太子點心小廚

营业中

休息中

依家點心舖越開越多，夜晚突然想食都唔使去酒樓，轉個彎就有得食。今次就嚟咗呢間【太子點心小廚】，主打平民價新鮮點心，睇吓夜晚點心之選值唔值得試！🐟百花釀魚肚 $32魚肚整得唔錯，入味但又唔會淋到散晒，蝦膠結實彈牙。不過整體調味偏鹹，飲返啖茶先啱啱好。🥚流沙包 $24外皮偏厚，口感可以再鬆軟啲。餡料有蛋黃香，但唔算特別流心，流沙感略嫌不足。🥟燒賣皇（2粒）$18夠晒大粒，啖啖肉冇肥膏，食到豬肉香，加咗少少蝦肉提味，味道穩陣無伏。🍲三式腸粉 $32腸粉滑身帶米香，厚薄適中。三款餡都做得唔錯：牛肉有馬蹄咬口、蝦配韭黃鮮味突出，叉燒唔鞋口帶微微甜香。整體誠意十足。🥩原籠黑椒牛仔骨蒸飯 $42飯偏硬同乾身，仲有淡淡荷葉香。牛仔骨醃得幾好，肉質唔嚡，蒸得啱啱好。🦴藥膳雞腳（5隻）$28藥材味幾濃，口味比較濃重，啱啲鍾意食得進補嘅人。雞腳算硬身，如果炆耐啲會更入味啲。整體味道中規中矩，有啲款式比較出色（如三式腸粉同牛仔骨飯），尚有進步空間。不過勝在夠新鮮，睇得出係即叫即整，配埋相對親民嘅價錢，對於夜晚想輕鬆食個點心餐嘅朋友，係個幾方便又唔使諗太多嘅選擇。下次會想再試埋佢其他點心睇吓表現如何！

人在太子，偶然見到一間點心店，身為點心控的小人那會奉陪一下！蝦餃的皮雖然超黏，但吃下蝦肉竟然夠爽夠彈牙，蝦肉還帶有汁，調味亦足，確然不錯！燒賣則不行，肉無汁味欠奉，味同嚼蠟，即使鋪了蟹籽亦於事無補。再來的乃是蟲草花棉花雞，油分當然超級勁高，之不過矜貴的蟲草花本身根本無味，索了油香之後居然可以返老還魂，況且那麼多油份，雞有甚麼可能不滑，就連棉花都扇口！可惜的是味道完全不入，食完狂膩口！最要讚最少肥的是那個赤小豆粉葛湯，鮮甜甚至，飲得好舒服！雖說偶爾一餐，然而大部份都超油超標，只有湯尚可接受。

今日去左太子點心呢度食野、兩個人叫左個蘿蔔糕，牛肉腸粉，流心奶皇包，排骨飯套餐包埋湯同菜、仲有兩粒燒賣。蘿蔔糕都煎得幾香口有蘿蔔味，牛肉腸粉唔算太滑，但係牛肉料好足。燒賣就正常發揮最抵食係個排骨飯套餐40幾蚊佢包埋一碗湯一碟油菜埋單$150我覺得都係好抵食嘅

店面小，凤爪有点腥，烧卖虾饺比较小，没海港酒家大（更推荐这个），且不能wx支付，否则1:1汇率。人均60+，价格不贵。Good Service！！Good food！！俺们内地同胞不咋带现金吧，来了记得带，但不咋带现金吧，来了要1:1，现金不带要1:1，俺们不带现金，俺们只能1:1，来了记得1:1，因为我们没现金，没现金就要1:1，家人们记住了啊！1:1汇率wx支付，一付款你就懵逼！都要给我带现金，没现金都憋来吃！

呢間嘢入去唔使排隊就有位食，個男服務員都算OK有禮貌，但啲碗有小許污漬，啲小問題我都算，主要係啲嘢好難食，得蝦餃同百花釀魚肚係正常之外，其他人真係好難食，雖然價錢算太貴正正常常價錢，價錢親民都算抵食。。。。。。。。。。。。。。。。。。。。。。。。。。。。。。

今早約了友人去太子食點心，舖面細細，我哋選了卡位，不過侍應想我哋坐方枱，講明如果多人時要坐一邊（即搭枱），我哋話“ok”，算了……我地叫了叉燒腸粉、鯪魚肉燒賣、小籠包、蟲草花棉花雞及老火湯，叉燒腸都ok，冇乜果陣油“益”味，鯪魚肉燒賣都特別，因為在出面未食過，不過少少少少腥但我食倒，小籠包及棉花雞正常，個湯都夠熱（忘記了係咩湯），啲點心都夠熱，好在我哋都吾係飲咗好耐時間，未有好多人嚟吾駛搭枱……呢度應該係新開，都算整潔，服務正常……

睇得出師傅有比心機整，黎食下就會明d野食夠熱，腸粉皮薄餡靚紅豆沙足料好食燒賣拼盤最驚喜，一份可以試曬幾種味值得再來幫襯既小店而且開到四點凌晨，非常驚喜，宵夜好去處。

11月29日上午大約11點15分左右，揾食肥華和靚媽到達此店門前，但見舖内已高朋滿座，因此店二人及四人枱，合共祗得12張，肥華兩人亦要等咗十零行鍾，先可以獲店員安排入座坐搭枱位！今日目標除咗試食此店之點心食品外，亦對佢每日唔同款之例湯，充滿祈望，而今日此店個碗海底椰煲老母雞湯，真係正斗，好味又夠熱值得俾個A+評分呢碗靚湯，至於今餐其他食品，亦係A級系列之選，若唔怕等位，要食到平，靚，正，點心食品及飲啖靚湯，此店可說係不二之選👍👍👍👍👍

地理位置方便，最緊要門口可以泊車，服務都幾好，個個有笑容環境夠光猛而且有卡位都算坐得舒服叫左幾款點心，價錢方面我覺得好抵食，盅頭飯都只係$2x，而家出面外賣叫個盅頭飯都要$3x可能食材比較新鮮同埋唔系蒸定，味道好適合我，我個人覺得可以再黎👍仲有想推介佢地嘅老火湯，老闆話冇味精，平時屋企冇湯水飲天氣凍凍地真係可以嚟飲吓，啲湯真材實料我二人入座店員話人多有機會搭台，但最後好彩我張台都冇搭到，可能店員見我倆身形比較有福氣🤣最後怕抄牌所以食完很快就走了

非常方便的位置，近太子地铁站E出口，地铁站有升降机直上地面，一间主打点心专门店食肆，店铺面积不大，座位都算舒服，点心即叫即蒸，而且大部分点心都做得好好，新鲜热辣，而且优惠时段点心孖宝价钱十分优惠，而且不用加一服务费，茶位只是每位五元，侍应招呼勤快有礼，笑容可掬，整体是一间不错的食肆，值得一试，但亦需要留意以下两点，第一，由于即叫即蒸需要时间颇长，大约要等十零分钟，第二，店铺只收现金，光顾的朋友要留意了。

開到零晨4點嘅點心店😆😆1️⃣燒賣皇彈牙,蝦大隻,味道夠💰HKD$322️⃣流沙包好失望,因為蒸得唔熟,入面唔係流沙,係一舊舊奶黃,味道都淡💰HKD$223️⃣蝦餃皮薄,蝦彈牙💰HKD$324️⃣蠔皇鮮竹卷好大條,入面有雜菜同豬肉,味道偏鹹,不過材料好豐富,個人都幾中意😁💰HKD$225️⃣燒汁釀茄子茄子同魚肉都好大舊,好抵食,茄子好淋,魚肉彈牙,上面加左好多木魚,不過唔加好D,唔太夾🤭💰HKD$246️⃣燒汁魚肉尖椒係有點辣,但好香口,推介呀👍🏻💰HKD$22宵夜時間黎食真係岩哂,價錢平,又唔洗等位,質素都OK,係個流沙包唔掂,其他都好好味..快D黎支持🤙🏻

因為咁啱去附近辦事，搞掂啲嘢之後就喺條街度搵嘢食，最後入咗呢間太子點心🫡聽啲食客講，好似剛剛轉咗手定裝修過，所以環境都好新淨。坐低即刻點咗基本嘅蝦餃、特別啲嘅牛肉燒賣、叉燒包等等。🫶牛肉燒賣食落有啲似牛肉球🤣口感偏林少少🫶釀茄子呢個都幾油膩，因為始終茄子吸油炸完之後個油膩程度都好誇張所以要自己判斷啱唔啱食🫶菜苗餃普通嘅菜苗餃，同樣都係口感偏淋（呢間嘢好多嘢口感都好淋🤣）🫶脆皮叉燒包最淋嗰樣嚟啦🤣本身係菠蘿包皮，配叉燒包餡但係始終都係蒸出嚟、搞到個菠蘿包皮淋曬影響到個口感，個餡亦都係不過不失呢個冇必要試🤣🤣-總結🫶🫶🫶🫶🫶本身對呢間嘢期望都幾高，因為都好似好耐歷史但係入到去聽啲食客講好似轉左手定唔知係咪裝修過，嘢食水準好似係下降左嘅，我個人食完覺得以點心黎講，食物普通，但裝修及員工服務吾錯，有陣時諗唔到食咩都可以試下😁

第一次嗌外賣可以有咁嘅經驗，話說呢間餐廳可以WhatsApp落單，咁本人呢都已經落過幾次，咁以味道同埋價錢嚟講呢其實都算抵食，但呢次嘅體驗真係嚇怕我！話說本人收工前嗌外賣，打算嚟到可以即刻攞完即刻返屋企，咁我就落咗單先啦，咁當我到咗嘅時候，就同佢講話落咗WhatsApp單，一位四眼哥哥就同我講話WhatsApp落咗要confirm(態度上就係話你知冇落過)，咁我就嚇咗一跳(原因係佢嘅態度)，之後就梗係即刻走啦，仲比生意你做咩？我WhatsApp send出嚟落單係需要WhatsApp或者打電話去confirm，咁點解之前幾次唔需要？又或者咁講，要搞咁多嘢既話我使乜WhatsApp落單？以前科技冇咁發達，我會唔會要打完電話嗌外賣之後再Fax多一次俾你呀？重點係你漏咗張單其實唔緊要，我唔介意等，但你嘅態度講到好似我WhatsApp落單冇打比你確認係我有問題咁👎🏻不知所謂