天然豚骨拉麵專門店一蘭

营业中

休息中

好多人話一蘭質素大不如前自己都由佢啱啱開業 斷斷續續食到今日其實我覺得仍然非常好食不過今日去食就好多位電子化左拎飛可以自己禁機 (好似譚仔咁)落單連比錢都電子化掃code落單既時候要比埋錢食完就直接起身走得有d人會話無得畫紙個體驗差左無左以前一蘭既感覺😂不過我覺得食完唔洗行去埋單其實都方便左既今日一如以往叫左加麵底 揀左硬麵仲加錢要多碟蔥 因為本人覺得一蘭個湯加蔥係超正辣度就6度 啱啱好 有辣味之餘又保留到層次不過下次個加麵底可能硬度揀返普通好d因為食完原本個麵 d湯會涼左少少浸唔軟新落個麵底😂反而原本個麵就可以叫硬

🍜攞住碗一蘭拉麵，單係睇個色澤已經流晒口水。湯頭香郁，飲一啖，順滑得滯，又唔覺得太肥膩。叉燒夠曬味，肉質腍滑，啖啖肉嘅感覺叫人忍唔住連啖帶骨都想吞。拉麵嘅彈牙度，啱啱好，咬落去Q彈得嚟又唔會太硬，食落去真係過癮！🥚糖心蛋嗰啲流心效果太正，黃金色澤勁吸引，蛋味又香，搭配拉麵就係完美match。至於抹茶布甸，呢個確係清新閉幕，入口即化嘅口感，抹茶味濃得嚟又唔膩口，令人食完之後回味無窮。啲食物好味到諗住下次仲要點埋湯頭同埋加餸。店內環境靜態，令人坐低就可以全心投入到食物世界入面，感受呢度嘅食物魅力。單人位嘅設計都幾得意，滿足咗想一個人靜靜地食嘢嘅心情。總之，呢次食感驚喜，下次還會再嚟。🍵🥢

🍜拉麵 🚹可以10-20個1人——————天氣凍❄️始終想食啲熱食，曾經好多人排隊嘅一蘭，喺平時嘅夜晚6點幾係可以直入～唯一一種拉麵：天然豚骨拉麵🍜$98叉燒又薄又嚡，無咩其他配料，麵份量亦偏細，唯一優點係湯底味道確實好好😋🐻另外仲加左：半熟鹽味蛋🥚$18蛋有咸味，亦做到流心效果，但性價比就麻麻…🤔其實，一蘭最大嘅優勝之處在於餐廳好多細節位同「自閉位」，落單連俾錢💲已經用QR code，上菜唔會同職員眼👁對眼👀，帶位仲有職員，如果連呢樣都變埋機械人，就真係「全自閉」體驗，其實唔想講嘢嘅時候去食都幾舒服🤣不過…咁「自閉」都收加一服務費，大家又覺得o唔ok呢？🤔🐻‍❄️：其實成間餐廳背後(例如帶位)都係有職員服務大家，但當大部分都自助(🐻：蛋都連殼…🥹）呢樣係咪應該用「服務費」嚟收呢？又值得商榷。結論：🐻🐻‍❄️都覺得同價錢有更好嘅選擇，唔會encore。

寒冷的天氣，總是特別容易感到餓。想起去日本旅行，在嚴寒的天氣走進拉麵店，吃碗熱辣辣的拉麵，實在是人生的小確幸。來到位於銅鑼灣的「一蘭」，凌晨一點幾，客人不多，不用排隊就可直接入內用餐。選了最原始的口味「天然豚骨拉麵」，麵質揀選「硬」，辣度是「普通」。這樣的一碗麵，很個人的口味。雖然很多人說「一蘭」沒有從前那麼好吃，但其實我還是很喜歡它，一樣的裝修、一樣的間格、一樣的口味、一樣的水準，是很溫暖的感覺。其實「一蘭」並沒有變，只是新開的拉麵店愈來愈多，大家嘗試了各種不同的款式和味道的拉麵，也找到了各自喜好的風格，才覺得它變了，變得不像從前那般美味。在這個有點冷的夜晚，所以餐廳都打佯了，是它滿足了我肚子的幸福。

🇭🇰Hong Kong - Causeway Bay📍Ichiran 一蘭拉麵仲記得10年前引起一段關注嘅一蘭拉麵，時隔咁耐唔知道仲有無咁多人去食呢？由銅鑼灣開到尖沙咀，再開到旺角。究竟係有咩本領令到佢可以一開再開？一蘭對於我嚟講係一個回憶。幾年無食，好多野都唔同了。已經唔係24小時營業，亦都再無一條長長嘅人龍。去到已經可以直接入座食。入到店舖入邊亦都有好多好多唔同了。已經再唔係有張order紙圈起自己嘅拉麵口味，全部都電子化了。洗手間嘅打卡12格廁紙都無了。拉麵到了，老朋友 濃淡 普通、油膩度 濃厚、蒜蓉 一份、麵硬度 硬 加一份一蘭醋。但已經唔係以前嘅味道了，麵嘅硬度唔係硬，湯底亦不及以前。雖然整體都唔同了，最後都把湯飲晒打卡一下碗底。不得不說，客人已經唔係好多，但兩位員工不斷不斷地進進出出。破壞咗黎一蘭唔會比打擾感覺。📍 銅鑼灣謝斐道440號駱克大廈A座地下F-I號鋪尖沙咀棉登徑8號地庫B號舖及地下入口大堂旺角洗衣街88號地下B舖

✨天然豚骨拉麵有2塊叉燒🐖、蔥、七味辣椒粉🌶️，拉麵嘅軟硬度 偏硬至普通係最好食，軟身真係冇咁正🤫麵好吸湯，湯底好有豚骨味，少少油膩&鹹香，再加七味粉，更食得出一蘭獨有嘅風味🍜辣度有得調較倍數，越辣越惹味😋😋叉燒比較薄身同未夠突出～但又唔會好肥膩。✨燉煮豚肉燒豬肉有醬油鹹香，味道上類似壽喜燒嘅味🐽但係，肉汁普普通通，$68咁細碟未算抵食～Overall豚肉湯底拉麵幾好食，豬肉就爭啲啦🤏🏽我地最鍾意都係嗰個佈局夠曬private，唔洗比人見到我食嘢樣樣衰衰嘅樣🤣🤣👍🏻

呢間拉麵真係冇得頂，仲keep到水準，最鍾意就係每次都叫佢嘅叉燒拉麵，🤭🤭叉燒大大塊半肥瘦叉燒好正！湯底好濃郁，拉麵好大爽口，好入味！次次嚟食都覺得好滿足😍🤩

一蘭既特色就係除左麵種同湯頭，其他都可以自由選擇🥰，例如拉麵既軟硬度，油膩度，要幾多赤紅秘製醬汁等等。每次食一蘭都係貪佢地點方便，即使過左十點幾都有野食，坐低又唔洗左諗右諗要叫咩，仲要好快就有得食！🍜天然豚骨拉麵湯底豬骨味好濃郁，加左辣粉後有畫龍點睛既效果，單飲豬骨湯好快會滯，但配埋辣醬後可以成碗飲晒都無問題😌拉麵偏幼細，幾掛湯，叉燒油香重又軟腍腍，不過得兩小塊真係唔多夠喉🙈每次去都會加一隻半熟鹽味蛋，流心效果都唔錯，浸係湯入面一段時間再享用，好滋味！📍天然豚骨拉麵專門店一蘭銅鑼灣謝斐道440號駱克大廈A座地下F-I號舖

唔知由邊年開始每年去完海洋公園，成班friend都會一齊去銅鑼灣一蘭食宵夜，貪佢開得夠夜又交通方便，係公園餓咗成晚食返碗麵就岩岩好🤤🤤質素一如既往既好，麵既所有野都有得選擇，味道同福岡既拉麵一樣呀！

有食開拉麵的朋友，比較難想像沒有去過一蘭，在香港開了這麼多年，地點不變、質量不變，如果你真係無食過，我更加不介紹了，你親自去試，不去，只是你自己的損失。我反而是想贊一蘭的兩件事：1) 手機會員app可能是我用過最好的餐廳app。第一個好：我大大話話差不多一年無開過個app，今日一開，沒有已經自動logout，即係不用左諗右諗密碼係乜。另外我都接受和喜歡他們的儲分計劃：來一次給你10分，夠分直接換食物，之前夠60分我已經換了隻半熟蛋兩次，個app簡單唔複雜，明買明賣，實際！2) 一蘭的盒裝拉麵，買番屋企整，真心話，當然不會像堂食那麼好，但其實好味程度真是非一般，我認為是送禮自用兩相宜的好物。(意思即係話，想送禮物給我，唔使傷腦筋了~)

豚骨拉麵面的軟硬和湯底的濃度，油膩程度，鹽和辣度到都可以自己選擇，能調配最適合的個人化口味拉麵的湯底是比較濃郁的麵條很幼細配上湯底吃是油香滑軟的叉燒比較薄身，口感嫩滑

拉麵 我係比較鍾意食細麵多點～銅鑼灣店比尖沙咀店好食（我覺得）， 那些年去福岡遊，務必要去總店拜訪，未知是否心理因素，覺得最好味😂。我係幾ok自修位，拉麵放久口感就無咁好，自修位左就可以專心食麵， 拉麵湯我會總飲光光，因為係對司傅既專重， ‘這一滴是最無上的喜悅’ ～ 來吃一下 又重燃旅遊感～ 🤫自修座、個個掛住食、靜點點

一蘭拉麵係早期受到大量香港人的喜歡🍜，之後隨著各式各樣既拉麵店開張，人氣才開始下降，但水準也一直沒有減退！日式裝飾和獨特的格局，也是一蘭拉面的特色，有別於其他拉麵店。💜天然豚骨拉麵（$98）配料方面可能會相較其他店遜色，只有一塊薄薄的日式叉燒，但我認為一蘭拉面好食在於濃濃的湯底和麵質非常之好味。💜加麵（一份，$19）可以因應個人口味而選擇，由超硬到超軟，5個階級。我個人喜歡超軟麵，它的麵十分之吸水，把濃濃的湯汁一起吃進去的感覺太棒了！

之前吹捧都好勁嘅一欄拉麵，試過之後覺得正正常常，唔會話食完之後日日夜夜掛住想返去再食嘅嗰種好味。如果因為慕名而去嘅話可以一試一次，麵質嗰啲都可以揀，最緊要揀一段冇咁多人去嘅時間就得

我们大热天的排队半小时，进到里面后，环境奇奇怪怪的，一个个卡位，隔板隔住，蹲坑一样感觉，我朋友坐在45号台，她不吃肉，吃斋的，就点了木耳和紫菜，就加了底，就要她们拿点辣椒和醋什么的过来，先是拿了醋，要她拿点辣椒酱，她说就没辣椒，我们说给钱买，好说歹说就不行，最后那就说要她离开，那个穿黑色工作服的女服务生，把帘子一甩，好像说了句日语骂我们，语气强硬，在这样的环境下吃东西影响心情，服务很差劲，下次我不会再去了，也不会要身边朋友去吃！另外一个朋友，下午还有点拉肚子，不知道是不是吃了蛋的原因，她说反正以后不会再去了