太子小廚餐廳

营业中

休息中

將軍澳探望親友之後，再乘車回葵涌，我們途經 ( 太子小廚餐廳 )。天寒地凍，特別容易肚餓，我們進內吃了一碗雪菜肉絲雞蛋麵及一個吉列豬扒沙律。雪菜肉絲雞蛋麵：雪菜肉絲份量也不少，整體味道也可以。吉列豬扒沙律：豬扒炸得香脆好味，沙律味道也好味。這店開了很久，但幫襯只是第一次，食物水準也不錯。

鴛鴦炒飯以前係酒樓就食得多....茶餐廳我都試過唔少....但總係搵唔到一間係好味既.....最後俾我搵到呢間既鴛鴦炒飯係好味!!!$40一大盒...d蝦冇雪味, 好大隻, 足足有八隻大蝦, 最鍾意係佢個白汁加左d芥蘭粒, 令到成個飯食起上黎有口感, 好爽!!另外茄汁果邊, 有好多鮮茄, 雞絲亦都唔少......最後仲奉送例湯或者熱飲, 不過我勸大家唔好要例湯....因為好難飲!!

數天前因路過此店時, 朋友仔說"不如試下呢間D奶茶好唔好....", 遂"引發"這頓下午茶......當日因朋友仔已吃過午餐(但我未喎...), 所以只點了兩個下午茶餐 : 餐肉公仔麵及吉列豬扒配沙律, 餐飲當然是熱奶茶在等吃的同時, 留意到這店的面積也不少, 不知是否"交更"時份, 當時店內待應却只有兩個, 所以要給點耐性"等候"他們的回應~~餐點上枱時, 給了我第一個"驚喜", 因為我點的餐肉公仔麵份量很"骨子", 尤其相比朋友仔的吉列豬扒沙律(都話我未吃午餐囉)! 其後, 當朋友仔吃過吉列豬扒後更告訴我第二個"驚喜" - 我的麵餐很不済但他的又不賴喎~~ 那刻我只好默默的"欣賞"我的熱奶茶(這個還可以)!原本想即時安歌朋友仔的吉列豬扒配沙律, 但在落單前一刹被通知有人要我"留肚"吃他專程買給我吃的食物, 唯有由落單變埋單~~

因為工廠區附近，有些人要去一間稍為好的餐廳食飯，距離太遠。故此，太子餐廳及寶星的高滿源是一個很多人聚集食午飯的地方。好似其他食家所講，服務態度呢，真係欠奉，他們不是很惡，而是他們很忙，有時會帶來有一種愛理不理及人手不足的感覺。早餐，他們的質量相當不俗，並且讓人覺得飽滿。午餐，經常爆滿的一個地方，所以經常要求客人搭枱進餐。當中最抵食及最好食的，我會覺得係佢地的粉麵部，用泰式方法煲湯，再任選材料及麵條，叫一杯熱飯，一個人廿四元就食到份量充足的一餐。其中一項 : 什錦，真的幾乎每種材料都會放進去，碗內就佈滿不同款式的丸子...

間中都會光顧這間食店，價錢算合理！以茶餐廳來說，環境亦算不差。今年一月中，我和老公再次光顧這店，但這將會是最後的一次了，因為……當天我們點了兩客下午茶餐，其中一客是「京都肉排飯」，賣相不俗，我先咬了一小口，並已吞下，再來一大口，咀嚼過程感到似在咬肥豬肉，便吐了來看看是否真的是肥豬肉 (因為我一向不吃肥豬肉的)。但不看由自可，一看嚇死我，枱面的豬肉根本是生的，大家不妨看看相片，是用手機拍下的，像數不高，但亦能清楚看見「生肉」位置！隨即招來一名女侍應，她當時看一看枱面那塊「生豬肉」時，不帶半點訝異地說：「唔熟喎」，便把整碟「京都肉排飯」取去，既沒絲毫歉意，亦沒交代如何善後，轉身便走了……！過了約10分鐘，那女侍應依然當我哋透明！於是，再叫了一個沒穿制服的男人(猜想是老闆吧)。他看了看枱面那塊「生豬肉」，同樣不帶半點訝異，態度囂張地說：「唔熟，有人拎咗去換？得啦！」，同樣沒半點歉意，同樣轉身一走了之……！！再過了約5分鐘，另一名女侍應端來一碟新的「京都骨飯」，放下便走。是否就這樣了事呢？！越想越火滾，豬肉不同牛肉呀，未經煮熟的豬肉是不能進食的，吃了生豬肉可大可小！難道他們不知道嗎？！這到底是

今天下午同同事出左去食飯,佢地成日嚟呢間餐廳食飯,我第一次嚟,12:40分左右,嘩,勁多人等位,不過等左一陣就有位,我地叫左三樣野一齊食,一碗豬頸肉+豬肉丸濛粉,一碟豉椒排骨炒麵,一碟干炒肉片河,每人一杯飲品,濛粉都幾大碗,每人都有一碗滿的,有好多片豬頸肉,豆腐卜,豬頸肉都幾淋,豬肉丸好彈牙,好味呀.奶茶的味道都幾香幾滑,ok,干炒肉片河好味,d肉片好淋身好入味,排骨炒麵佢地話好"硬",不過我覺得d排骨好淋好味,份量都好多好大碟,呢間茶餐廳好大間,好多人,正!!

間野在屋企附近,開張初期試過麻麻地,及後開左半年先再幫襯,感覺唔同哂,小炒算幾好鑊氣,而且38蚊有送有飯有湯,算係咁!最近愛上佢地泰式粉麵,幾好味!呢間野唔係太特別,但勝在平民化,有效率,好少送錯野,對我黎講,快而準好緊要,所以近排都係多幫襯呢間!

呢間餐廳紅磡都有分店,紅磡果間就成日有幫襯,因為炒粉麵唔錯夠鑊氣,葵涌就第一次,中午時間有快餐($27)包飲品,但係得4款,叫咗咖喱雞飯,奶茶,咖喱汁係港式因為無印巴咖喱果種香料味亦無南洋咖喱果種椰汁味,又唔多辣,雞得幾塊仲有２隻雞翼尖添,嘩!老友,點解咁關照呀,成隻雞D翼尖都俾晒我,可惜我唔鍾意食,奶茶唯一可取係用厚身瓦杯,其他無乜可取.

我幫襯呢間唔少次數, 不過小弟食評絕不偏私, 好的讚, 差的稍為提點~間餐廳幾大,環境清潔的.因工作關係, 到午餐時候才會去. 午餐選擇不算多(4個), 不過份量挺足夠的, 扒飯一定有成塊比到你, 連凍飲$29都算合理, 起碼間餐廳都算肯比你食; 而另外亦有泰式粉麵, 只是平平凡凡, 冇乜驚喜.只不過可能侍應唔太足夠, 有時等幾耐的. 外賣除非是自取, 否則會等幾耐, 柯打內有炒野更甚.另外有兩餸飯/淨餸自取外賣, $20冇野飲, 淨餸唔記得, 款多而水準唔算差. 整體午餐水準ok, 夠飽肚的, 午市早d入場就較好, 因為12:30打後就好多人.

估唔到星期日只有幾間餐廳開門黎左呢度食早餐叫左早餐B沙嗲牛肉烏冬(+$2)+火腿煎蛋齋包+凍檸茶沙嗲牛肉唔夠沙嗲味令到烏冬既味好齋牛肉又過淋份量又少火腿輕輕煎過煎蛋唔係太陽蛋有D失望包幾軟熟,OK難得凍飲唔加錢而且茶味夠濃服務OK起碼唔會十叫九唔應