女人街食飯公司

营业中

休息中

女人街食飯有限公司（Ladies Street Sik Faan Co.）是一家位於香港旺角通菜街的懷舊港式大排檔風格餐廳，深受本地人和遊客喜愛。餐廳以80至90年代的香港經典大排檔為主題，裝潢充滿懷舊氣息，例如霓虹燈招牌、鐵閘、木製桌椅和紅色座椅，營造熱鬧又舒適的用餐環境，非常適合朋友聚會喝酒聊天。餐廳主打港式家常菜，並且在傳統菜式中融入創意元素，菜色多樣且味道地道。嘗試了的菜式包括：薯仔牛柳粒是一道經典港式菜式，特色是薯仔炸得外脆內軟，帶有蜜餞的微甜，牛柳粒口感軟嫩，肉質鮮美，整體味道甜鹹適中，層次豐富。不過份量較少，整道菜算是味道不錯且帶有特色的懷舊風味小炒，適合作為佐餐小菜或下酒菜，深受食客喜愛。金沙鮮魷是一道受歡迎的小菜，鮮魷炸得外皮酥脆但炸粉不厚，帶有濃郁的咸蛋黃香味，口感層次分明，鮮魷本身新鮮爽口，彈牙多汁，份量充足，非常惹味且適合作為下酒菜或配餐。雞絲粉皮是一款港式冷盤小食，採用滑嫩爽口的粉皮和細嫩雞絲，拌以胡麻醬或混合醬汁，入口清爽開胃，是炎熱天氣下深受歡迎的前菜選擇。整體而言，女人街食飯公司走懷舊路線，環境寬敞熱鬧，提供富鑊氣的港式經典菜肴，既適合拍照打卡，也能享受

終於有機會嚟食， book咗8:30pm，真係好多人喺門口等，人山人海。四個人，我哋叫咗蝦多士、生炒骨、半隻雞、臘味煲仔飯、臭豆腐、魚香茄子煲、牛柳粒，仲有個淮山冷盤做小食。佢哋啲份量真係好誇張，每一樣都好大碟，尤其係個臭豆腐，目測應該有20粒！鑊氣好夠，味道啱啱好，最緊要啲餸唔會太鹹。佢哋都好多打卡位，做到真係好似以前喺街邊嘅大排檔咁樣。佢哋啲服務都幾好呀，有提議我哋食乜嘢，但係又唔會hard Sell。

XO醬海鮮小炒王色澤鮮亮，配料豐富，賣相吸引。上桌時XO醬香氣四溢，帶點微辣，入口鮮味十足，魷魚爽口，蝦仁彈牙，脆果香脆，蝦乾香口惹味，食落啖啖脆魚仔，令人食到停唔到口！鳳梨咕嚕肉外層金黃酥脆，肉質嫩滑，酸甜醬汁包裹著鳳梨、三色椒和肉塊，食落啖啖酸甜，撈飯超正，超開胃，香氣撲鼻，吃後不覺膩。椒鹽脆鮮魷炸得香脆，鹽香和蒜香交織，炸蒜炸得好香脆，撈飯一流！蘸埋醋食，配搭一流😆酥炸蠔餅外皮酥脆，好多粒蠔仔係入面，超足料！黑椒蜜餞薯仔牛柳粒色澤誘人，黑椒香氣濃烈，牛柳粒嫩滑，薯仔帶微甜，又係另一味食到唔停口嘅餸菜！馬拉盞時蔬炒牛肉色彩繽紛，馬拉盞香氣撲鼻，牛肉滑嫩，蔬菜爽脆。整體來說，每道菜都色香味俱全，令人食過返尋味😋

預訂了八點半哪一個時段 ， 不用等還可以提早入坐， 預訂了杏汁豬肺湯和他推介的瀨尿蝦以及留了兩隻乳鴿， 懷舊小菜好惹味,乳鴿炸得好皮脆嫩滑 ，杏汁豬肺湯好滋潤,豬肺洗得好乾淨,好食到係咁再叫其它餸。服務員招呼非常好,親切有禮,他們一直保持檯面衛生,仲好識氹人開心,同朋友相聚食飯完全冇壓迫感,暢所欲言， 整體食飯過程沒有被催促的感覺( 我相信是因為我們選了八點半的那一場)。 總體意見一整晚都是食得開心又愉快， 而且價錢合理。

裝修勁有心思的一間餐廳懷舊風格非常有特色菜式選擇亦非常豐富樣樣都好吸引🤩黑松露炸蝦多士每件都大大件蝦肉🦐爽口彈牙配上黑松露中西合璧香味大爆發黃金鮮魷鮮魷每件都好厚肉炸至金黃香脆再沾滿邪惡蛋黃🥚每一口都惹味得很青芥末沙拉骨🐷青芥末醬酸酸甜甜帶甜微辣口味清新非常開胃避風塘瀨尿蝦一上枱已經勁吸睛🤩舖滿大量炸蒜🧄每隻瀨尿蝦比我的手掌還要大食落啖啖肉而且肉質爽彈還充滿鮮甜味重點一提餐廳除咗環境好食物好之外員工服務都一流👍🏻除了會主動幫我們換碟清理枱面之外亦會關心我們口味是否合適實在非常貼心

一直都好想黎試，終於可以黎，服務欣勤，店員會主動推介菜式，菜式好有心思，試左7個餸全部都好好食，唔重口味，裝修又靚，好岩成班人黎☺️裝修勁靚，好有懷舊特色，整體食得好開心

嗌咗幾度小菜，有墨魚餅、生蠔、炸蠔餅、薯仔牛柳粒、蜆、黑松露蝦多士。顯最唔好食，好淡味。其他好似墨魚餅、炸蠔餅、薯仔牛柳粒就幾好食。生蠔都好好味。至於黑松露蝦多士係最好味，必須要趁熱食，要三件起。要加一服務費。

訂8pm，7:55pm到達，佢哋睇都唔睇booking 就講：出去等啦一等等到8點半，佢再講：訂咗枱就排隊慢慢行入嚟啦一坐低唔知有冇2分鐘，menu都未睇完就催人落單 落野飲 連有咩飲都未睇到～（最後野食到咗野飲仲係未到～咁急要落單做乜？要心理準備？？）唔知邊位得罪咗個落單女侍應，塊面黑到好似全世界對佢唔住咁～上菜個女侍應係幾好嘅催單後終於野飲到，同枱朋友見佢有好多杯，就好心話我哋係3杯，個阿叔：「你想要幾多杯都得㗎～俾你 哈哈哈」真好笑😒到食物～最好食係雜菜煲同麻辣雞煲～都好難難食嘅⋯黑松露蝦多士個醬～伏到爆！其他唔講喇～呢間野無下次，野食可以忍，侍應好惡頂

一家人食飯，食物不錯，老人家都好鐘意，多謝紀經理及各位職員招代，好開心😁，thank you 豬油撈飯，脆皮乳鴿都好好味😋，今晚訂位都好準時入座，招牌杏汁燉豬肺，全家都好鍾意😊

因為屋企人一直想試呢間餐廳，需要提早book位約左8:30食晚餐，同行有一位小朋友，所以已預先打電話同佢地講定盡量安排角落位置，點知去到既時候居然安排唔到，要坐中間位置，眼見其他位置未有客人就坐，於是向一位戴眼鏡矮既侍應反映可否調位點知佢態度惡劣，仲話當初只係應承我地盡量安排，係咁推搪話個張枱好迫，但我地話我地唔介意，經過一輪爭拗先比我地調位等左好耐先有野食，而且食物質素一般，蠔餅超厚粉，個咕嚕肉冇味，兩餸飯個d仲好食過佢，雞唔夠滑，唔明白點解咁多人食？仲要+1服務費，完全冇服務可言，之前見到OpenRice食評都未必相信咁差，但試過一次之後真係覺得好差，一定唔會再食

叫左蠔餅 好油膩鹵水大腸 不過不失黑椒鐵板豬蹄 太鹹黑椒牛柳粒 全部食物好重味精 同埋偏鹹 一定要嗌嘢飲食物質素就麻麻地㗎喇勝在有裝修夠地道不過佢定時定後要趕人走 佢寫到明係八點十五分要趕人走咁無計 咁都係公司都想做兩轉 不過佢第一轉都唔見有人坐爆第二轉都有好多空枱 因為佢得兩個時段畀你揀一係六點一係就八點三 如果去嗰度食記住叫朋友準時如果以大排檔質素嚟講佢嘅質素就麻麻地啦本人最concern 係佢重味精食物質素一般希望有所改善。

食物正常發揮：炸蠔餅炸漿過多，蠔仔唔算多。蜜椒薯仔牛柳粒，薯仔炸得唔夠脆其他都正正常常。差唔多食完，8點半夠鐘還枱，8點13分已經交單叫埋單，話唔好介意。咁都算，8點26分就話唔好意思夠鐘叫我地埋單走。出到去以為好多人等位，點知一個人都無。想同兩位朋友飲多兩杯都唔得，3個人食，咁就差唔多一千蚊落樓。話貴唔係話好貴，但呢種服務態度真係好難怪香港人都上哂去深圳消費。你話好多人等想翻枱做多兩轉好合理，出面無人等都趕我地走真係令人難堪。

這家餐廳的菜品色香味俱全，令人垂涎。特別是招牌既黑松露多士，多士外脆，蝦內嫩，搭配特製黑松露沙律醬汁，風味獨特。招牌走地雞則鮮嫩多汁，調味恰到好處，讓人一口接一口。芥蘭煲的香氣撲鼻，配料新鮮，口感豐富。螺頭湯品清淡卻不失鮮美，十分暖胃。整體而言，這裡的菜品不僅呈現精緻，味道更是讓人驚喜，值得一試！

話說今次同朋友兩男兩女食，因為之前食過唔錯，朋友又未試過，所以決定帶佢地黎食，當日仍然依舊多人等位，要喺門口拎飛，但明明我地個號碼喺下一個號碼前面，下一個號碼既係4個女仔，但見到門口男店員安排佢地入座先，其實男店員負責入座既人大部分都係同一個男店員，佢地入座後我地等多成大半個鐘先可以入座到。我真係百思不得其解點解係安排後一個號碼而係4名女仔入座先？呢到係咪有女士優先今日都點左幾款菜，而蝦多士係我每次都必點既，因為佢既做法真係做得不錯，個多士好脆而已佢個蝦好彈牙，又食得出香濃既黑松露醬味望落已經炸得唔錯。另外呢到既咕嚕肉都好出名，酸酸甜甜，但咕嚕肉就比較少。小炒皇就必點既，呢到都好足料，有哂大大隻既蝦乾又有大量既魚仔。魚腸超級飽肚，但就普通，無乜特別。呢個啫啫芥蘭煲必點，非常之香，配白飯一流呀！黎到呢到飲啤酒一定係要用戰爭碗先飲得爽架～

距離交枱時間仲有十五分鐘已經係咁催，但當時仲有大量食物未食，大家都好努力想食哂啲嘢，但到交枱時間仲有嘢未食，伙記們已經態度唔好，係咁催走，今時今日咁嘅服務態度點得，難怪人人北上消費，喺國內從未聽過會催客走。呢間餐廳今日種下嘅因，將會成點聽日結出嘅果，咁嘅服務態度唔可能吸引顧客再次幫襯，再加上食物質素並冇想像中理想，難道 貴公司係希望生意淡薄唔洗做嗎？其實大家一班人嚟食飯都只係想開開心心而唔係嚟受氣，如果大家仍然有興趣嚟呢度挑戰，祝各位好運。