天龍泰越餐廳

营业中

休息中

落左张单超过廿分钟，同我地话整唔见左张落单纸，叫我地讲多次。同埋话d椰青冇晒喇，点知一阵又比我地见到其他桌叫左椰青都正常攞上台面。问左侍应点解会咁，佢话突然喺雪柜搵到新既⋯⋯混乱到好紧要。虽然後尾都免左两杯嘢饮钱，都算有诚意啦。其实讲真，d食物质素唔差，份量都OK。如果服务可以快速跟上，我觉得都可以再光顾。可能新餐厅开始营业都会出现d服务问题，希望餐厅可以重视食客d意见，加强培训，唔好叫厨师既心机白费。

今日去食飯，咁未飲完嘢同朋友傾緊計個伙記突然走過黎話：傾計唔好呢度傾去隔籬傾咁我拿拿臨飲完杯嘢走人都唔想阻佢做生意點知先發覺，根本無人入黎，亦大把空枱咁佢使唔使咁樣趕客呀服務態度好差lor

係愛民冬菇亭發現有間新餐廳! 天龍泰越，lunch time 一班人去試下新野。快餐形式，先出去俾錢叫野食，之後野食送到你枱! 價錢唔係好貴，同附近餐廳都差唔多。我叫左Set B 泰式無骨豬手飯。唔係等左好耐就有野食lu。一黎緊係先食豬手，豬手好入味，好“淋“丫😍唔錯，點埋個汁食都好正呢，個汁甜酸甜酸，幾開胃下! 而且e個餐份量都幾多下，食唔晒d飯。。 🙊我加左百香果茶，唔會太甜，又有好多“椰果“ge野，幾好飲!之後ge lunch 都可以黎試埋其他餐。😙