奇華餅家 (又一城)

营业中

休息中

芝麻 & 紅豆 糯米池某天放學後買了兩盒糯米池 - 芝麻 和 紅豆 味.很失望..兩隻糯米池的外皮都太厚了! 而且很甜!!! 吃了兩件已經覺得好濟了..餡料方面 紅豆冇乜紅豆香味..芝麻杰達達又唔夠香口.. 餡又細又小..這張照片已經是餡最多的位置的橫切面了. 它名乎其實是皮厚餡少!!! 德國奶露包 $8這個包是我的奇華最愛!!!長條形的包 包身雖然是乾淨淨!但是它的餡是奶白色的cream,非常好味的!!!它的味道是介乎於忌廉 & 奶油中間.很香奶味,,充滿肥膩既感覺! (我最鐘意!)滑嘟嘟的的cream令到我好想"chu"哂d cream出黎呀! 如果大家鐘意食cream既話一定會好鐘意呢隻cream!!! 好特別好好味架!!! 熊貓曲奇 牛油曲奇熊貓曲奇啡色的部份是朱古力味,非啡色的是普通原味牛油曲奇..這個曲奇很香口鬆化!!! 一般超鬆化既曲奇餅例如jenny bakery既曲奇都會有好大陣既牛油味!但係奇華的熊貓曲奇鬆化得黎 唔覺佢好牛油好膩!所以 一次過食好多塊都唔會覺得漏呀!! 脆香杏仁片 朱古力曲奇! 滿心以為奇華的曲奇都是好像以上提及的 牛油曲奇和熊貓曲奇般鬆化.但

行過又一城行完哂Taste之後經過奇華, 順便睇下有咩零食買俾陳某食下, tum下佢開心買左佢一向鍾意食既哈密蘇($6), 佢話唔太甜, 味道又特別, 另外仲見貪得意買左 南乳小鳳餅($16), 可惜唔係太好食, 下次想試埋個XO味先, 其實仲想買月餅食架, 不過心知根本買左就唔會想食, 所以都係放棄lu

奇華的雞蛋卷身子單薄﹐既纖瘦又矮小﹐往往要鯨吞三條才帶出一條德誠的滿足感﹐別有一番風味。勝在夠脆﹐但要小心通風。$92 一大罐的分量十足﹐送禮得體﹐可惜從包裝到味道都擺脫不了大量生產的影子﹐只好叫自己看開點…

見做promotion, $9.5 兩件就買來試試首先食紅豆味, 紅豆餡非常非常少, 唔係太食到紅豆味, 可以多點就perfect！ 唔太甜, 唔滯！蛋糕濕潤鬆軟, 好好味花生味第二日做早餐, 花生餡也是薄薄地, 這個食到花生味, 好香, 蛋糕同樣好鬆軟, 好好味感覺好健康的蛋糕( 成分寫用的是大豆油), 下次都會再買！每星期都好期待promotion

又到了打波的晚上, 時間不多來個麵包速食當dinner就算了. 求求其其去奇華執個包食頂住先啦~見佢叫紅豆燒餅咁有趣, 就本住好奇0既本能試一試...一咬開, 咦? 白色的? 再咬, 咦, 咁少紅色的?要食了大半, 先見到多少少0既紅豆餡...這個是燒餅...??? 有其名卻有欠其實...佢叫返做紅豆包算啦...= ="個包亦食到有點點的苦味...紅豆就當然是假的味道了...嗯...奇華, 我想還是不要再買它的包包好了...安全點, 買返佢d舊中式餅點吧@_@

個胃之前感冒, 見好返d, 就來個測試, 睇下個胃好返成點~~ 所以今日就來個小熱身, 試個迷你0既皮蛋酥先!!餡料份量OK 0既, 蓮蓉同皮蛋的份量剛好~~唔太甜膩, 不過個皮可以再酥化d, 但算啦, 始終都係d獨立包裝0野, 有呢個水準都唔錯喇.不過, 個人會較喜歡有子薑的皮蛋酥~

綠茶紅豆, 呢個黃金配搭都出左好鬼耐...話新就真係唔算新...但做糯米chi個餡又真係好似第一次見...??? 有冇高人話我知仲有邊度有綠茶紅豆糯米chi賣??綠綠的一PAT綠茶餡, 幾甜, 我又唔係好覺紅豆的存在喎...........綠茶味都有0既~~~糯米皮做得太過煙韌, 有欠軟糯口感...我食落口第一個感覺係: 橡皮軟糖?做緊PROMO一盒$8, 唔緊要啦~

第一次0係奇華買早餐食@0@試佢個綠豆包, 中式用料西式做法吧??? 出0黎個效果又真係幾得喎~!!! 個包都幾鬆軟~~綠豆味都幾香~~唔錯!!! 最緊要佢又唔係貴, 個SIZE都唔細~~~

蛋白瑞士卷好濕好實好甜一d都唔好食....黑芝麻蒸蛋糕好好味有芝麻味又會太甜蒸蛋糕唔乾但又唔會濕dapdap幾正其他喜愛食物:蝴蝶酥,黑芝麻蛋白曲奇,海苔脆寶,南瓜酥,馬仔拿破崙,糯米糍,麵包類全部都太甜,接受不了

呢排多0左呢類食店/食物的COMMENT, 無法啦, 出去食個WHOLE MEAL比起自己帶的肥膩好多...唯有揀擇下呢D散貨去止止心癢...儲儲彈藥下次0黎舖勁0既!食飽飯一條冷離開公司周圍蕩, 今日留0係九龍塘散步, 肚空空去到奇華買個低糖蛋糕食下, 俾面佢用麥芽糖醇(即係代糖) 無用過砂糖, 計算過都食得過! 又唔係貴~! 不過呢...覺得佢個質地真係好乾...令我對海綿蛋糕呢樣物體好感再下降...但食到真係唔太甜, 淡淡的幾好食~!上次食過佢個香芒金酥, 好鍾意果陣杏仁香~!!! 反之個芒果餡就...算數啦, PACKED PRODUCTS加CHAIN STORE就會有個咁0既RESULT...好想試埋佢個光酥餅同皮蛋酥, 但一見佢成份有"食用豬油"就怕怕了...因為我要儲QUOTA食大餐!!!!!

我飲食喜好的而且確偏向意式或日式~但有一樣中式茶點我係encore再encore的…去奇華我從來齋獨沽一味：皮蛋酥除咗個酥皮從來沒令我失望…最主要它的皮蛋芯夠靚冇"額"味。皮蛋再襯上薑蓉餡及少許芝麻香味…真係齒頰留香！size都只係冬天用的手心暖蛋咁大~當小食就可以…比起麵包始終不能充飢的。即意味著如果麵包與皮蛋酥同時值$5的話，論size及飽肚度始終皮蛋酥係有點奢侈！食咗咁耐話就話擺到三日~但職員收錢時都提醒我最好一日內好解決…拎到返屋企才知道母親大人都愛這小食。咁我比起佢的好明顯慢咗半拍啦！hahaha…

買它- 龜包, 因為想念, 還記得中學時去元朗補習, 總會經過一間麵包鋪, 新鮮出爐既龜包, 現在就只有奇華有它的影, 它不是軟綿綿, 也不及十字包般質感豐富, 但它充滿著回憶, 吃下時亦想起另一個愛它的網友包痴- 北斗星曲奇, 你好嗎!

在cityu上學, 趕快地在taste 買下沙律,然後在奇華買包包,急急腳地挑了一個'德國奶油包'(類似名稱),外表怪怪, 但味道不錯,$6 雞, 抵~

芝士吐司一如以往好味但以前賣5蚊5片而家已經加幅四成7蚊5片有d唔抵

尋日放工經過,見龜包特價($6.4 for 2),即時買o左兩個,一個宜家食緊(做早餐),另一個作今日午餐!之但係,平雖然平o左,但隻隻都好似纖體過,變晒"細龜"!Size細過平時四份一!