天龍海鮮火鍋 (已結業)

新開的天龍海鮮火鍋喺正先達旁邊，人流暢旺，附近有大量的紅Van線，而步行至地鐵站亦只需3分鐘，交通非常便利。店面不大，只有約30個座位。店內燈光明亮，裝修亦有花過心思。天龍主打是海鮮和麻辣，就整返個麻辣海鮮雞煲黎試一試佢。麻辣海鮮雞煲 $198雞已預先炒熟，再加入大量新鮮配料，香氣十足。不愧為天龍，連個煲都有氣勢過人！滾起之後再加入炒好的蜆和蝦，就係呢個麻辣海鮮雞煲喇！雞件十分入味，蜆大隻厚肉，蝦肉結實彈牙。嗌咗小辣但都係好辣，仲要勁麻，食到標晒汗，爽！Sprite $12 each汽水只係12蚊罐，比起好多火鍋店便宜！食晒啲雞同埋海鮮之後，就加湯打邊爐喇！美國肥牛 $88肥瘦相間，唔靭又有牛味。魚皮餃 $28餃皮煙靱，豬肉餡充滿油香。蓮藕片 $32索滿咗麻辣味都仲可以保持甜味，正！健康芋絲 $24吸收晒湯底嘅麻辣味同埋肥油，滿邪惡的。

天龍海鮮火鍋位於旺角的先達廣場旁邊，交通方便! 餐廳大約有30個座位，空間感高，簡潔明亮!麻辣海鮮雞煲 $198蜆、蝦和雞已預先炒熟，再加入大量配料，十分惹味!蜆和蝦都鮮甜美味，雞件十分濃味! 我們選擇了小辣，但已經很辣很麻，食到汗流浹背，勁！吃完雞煲和海鮮後，加入湯，開始打邊爐!美國肥牛 $88 肥瘦相間，質地軟淋，有牛味！魚皮餃 $28 餃皮煙煙靱靱，豬肉餡料夠味夠多汁！蓮藕片 $32 蓮藕片又爽又甜！讚！芋絲 $24 芋絲吸收了湯底的麻辣味同精華，好味道！Sprite $12 打邊爐良伴！

平時無聊就會上openrice睇下有乜好食，見到幾個人介紹，於是試試！兩個人，叫了半隻雞，四川麻辣雞煲。份量比預期中多！！有得選辣度，我地簡左小辣，我覺得我可以食多一個辣度！值得一贊既係，個響鈴同芝士牛肉丸好好味！必食之選！響鈴自家制作，好大件，大過手掌！ 響鈴內包住一塊紫菜，好特別！而響鈴外層查左層甜甜地的醬，好味道！芝士牛丸，好彈牛！加上內裡的芝士，好幸褔牙最後埋單每人250到，可以用可付寶比！very good!

平時食開個幾間雞煲店，今日試下啲新野位置都係旺角非常方便入到店面唔算好大，但比到人一種企理既感覺由於我地入座時間好早可以搵到一個比較有利睇電視既位置服務員仲好細心比左張凳我地擺袋一坐低即刻見掃去雞煲位置有分麻辣雞煲同海鮮雞煲因為我地唔食海鮮關係選擇左麻辣雞煲（細辣）一上到台見到啲雞非常足料雞度亦唔算太辣但真係有種麻既感覺！好正佩料當然一定要叫肥牛啦但令我有驚喜既係佢地既響玲好特別芝士丸同埋醬爆皮蛋貢丸亦好出色呢點係比其他雞煲店優勝既地方

喺先達買完嘢~諗緊食乜時~行行吓經過呢間天龍火鍋~聽到店員話有優惠~又諗唔到食咩~又未試過~又有優惠~所以就入咗去食喇~入到去店員安排我哋坐喺冷氣下~唔洗我哋咁熱又坐正喺電視機前面~唔洗驚聽唔到電視講乜我哋叫咗麻辣海鮮雞煲~半隻師傅喺廚房整嗰時已經聞到好香~即刻好肚餓都幾多雞,蜆同蝦喎~其實都已經煮熟晒~店員話攪勻就食得啲雞好入味,舊舊都係肉,搵唔到啲頸,骨嗰啲~蜆都好大隻~不過我哋急住食~佢未吸得切啲汁話咁快就清咗個海鮮雞煲~跟住就加啲湯落去打邊爐喇~第一時間就緊係試吓呢個~手切安格斯牛肉好有牛味~好好味~168有咁多,好抵食仲叫咗蟹子墨汁墨魚滑,水魷,炸響鈴同即炸魚皮墨魚滑裏面充滿一粒粒墨魚肉,仲要大大粒水魷好爽口~不過會縮水炸響鈴係即炸嘅~裏面加係紫菜~非常大舊~響鈴有小小紫菜味~就咁食已經好好味~仲有炸魚皮都係即炸~熱辣辣嘅魚皮你食過未個人建議即炸嗰啲就即刻就咁食其實食雞煲半隻再加埋呢幾樣嘢~2個人飽到咩咁~朋友話雞煲小辣可以接受~下次挑戰中辣

今晚去旺角吃火鍋，好想去吃小店鋪既火鍋店。知道係花園街近小巴站果度，開咗間海鮮火鍋店，決定今晚去試試。入去吃飯時，發現老闆娘在門外介紹，好有誠意，當然你會非入不可。因為店鋪是打邊爐啦～又新又乾淨，當然會去試試。店鋪有2部大電視，可以一邊吃，一邊睇電視，仲要係翡翠台啦… 追電視劇一流。我們 order 了鴛鴦鍋，選了麻辣（小辣），同埋皮蛋湯底! 麻辣湯底，真的非常正，湯底似四川的麻辣。好彩 order 小辣，因為天氣乾燥，仲要吃太辣，會對皮膚唔好啦！😂😂但是皮蛋湯底，就真的一般啦～ 最衰我唔吃得花生，所以冇得 order 沙嗲湯底喔～我們還點了皇帝菜，娃娃菜，辣椒牛丸，新鮮豬肉眼根，蟹子墨汁墨魚滑，沙爆魚肚，2罐王老吉~皇帝菜，同娃娃菜，味道當然沒有問題，很正常🤣，菜菜子又點會有事呢👉🏽👈🏽!只是每碟價錢38蚊，有點昂貴，份量不算多~新鮮豬肉眼根，我個人覺得有點似豬頸肉，非常一般，可以不用點。蟹子墨汁墨魚滑，味道幾好，自家制的，如果可以有隻鐵匙羹供給，應該會好好多。方便煮食。辣椒牛丸，自家制的，我覺得唔夠辣椒味，但如果不吃辣的，都可能覺得呢個辣椒牛丸，較辣🙃🙃。沙爆魚肚，味道淡，不過不失

天氣開始轉冷,係時候重拾返慢慢食雞煲既樂趣。今日行過旺角,見到呢度有香港少有既椰子底雞煲,即刻叫左個黎試,配菜就叫左肥牛墨魚滑等等.坦白講我平時就唔識分D牛究竟係靚野定Cheap野,但今次唔係講笑,d肉浸完落去個椰子湯底度煮之後竟然帶出左一種特別既甜味,再加上少少豉油簡直令你想食完再食。而墨魚滑亦都超足料,見一份可以夠三至四人食。如果同男女朋友黎食仲可以叫佢比個心型既煲你,夠曬氣氛.而且餐廳入面空間幾間,冷氣開得夠大,成個氣氛都幾舒服,食完成餐都唔會好似平時咁要狂飲水就知個湯底的確係自家製兼且足料

今日晚上同朋友喺旺角TOP呢一頭行完街就想食埋晚飯先走，路過見到天龍呢一間雞煲好似都聽過朋友介紹、就決定入去試吓啦。呢度環境唔算好大，唔算坐到好多人，所以唔會好似平時去果啲雞煲咁多人咁嘈，可以俾我哋兩個靜靜地舒舒服服咁嘆番晚雞煲不過如果啲凳可以有椅背或者有軟墊就會坐得更加舒服啦坐到埋位店員就會比一盤調味料你慢慢配搭你想要嘅醬料，我就揀咗豉油加重加炒蒜粒，呢個配搭絕對最好味。然後就係揀食物嘅時候啦。呢度嘅雞煲有幾特別嘅選擇，唔係好似平時淨係有得揀麻辣雞煲，仲有個椰汁味嘅雞煲。因為有啲驚麻辣嘅我哋食唔到，於是就揀個一定食到嘅椰汁底雞煲啦。不過後來老闆娘話我地知微辣嘅麻辣雞煲係唔辣嘅，怕辣嘅人都可以食到，但因為想試吓新野，我哋就揀咗椰汁底。椰汁雞煲係一定要一隻咁樣叫，冇得叫半隻，不過我哋兩個一向都幾大食，所以一隻雞完全冇問題，但當然都會食唔晒啦，不過好彩又唔係剩好多嘅。等左五至10分鐘左右，香噴噴嘅椰汁雞煲就到啦，真係唔好講笑，呢個椰汁味真係好濃好香，老闆娘話因為佢哋真係落咗好多真材實料，絕對唔係淨係落少少椰青或者調味粉之後就加水，係真係落咗好多椰青肉同椰青汁，唔怪得知咁濃味啦餸菜方面，我哋

約左朋友打邊爐，試下呢間餐廳係旺角，好就腳，又方便。餐廳位置闊落，枱與枱之間有一定距離好方便食飯傾計👍🏻👍🏻👍🏻不過啲櫈就得圓櫈，如果有椅背會更好。叫咗半份麻辣海鮮雞煲，雞煲好入味，仲有少少大大粒嘅蜆。雖然只係半份，但係份量一啲都唔小，我哋一行三人都好夠食。食完雞煲一定就要打邊爐啦，我哋都叫咗啲鍾意食嘅野，數份量都好大份，差啲食唔晒😆牛肉價錢唔貴，都幾滑。個墨汁墨魚滑好特別，仲有啲墨魚肉係入面，食起黎都彈牙。整體黎講啲材料選擇都多，質素都唔錯。而且無限時，可以慢慢食，談天說地😁

前幾日塔車經過見到旺角又有間新開火鍋店, 一於今日黎試新野店鋪係鬧市當中, 非常易搵..門面好光猛, 地方乾淨整潔...店內裝修四正, 有2人, 4人同多人圓枱..睇睇點餐紙先.....基本既打邊爐配料都有齊!!價錢經濟實惠...另外店員向我地推介干鍋, 好似都幾吸引..不過今次揀打邊爐先, 下次先再試干鍋湯底叫左芫茜皮蛋, 清清地冇咁熱氣呢個湯鍋好靚呀!! 係心型黎, 有大心小心, 好特別!!先黎碟火鍋必食美國肥牛....一舊舊卷上, 賣相吸引蟹籽墨汁墨魚滑呢個係要重點推介架!!! 超正!!墨魚滑有粒粒墨魚, 口感爽口彈牙, 必食呢豆苗好新鮮, 份量都幾多最後當然要食返個公仔麵同烏冬啦...食盡湯底既精華嘛, 嘻嘻2人食左唔洗$400, 都算貼地丫

係旺角行街行到好攰了，搵間店吃晚飯先，對面有間叫天龍海鮮火鍋，好就呢間啦，今晚就吃火鍋啦！一入去店內燈光明亮，空間寬敞，不錯。入坐后細心觀察，貴店裝修簡單，牆上除了介紹不同的火鍋外，就是不同付款方式說明，樸素是中國人特有的美德。老闆親自來介紹火鍋特色，他真是一個切實的中國人。椰子雞煲係我最愛！椰子好香，雞湯好甜喔⋯⋯正！鲮魚滑好特別，入口即化，我以前吃果D系好彈牙，卻實不同，可以一試！其它蝦，魚腩等都很新鮮。吃飽飽去洗手間時，發覺貴店的衛生做得非常好，值得贊揚一下！

幾日轉涼最岩就係打邊爐，係諗緊去邊到打邊爐嘅時侯，就見呢間嘅職員盛意拳拳邀請我地入去，因為行到好累，已經唔想再行，所以二話不說入到去。18：00仲未有人，之後七點時間就開始多人！
店內環境乾淨企理，唔會濕納納！仲有電視，好岩我呢啲鍾意電視汁撈飯嘅人！讚！醬料：$10 （人頭收費）
基本嘅醬料都有，客人可以按自己嘅口味調配醬料。湯底：鴛鴦湯 （沙嗲及芫茜皮蛋湯底）$98沙嗲湯底係濃濃沙嗲味！
芫茜皮蛋湯底，好足料，有好多芫茜，芫茜控必試！

手打鮮蝦雲吞 $58
好足料，啖啖蝦肉，又夠彈牙～

牛丸 $28
有口感，有滿滿牛味～
蜂巢豆腐 $38
好鍾意打邊爐叫豆腐，因為吸完湯底，好好味～
西班牙豬肉片 $58
個人覺得有點過肥，友人很喜歡，因為他愛吃五花腩～美國肥牛 $88個人覺得有點過肥，不過每個人口味不同吧！唐生菜 $32
好新鮮，淥一淥就食得，爽口好味～
油麥菜 $32
好新鮮，唔係到到都食到呢隻菜

邊爐又點少得叫可樂飲！服務：
除左食物，需要一讚的是服務，因為去到拎住好多野，職員都會叫我地拎旁邊嘅櫈放野！又會主動黎加湯，唔洗開聲叫！最貼心係旁邊客人叫芝士流心牛丸，職員會提醒

最近天氣開始涼，又係打邊爐既時候啦。早幾日同朋友出左去旺角行街，行行下見有d餓，就見到呢間火鍋店，就入左去試下。由於入去既時候都只係6點鬆d，時間尚早，都仲係唔多人，一入到去就已經有人好nice咁招呼我地，又比埋櫈我地擺野，服務加分！同埋環境都尚算ok，咁就試一試佢個火鍋啦。由於我唔太食辣，但我朋友鐘意辣。所以就叫左個鴛駌鍋，一邊芫茜皮蛋，一邊就沙爹，咁就皆大歡喜啦！芫茜皮蛋就唔係人人鐘意，我就覺得ok，而我就覺得個沙爹有d辣啦，但食得辣既人應該會鐘意。🔎美國肥牛 $88 西班牙豬肉片$58跟住點少得火鍋必備既肉呢！叫左美國肥牛同埋西班牙豬肉片，唔使多介紹，簡直係食肉獸既至愛啦，雖然望落有啲肥，但食落唔會完全得脂肪，比例岩岩好，對我黎講食冇肥脂既肉不如唔好食！🔎黑椒牛丸 $28又係我打邊爐其中一樣必叫既，濃濃既黑椒味但又唔係好辣，最適合我呢d唔食得辣既人，食落好大陣牛味，唔似出面嘅假牛丸咁。手打雲吞 $58平時好小打邊爐叫雲吞，因為通常都係俾超市上買到嘅雲吞，見到呢個係手打，即刻心心眼，食落仲好驚喜！佢塊皮又夠薄，餡又夠多，大大粒，見到有好多蝦肉，好juicy，好有口感！🔎蜂巢豆腐

旺角新開左火鍋店 天氣凍凍地好岩去打邊爐！一入火鍋店見到店鋪光猛 老闆娘亦都好nice咁起店外招呼客人今次火鍋既湯底就揀咗蕃茄薯仔湯🍅🥔湯底好足料 有好多薯仔同蕃茄粒 而且味道濃郁 同埋估唔到兩個人打邊爐個鍋都咁大 雪花肥牛🐂：色澤紅潤 肥瘦均勻 每次打邊爐總係好鐘意肥牛充滿油香特別好食 有別於一般連鎖火鍋店既牛肉 較厚身 亦且牛味十足 薑汁皮蛋貢丸：呢款真係好特別 市面上都好難見到 貢丸入面有打碎左既皮蛋碎 而且仲加咗薑汁去提升味道 一咬開湯汁豐富牛筋丸：食得出係手打牛丸 牛味重 超級彈牙 同埋好欣賞佢唔會食落好粉 自家製鮮蝦雲吞：打邊爐絕對唔少得既配料 皮薄餡靚 鮮蝦為主嘅餡料好足 每一粒雲吞都脹卜卜 鮮蝦爽口彈牙 可以一試！

清明時節, 有一個假期, 就約了肥膏去旺角逛逛! 陪了他由現時點行到皆旺, 真的用了一整天的時間, 行了多個賣玩具的地方。腳都有點累了, 所以就找個地方去休息一下。走著走著就發現有一家新開的打邊爐。因為是新開, 店面很亮很乾淨。而且老闆娘在門外介紹, 盛意拳拳, 所以就走了入去。我們來到的時間是五點半左右, 所以當時沒什麼客人, 不過一到六點就有很多人擁進來!幸好因為行得太攰想找個地方休息, 早到! 要不然可能要等位喔!以打邊爐的地方來說, 店內真的很乾淨! 而且又有一部大電視, 食野之餘又不會覺得無聊。點餐已經要用PAD了? 不用點餐紙也好, 環保! (價錢單位是人民幣, 是因為程式的關係, 收港幣的, 放心。）鴛鴦湯 老闆娘推薦他們家的麻辣, 真的沒有錯, 是真的很香, 我們點了小辣, 所以沒有到很辣, 下次點中辣試一試。清湯有很多菜, 用料十足, 而且還有豆腐! 幸好我沒有點豆腐, 要不然就吃不了。魚籽包心丸平常打邊爐我都喜歡吃大路野, 當然這次也不例外。我們叫的蟹籽丸好味, 浸了麻辣湯立即變惹味。辣椒牛丸帶有一點點的辣, 不用點鼓油都好好味!蟹子墨汁墨魚滑這個很特別, 我們沒有