天 · 悠蔬食 (已結業)

一路冇時間🥲終於同媽媽齊齊去咗屋企附近嘅打卡素食店- 天 · 悠蔬食食lunch😋熱氣球嘅店舖裝飾好吸睛又fancy🎈佢哋嘅午市選擇有好多，有成九款🤩除咗主菜再加杯嘢飲，加$10再有湯配沙律或包🥗媽咪叫咗椒鹽菇扒配素滷肉羽衣甘藍菜飯🍛脆口嘅吉列皮內餡換上菇，減低肉膩感⬇️而個滷肉像真度好高，完全食唔出同真嘅有咩分別😆有埋超級食物羽衣甘藍，營養又健康✅我就叫咗九款入面唯一嘅泰式鳳梨炒飯配沙嗲串燒🍢個炒飯好惹味🤤雖然有串燒，但炒飯整體嘅肉粒都比出面少，蔬果粒較多🥕所以同食肉獸去食都唔驚，一樣有選擇😉食到好飽要打包😂而且佢哋咁好sweet咁特設為惠顧嘅12歲以下小朋友可以扭蛋一次🪀門口擺晒小朋友玩具係度，佢哋一定好開心🥳下次可以帶個女嚟食啦👧🏻

今日係黎慶祝嘅，而我又唔想食咁多肉就岩哂！素食黎講呢間算好味又唔油膩～套餐可選擇嘅湯我都有order，d名好長（詳細）西式嘅有白松露椰菜花忌廉濃湯配羅馬番茄藜麥伴胡麻醬、中式嘅有猴頭菇竹笙黃耳雪蓮子燉湯配日本山藥伴熱情果汁；麻醬番茄係fresh得黎襯忌廉湯先match到，個人黎講鍾意中式有自家燉湯風味，濃而清徹，山藥又爽口清新。最愛食呢個香芒牛油果苜蓿芽手卷，有日式風味，好香嘅青草味唔苦澀，牛油果同芒果帶出甜味，紫菜爽脆好好味～主菜係和風雙菇炆栗子煲配羽衣甘藍菜飯，同椰香冬蔭野菌炒飯配泰式迷你拼盤，唔講都唔知無肉喺裡面，幾可亂真，尤其是串燒同燒餅，同出去泰式餐館食有得比。個煲同菜飯都好有中菜風味，個汁撈飯一流添～個餐仲可以選擇配鹹柑桔蜜、香芋黑糖珍珠，甜品梗係揀古法黑芝麻糕、紫薯乳酪蛋糕。黑芝麻糕口感軟軟、芝麻味非常香濃又少甜，蛋糕好香紫薯同藍莓味，食素都滿足到為食鬼～

為食妺👧🏻最近食濟咗，朋友帶我黎*天·悠蔬食*食素食。餐廳裝潢走少女風，抬頭看看藍藍天空掛滿氫氣球，感覺令人好放鬆❤️。晚市套餐主菜八選一，配搭飲品和甜品。前菜&湯品 （+$20）日本山藥麵線拌熱情果汁山藥切成一絲絲 沾上熱情果汁酸酸甜甜 作為前菜相當不錯❣️猴頭菇竹笙黃耳雪蓮子燉湯🥣足料燉湯 飲完喉嚨好滋潤😮‍💨和風雙菇炆栗子煲配羽衣甘藍菜飯雙菇🍄用上雞髀菇猴頭菇，栗子炆得軟腍，一口餸一口菜飯，一濃一淡，配搭得宜👍🏿。牛肝菌忌廉燴扁意粉配吉列牛油果🥑吉列牛油果香脆 扁意粉掛滿醬汁 鹹柑橘蜜（熱）赤莓紅蓮（+$38)擺盤精美❣️士多啤梨香甜

荃灣素食 又想坐得舒服 都會過來天·悠蔬食香芒牛油果苜蓿手卷沒想到沒有飯全是苜蓿勁清新又少有，配芒果幾開胃仲有脆紫菜，加$18試吓唔錯牛肝菌扁意粉份量幾大份最後食唔晒，意粉幾入味仲有不少菇，吉列牛油果原來咁整唔油身又食到脆和牛油果的滑身黃咖喱野菜燴猴菇驚喜不太辣但食到咖喱香岩我哋，蔬菜幾入味又唔會好淋身，薄餅脆口沾醬好味$188/$198各叫咗一款主菜晚餐份量都可以。湯和前菜加$20就有，都各叫一齊食，燉湯味道勁濃入面有不少菇。白松露椰菜花忌簾湯口感幾滑菇味勁濃幾香。前菜蕃茄配芝麻醬和山藥配百香果 後者第一次咁食又唔錯香芋黑糖珍珠$10 偏濃味所以叫再加點冰，幸好不太甜可以，珍珠口感正常。蘋果蘆薈冰茶蘋果味幾濃整可以芝麻糕有2件都濃味不甜，不過口感差少少。紫薯乳酪蛋糕$5推介不錯幾滑味濃餅底乾身好味

尖沙咀分店之前食過，味道唔錯，但閨蜜傾偈就嘈少少，所以今次試吓去荃灣找素。因為係開飯訂好位，一去到就入得，店內樓底高，座位闊之餘仲有好多好靚公仔喺梳化後面比客人打咭，真係想得周到。全晚食物都好好味，係個脆鱔硬少少，最開心係見倒個赤莓紅蓮🥰服務員好親切，一定下次再去

餐廳裝潢新穎，座位舒適，令人感覺好舒服。鮮茄芝士菠菜南瓜新餐肉焗黃金蛋炒飯$98芝士極濃厚👍🏽，鐘意食芝士嘅朋友一流。另外套餐加$10有南瓜甘筍栗子雪耳忌廉湯+法包忌廉湯非常濃郁，仲粒粒的栗子🌰，南瓜味香濃。牛油果墨西哥薄餅+紅菜頭蘋果藜麥沙律$98非常健康，美味又新穎的主菜，喜歡牛油果夾在薄餅裡，紅菜頭蘋果藜麥沙律特別一讚👍🏽紅菜頭與蘋果混合在一起，配搭得很好，非常開胃。其他的菜式都很吸引👍🏽

天 · 悠蔬食 少女感既素食 有誠意之選keep fit 健康食 選擇豐富葷食者亦可一試牛肝菌伊麵 $178味道岩岩好 唔會重油重鹽而且加入唔同菇菌 食落好香麵質軟軟哋 好易入口香芒牛油果苜蓿芽手卷 +$18第一次食苜蓿芽 整體食落好清新有芒果既甜味 加埋牛油果既口感 成件事好夾 泰式香煎如餅$88唔好以為素食一定要食得好清淡呢個如餅煎得勁香脆而家質地真係好似魚肉咁味道有啲辣 好香口惹味晚市甜品芝麻糕(兩件)芝麻糕唔會死甜 有好重既芝麻味質地彈牙 有少少似食啫喱咁韓風蘆薈柚子蜜靜靜雞話你知餐廳有提供埋12/6人菜單而對於素食嘅朋友亦係一個選擇😋靜靜雞指數 🐥🐥🐣🥚🥚🔂再偷食指數 ✅✅✅☑️☑️💲減荷包指數 💸💸💸💵💵——————————————————店舖資料📍荃灣楊屋道18號荃新天地2期地下G08-11號舖#eatstealthily #靜靜雞食 #香港美食 #美食 #food #hkfoodie #foodiehk #instafoodie #hongkong #topcitybiteshk #hkfood #hkig #foodporn #discoverhongkong #food

呢間位於荃灣嘅天。悠蔬食，每食一次都要讚一次！🎉晚市套餐性價比極高！食完飽到上心口！今晚食咗個F餐：前菜（+$18）香芒牛油果苜蓿芽手卷🔥🔥🔥🔥：清新、香甜可口，食完好醒胃，有助於我食嚟緊嘅主食！！主食 ($198)：椰香冬陰野菌炒飯配迷你泰式拼盤（微辣）🔥🔥🔥🔥🔥：首先講講個炒飯，雖然係炒飯，但唔似坊間嘅炒飯咁油膩。飯底有淡淡椰香同冬陰功嘅味道。雖然係冬陰功，但味道就當然唔會好似正宗嘅泰菜咁重口味啦！！呢間素食都係行清新自然嘅風格～飯入邊有切粒野菌，所以咬落亦會有野菌嘅爽口感㗎！飯上面舖上一隻流心太陽蛋，可謂畫龍點睛！迷你泰式拼盤入面有素串燒、素春卷、素手作如餅～串燒同如餅口感真係好似真嘅肉類咁！！配上惹味少辣口嘅沙嗲汁，簡直一流！！基本上食完呢個主食已經飽到上心口！甜品（+$38）：赤莓紅蓮🔥🔥🔥🔥：食完主食之後，試埋佢嘅甜品！赤莓紅蓮呢個名好靚，賣相亦非常吸引，就好似一朵蓮花咁靚～真身其實係一隻士多啤梨撻。士多啤梨清甜，撻亦焗得脆身！最鍾意佢嘅甜品以清淡為主，唔會甜到滯，感覺好天然，食完亦冇乜罪惡感🤣🤣飲品：蘋果蘆薈冰茶🔥🔥🔥🔥：呢款飲品唔使加錢，蘋果茶清甜，啖啖蘆薈肉，食完岩完

經過餐廳見到裡面嘅裝飾，充滿粉紅色，又有好多公仔擺設，小朋友非常喜歡， 嚷著要去餐廳，好啦，一於試下。set lunch定價唔平，大概$88一個主菜加飲品，另加$10可加湯和包。是日餐湯係甘筍湯，味道正常。雪菜素叉燒炒米粉，份量大，但比較偏油，一夾起時，已經見到充滿油光，食慾即時下降，而且素叉燒只有少量，完全不值。另外仲有跟餐天婦羅，勁油同厚粉，唔好食。另外追加左千層蛋糕，味道唔錯，cream唔會太漏。但論性價比黎講，餐廳試一次就夠。

In March, they started serving their seasonal Vegan Strawberry Tart and decided to try it. At the same time, their regular dessert baked apple puff pastry caught my eye so I decided to skip the starters/soup and try a second dessert.First I want to praise their coffee. Their coffee was rich and aromatic compared to most places. The milk on the side was also hot(the milk is frequently cold in many places when it served at the side).The lunch came and I was a bit regretting ordering  2 desserts as

有時食下素感覺上好似真係會健康啲，同埋市面上依家好多素食餐廳都出現咗，而且整到同真嘅肉真係冇乜分別，仲好好味添😋今次嚟到荃灣呢一間素食餐廳，一入到去就覺得裝修好色彩繽紛，望落都開心過人～早咗少少去到餐廳，所以唔算特別太多人😉店員亦都好有禮貌，與唔同客人有好多互動、傾吓計咁😆👉🏻晚市套餐 +$20有前菜同湯品仲會有自選飲品及甜品🍹今晚我哋選擇其中一個主菜，加上前菜湯品🍴前菜及湯品 — 周打黃耳桃膠忌廉濃湯 配 鮮味百靈菇刺身忌廉湯非常非常好飲，而且佢裏面會有桃膠，仲幾大舊添😆而且佢濃得黎唔會覺得係味精湯；百靈菇刺身感覺好得意，凍食的令到主菜前非常開胃👍🏻🍴士多啤梨醬燒猴菇配羽衣甘藍菜飯 $188如果冇估錯，呢一個應該係扮緊平時我哋大排檔成日食到嘅生炒咕嚕肉🤣只係佢應該係用咗猴頭菇，我想講個相似度真係接近有九成，個醬汁酸酸甜甜，撈埋羽衣甘藍菜飯簡直係絕配☺️通常菜飯都係用菜心，用羽衣甘藍黎配搭，都真係第一次，感覺都幾新鮮🍴椰香冬蔭野菌炒飯配迷你泰式拼盤 $198溫馨提示，呢個係有少少辣的😉但係正中下懷，我係最鍾意食辣嘢！雖然佢唔係話特別超級辣，但係佢拼盤入邊嗰個沙嗲醬真係好惹味！無論係串燒定

本身唔太喜歡食傳統素食，好怕多油又濃味，所以搵素食都會揀新派既素食，呢間悠蔬食已經係第二次食🥦松茸竹笙黃耳百合燉湯燉湯味道偏清淡，不過好足料，飲完喉嚨都舒服🥦鮮果彩虹沙律最鐘意呢個彩虹沙律，有雞蛋，牛油果，菠蘿，香蕉，蕃茄仔，提子乾同埋沙律菜，沙律菜底已經撈好黑醋沙律汁，健康又好味🥦和風照燒汁素鰻魚薄餅薄餅有厚厚既芝士😋本身唔係咁食素鰻魚既我，都覺得容易接受左🥦牛油果鮮豆包栗子紫薯焗千層闊麵闊條麵好多料，又有紫薯又有栗子，口感好正👏🏻🥦咸香茄子猴菇栗子豆腐煲豆腐煲入面每樣材料都夠哂入味，岩哂配白飯

夜晚同朋友諗住開開心心嚟食嘢嚟打卡，點知一入門口啲客服已經黑晒面，仲安排咗一個極度差嘅位俾我哋，特別係個男經理⋯好似得罪佢全家咁⋯無論嗌嘢食又好，叫啲侍應幫我哋執嘢又好，佢哋都係選擇性失明，你話間餐廳好多人太忙就話啫，但係嗰陣時係平日而且間餐廳坐得六成人，個男經理仲不停去同個女侍應傾偈…… 就算你想傾⋯你都做晒應該要做嘅嘢先啦～而且真心，啲嘢食真係冇講到食評咁好食囉，個湯完全係淡到好似飲水甘，其他食物真心平平⋯已經唔想講…… 只可以話……呢個價錢呢個服務臨走仲聽到啲侍應討論隔籬枱走左既客人，真係極度冇禮貌，以後都唔會再幫襯

夜晚放工，外賣翻屋企食，食完咁係要出食評，比親朋好友預知下食物水準啦！！！額～～～d嘢食真係好唔滿意⋯⋯d嘢食太咸啦，素食雖健康，但口味太重，都違背健康本意啦，好失望⋯今日叫咗一個鳳梨炒飯 & 小食拼盤～鳳梨炒飯，幾乎見唔到鳳梨，屋企人食完問我鳳梨係邊陣間好想去買個鳳梨加落炒飯度，哈哈哈😆小食拼盤，全部係油炸食物，都幾熱氣下窩有d唔係好知自己食緊乜同埋間嘢價錢都唔平，但真係出唔到個水準咯，好差，好失望唔會推薦同食第二次～

近排實在食得太多肉太油膩，於是捉左個朋友仔陪我食素😆清下腸胃。粉紅主題餐廳，天花掛滿色彩繽紛既熱氣球，仲有卡通擺設，感覺幾童真少女心😊和風黑松露秋葵燴扁意粉配天婦羅美國蘆筍 $188意粉幾掛汁，食落甜中帶咸，似燒汁既味道，秋葵同蘑菇吸收晒醬汁，juicy香濃，整體味道唔差，如果黑松露味再香濃d會更好😀前菜及湯品跟餐+ $20姬松茸竹笙黃耳百合燉湯配四喜烤夫燉湯飲落有少少菌香，清甜唔油膩🤤烤夫味道香濃，口感有嚼勁，冬菇毛豆幾吸味，味道唔錯😋韓風蘆薈柚子蜜（熱）跟餐柚子既清香配埋蘆薈粒粒，甜甜地有咬口😊薑汁紅棗糕（2件）跟餐紅棗糕熱辣辣，口感煙韌，有淡淡紅棗味，唔算好辣好甜。焗蘋果酥皮盒 $68酥皮裝住好多蘋果同提子粒，酥皮好薄，食落唔油膩，酥脆香甜😋餐廳提供煉奶俾食客自行調教甜度