影片
12月去咗两次天赐，竟然都系斋期（上次系十五及昨晚系初一）🥳🥳🥳昨晚除夕夜，又系初一，例牌全店爆满。我同老公7点零到达，等咗十分钟就可以入座，当然要搭枱（已经习惯咗）昨晚点了咸鱼鸡粒炒饭，xo 酱蜜糖豆炒云耳花枝，一碟细斋，再嚟一盅名厨炖汤，好丰盛啊（唔记得影全家福添）最近嚟多咗天赐食饭，事关有泊车优惠，又可以去超市入货咁就发现天赐嘅食物质素及水准年轻化咗，非常开心现在的炒粉炒面炒饭等等，明显好干身少油少茨。大喜讯呀我哋唔使就住就住啦老板介绍咗蜜糖豆，好吖就落单。在不知道什么小菜的前提下，有惊喜啊，xo酱好刺激味蕾 又好夹饭，真系好介绍最赞嘅系个炖汤，材料满晒，原汁原味，清甜到入心，老公好少会自动饮汤都会添汤，可想而知几好味 斋卤味系镇店之宝，不容错过老板们及同事们都年轻化咗，见唔到㕑师就唔知道喇，服务态度越嚟越好，大家好有默契，见到佢哋做得好开心
继续阅读
今日同朋友去左间系沙田区多年的素食馆，不得不分享❤️菜式总是热辣辣、散发著诱人的镬气，令人垂涎欲滴🤤🤤🤤📍炖汤⭐️⭐️⭐️📍家乡炒米粉⭐️⭐️⭐️⭐️📍叉烧⭐️⭐️⭐️⭐️📍蜜椒薯仔牛蒡⭐️⭐️⭐️⭐️⭐️📍酥炸猴头菇⭐️⭐️⭐️⭐️📍炸芋鱼⭐️⭐️⭐️⭐️特别推荐的是他们的「鸡卷」和「合桃露」🤩🤩「鸡卷」结合了素食的创意和传统风味，给人留下深刻印象。而「合桃露」则口感细滑，加入了一些合桃碎，整个甜点口感更加丰富有层次❤️据店家表示，每天佢地都以新鲜的食材亲手制作所有的菜品，这显示店家对品质和客人体验的高度重视。而且，这里的价格相当经济实惠，人均消费$100左右，感到物超所值👍🏻👍🏻👍🏻总之，天赐素斋是一家值得一试的素食餐厅。无论你是素食者还是对素食有兴趣的人，都能在这里找到令人满意的美食❤️❤️😘😘
继续阅读
今日同屋企人去咗食斋，去咗间斋舖。呢间斋舖嘅装修好有特色，用咗好多木嚟做装饰，感觉好清幽。我哋叫咗个四宝斋，有芋头、素叉烧同咖喱斋 (面筋)。四宝斋嘅份量好足，啲料都好多。芋头好粉，好香芋头味。我钟意将芋头捞埋啲汁嚟食，咁样会更加有味道。 芋头好粉入口即溶，所以觉得呢碗四宝扎嘅芋头做得好好。咖喱斋 (面筋) 嘅咖喱汁好惹味，唔会太辣。面筋好吸汁，食落好有口感。素叉烧好有咬口，唔会太腍。素叉烧嘅味道都唔错，有啲似真嘅叉烧，口感都几好，唔会太硬。
继续阅读
咁岩今日一个人就比较得闲，又想食清d，就嚟咗呢间素店名叫做 天赐素斋。睇落呢间餐厅环境清幽，好适合一个人嚟食饭。话不多说，我就叫咗个罗汉斋炒面，发现呢度提供既份量都算系好大，用料十足。啲面条炒得好干身，唔会太油腻。啲配料都好新鲜，有菇、有菜、有豆腐，仲有素鸡。味道方面，我觉得都几好同好有新意，可能平时既我少食素啦，口感唔会寡，同有真肉既经验系各有千秋既。饮茶方面，我仲叫咗杯香片，慢慢饮，细味茶香。整体餐厅几唔错，价钱都合理。
继续阅读
今日同屋企人去咗一间斋菜馆食饭。我本身唔系好钟意食斋，但系屋企人话呢间斋菜馆好食，所以就嚟试吓。我叫咗个素枝竹班腩煲。个煲细细煲，但系都够热辣辣。个芡唔会太杰，食落唔会太滞。除咗枝竹同班腩之外，仲有菜心垫底，咁就唔会黐底。班腩系用斋鳗鱼整嘅。斋鳗鱼嘅口感同真嘅班腩好似，但系味道就差啲。整体OK。另仲叫咗个酥炸素生蚝。估唔到咁好食，仲好食过真嘅生蚝！个炸浆又够热又够脆，中间嘅「蚝」个口感好得意，冇乜纤维，又唔系爽口𠮶种，好难形容，但系好好食。连同枱𠮶个婆婆都问佢啲女我哋食紧乜，睇落佢都好想食。
继续阅读