奇華餅家 (已搬遷) 新店位置

今年公司無月餅派了，但生日有得換一盒蛋卷，都叫做係好過無啦。換左盒三款口味的蛋卷，紙盒包裝都幾靚喎。三款口味分別係原味，椰香，同芝麻味，除左芝麻易分別出來，另外兩款顏色差不多，要睇後面個貼紙先知了。先試試原味，好鬆脆又富蛋香，好食喎。芝麻口味顧名思義就係多左芝麻啦，明顯見到一點點嘅黑芝麻，蛋香加上芝麻香都好好味噃。最後係椰香蛋糕，多左椰子香味，聞得出但食落同原味無乜分別，都幾好味吖。三款口味的蛋糕都唔錯吖，細細條，口感比傳統鐵罐裝的硬一點，比較紮實，但蛋味濃郁又不過甜，係好食嘅。

又係一年一度的中秋節，今年公司都有派月餅券，家中已經有蓮蓉月，就換奶黃月餅試試吧。換左醇茶奶皇，仲可以加多一個迷你奶黃同一個迷你蓮蓉月。未到中秋，先開盒睇睇，茶味有茉莉花同伯爵兩種口味。奶黃月，返光睇唔清添蓮蓉月，拎上黎幾聚手。到左中秋啦，先嚐奶黃月，幾香呢，不過偏甜，個皮亦較乾身，叮一叮好似真係好味啲，軟身左感覺無咁乾。蓮蓉月較受歡迎，一切開就被拿走一半，哈哈今年油水唔錯，蛋黃好靚仔，甜度剛好。隔日再試埋醇茶系列，質感摸落同奶黃無異。茉莉花茶口味，好香，茶味回甘，完全唔甜好正伯爵茶口味，見到餡料中一點點茶葉，同樣好香，呢款香味更霸度，完全係西式花茶嘅感覺，都係唔甜的，茶味太強食唔到奶黃味。個人非常喜歡喝茶，所以覺得醇茶系列好正，如果喜歡奶黃月的大概不認同吧，不竟無乜奶黃味

一如舊年，公司都係會送一盒迷你雙黃白蓮容月餅過中秋的，人人過節開心下。包裝無變，黑色鐵盒幾型。一盒八個迷你月餅，獨立包裝。油水不算很多，但蓮蓉香滑不過甜，蛋黃咸香，收貨了。迷你size一次吃半個，好快就ko一盒了。

明天又是星期一，大家心情可會不爽？不要緊，這星期是4-Day work，因為星期四又是端午假，大家可於悠閒假期睡個懶覺，然後起來吃粽子了～佳節快到，大家又吃了粽子沒有？甜魔家今年第一粽，仍是奇華的出品，特別要推介高纖又健康的「藜麥肉鬆粽」，藜麥是公認的超級健康食品，估不到用來包粽又幾夾，配合蝦米、紅蔥頭、栗子、肉鬆同吃，健康得來都幾惹味呢。至於另一新品「桂花紫薯粽」，以混入清甜紅豆的糯米，包著香甜軟滑的紫薯、香甜桂花及滋養的桂圓肉，清甜得來帶點煙韌，比平常的豆沙粽味道或口感都豐富很多！另外奇華的「極上珠姐XO醬五花腩肉粽」吸收了「極上珠姐XO醬」的精華，色香味俱全，向來都是心水，今年也有重溫。老公就十分喜歡矜貴又足料的「雙黄金華火腿瑤柱裹蒸粽」，一隻下來比一頓飯更滿足！其實奇華除了出品水準穩定、分店多、優惠也多（以上粽子就有不同的信用卡／消費額優惠），可愛的包裝也是取勝之道，每次家中一有可愛熊貓的禮盒，兩兄妹就會樂透了！在此預祝大家都有個愉快端午假～～～

秋天來了, 天氣終於轉涼, 也是吃臘腸以及膶腸的好時候. 這天晚上就在家跟文迪兩口子來個臘腸餐, 有時候不用吃甚麼名貴的菜式, 簡簡單單的家常便飯, 其實幸福就是這麼簡單.奇華鮮肉臘腸 $178: 8分, 先吃臘腸吧, 奇華鮮肉臘腸一客10條, 以頂級的豬上肉來製作, 沒有太多肥肉, 自是來得健康一點. 腸衣質感爽脆, 肉味香濃, 帶微微玫瑰露酒的香醇味道. 當然, 把臘腸放在飯面上蒸, 吃底下的白飯才是皇道, 白飯滿有臘腸的香氣, 甘香動人, 大滿足.奇華鮮鴨膶腸 $178: 8分, 至於一客8條的奇華鮮鴨膶腸, 就是以特選優質澳洲進口鴨肝來製作, 入口帶玫瑰露酒以及醬油的甘香, 而且質感是幾嫩滑的, 吃一口潤腸, 再吃一口白飯, 人間美物.就在天氣轉涼的時候, 奇華餅家的奇華鮮肉臘腸以及奇華鮮鴨膶腸實是不錯的時令美食, 兩口子在家吃臘腸餐, 再加一碗白飯, 那份溫暖, 已經勝過不少珍貴名菜.