太興 (樂富廣場A區)

营业中

休息中

昨晚同朋友嚟左呢度食飯,我們9點幾10點先嚟,呢度11點關門,可能已太晚的關係,想叫的都沒有了,朋友好想食黃金焗叉燒,但呢間分店沒有焗飯的,跟住想叫魚,但魚已賣晒,想叫八寶飯,但八寶已沒有了,只淨返一些燒味可選擇,我們就叫左一個燒鵝拼油雞飯,一個咖喱牛腩飯,跟中湯,仕應說是木瓜湯,但來到的是粉葛湯,不過都好好飲,熱辣辣,好入味,好多料,真材實料呀.燒味飯都好味,油雞及燒鵝都好味喎,唔會好肥,D肉都好滑,咖喱牛腩飯都幾大份,少少辣,但都幾多料,牛腩好淋好味,配一份油菜,是菜心,都幾新鮮呀.這間分店不算大,所以沒有電視供應,但有一邊牆係有些燈的,會變色的都幾特別呀.

「恐怖！去茶餐廳都要等位！」這句說話，其實不是我說的；是某次午膳時間路過樂富太興，一位男子望見門外等位的人潮後，忍不住叫出了這一句，太公剛巧路過，給聽去了。雖不算恐怖，但樂富這家太興的等位人潮，確實有點誇張 (尤其是剛開張的那陣子)；作為一家茶餐廳，竟然有位「專員」站在門口，派籌叫號碼，然後有約十多人在門外圍著等，感覺很「酒樓」。也難怪這人潮；樂富「冇啖好食」的情況，因為大裝修而維持了太久；難得開了一家質素較有保證的，自會引得不少人去一試。後來大家習慣了，人潮沒那麼嚇人，但午市總不難見有人等候。有次較早出門，見候位的人潮不多，就進去一試。我要了個叉燒飯餐 ($41)；叉燒份量不少，肉汁也算豐富，肥瘦適中，本是作得不錯；可惜切得太薄，每一片中，那甜甜的外層味道太搶，結果感覺似吃豬肉乾多過叉燒。猶幸 (也許是) 這是因為燒味部切肉師傅刀功太飄忽，這次太薄，下次就剛好適中。我的叉燒飯餐跟奶茶；雖然太興標榜其奶茶出色，可惜入口空有茶香，口感卻太粗糙，空有「香」而不「滑」，實在不想再喝下去。後來發現淨叉燒飯只需 $31，既然這兒奶茶不吸引，老火湯又非我所好，還不如單叫飯抵得多！這就完成我的「樂富

Order 了3 個茶餐: 1) 乾炒牛河 + 冰鎮奶茶 - not bad 2) 廈門炒米粉+ 凍檸茶- d 米粉好硬, 又酸又甜咁, 從未食過咁怪嘅廈門炒米3) 公司三文冶+ 凍Horlick - 唔知點解d 三文冶都係甜嘅雖然地方新, 服務好, 但係食完番屋企要飲勁多水, 太多味精, 真係恐佈!價錢比同區的茶餐廳高, 凍飲加3蚊

究竟係新鋪頭吸引定係品牌效應呢,呢間太興係到開咁耐就不停有人等位,就算係星期日下午五點幾都要等位,但係又唔係平喎.分蹄燒肉米粉 -- 分蹄肥瘦適中,燒肉不靱,皮非常脆.蟹柳炭燒雞扒米 -- 雞扒燒得剛剛好,很香,但湯底被黑椒蓋過.呢度啲米粉不錯,唔同一般茶餐廳,比較煙靱,另外湯底亦不咸.