太子餐廳

营业中

休息中

夜晚同friend去食dinner, 已係宵夜時段, 諗住相對平同靚,點知捉蟲,去食麥記,雲吞面仲好過.餐飽--分別俾咗一個員餐飽同兩片小法包。我食咗塊法包。嘩!又凍又稔,乜法包唔係又熱又脆o既咩?叫咗個三文魚薯仔沙律。所謂三文魚,都係即食煙三文魚啦,3舊...都冇乜expectation。但係個沙律.....係一劈好多罐頭雜果, 加好多卡夫奇妙醬,冇乜薯仔,雪到好凍o既物體。有冇搞錯呀!呢d沙律o係led village或任何茶餐廳,20-30蚊都食到啦,宜家要成60蚊?!叫個經理o黎啦, 同佢講番以上情況(當然唔似上面咁激烈), 佢好開心咁話, "我o地會同裏面反映", 就走鬼咗去。咁即係點?!我俾成60蚊成個飯,對住哥碟冇乜o野食得落口o既o野,根本唔飽!其實我唔諗住叫佢換過碟,只想佢送番一殼半殼唔值錢但飽肚o既薯茸俾我咁啫。半小時後,我碟沙律近乎冇掂過,义住舊三文魚,佢走o黎問我"請問收得未",我話收得,佢竟然好開心咁收咗佢。完全係"你唔啱食你o既事"o既態度。因為一肚氣,所以飽咗。最後甜品....當然唔可以expect 係好o野.o黎兩個雪到硬o既啫喱,加支雪到凍o既匙更。呢

要去隔離個商業大廈,又落緊雨,是但啦,食呢間啦!一上去,坐得2成滿...唔通,唔多掂??打開個餐牌,一人套餐price range $88 - $1xx 都唔算平.諗住,又冇人;又唔平,仲唔係'賴'野??2人分別叫左西冷牛扒同芝士焗石斑天使麵;另Monday半價order多半打焗田螺.焗田螺熱辣辣唔錯忌亷湯好飲過羅宋湯.先黎天使麵,賣相同味道一般ok啦;後來的西冷,切開....掂!真係做到好靚半生熟!外層脆內裡嫩.伴菜既牛油薯仔同青瓜都好好味!冇'賴'野!!服務好好...唔知係咪因為冇乜客...所以有'小班服務'...有機會會再去.環境幾靜,可以慢慢食.

行花墟必經之路,經過樓下N次直至今日至第一次幫襯,為的就係廣告牌"高茶"呢2個字。撐左一層樓梯,人未上到餐廳侍應小姐已經迎賓,坐唔到window seats但都有個4人位坐坐,真舒服!!成間餐廳已經好有聖誕節氣氛,一來對住棵聖誕樹坐,又見到有個假壁爐,"火"光熊熊,感覺溫暖。一個人食唔到高茶,下午茶餐又唔多合口味,幸好仲有天使麵選擇:餐湯三選一,今次揀左洋蔥湯因為比較少機會飲到,洋蔥湯呈淺啡色,洋蔥都幾多但味道唔濃,飲到有牛油味,普普通通之作;跟餐麵包質素麻麻,唔熱又孩,唔好吃!天氣凍加上硬牛油,好難茶lu....白汁焗三文魚天使麵:記得點菜時好似唔係叫焗天使麵bor,莫非又睇錯??三文魚份量唔少,最重要係無腥味!!今次件三文魚唔孩,但自己都係鐘意生食多d。天使麵唔太彈牙但都唔太淋,ok啦;只係加埋白汁一齊食感覺較立,有d滯既感覺。餐飲揀左凍奶茶,茶味幾濃又唔會太甜,都可以一飲!只係呢餐係匆匆完成,無好好享受佢既味道同聖誕氣氛濃厚環境,只因為有2個吸煙的女人不斷係吸煙區食煙,令到本來無乜冷氣既餐廳焗上加焗,走為上著!!!服務方面幾位侍應都幾有禮貌,不過2位女侍應就比較醒目;高茶/焗雪山

四、五年前幫襯過而又念念不忘既西餐廳。幾特登咁走去，但唔知點解脾胃唔爭氣，只係叫o左個鮮雜果沙律（+廚師雜菜沙律）套餐。佢除o左紅白二湯供應之外，仲有法式洋蔥湯供應- 當然順理成章咁要o左。法式洋蔥湯，洋蔥多，但洋蔥味就唔算多...有好多洋蔥都好似融o左；洋蔥湯應該偏油，但今回唔算油。o係我飲完餐湯但餐包都未食完既情況之下，沙律便上檯。心想：做乜上得咁急？事出有因：上面所有「鮮雜果」都係新鮮多款生果，而其中由於蘋果「未經處理（無浸鹽水）」，所以要快上，以免「生銹」。一讚千島汁另上，各取所需。（+廚師雜菜沙律）其實可以變成（+雜果薯仔沙律），個味就唔會好似依家睇落咁寡- 但小妹覺得已經足夠。再加上D 雜菜比SoHo、酒店食到的仲要爽同「肥美」，用刀叉也容易handle，驚喜。甜品又有三款：芒果布甸、o者喱同雪糕，而雪糕又有拿破侖三色（士多啤梨、雲呢拿、朱古力）揀。雪糕用脆筒上，特別，且極厚脆；士多啤梨雪糕是非牛奶公司士多啤梨雪糕既香料士多啤梨雪糕，唔知點講...好creamy。鍾意呢度既variety 同professionality：基本上佢乜野菜式都有供應，配菜、副品選擇多，且質量比

看了大家對此店的食評, 便和男朋友到這裡一試.星期六大概7:30, 人客不算多全店只是半滿而已.不過仍被安排到八人長枱"搭枱". 算了, 我也不太介意, 因為左右都是"斯文人". 裝修是港式得很的餐廳standard, 不說也罷.我倆都點了西冷和羅宋湯.跟餐麵包沒有驚喜, 羅宋湯也很一般.主菜倒算不錯, 個汁都煮得ok, 不像其他港式餐廳, 把汁煮得太杰. 配菜是焗薯, 好好味, 有驚喜.甜品有jelly　＆　pudding, 二選一．男朋友叫pudding, 我要Jelly. Waitree聽不清楚問了兩次，　不過上桌時還是來了兩客pudding，　我對男朋友說我不是叫jelly嗎?　此waitress 才像如夢初醒說自己拿錯了，連聲道歉，態度誠懇．　小事不緊要，態度誠懇值得加許．　　埋單，此waitress拿單過來又把放在枱上的宣傳卡子整跌．．莫非昨晚看世界盃唔夠訓？？？

我同我男友去食,男友叫咗個豬扒，點知有臭味，叫佢換佢仲死口話無事，態度好差，以後都唔會去!!

不經不覺，幫襯太子餐廳已超過十年，平均每月都會光顧一次。真的是十年如一日，誠意及水準依舊保持，尢其喜歡牛羊款式，不賣弄花巧，只求制作美味食品供顧客品嚐，所以店內常見如我這樣的熟客，亦都帶出大家所想：今時今日，這樣的服務才夠水準。

去了3 次,,食物都ok我喜歡食雞蛋煙肉炒意粉

二人晚飯, 星期五晚九點半先到, 都有八、九成滿, 晚飯時間可能要等位, 估唔到咁旺場.食物選擇好多, 我點左個羊架set, 餐湯揀左洋蔥湯, 唔錯, 不過主菜既羊架就麻麻, 我要五成熟, 上檯似熟晒, 羊肉呈白色, 味道同質地都唔得, 反而配菜既牛油炒莧菜幾好味. 甜品係個迷你雪糕筒, 無乜期望之下, 又覺得佢幾精緻, 起碼食得開心, 登時將個行貨雪糕球升格唔少. 個餐包一小杯紅酒同餐茶, 好似$98.友人就叫左個咖喱羊脾餐, 跟沙律、幾小塊薄餅同飯. 薄餅個樣又乾又硬, 飯就反而唔錯喎, 食果個都証實左係軟硬適中既. 落order時waitress問小辣定大辣, 友人穩陣地要左前者, 好彩, 因為都算幾辣, 不過亦幾香, 非一般茶餐廳既咖哩. 可惜羊脾得幾片, 有d孤寒. 餐飲指定係什麼印尼定印度特飲, 據報係椰汁冰之類的物體, 可以不理. 呢個餐好似係$78咁上下.其實食物水準一般, 勝在選擇多, 服務亦可以, 亦坐得舒服(呢點響太子旺角一帶黎講, 唔容易架). 不過個場黑得黎又嘈左少少, 有d怕呢種格局.

下面post錯文.因為大意.原來自己去左太子冰室(金都商場格離間西餐廳)而唔係太子餐廳!今次補飛去一次再試. service好,有禮貌.食具清潔.環境清靜.有部plasmatv,冇開聲.但夜晚有d野睇下最多睇subtitle都ok.食物:要了一個羊架$98包餐前/後飲品同甜品.6成熟.好食.但薯容唔得.餐湯好希!!面飽都唔得.女友要了一個牛柳位大蝦$118.好唔掂.蝦同蒜容完全奇怪地唔夾.而且蒜容有d苦,牛柳好林但明顯soda粉"拿"得勁過龍有d爛爛地既感覺.整體黎講夜晚飲野食小食一流晚餐未試過其他野.如果有興趣食羊架不妨一試.但食其他既我建議去"名寶石"旺角警署格離.野食掂好多. 但座位又冇太子餐廳咁闊.

午餐試過三文魚釀魚柳扁意粉、焗牛柳飯和牛肉炒河，味道一般，唯環境幾清淨，有街景，座得幾舒服。

好奇怪下面既評價會咁好食物方面中規中矩,我食set lunch.份量豐富.服務:星期六13:00 1/3客都未有. 好多waiter/ress但全部"late"晒入去櫥房上菜位. 送餐有d就行得勁快攪到好似好忙咁. 平時等極都冇人行過. 跟住又唔見晒人.唔知點解膠碟底"痴立立"換過兩隻都係咁. 唔知晚間情況係唔係咁.但d waiter真係唔太快樂好飲似好勞氣.再提多一次就係有個男waiter已冇乜野做又行得極快送餐.另一次送上我台時用一個連續行緊放低餐再走開既動作加一句"xxx飯"(第三個字仲未出個飯字佢已經係離開我張台2個人位行緊去第度.本來我唔會要求有service. 只係睇到下面有人讚我先留意.

睇完呢度o既食評，今日同左女友去試！o係呢區黎講算係幾好o既餐廳。值得一提係佢個set o既頭盤︰牛油焗田螺非常唔錯！其他野食都ok，雖然唔太突出，但絕對值得一試！比較唔好o既地方有1. 樓底比較矮，有d局促2. 坐位安排得比較近，好容易聽埋隔離講野總括黎講，如果有機會都應該會再試！

星期天與老父來一個晚餐, 老人家還是習慣了港式的扒房服務, 而且喜歡全熟的牛扒, 隨他心意亦點了一個全熟的肉眼扒餐, 先來的羅送湯有點偏酸不討好; 肉眼扒肉質不錯, 雖則全熟肉質仍然柔軟, 而且肉味香口; 最後來了一個雪糕作為甜品, 雪糕甜香滑可口.整體上服務不錯, 只是期間出了一點亂子, 在點菜之後待應要求我們換位, 因為位置早已給人預訂了, 有點不自然的感覺.

偶然間約同朋友把酒言歡, 在朋友未齊時, 先開了一瓶紅酒, 再點了串燒三併作為下酒之物, 邊吃邊喝邊等; 串燒三併味道不錯, 三者肉味香口, 其中豬肉串燒最為討好.閒談會令時間過得很快, 轉眼朋友已到齊. 開始點正餐的時候, 點了三個套餐, 羅送湯味道不過不失; 主菜未到時已開始了第二支紅酒, 自己點了西蘭牛扒八成熟, 肉味不錯, 肉質偏韌了一點; 羊架肉質比較鬆軟, 羊羶味香口討好.酒過三趁, 開始有點胡言亂語, 正好來一個甜品來散散酒氣, 自已點了一個芒果布甸, 希望不是太醉, 味道倒似是荔枝多一點. 偷嚐了一口朋友的Chocolate Moose, 卻比想像中香滑. 另一位朋友點了雲尼拿雪糕, 上檯時竟然是一個迷你甜筒, 樣子可愛.