奇華餅家 (已搬遷) 新店位置

嘔心瀝血地寫左篇小說，竟然有人質疑是抄襲的，不禁有一絲絲怒意，決定去買ｄ野食氹番自己，見未食過龜包，就買黎試下。個包有少少硬，內裡係黃色既，雞蛋味十足，又唔會搶晒牛油味，甜甜的，感覺比食餐包滿足。食完開心番，可能因為係甜既關係。為食得滯，食左半個先記得影相。

今日晏晝肚餓,想起前日同事畀個由物流公司送o既奇華迷你蛋黃白蓮蓉,於是拎o黎食喇.迷你月餅size比棋子餅大啲,一啖咬落去,唔甜,皮比美心o既薄小小,蛋黃同樣係金黃色同咁乾,中心顏色雖然有啲橙紅色,但仍然係乾o既.白蓮蓉o既油份好明顯冇美心o既蓮蓉咁多油,而成個月餅都唔油膩,食完都唔覺漏.PS:我係同美心四份一個雙黃蓮蓉月餅比較.同樣地唔知o係邊間奇華攞,只可參考味道.

出咗一排而我又未試過咪買一袋試吓囉, 有五塊, $6, 不太好食, 無味之餘又無生氣, 死打鼓鼓一塊麵粉咁塞入口.

乳酪吐司$5一包,都食咗好幾年,都幾好食,但略甜.椰子吐司$5一包,個人認為無乳酪吐司咁好食.金腿迷你老婆餅$8,難食.排包,又係甜.

見到有蜂蜜蛋糕就買左件，打開包裝袋就好香蜜糖味，但係落就無左，蛋糕口感鬆軟，唔太甜...唔知同台灣果隻蜂蜜蛋糕有咩分別呢?

貪得意試左香芒酥(即係鳳梨酥換左芒果餡既改良版)個皮一樣係酥化但唔知點解感覺上無以前初出時咁好味芒果餡又太甜結果我只係食左個皮放棄晒d餡之前都食過佢既合桃酥酥化但食少少已經覺得好油不過佢有少少欖仁所以好有口感

因為我住在個度附近, 常常穿著T-shirt 短褲, 踢對涼鞋, 落去商場食0野~有一日, 我入去葵芳間奇華買芝麻餅同埋蛋榚食,D 職員當我透明, 完全無反應, 跟住有第二個客人入嚟 ,打扮似在上面寫字做嘢的人, 就好好招呼, 冇買嘢都同佢講bye-bye , 我去收銀處比錢, 連多謝都冇句, bye-bye都冇句, 簡無天理~ 自問正常人一個, 著得靚同唔靚是兩種態度, 簡直是「狗眼看人低」~ >_<

到這兒睇早場電影，慣例：我買戲票，女友買早餐。因過去一週，我們每天都吃「聖x娜餅屋」的公仔造形麵包，故幫趁這兒。本週特價貨品乃蒸蛋糕，她挑了咖啡味和雲呢拿味各一，一枚$3，兩枚$5.5，好抵！包裝和賣相企理，蛋糕粉糰發得相當漂亮。味道中上，甜度適中。質地滑溜，絕無「食風」的感覺，挺飽肚哩！咖啡味淡中帶香，相當討好；雲呢拿味頗淡，給比下去，但兩者都係水準以上！

本週特價貨物是「龜包」（$3.5/個）！買了數個回家，以微波翻熱，再塗上牛油果醬，味道香香甜甜。可是我小時候生病時，家人買來逗我吃藥用的甜食哩！

昨日經過奇華,見到糯米做特價$12兩盒,立即買左兩盒黑芝麻返屋企食,買番黎o個晚食左一盒,d 芝麻餡好香又唔係好甜... 到第2日中午,糯米既外層已經變得好硬喇.....結果,我地淨係食曬d 芝麻餡,無食到個皮... 所以奉勸大家,奇華既糯米真係要即日食呀~

好想食忌廉筒好耐，今日過見到好靚就買左一個試。面層有好多糖粉，當然以為唔會有咩甜味，點之甜味十足，個筒日感好好，好鬆化,但略嫌唔夠牛油香，d cream 好滑好甜，我個人都好鐘意甜，但係里個忌廉筒如果可以淡番少少會更好~

奇華葵芳村分店已經搬到新都會廣場172-174號舖,電話24246818, 麻煩editor更改一下,thx!!奇華餅食一向質素平均,好好食又唔算,唔好食又唔算!尋日買左包蛋糕仔,ok啦!! 唔太差咁lu!不過用黎送禮就真係諗得過,原來除左佢地本身已有既禮盒裝;客人仲可以自選餅食,然後店員會比個靚靚紙盒幫客人包裝送禮,幾大體架!!新都會分店個個店員都好有禮貌,客人有乜野問題都細心解答,呢種服務態度真係要讚!!