係大家一致認為最好食既一碟! 薯仔整得外脆內軟, 牛柳粒都煮得好軟稔唔會un . 兩樣野出面沾滿左蜜糖甜甜地好入味! 成碟都好好食!😍鳳梨懷舊咕嚕肉 - 咕嚕肉出面層脆漿炸得幾好, 幾脆身, 又唔算好厚. d肉都冇乜肥肉, 但都唔會好un. 肉既份量都幾多, 唔會三色椒仲多過肉😂 都算幾抵食古法豉油皇鵝腸 - 鵝腸同d芽菜應該係分開炒, 鵝腸就落左d甜豉油咁炒, 芽菜就冇豉油ge, 但個底都好似有少少豉油, 所以撈埋一齊食都可以, 唔會太淡味, 但個人中意再濃味多少少, 鵝腸都有時有少少鵝油味幾香口. 芽菜都ok, 唔會煮得太生, 同埋佢係偏肥短ge芽菜, 唔係幼長個d, 呢隻好似好味d!XO醬海鮮小炒王 - 好typical ge 小炒王, 有韮菜, 蝦乾, 魷魚, 腰果, 上面仲有d銀魚乾仔.

星期六夜晚10點幾，本身想去樓上另一間，但盲無開，於是轉戰二刷女人街食飯公司。餐廳內部一貫地道裝修必食之選：黑松露鮮蝦多士 🌟🌟🌟🌟🌟每次嚟都一定叫，加上黑松露沙律醬，好好食高湯蝦乾粉絲雜菜煲🌟🌟🌟湯都幾鮮，蝦乾好食，唔係唔好食，但有更特別嘅菜前面就略嫌失色。主食：蟹籽蛋白野菜脆米炒飯🌟🌟🌟🌟飯係脆米嚟，口感好食，推薦加埋雜菜煲嘅高湯，會更好食。胡麻雞絲粉皮🌟🌟🌟醬多，好食，但唔算驚喜。戰鬥碗啤酒

20個人去食飯，6點半入座8點3交枱，8點鐘仲食緊，啲侍應已經過嚟執枱，驚死你食唔切，未食完既野仲要畀佢拎收，果然係香港特色！佢哋唔係自己收野，而係叫你擺上轉盤畀佢收，呢個加一服務冇白費到！公道啲講，佢啲嘢食ok gec 特別係黑松露蝦仁炒蛋,薯仔牛柳粒都唔錯，不過可以大份d。其他野食普遍都細份d, 賣單一個都$250蚊。要再嚟畀錢受氣就不了👿 唔好諗住打住大排檔,香港情懷就要食你間野，香港人係醒目嘅!

有冷氣地方寬敞，有哂懷舊裝飾幾過癮。一大班人想柴哇哇食飯係唔錯的選擇。多人嚟可以試到好多菜式🤗燒乳鴿 - 非常出色！個皮超薄燒得勁脆，肉質唔乾好juicy，而且好入味，超推薦💯黑松露蝦多士 $28/pc - 多士脆到飛起，黑松露亦好重手好濃味👍🏻金沙炸魚皮 $78 - 新鮮炸真係冇得輸，鹹蛋黃沙沙的口感加上超級鬆脆魚皮真係食唔停口 超邪惡都要食！八味脆豆腐 $62 - 脆豆腐炸得好出色，脆漿夠薄裡面豆腐依然滑一滑👍🏻地道咖哩水魷 $68 - 冰鎮水魷特別清爽彈牙 口感好正，咖哩汁係精粹，超香濃惹味再帶點沙爹的感覺，微辣好食，適合重口味人士😏咕嚕肉 $118 - 夠脆肉嫩，醬汁好味，脆漿同肉比例剛好，唔會淨係得炸粉團蜜餞薯仔牛柳粒 $168 - 牛柳粒好嫩喎，蜜汁都好味黑椒再重手少少更正蒜蓉粉絲蒸大元貝 $58/pc - 超巨型元貝好抵食小食仲叫咗黑醋茄子、雞絲粉皮都好食。豉油皇墨魚BB 較為失色，墨魚BB係好爽口但豉油皇味道唔夠。

雖然佢哋裝修係舊式大排檔，但服務比舊式大排檔仲差。特別係其中一位男侍應，落單冇耐性，態度勁差。之後因轉枱上的轉盤，導致倒瀉杯茶，整到件衫濕晒，一句對唔住都冇，望一望就走開。生氣😡😡😡😡😡

同朋友傾開，佢話之前去左女人街樓上大排檔，裝飾擺放有好多懷舊香港招牌😍餐廳開到夜晚12點😱😱😱今晚放工收嘢就去試吓😻一去到餐廳真係覺得充滿懷舊氣息，超多人，好彩有book位🤣🤣🤣同大排檔將唔同嘅嘢就係佢有超大冷氣，坐得超級舒服😍😍😍今晚叫咗幾樣嘢食👍🏻密餞金錢鱔，香甜鱔亦新鮮😍黃金軟殼蟹，呢個不得了好邪惡，充滿着鹹蛋黃醬❤️❤️❤️蒸聖子，蒜蓉粉絲入味聖子新鮮彈牙😆😆香噴噴油飯，味道跟海南雞油飯非常相似！😋餐廳上菜超快，真係好似大排檔，熱辣辣鑊氣超香，嘆住冷氣，可以享受到大排檔風味嘅美食，值得encore😍😍😍

女人街食飯公司，就座落係女人街，大排檔風味，裝修全部都係大排檔風、香港味道，超有親切感💟懷舊感覺，但舒服、乾淨，升級大排檔，餐牌當然係大排檔各式小炒、海鮮，啤酒配戰鬥碗就係正🍺未食已經感覺良好瑤柱招牌走地雞，半隻，上枱賣相好吸引，好多唔同既醬料、配料，真係有瑤柱同炸葱頭舖面，好香👍🏻先配瑤柱加葱油，非常香，瑤柱味再提鮮，好好食，雞肉肉質幾好，新鮮雞既味道😋再試另一個醬，類似泰式海南雞醬，酸酸辣辣，幾惹味😗鍾意食葱好似我咁，仲可以一大堆葱加葱油加炸葱頭，好濃味好正💕一碟雞幾十種食法 不得了💦蒜蓉粉絲蒸新西蘭蟶子皇，大碟蒸，連隻碟都係舊式個啲蒸碟，好detail👏🏻好香蒜味，蟶子好好肉，口感味道都幾鮮，粉絲味道一流，爽😗XO醬碧綠炒蝦球，超大碟好足料，XO醬有大蝦米，西蘭花同蝦球都掛晒XO醬，蝦球好鮮好彈牙，相當好味🤤鑊氣都好正，幾唔錯既小菜選擇🔥相當唔錯既大排檔經驗，高質又好味，開到十二點，暢飲暢食，好啱一大班朋友聚會👩‍👩‍👧‍👧👨‍👨‍👦‍👦👩‍👩‍👧‍👧👨‍👨‍👦‍👦

Happy Friday 約三五知己食野飲酒去邊好？ 大家方便梗係去MK 啦😎 呢到環境闊落，老細見我地人多仲好好咁幫我地併檯。 好味菜色多到不能盡錄🤪 去圖❕推介菜式： 蝦餅，臭豆腐，干炒牛河，咕嚕肉自帶酒水50$ 枝with 冰桶🥳🥳環境做到老香港style, 鍾意懷舊feel 既朋友一定要黎打卡阿！埋單：🍺🍺🍺🍻 飲左太多唔記得🤣🤣🤣p.s. 可以早d 打去book 位😏好食指數：⭐️⭐️⭐️⭐️性價比：⭐️⭐️⭐️⭐️⭐️

終於都食到旺角出名嘅女人街食飯公司! 這家餐廳在我的開飯list上面很久了 (心情興奮中🤩)。懷舊風的裝修令人感到驚豔，非常復古的霓虹燈、招牌、鐵閘，模仿8、90年代香港舊時的海鮮檔、燒肉檔、車仔麵、理髮店，甚至麗晶大賓館和酒樓喜宴金龍，真非常適合拍照打卡！連餐桌、椅子、碗筷、水壺等都是8、90年代的款式。至於食物方面，除了一些傳統的大排檔菜單外，亦有一些新的fusion菜和一般大掛檔較少見的菜式❤️。黑松露鮮蝦多士 ($28/件) 三件起和坊間的不同，這裡不是用蝦膠，而是用上原隻大蝦，再加上黑松露真的很香。蝦非常爽口彈牙，麵包炸到金黃色，好香口又唔太油，再沾上有黑松露沙律醬一起吃，十分邪惡又好滋味。一定一定要襯熱吃，才能吃到最酥脆的狀態🤪!一囗臭豆腐 $72未上桌已經聞到朕臭味!!! 以為小小一碟，點知上到黎係好大碟，有超多塊。外表炸到金黃酥脆，内裡軟滑充滿豆香，沾上甜醬辣醬一起吃，正宗港式食法👍! 梅菜扣肉煲 (忘記了價錢)有別於一般餐廳，這裡的是以砂鍋來烹煮，氣氣撲鼻👃。扣肉夠糜爛酥香，入口肥而不膩，也充分地吸收了梅菜的香氣，連皮連肥膏一同吃真的會令人充滿幸福感，白飯少不免要來上一

今日去左旺角睇樓！原來都要幾長時間，唔經唔覺睇左幾個鐘！又行到好攰，就唸起之前有間高質旺角大排檔——女人街食飯公司！人流多，門口有7-8枱等緊。好彩我地兩個人，等左15分鐘左右就有得入座！1. 黑椒蜜餞茨仔牛柳粒 ($168)ENCORE 左呢個餸，水準keep 到！牛柳係厚身，但咬開好軟，好香好有咬口！薯仔係炸過，好香口，青椒洋䓤都好好味, 同埋我覺得價錢都公道👍🏻2. 杜小月櫻花蝦炒飯 ($118）重點係櫻花蝦！彈牙的玻璃蝦仁，放入味道似瑤柱蛋白炒飯裡面，好好味！蛋香重加上顆粒分明的飯，上面鋪左蝦子，幾種味道撞埋一齊好有新鮮感！再一次，我地食到清埋碟。3. 紐西蘭蟶子王 ($136）粉絲加蒜蓉蒸蟶子，再加上豉汁，老配搭，好有風味！今次再食既感覺係，人流比起之前多左。我地頭先打黎唸住book 位，電話哥哥都叫我地9:30pm 後先打黎。跟住walk in 上黎就明白晒，係keep 住有人等位，哥哥仔係好忙😂味道: 4.5/5 環境: 4/5服務: 4/5性價比: 4/5