天馬快餐 (已結業)

向來都鍾意食公司治但自從愛民商場的美心MX結業後我就冇得响屋企附近買公司治了都幾失望我去天馬多數都係買下午茶餐既豬扒薯條包埋飲都只係13蚊個人覺得幾抵食!但間中豬扒同薯條會油淋淋,杯飲淡茂茂都要撞下好唔好彩!有次發現天馬有賣公司治就一直想找時間試下~睇佢一份冇包埋飲都要賣20蚊,仲貴過美心既公司治餐應該都唔差的去邊掛今日終於有機會試喇!去到時0岩0岩撞正前來買下午茶既人潮睇佢地都幾好生意!師父話公司治要等耐D咁我就等喇~等左一排大槪快2個字既時間公司治終於到手!原本以為會俾D薯條結果淨係公司治返到屋企影左相先,睇來好似幾好味,公司治內容只係包左火腿.餐肉.煎蛋.蕃茄.生菜咁多,多士好似係隔夜既有陣味,好彩蕃茄總算係新鮮,整體算來味道麻麻自己整都好食過佢,我快速吞左落肚算數收得20蚊俾咁樣既質素真係唔俾喊面都唔得,大陸既公司治都好味過佢好多!試過一次知滋味,唔會再有下次!睇來我都係食番豬扒薯條茶餐穩陣D!

下午一個人又鬼咁熱, 叫d香口野食下, 一於試下佢地個 楊洲炒飯!炒飯一order師傅即執料，　ｄ飯就係個鐵片度跳下跳下料足係呢度既優點！有蝦，火腿叉燒腸仔旦蔥，　飯同料真係一半一半咁．另外夠鑊氣，　個炒飯一炒即入盒，返到屋企仲好熱下次來天馬，如果唔想食咖喱豬扒，可以試下呢個炒飯

係天馬門口見到貼左張廣告雜誌....話佢地茄汁牛脷意好好食好出名(當然主打係咖喱豬扒飯啦)於是就買個意粉來試下一盒意粉大大盒,夠份量茄汁酸酸地又夠甜!主菜牛舌得三塊好似太小了但肉質好林又入味, 由於買飯時間尚早, 只有十一點 可能未預備好啦建議老闆多做宣傳同試多d 新野.....唔好再賣天馬四寶飯........或咸旦腸仔飯學生餐走大路d, 賣個咖喱豬扒飯都不為過呀?實大把客.....密食當三番嘛

揚州炒飯用特殊炒法,令大量水份被鎖死在飯粒內,入口即溶化,對消化不良的我甚為受落,飯粒當中夾雜些少叉燒及蛋,對力求清淡的我,又有一種受到又一次照顧的感覺,最是一題就是什扒飯,都是由一些已預製好一大盤,外表樸實烏潤的豬扒煙肉所組成,份量很足,對力求追求廉價蛋白貨的青年,實在無與倫比!

天馬是目前難得一遇的香港特色懷舊快餐店，佈局、裝修、菜式、烹調方法都是我小時候（二十世紀七、八十年代）的模樣，我當然爭取機會去緬懷一番。我駐足在餐廳內，看那半開放式的廚房，親眼看着中年廚子在鐵板上弄這個揚州炒飯，有緣重溫小時候的生活片段，心中興奮莫名。這回我買了一客揚州炒飯的外賣。這個揚州炒飯的味道當然不能夠跟外邊的比較，說到底這裡是懷舊模式製作。飯的味道偏淡，沒有太多的味覺刺激，但絕對符合白領人士和學生的要求：快速、實際、衛生、廉價、夠飽……。你看看這個飯，有叉燒、火腿、蝦仁、生菜、雞蛋和蔥花，材料很豐富，不偷工減料，誠意十足。

中學時期已經來幫襯的食物店,每一次都令人鈎起不少讀書時的回憶,個陣收銀個姊姊仲做緊.佢個咖哩豬排飯幫助我發了不少肉,而家既味道已經沒以前咁濃,但豬排就大塊左.記得讀書個陣時食一個飯盒都唔夠飽,要加多一個豬排飽先至夠,但係而家一個飯盒都食唔晒.真係老啦.另外上次去有蛋tart賣,多左好多野wor. 推介佢個咖哩豬排飯.

童年時期經常食呢道既栗米肉粒…懷念~早排去食下午茶,忍唔住叫左個飯!!!古法漢堡,令我回味無窮!!!我覺得比時新更出色!

過去數十年既天馬快餐,一向都唔係有好多既捧場客,點解?因為衛生問題,過去既天馬,開鋪時,一行入去,或者行過,總有一陣怪味,酸縮味...我呢個自小係愛民長大既人,雖然慢慢已經習慣左...但係最大既問題並唔係呢度,而係每當晚上收鋪既時候,熄晒燈,關晒門之後,好多時行過,好清楚見到入面老鼠橫行...所以細細個,媽咪都唔會買個度D飯俾我地食....直到大個左D,中六,中七....什至出黎做事...就開始接觸天馬了,一接觸就變左習慣....佢地既食物其實都有水準,尤其係醬汁方面的確做到好港式...夠晒漏,用黎撈飯的確一流!!!至於汽水,仲用緊維他汽水,更顯得舊式快餐既特別...仲有好多好多食物,炒飯類,漢堡飽薯條,沙律...睇落冇咩特別,但一上檯,個舊式/港式既感覺出晒黎...佢地好多食物都已經一早預備好,所以效果比起附近既美心,大快活仲要快...就算多人既時候,例如放LUNCH...都唔需要等...但亦因為咁,好多扒類既食物好多時因為咁而變得好乾身...而我最喜愛既食物就係-漢堡扒煎蛋飯加白汁/茄汁,VERY GOOD!!!同埋,價錢係非常之平,$20有飯有汽水,仲想點?而且,依家經過領匯接手

今日行經愛民邨，本想到附近大排檔醫肚，但離遠見到愛民商場入面有間天馬快餐，抱住"試新嘢"的心態就入咗去試。舖面相當細，坐了三四個人已有逼爆的感覺，好彩最後都俾我搵到"一"個位，呢餐先得以繼續。於是我點了一個茄汁吉烈豬扒意粉，盛惠$20大元。吉烈豬扒的味道不俗，意粉一般，但茄汁則過酸且無蕃茄味。另外份量真的偏少，吃了幾口，意粉已所餘無幾了。

叫了個街坊價的下午茶餐，先說奶茶，夠滾熱辣，茶算滑濃但欠了點茶香味。夾著魚柳的芝麻包剛剛烘過，內裡的魚柳也是炸得熱辣辣又脆脆的，但質量以麥記的來相比也有段距離，最欣賞的是這裡的炸薯條，外皮硬中帶脆，內裡肉地豐厚，一口三條吃得滿足又飽肚。

在愛民返學,初中時都食過兩三次天馬,實在難忘。首先是它的粟米肉粒飯,十分惹味,不只有甜,有咸,更有口感,飯不會太爛,學生餐十五元,配汽水,也吃得過。其二有炒飯,炒得乾身,又有飯味,不會油,很香口,雖然沒有飲品,但我更喜歡這一個。朋友講到這裡的羅宋湯亦不錯,材料豐富是賣點。

最愛粟米吉豬飯，第二度根本食唔到，味道好濃、好香，又好多汁﹗去骨吉豬淡淡肉，又大塊﹗其次咖哩汁都好正﹗

自少就好鍾意..大盒抵食又好味..豬扒大大塊..炸得好香..薯條最正..又夠平..仲有免治牛飯..粟米豬扒飯etc..好懷念呀!!

雖身住此區，家離天馬不過五分鐘路程，但十多年來一直極少幫襯。原因無他，因為我多吃飯類，少吃茶餐，而天馬出了名的落味精重手，所以想多幫親都難。不過天馬的茄汁飯類/意粉(如鮮茄牛肉飯)，其中茄汁一直充滿住濃郁「美極鼓油」味道。在家樂牌彷彿消聲匿跡的今日依然能嘗道這股特別的味道，就當係懷舊一番，別有風味。其實天馬飯類/意粉一直都多料，味道也不遜一般鋪頭，雖然價錢一般，但依然是不少街仿街里的好去處。況且店裏店外都是幾十年的老街仿，不時聽到談笑風生的對話，充滿人情味。如果喜歡舊區和懷舊感覺的朋友不妨一試。

屋村快餐店，外賣為主，幫襯左好多年，水準都好好~推介：豬扒包餐配羅宋湯- 大大塊豬扒炸得香脆，薯條夠份量，羅宋湯足料(偏辣)，$16抵過m 記多多聲~沙嗲牛肉飯- 沙嗲汁較得好味，牛肉份量多，$20梅菜扣肉飯- 梅菜撈飯一流，$20