天龍咖喱

营业中

休息中

元朗必食惹味咖喱飯餐廳既特別之處係咖喱個做法係跟巴基斯坦的，為了附合番香港既口味所以整得冇甘辣，等大家容易入口。金牌牛魔王咖喱牛大四囍飯$118牛魔王有牛脷、牛肉、牛腩、牛筋～依個餐仲會附油酥餅2塊哦～成件事非常足料又大份堅抵食呀！咖喱羊架飯$107羊架非常肥美嫩口，食落不會太過羶勁邪惡呀～咖喱中有薯仔，口感偏向杰身質地既咖喱，撈飯食簡直一流呀～追加左小食薄餅～天龍雞皮卷(2條)$44🐰同朋友追加左一人一條，外表非常脆皮可口，內在多肉juice～叫左2杯飲品分別係傷檸樂同埋柑桔大話七有助降低燥火及咽喉腫痛，非常潤喉～

第一次去食咖哩牛脷飯覺得幾好，但今次食左大四囍飯個人覺得中伏，好似變左湯咖哩。中意食湯咖哩既人可以一試。咖喱味極淡，如果想食咖哩既人唔好order呢款。每款餸都係得一舊，性價比較低。呢個價錢去其他餐廳食會開心啲。佢以前食落係滿滿洋蔥底既咖哩，香料味十足，而今次幫趁就缺乏香料既刺激，得返咖哩粉同埋少量洋蔥碎。本來覺得天龍咖哩係同區少有既誠意咖哩店，但估唔到水準保持唔到，可以預見將來未必做得住。而肉餅煎得香脆、調味可口，但份量太少，大概三塊小圓餅，食唔飽。特飲比普通汽水多一粒話梅，飲唔出太大分別⋯可能叫返普通汽水較抵。

卡佬有日話好想食咖哩做老婆的我一定陪他吃過夠吧～大仔介紹我們兩老到他學校附近的一間咖哩店 @天龍咖喱 試試他說這裡是他與同學仔們的飯堂❤️金牌牛魔王咖喱牛大四囍飯➡️有超厚嘅牛舌、又林又入味牛腩和牛筋、還有爽滑牛肉➡️咖哩汁帶點點辛辣，還有好多洋蔥配料，薯仔夠粉夠入味，撈飯或配烤餅都一樣美味，阿仔竟然無介紹錯❤️惹爆蔥油豬扒茄子熟蛋飯➡️厚厚大大塊豬扒煎得夠香口而肉質爽口➡️大大碟的碟頭飯，除了豬扒，還有茄子和蛋，好豐富（可選太陽蛋或熟蛋）➡️還配上香爆的蔥油，卡卡我成碟飯都食得完，不過如果可以再加蔥油就更好❤️蔬菜蝦卷➡️蝦滑加入切碎的蔬菜，再炸成蝦卷，夠香口，配上甜甜辣辣雞醬，很惹味❤️孜然羊架(2件）➡️太愛孜然味😍羊架必配，烤羊架肉質嫩滑無渣，烤得好好，夠乾身而不失肉汁，讚，但如果價錢相宜一些，必然會再下單🤭❤️蜂蜜柚子茶➡️味道ok的蜂蜜柚子茶，不太甜膩，是我杯茶喔～❤️青檸柑桔蜜➡️卡佬讚清新香甜青檸柑桔蜜剛好為重口味的咖哩解膩📍天龍咖喱元朗合益路17-53號合益中心地下23號舖

餐廳搶眼顏色的門面門口寫著經典語錄的招牌，主打巴基斯坦咖喱，有多款辣和不辣的選擇。金牌牛魔王咖喱牛大四囍飯（附油酥餅兩塊）牛大四包括厚切爽口牛舌、軟腍牛腩、嫩滑牛肉和豐富膠質的牛筋。份量夠大大份，配有飯有油酥餅。咖喱雞扒飯香煎雞扒大大件，但肉質有點乾身。咖喱加入了蕃茄、洋蔥、紅蘿蔔粒再煮成溶，口感濃稠，拌飯一流。天龍雞皮卷雞皮夠薄微脆，包裹著嫩滑多汁的雞肉。蔬菜蝦卷明顯地火候太大，導致蝦卷偏老偏硬。

今日終於去咗港巴咖喱世一🍛🤭，我爸爸成日經過話呢度個外牆藍色好型😎， 所以今日約埋佢一齊食個午餐😉呢度啲咖喱好出名因為唔同平時喺街度食嗰啲椰汁咖喱太普通， 佢呢度似係印巴咖喱🍛， 因為冇咁多嘢椰汁所以唔會太甜好香嘅香料味🤩而且比我見到佢哋餐牌裏面有雞皮餃子🥟， 呢個簡直係生酮&低碳人士嘅恩物，我下次會叫埋佢哋個雞皮卷😜因為今日真係食唔到太多因為佢哋份量好足夠😁鍾意食咖喱嘅朋友真係唔可以錯過呢間真係好好食值得推介🥳🥳🥳佢哋嘅生煎肉餅飯都係一絕😉🤘🏻

終於黎左試區內幾出名既咖哩！叫左咖喱牛腩牛筋飯（追加厚切牛脷，+$15）叫埋熱奶茶，total $80最正係牛脷，見到在場好多枱客都有叫，超好食！煎到外面微脆，入面好軟淋，係我喺香港食過最好食既牛脷！牛腩份量超多，大大舊有7塊，但唔知點解食唔到牛筋，但牛腩本身個肉質都唔錯，都煮得夠淋，呢度唔會煮到太淋，牛腩嗰層筋膜食落仲係有咬口。咖喱好足料，每啖都有洋蔥蕃茄碎，味道香濃又有蔬菜既清新感覺，味道係唔錯，唔係好辣，但個人偏好椰奶味重嗰種港式咖喱，所以冇話特別好鍾意呢個咖喱。整體以個肉份量+味道黎講，80蚊係幾抵食！牛脷係必試！個咖喱味道ok，但相比起個牛脷略顯普通，會再黎，下次試埋佢個招牌雞皮卷！

朋友介紹元朗有間港式咖哩做得幾出色，今日中午飯市時間，不乏附近街坊光顧，一入到去已經聞到濃濃咖哩香氣今次叫左咖喱牛腩飯，一上餐就已經聞到好香既咖哩味，可以清楚見到用左大量洋蔥粒，撲鼻咖喱香，食落濃郁卻不油膩，辣味緩緩滲出，伴帶孜然、茴香的餘韻在口中。崩沙腩半筋半肉，軟綿鬆化，一咬即開，肉汁脂香兼備，配咖喱好惹味另外咖哩香煎青衣柳飯，魚柳厚厚三大塊，咖哩汁你另外上，青衣魚柳肉質更彈牙、嫩滑見到天龍小食都幾多選擇，蔬菜蝦卷都係唔錯選擇，香蔥帶出鮮蝦和花枝的鮮甜，炸至金黃味美📍天龍咖哩元朗合益路17-53號合益中心地下23號舖

發現到一間幾正既咖哩店，菜式有辣有唔辣，選擇都幾多！ 我地叫左咖哩牛筋腩飯，個咖哩汁香料濃郁、口感豐富。牛筋腩經過燉煮後變得軟嫩，搭配濃郁既咖喱醬汁配上熱辣辣既白飯，白飯吸收咖喱汁既風味，係完美既組合，咖哩汁仲可以揀辣度添我哋都叫左個唔辣既飯，就係香煎魚柳飯！塊魚柳超級重量級，而且非常嫩滑，沾左蛋漿一齊煎令魚柳係煎嘅過程唔會散開，同時增添一層蛋香及脆脆口感，加少少甜豉油已經好好味除左飯類都有多款小食供應，孜然羊架撒上孜然粉進行烤制而成，孜然既香氣與羊肉既濃郁風味融合一齊，別有風味香酥雞外皮炸得酥脆，內部肉質鮮嫩多汁另外都有多款唔同既飲品，整體黎講都幾高質

成日都俾人問元朗咁多好野食最鐘意食乜，除咗添記燒肉同肥仔鹽水雞之外，天龍咖喱都係我推介之一。竟然發現原來我從來都未講過呢間餐廳，今次就寫寫佢。佢地依度係巴斯基坦咖哩，加入大量洋蔥碎同蕃茄煮成 (即係細個食嘅亞龍咖喱)，係好惹味好好送飯🔸咖喱厚切牛脷飯牛脷夠晒淋又香，仲要有一份有4塊份量十足。店員講過咖喱default係小辣，食落夠香去又唔會好辣，唔食得辣既人都食到🔸咖喱生煎肉餅飯佢個肉餅真係整得好好食，唔配咖喱汁我都覺得會好好食。煎到2邊香脆一咬就爆肉汁，好滿足。咖喱就唔使講又係好味，仲可以中和返肉餅既膩🔸天龍雞皮卷用雞皮包住醃好左既雞髀肉然後油炸，炸到外皮香脆入面鎖實肉汁，吸油做得好好完全唔肥膩👍👍

✨天龍咖喱是地道特色咖喱專門店，食物質素很不錯🥰兩個朋友來吃晚餐，咖喱必點，我們仲點左三黃雞飯做主菜🥰🍽️咖喱牛腩牛筋飯（$62）咖喱可以選辣度，揀咗小辣。咖喱醬汁好濃郁、好香噴噴🤤🤤🤤牛腩好大塊，肉質淋得黎又有口感、嫩滑，牛筋軟爛，入口即化。咖喱中拌有洋蔥碎、薯仔等等，送飯一流😝🍽️惹爆蔥油三黃雞飯（$61）雞好嫩滑而且份量幾多，油蔥酥炸得好香，夾埋雞件同飯一齊食好滿足😋😋😋睇相見到就知佢嘅蔥油爆得好香，非常惹味🤤🤤🤤超級推介👍🏻👍🏻👍🏻兩旁會有菜心作拌菜🥬🍽️香煎牛仔骨（$38）牛仔骨肉質好香，煎嘅火喉岩岩好😋😋🍽️蔬菜蝦卷皮薄酥脆，蝦卷炸得很香，而餡料中的蔬菜中和左蝦卷既油膩，不錯👍🏻👍🏻👍🏻🥤飲品呢間餐廳有好多特色飲品👍🏻👍🏻👍🏻傷檸樂（$25），就是諧音雙檸的意思，是咸檸+雙檸+可樂，鹹甜鹹甜，好開胃😍生薑柑桔蜜（凍飲$25,跟餐+$10）朋友當日有少少感冒，叫了這杯特色飲品，餐牌寫住「化痰止咳潤喉降火，純天然，無添加」，我又試咗少少，飲落去好潤喉舒服，好飲！👍🏻👍🏻

吃咖喱可以來天龍咖喱試下😋😋😋元朗人果然識食，果日去晚市好多人，而且超多外賣😆😆😆咖喱餐必點，可以選辣度！佢既三黃雞飯都好好食👍🏻😍✨咖喱牛腩牛筋飯$62咖喱醬濃郁🤤牛腩夠淋而且口感嫩滑，牛筋入口即融。入面仲有薯仔，好好食🤤✨惹爆蔥油三黃雞飯（$61）第二道推既係三黃雞飯🫶🏻雞件嫩滑，最鍾意佢既油蔥酥，非常可口，搭著雞，扒埋飯，超好吃超惹味😋科普一下：「三黃雞」來自 明朝 國師劉伯溫獻給朱元璋一碗雞湯的故事，因為雞湯鮮美，朱元璋之後得知那是產自浙江仙居的元寶雞，其雞冠黃、羽黃、啄黃，就賜名為「三黃雞」。而現在「三黃雞」不是指某一個品種，而是黃羽優質肉雞的一個統稱☺️☺️☺️餐廳仲有好多小食揀，果日點了：✨香煎牛仔骨、蔬菜蝦卷，分別$38很香很可口👍🏻👍🏻👍🏻呢間餐廳仲有好多特色飲品🥤🥤🥤✨生薑柑桔蜜（凍飲$25,跟餐加$10）餐牌寫住「化痰止咳潤喉降火，純天然，無添加」，真係幾潤喉呢，不錯！😃👍🏻✨傷檸樂$25鹹甜口味😚👍🏻

天龍咖哩第一次去試，地理位置唔太難搵🥘 金牌牛魔王咖喱牛大四囍飯 💰$112牛大四囍包括牛筋、牛脷、牛腩、牛肉，各樣都整得好淋，咖喱濃味唔辣，另配油酥餅兩塊，油酥餅夠熱夠脆，成個份量夠晒飽🐔 惹爆蔥油三黃雞飯 💰$61三黃雞嘅份量夠，雞既肉質唔韌，雞油都多夠油香，另配大碟飯夠晒飽🐟 香芋魚肉餅 💰¥38香芋魚肉餅厚實，煎得金黃無燶，份量足夠🥟 雞皮餃子 💰$38雞皮餃子炸得金黃，夠熱，夠脆，餡料好足夠汁

元朗天龍咖喱🥘非一般的咖哩飯！天龍咖喱主打巴基斯坦式咖喱，比普通港式咖喱或者日式咖喱都唔同，加入咗蕃茄洋蔥碎煮成🍅🧅煮到變成溶，會食到好多蔬菜溶，質感濃稠，對我黎講都幾新鮮。可以配搭唔同的食材，肉餅、雞扒、豬扒、魚柳、吉列系列等，配飯或酥油薄餅都得。我地要左牛脷飯👅一大兜咖哩撈飯唔洗慳住慳住，咖哩入面仲有幾粒薯仔，食落好甜唔會好油膩，牛脷厚切又大塊，食得辣可以再加辣油🌶️會更加惹味。好建議加埋酥油薄餅🫓佢係淋身啲個種，熱辣辣都幾好食。另一樣要左咖喱雞扒撈烏冬係下午茶餐，份量都好足。小食見人推薦天龍雞皮卷，我地都叫左，又真係幾好食，外皮好香脆，又啖啖肉，好多件，同人share就好喇!🔸咖喱厚切牛脷飯$59🔸咖喱雞扒撈烏冬$41🔸咖喱汁配酥油薄餅$32🔸天龍雞皮卷$42🔸蜂蜜生薑茶🔸青檸柑桔蜜📍#天龍咖喱 (#元朗美食)#元朗 合益路17-53號合益中心地下23號舖

間唔中都會去下元朗食野，今日我地去左「天龍咖喱」食Lunch 。餐廳主打巴基斯坦咖喱，仲跟據香港人既口味調整過，我唔食辣都食到，食得辣既朋友亦可以加辣。雞皮餃子雞皮口感有彈性，油香十足，餡料亦都好飽滿，沾上酸辣醬，更惹味。特級花枝丸粒粒紮實飽滿，花枝丸炸得香脆，夠晒好大粒，又彈牙又酥香。咖哩吉列豬扒飯轉配薄餅3塊份量十足，一上枱咖喱香氣撲鼻，咖喱入面有好多配料，有大量洋蔥和薯仔等，辣度剛剛好，食咖哩一定要配薄餅，香辣又惹味，豬扒超大塊又厚身，豬扒外層酥脆，肉質嫩滑，唔食飯食薄餅都食到勁飽。我朋友唔食辣架惹爆蔥油豬扒茄子煎太陽蛋飯賣相吸引，一樣好大碟，豬扒好大塊，好入味，口感軟腍，不柴口，加上太陽蛋和蔥油，超級惹味。凍朱古力&蜂蜜生薑茶&青檸柑桔蜜我鐘意以到既生薑茶，夠晒辣。

元朗充滿鄉土風情, 除咗傳統手工小食, 還有很多特色手信, 隱世美食小店也不少。天龍咖喱位於元朗合益路, 主打咖喱和印度菜, 也有食品供不吃辣的食客選擇。咖哩豬扒飯豬扒大大塊鋪滿飯面, 肉質焦香嫩滑, 咖喱汁分開上, 香濃辣味好惹味, 送飯一流。加配酥香薄餅, 點以咖喱汁就最合適。生煎香草羊架飯羊架煎得好香脆, 肉質嫩滑羶香夾著香草味, 三大塊羊架份量都不少, 燒汁好香濃, 令羊架更添美味。小食款式很多, 點了天龍雞皮卷和牛仔骨。天龍雞皮卷外層雞皮夠香脆, 包著嫩滑多汁嘅雞肉, 件裝雞卷方便進食, 點配辣醬更惹味。香煎牛仔骨肉質嫩滑有牛味, 煎得好香口。配以夠薑可樂和蜂蜜生薑茶, 薑味有特色, 解渴又滋潤。天龍咖喱元朗合益路17-53號合益中心地下23號舖#元朗美食 #港式 #印度菜 #咖喱 #香港生活 #香港探店 #香港打卡 #香港美食 #香港美食打卡 #香港旅遊 #香港好去處 #hkfood #hkrestaurant #hkfoodie #foodporn #hkfoodblog #foodies #foodiehk #instafood #hkfoodporn #f