太興 (粉嶺名都商場)

太興燒味出名？？？？本人以後都唔會再幫襯叫個三拼燒味飯油雞得胸又冇咩味，燒肉又係冇味豬皮位置又唔脆，燒鵝又冇乜肉。收79蚊簡直垃圾，請都唔會再去食，點解可以咁差架。餐牌款式極小冇咩選擇，不過諗住燒味出名應該ok掛，點知朋友食嘅叉燒又係好差平時佢都冇咩要求好少彈，但佢都話請都唔會再去，佢咁落去應該好快執笠。唔怪之得見佢冇咩生意啦，今次都是有coupon先諗住去，如果唔係重蝕。所以大家想去真是要三思，出面又平又好食過佢嘅大把選擇。可一不可再。…查看更多

入到嚟粉嶺搵食，不外乎因為同啲老友行完山，今次小弟帶隊再挑戰大刀屻，不過，就由「嘉道理農場」嗰邊上山，粉嶺「蝴蝶山徑」呢邊落山，貪其一到粉嶺就可以食番個下午茶補補體力。大家都行到攰，咁就當然揀最就腳嘅「名都商場」搵食啦，上次試過「德興茶餐廳」，感覺一般，所以，就試試「太興」，諗住大牌子少少，可能會好啲啩。疫情緩和，防疫放寬，啲市民自然出晒嚟啦，所以，成個商場擠滿人，連帶店內都坐滿客，我哋都要等大概10min先有位坐。啲枱比較細張，枱與枱之間亦有啲逼，不過，環境算企理乾淨，反正都喺食個茶餐啫，唔會坐得幾耐。啱啱好安排咗最入、最角落張卡位，咁我哋可以自成一角！餐具、餐紙、調味料全部都喺放晒晌枱側嘅抽櫃中，呢種已喺茶記嘅常規設定。下午茶餐都有好多選擇，但眾所周知，「太興」主打喺燒味，所以，下午茶餐中有較多喺燒味款式，仲有啲喺三文治、多士、湯粉麵類，取價就比出面一般茶記貴少少。頂級午餐肉滑蛋公仔麵 $44其實，比起外國貨，小弟覺得「長城牌」嘅「白豬仔」喺最好食，當然睇相就唔知呢碗啲午餐肉有幾頂級，就算食落都未必知咩牌子，但老友就話唔錯，煎得香口，而滑蛋就算浸咗湯，都仲喺嫩滑，公仔麵都OK啦，無煮腍都收貨喇！脆香雞中翼拼迷你西多士 $40我心諗，雞中翼得嗰兩隻，西多士就俾夠成份啦，反正都只不過多一片麵包，功夫又唔會多咗去邊，依家就感覺有少少寒酸。老友講到，雞中翼確喺炸得香脆不膩，而西多士就無話咩好特別，都喺花生醬餡，配牛油同糖膠咁啦。羅宋湯通粉配脆香雞中翼 $40另一位老友都喺鍾意食雞中翼，但就配羅宋湯通粉，因為濕濕哋，又唔會話兩樣炸嘢咁熱氣。我都喺揀羅宋湯通粉，等陣再分享，而雞中翼上一份茶餐已講咗，故此，呢一份茶餐就無咩好補充。羅宋湯通粉配四色卷 $40小弟嘅選擇喺試吓啲未試過嘅嘢，所以，揀咗羅宋湯通粉配咗咩嘢四色卷。先分享碗羅宋湯通粉，個羅宋湯做得唔差，簡單講喺好港式嘅味道，即喺濃郁酸香，有好多雜菜在內，仲有少少牛肉粒，最緊要通粉無過腍，算幾好食；而四色卷類似啲魚肉春卷，但裡面仲捲有紫菜、蟹柳之類，食味算唔錯，但有少少油啫。張枱真喺淺窄，一下子堆晒啲嘢嚟，都唔記得咗影杯奶茶，佢哋嘅冰鎮奶茶幾出名，但我就想飲杯熱奶茶，茶奶比例OK，但茶底又無預期中咁芳香馥郁，不過，亦算水準中上。席間大家講咗好多行山嘢，下次目標想喺行「雞公嶺」喎，又睇睇幾時成事先！…查看更多

202212平日--太興地址位於: 粉嶺粉嶺車站路18號粉嶺名都商場2樓6號舖:)當天天氣寒冷，路過太興見有羊腩煲供應，侍應招待有卡位，就即興試試:)禦寒羊腩煲爐上$168，送時菜一碟煲仔算是迷你型，生菜量也不多羊腩約有麻雀大小十件，炆得夠火喉，肉嫩有羊羶味，醬汁味道不錯白飯一碗加點的冰鎮奶茶，冰和茶分開的構思不錯，奶茶不會變淡，保留茶味，冰凍依然埋單價錢忘記了羊腩煲限時供應，份量不多，淺嚐羊腩的味道:)另一次的外賣三杯雞($88)，紙盒的外賣包裝(+$1)三杯雞色澤均勻，雞不小，胸肉和髀肉厚，肉質嫩滑，啖啖肉，豉油味道不錯晩餐沒時間煮餸，太興推廣不同口味的外賣雞，也算是一個方便、便宜之選:)…查看更多

202211月的平日，太興地址位於: 粉嶺粉嶺車站路18號粉嶺名都商場2樓6號舖:)時間已過了11AM，原來太興早餐做到11:30AM，侍應招呼我們二人可坐四人卡位，幫忙拿開膠板點了兩份早餐: 自家製糯米雞($40)糯米雞SIZE不算大餡料有冬菇、雞肉、臘腸，還有幾粒蓮子，味道算是不錯輕盈香辣肉碎扎肉湯米粉米粉量不多、扎肉只有一片，有一點點肉碎，名符其實的輕盈，湯底辣辣地味道偏咸餐飲:熱奶茶少奶、冰鎮奶茶冰鎮奶茶，奶茶和冰分開上的，忘了少甜，有點太甜，茶味奶味平均，熱奶茶少奶茶味不錯埋單: $73除了冰鎮奶茶較特別，其他食物味道普通…查看更多

新出左隻百里香美極雞 , 外賣同堂食一隻都係$88 , 一如以往個名就改到天花龍鳳 , 但其實就冇乜特別既 , 唔洗對佢有期望 , 當佢普通豉油切雞就啱架啦 , $88大大隻 , 完全乎合期望 , 得閒會再買來加餸 , 又或者下次可以試乜野風沙豬手 , 都係$78 . …查看更多

一個人食午餐，中午12點有一半枱無客，入去大把枱竟然被安排同亞伯搭枱，疫情時期已心感不安，而且更是送貨出入口位，起初以為之後多客也無奈接受，最後先知應該係我好蝦！人卡位嘅！待客雙重標準，好明顯係欺善怕惡啦！叫左排骨麵，湯好鹹，食完幾個小時也好口渴。熱奶茶應該係煲底水尾，微暖唔熱，喝完有大量茶葉渣在杯底，品質極差！進食期間，有客入餐廳也是叫人隨便揀位座，一個男人又可以座4人卡位嘅！待客雙重標準，好明顯係欺善怕惡啦！半小時食完離座，仍有三分一枱是無人座，仲要大部份客係一人一枱，怪不得太興在疫情初期，好多分店都有食客中招而要關門休息，大把位都要人搭枱，你哋員工有冇衛生安全意識㗎？什麼服務態度？價錢貴、味道差、食品質素低、安全風險低、待客如此，不會再幫襯！…查看更多

今日去咗流水響睇紅葉, 即使今日唔係假期, 沿途都有好多人, 不過都幸運地見到數量唔算多嘅紅葉。行完之後就搭小巴去粉嶺, 因為都行咗好幾個鐘, 所以已經好肚餓喇, 所以就快快手手入咗太興食下午茶。餐廳環境好擠迫, d 枱排得密密麻麻, 好壓迫。坐低之後發現原來呢間太興無炒粉麵飯, 只係提供少量麵食同燒味🤦🏻‍♀️ 最後唯有揀咗重量級三文治...🥪 重量級三文治餡料有火腿, 芝士, 蕃茄, 炒蛋, 生菜絲。麵包烘得好香脆, 夾埋d 餡料一齊食係好食嘅。份量亦都適中。整體食物ok, 不過可以選擇嘅種類太少, 而且環境實在太擠迫, 坐得比較辛苦, 未必適合大伙兒郊遊完去食。…查看更多

朋友試食後推介，喜歡吃雞的我就試試這隻太興期間限定 : 紅蔥頭回味杏花雞，驚喜價$85+$1外賣盒錢平日的七時多，未賣晒，收銀付費後，取雞，約10分鐘，效率快包裝是一般印有太興的背心膠袋兩小盒調味料，一盒紅蔥頭豉油，另一盒是普通的薑茸外賣盒紙是紙盒製造，回家路程約20分鐘，雞保持住暖暖的温度打開盒子，賣相吸引，雞排整齊，雞皮柔潤金黃，雞唔算太大隻，雞皮爽脆、肉質嫩滑，有淡淡的雞味，紅蔥頭汁是一般甜豉油味道，雞本身已有味道，不用蘸汁食都好食。$85價錢唔貴，加餸外賣，不錯的選擇。…查看更多

星期日早上7點45分去太興食早餐。要等位太興無論任何時段，多人等位最愛滑蛋和午餐肉今次試自家製糯米雞足料有馬蹄，蓮子，叉燒，雞塊，肉碎，冬菇隔離枱夫婦也是食糯米雞今次也試咸檸水，唔多美味不過水太多，糯米太軟…查看更多

太興早餐每早搭車返工，經過太興，一早多人先位食餐今早10點，煮要等一陣早餐是美味，午餐肉質素調，炒蛋夠滑，最重要是無牛乳，我唔鐘意奶味其實份量細，偶然一次ok上日外賣燒肉，質素不錯…查看更多

在粉嶺名都商場午餐，又選擇了太興，員工們對防疫措施都做到好足，每組位置都有隔板。當天粉嶺氣溫高達36度，行到熱辣辣又肚餓，立即點了燒味餐。叉燒紅腸飯好味，叉燒稔滑，我最好有少少焦的味道，加上紅腸，不一會便吃完了。今天的燒鵝鹹蛋飯，燒鵝的煙燻味特濃，好香啊！超愛。叫了兩杯咖啡紅豆冰，咖啡香濃，紅豆粉粉的，在這炎熱的天氣下，享受一個凍飲，好享受。…查看更多

平日我只會喝𡶐啡，一般茶餐廳我都不會喝奶茶，只有去到太興我才會喝奶茶（冰鎮奶茶）下午茶餐：羅宋湯通粉➕四式卷➕冰鎮奶茶冰鎮奶茶——香滑、香濃、濃郁茶香，奶香滑⋯⋯🧊🍵好味道😅通粉，拎埋黎比我既時候…打咗一個特，咁細碗，同隻咖啡杯咁上下大細😅望下杯奶茶同埋個裝住通粉嗰隻碗比例，真係唸唔到係同普通咖啡杯差不多大，的確份量係細咗D😅不過味道就無問題，ok既.......四式卷——-外皮炸得幾脆口，味道亦不錯，魚肉味道，入面有蟹柳，紫菜、香葉，食落香口，外皮脆卜卜⋯⋯之前都有係其他分店食過下午茶餐，點解而家小咗咁多既😅…查看更多

諗住係行山之前隨便食個Tea，佢哋下午茶個Menu唔算太多選擇，主要都係燒味為主。今次就揀左餐肉蛋公仔麵同佢地著名既冰鎮奶茶，無記錯埋單4x蚊港紙，唔算太抵食。不過值得一讚嘅係佢哋嘅公仔麵唔係普通茶餐廳嘅頹麵，都幾彈牙爽口，又唔會煮得太林！奶茶就不嬲無失望：)…查看更多

今晚想食菜，咁行過就入黎太興食下啦，晚餐，呢間特別d只有燒味同少量其他指定晚餐套餐，咁以前都食過太興燒味係tko, 係好食架，呢間唔係唔掂。。。。而係份量有d....我叫3味燒味套餐，咁揀左油雞，瘦叉同燒y同隻我既中指一樣粗:(:(:(:(:(,粗筷子少少咋喎，有相為證，但件數都唔多架啦，咁香港係物價高我知呀，但咁幼就真係第一次囉，仲要個飯好似無落燒味汁咁，碟菜d蠔油好似好貴咁杯紅豆冰無咩味唔夠糖咁。。。唔通係要你健康d.整體125 我去雅士加多幾十都食到個扒餐啦。同第二間分店比呢間好似唔多好。d醬料好貴架？？？？…查看更多

大年初六，到粉嶺拜年，主人家提議先食個下午茶，哈哈，是年糕以外的港式下午茶。下午4點半，不用等位可以直接入座。枱上有豬年新春版的餐牌，點了應節的餐肉滑蛋公仔麵，奶油豬。餐肉厚切2大片，微微煎香，炒蛋有點老，可能是放了麵的上面，配上公仔麵和菜心，是濃濃的港式味道!奶油豬外脆內軟，熱辣辣，煉奶份量不少，美味!就是包的份量較少，有些貴。飲品的熱奶茶，友人說是一向的香滑，而我點的柑桔蜜很香，微酸，味道不錯。…查看更多