太郎居酒屋

营业中

休息中

好耐未食過日本菜啦雖然係香港搵日本嘢食好易但係搵到一間高質嘅，真係有啲難度。 好采朋友推薦咗呢間，令我唔使搵得咁辛苦🙈🙈。餐廳嘅裝修好別緻 牆上面有啲不倒翁 仲有啲手繪嘅餐牌 畫得好可愛 真係好有心思💕💕我哋叫咗一個二人前 $688 有兩碗蜆肉海帶湯 關東煮有年糕福袋 魚餅 蘿蔔 椰菜豬肉卷 鵪鶉蛋 芋絲 非常豐富🥹🥹另外可以自選六串串燒 牛柳粒肉質鮮嫩 雞翼外皮燒到好香 豬腩肉肥瘦適中 除此之外仲有刺身 三文魚油甘魚各兩片 仲有海膽 不得不讚佢刺身切得非常厚身🫶🏻🫶🏻最後仲有一個牛肉壽喜燒 其實我見佢嘅牛肉內臟雞白湯鍋都幾特別 不過朋友呢就唔食內臟所以都係下次先 最後有甜品送 係芝士蛋糕 估唔到呢度嘅蛋糕好好食 芝士味香濃☺️☺️

餐廳位置尖沙咀海港城附近， 地理位置都幾方便，不過地鐵站嚟計，柯士甸站會更加近。餐廳嘅裝修好有日式風味，成幅牆都有燈籠作為裝飾，有一種置身日本嘅感覺🇯🇵🇯🇵🇯🇵而嘢食方面，我哋叫咗個兩人餐，性價比都幾好， 因為包咗好多唔同嘅嘢食，例如喺串燒，魚生，火鍋，仲有關東煮，同埋白酒煮蜆。 湯同埋飲品但係唔少得， 最後仲有甜品㖭。詳細啲咁講，餐廳嘅刺身都好新鮮，都係厚切嘅，我呢次食呢個種類，有三文魚，油甘魚，同埋海膽🤤🤤， 每樣嘢都係我嘅至愛。❤️而火鍋，喺壽喜燒湯底，當然唔少得係日本雞蛋，當熱辣辣嘅牛肉，放入攪暈咗嘅雞蛋到，係人生一大享受。而其他嘢食都幾出色，我就唔一一介紹啦，大家可以睇相就見到。

🎌🎎【 太郎居酒屋 】🎎🎌 ⋄—————⧫♟⧫—————⋄位於尖沙咀廣東道嘅地道居酒屋🍶 室內設計還原新宿居酒屋風味，氣氛一流🏮同時結合本地元素，供應本地港人至愛嘅下酒小食、小菜😚所有菜式更係即叫即做，絕對感受到師傅嘅用心👨🏻‍🍳❤️⋄┄ ┄ ┄ ┄ ❖ ┄ ┄ ┄ ┄ ⋄▪️◾️全新二人餐◾️▪️（ 原價$688＋10%）🥣蜆肉麵豉湯（兩位）🍢關東煮- 白蘿蔔、年糕福袋、魚餅、椰菜豬肉卷、牛蒡卷、鵪鶉蛋、芋絲在柴魚、昆布高湯中加入各類魚漿製品，係冬天必食嘅日本煮物料理😍🐟刺身盛合- 三文魚、油甘魚、海膽刺身厚切，又新鮮，口感一流！🍢串燒（選5串）- 白鱔、魷魚鬚、牛橫膈膜、牛柳粒、香辣松阪豬、日本直送雞臀、雞翼、日本銀杏串、大蔥雞肉串、日本小青椒、翠肉瓜、五花腩）串燒真係好吸引，即叫即燒，熱辣辣地上桌，每一串都好夠味，超惹味！🐚小食（選一款）- 炒雜菜／清酒煮蜆清酒嘅清香味，配合新鮮蜆，最佳配搭。🍲鍋物（選一款）- 原隻龍蝦湯鍋／牛肉壽喜燒鍋 / 博多雞白湯牛內臟鍋鍾意食內臟嘅朋友有福啦，呢個鍋物有各式各樣牛內臟，加入韭菜、蒜頭、辣椒、娃娃菜、豆卜等，香氣四溢，冬天食暖笠笠，一流。🍰甜品 （兩

朋友仔搵到新工話要請我食嘢，去咗呢間環境非常之好，十足日本嘅居酒屋🏮新出左冬日二人餐，勁多嘢食 ，計返價錢都唔貴，間唔中食下都好OK！之前喺九州食過牛內臟鍋，已經好鍾意❤️今日又有得再食，入面有牛腸😳牛柏葉、牛肉等等嘅牛部位，同事入面有韭菜、豆腐卜 、芽菜，好豐富。牛肉好嫩，同朋友仔爭住食！串燒都好豐富，有大蔥雞、牛柳、翠玉瓜，全部都啱大眾口味😎唔使擔心唔啱食，牛柳食落去幾香，肉質香滑，翠玉瓜我都鍾意，燒到乾身，咬落去入面juicy。佢哋有個芥末汁俾我哋，串燒加埋個醬汁勁好食！個餐勁多嘢食仲有味噌湯、刺身、清酒煮蜆。真係飽到唔識講😳🙈嘢飲可以揀梳打，最後嘅甜品係栗子蛋糕，食落去唔算太甜，忌廉香軟。

朋友生日，帶左佢食居酒屋🏮二人餐竟然有勁多野食，刺身、鍋物、串燒、湯品、甜品、飲品，食完真係好飽😎✨感覺幾正，大滿足，秋冬限定二人套餐 $688刺身海膽、三文魚、油甘魚，全部都大大件，刺身厚肉。油甘魚食落鮮味十足，海膽大大嚿😋蜆肉麵鼓湯近排凍凍地飲碗麵豉湯暖下先再食嘢串燒雞翼、翠玉瓜、五花腩、大蔥雞肉串、牛柳。非常推介燒雞翼，雞皮燒至脆口脆卜卜，加上少少芥茉醬，非常惹味。大蔥雞肉串本身已經有少少醬汁，蔥香與雞肉混合，食到停唔到。關東煮羅白、年糕福袋、魚餅、椰菜豬肉卷、牛蒡卷、鵪鶉蛋、芋絲。關東煮入邊有嘅嘢都齊晒，大滿足清酒煮蜆粒粒蜆都有肉㗎，唔使擔心得個殼！個湯都唔錯淡淡酒香。博多雞白湯牛內臟鍋非常欣賞超級好食😋之前去旅行都未食過，反而喺香港食咗，入面有牛柏葉、牛腸、牛𦟌、牛肉。平時好少食內臟嘅我都忍唔住食咗好多，牛腸好好食，本身附著少許脂肪，食落好香。牛𦟌牛肉味香濃，煮到好淋好好味。底部有好多芽菜，咁就唔使擔心食得太飽✨🍲🍲🍲食到尾原來仲有甜品，今日係栗子蛋糕😋真係好好味！裏面嘅忌廉厚實，真材實料有啲栗子蓉仲包左兩杯嘢飲分別揀咗荔枝同埋提子梳打😋

超豐富二人餐😍 ($688)蜆肉麵鼓湯（兩位）關東煮有年糕福袋、魚餅、椰菜豬肉卷、牛蒡卷、鵪鶉蛋等食材 趁而家天氣轉涼 食呢個關東煮暖笠笠🥰刺身盛合本身有三文魚、油甘魚、生蠔 但係餐廳知道我哋對生蠔敏感 所以轉咗海膽俾我哋 海膽份量慷慨 非常鮮甜甘香🍣串燒有白鱔、魷魚鬚、牛橫膈膜、雞翼、同埋日本小青椒 全部都好多汁juicy 白鱔肉身夠厚 雞肉非常嫩滑👍🏻 清酒煮蜆都唔錯 每隻蜆都好大隻 而且冇沙😋一定要留肚食牛肉壽喜燒鍋 壽喜燒汁好香 食落好滋味 仲有金菇、冬菇、菜等配料 吸晒壽喜燒汁嘅精華🤩甜品每人有一件綠茶蛋糕 質感好鬆軟 單係有清香嘅抹茶味 唔會過甜 好滿意🍰套餐仲包埋任選飲品2杯 我哋叫咗白桃同埋荔枝梳打 只要＋$68仲可以升級無限任飲添！

出左糧自然想食好d今日午餐就揀咗日式居酒屋位於尖沙咀廣東道的樓上餐廳好適合在附近海港城返工的上班族充滿日式居酒屋裝修格調搞到我好掛住日本同事揀嘅係大蝦濃湯拉麵香濃的大蝦湯汁非常掛麵味道剛剛好不會過咸蝦肉彈牙不會有雪藏味而我就揀左牛肉壽喜燒定食甜甜的壽喜燒湯底加入生雞蛋🥚，凍烏冬配菜仲有麵豉湯，沙律，茶碗蛋份量蠻大的吃光再飲埋湯底食得好滿足這邊食物質素不錯聽說晚市的menu也很不錯找機會我也來試一下

星期五晚收工諗住食下日本野所以黎左呢間居酒屋 ✨壽喜燒鍋 $168好好味 食到唔想停落黎🤣 牛肉幾香 豆腐好滑有豆香 菜都好甜😋😋 點埋生蛋食超正 推薦✨牛油果軟殼蟹卷 $45呢個賣相好麻麻🙈🙈 好似好鬆散咁 食落都冇乜驚喜 正常✨煙肉廣島蠔卷 $42有兩粒 好好味 好香蠔味 然後煙肉有少少脆 配搭埋一齊都好夾👍推介✨鰻魚炒飯 $78都幾足料 有唔少鰻魚 飯粒粒分明 都唔錯✨免治牛肉棒配壽喜燒蛋醬 $48幾香牛味 點埋蛋醬食更香😋✨單眼佬話梅蜂蜜酒 $58超易入口 好似果汁咁 幾甜 冇乜酒味😂總括黎講食物味道都唔錯但環境同服務都令到我唔會再幫襯🙈 首先環境都幾狹逼 枱同枱之間距離好近 近到係好似同朋友坐嘅距離咁除左環境一般 服務都麻麻 QR code 落單仲要收+1 又唔斟水 叫左個鰻魚飯等左成個鐘都唔黎 要催兩次先黎 甲羅燒係一早預訂左但餐廳又好似冇左回事咁 催佢先整🤦‍♀️🤦‍♀️味道❤️❤️❤️❤️抵食❤️❤️❤️服務❤️❤️💔環境❤️❤️💔💰晚餐人均～$300 (收+1)❌再幫襯

看到食評不錯，於是到餐廳試試。餐廳在9樓，地方不算大，枱與枱之間有屏風分隔着，增加私隱度。我們book 了2:00pm ，當時只有兩位食客，心想是否中伏～既然到咗，都要試試吧。我們點了兩個午餐，一個八貫壽司及一個串燒餐。壽司的魚生非常新鮮，出奇地好食。吞拿魚及三文魚魚腩壽司肉質爽口及魚油豐富，非常出色。串燒燒得不錯，細細粒的日本番薯香甜及質感綿滑。套餐包了一個沙律、茶碗蒸及一杯飲品。每個餐大約百多元，性價比很高，值得一試。

隨便找的一間居酒屋因為下午3點有營業的不多就訂座了下午5點前都有午市套餐一人點了一份套餐8串串燒 還附一碗湯烏冬串燒每一串都是大大串 好好吃 就是茄子吃的時候像是吃油一樣 其他都好吃我另外加點了荔枝肉串 好好吃8貫火炙壽司也是推薦 新鮮又厚片但我嫌壽司飯有點點點太酸8貫壽司附贈牛肉湯烏冬午餐這樣吃一定夠飽呀～最平平無奇是海鮮丼覺得壽司比海鮮丼好吃

食物選擇勁多壽司🍣同串燒尤其出色一開始是但叫幾串試下先豆卜好脆帶子大大粒 足料又新鮮串燒種類繁多 又樣樣都好好味😋連白鱔都有 仲要有兩款口味食落去爽口卷物嘅選擇都唔少呢個吞拿魚卷好得我分唔到呢個邊個打邊個不過原片嘅係有咬口嘅另外嗰個脆卜卜 我鍾意脆嘅多啲呢個炸雞跟黑松露醬 超夾雞翼都係有幾種味例如蜜糖同鹽燒墨魚嘴好正下次會join埋個任飲package真係抵食又高質我地叫埋好多嘢張單長過張檯每人都只係$375

同朋友慶祝生日，朋友揀咗試呢間日本餐廳。呢度用app落單，大家一氣呵成叫咗好多嘢食，完全冇留意到有午餐Offer。叫咗好多串燒壽司，小食，壽司質素都OK幾新鮮，直到有個朋友突然發現午餐係可以on top加壽司, 串燒,小食同埋飲品，我哋就同店員講可唔可以將之前散叫嘅食物都加返落個餐度，店員好好咁幫我哋轉返，推介！（只係影咗部份嘅食物）

今日黎哩間鋪頭同朋友食晚飯，上到去見到原來位同位中間會有個廉，私隱度好高，吾驚食飯人地見到你既食相，真係好好🥺見到有時令既北海道珠岸生蠔🦪，我同朋友一人叫左一隻！吾算好大隻！但上面加埋魚䰵同啫喱，更加帶出蠔既鮮甜！另外要推介夏日三味海鮮杯！有海膽 、帶子同拖羅，魚子同黑松露等等！😋真係勁鮮，海膽既香味係噴出黎咁香，同埋份量好多！吾會有陣臭味！真係令人垂涎三尺🤤食極都吾會厭！估吾到串燒都好有驚喜，有埋燒銀杏🤣同埋牛舌都好彈口，辣雞腿都推介！用既調味同平時既有小小吾同，比較fresh ! 雞腿肉燒得岩岩好！好嫩滑！而且仲有$128 任飲啤酒！ 下次星期六日再黎🤤🤤總括嚟講，兩個女仔叫咁嘅份量，都夠晒飽。下次經過尖沙咀，都可以再嚟試吓。

想同朋友傾偈，去居酒屋真係唔錯。呢度靜靜地裝修又靚，竹簾隔住又幾有私隱度，真係有種去咗日本居酒屋嘅感覺，牆上都貼咗日本poster幾得意。我地叫左幾款唔同嘅野，有熱有凍，見到咁多野揀，咩都想試下。生蠔肉質飽滿，食落質感creamy！加埋三文魚子，味道非常新鮮，意想不到的高質！值得一試～海膽杯勁靚，對比其他餐廳仲要超大舊。食落先知加左黑松露，個味慢慢滲出來，但係又幾夾，咸咸香香。我地仲叫咗天婦羅，燒秋葵好香！個炸皮都算薄，同埋感覺唔算太熱氣。壽司拼盤有6舊，吞拿魚腩好肥美，帶子都好新鮮，其他幾件都唔錯。魷魚要咬多幾次先吞到，不過還好，未身呢種魚都係要食口感～重點係串燒！來居酒屋係一定要食既野！我地叫左8串，有豬腸，翠玉瓜，雞翼，牛舌，銀杏，豬腩肉，雞肉，同埋牛肉。全部都比較重味，好啱送酒。豬腸比想像之中有驚喜，唔肥之餘仲好彈牙，我同朋友都好鍾意！

今日經過尖沙咀，朋友話想食居酒屋，我就提議去呢間！之前都有朋友食完話好好食！我自己都想試好耐！好彩收工收得早，唔使點排隊等位就入得。一入到去個裝修好靚，有啲燈籠魚喺天花板，好靚！然後佢啲餐具都好靚，筷子座係金魚仔黎架，好可愛！店員仲好有禮貌咁送上qr code同menu比我哋點餐。然後見到呢塊黑板 寫曬期間限定嘅食物我地就決定order幾樣試吓！以下係ordered food:限時暢飲 可以仼飲飲到你飽，個啤酒又幾好飲幾易入口北海道縞蝦估唔到又幾好食！唔係普通炸蝦咁簡單，係超級開胃嘅蝦！北海道厚岸生蠔朋友食完話超好食，連唔食生蠔嘅我一試愛上，係勁鮮甜完全唔腥！呢度嘅壽司都好高質帶子超大粒超鮮甜，海膽同蝦都好鮮甜油甘魚三文魚都好好食！關東煮超足料勁大碗，好好食，湯底都好鮮甜超中意食關東煮嘅我一個人食左大半碗叫左7款串燒雞牛豬菇葱青椒等，全部都燒得啱啱好，好juicy，調味方面都好好，唔會太咸，very good!!!重頭戲來了！呢個活龍蝦海鮮鍋個湯底係龍蝦湯，超級濃郁好好味，啲海鮮都好新鮮同好足料，有鮑魚，龍蝦，蝦，蜆。好滿足！