影片
【深水埗区】【天然居】我喺美国过年，返到嚟要饮吓茶先得，我同家慈今次就去咗长沙湾揾我识咗十四年嘅「亚妈」饮茶。佢哋系第一次见面，我都想畀家慈知道就算佢唔喺度，都有好多人好睇住我同埋照顾我，唔一定要结婚先 handle 到件事嘅。亚妈推介 $58 嘅「沙姜猪手」，食落系唔错，沙姜得嚟猪手味够香。之后到顶点嘅「必食虾饺皇」，我又食唔出佢有几必食，普普通通啦。反而小点嘅「潮州蒸粉果」有惊喜，首先够热，其次系食落皮薄馅靓，系几足料架㖞。然后到特点嘅「蟹籽烧卖皇」，都系比较正路嘅好食，冇乜话好特别嘅卖点。到大点嘅「虫草花鲜竹卷」同特点嘅「鲜虾腐皮卷」，两者本身都系有啲似嘅，不过都系热到辣口同埋都整得几好食，前者仲有啲虫草花点缀吓咁。跟住追加咗大点嘅「蜜汁叉烧肠」，比较一般，反而中点嘅「酱皇蒸凤爪」够浓味几好食。最后整个甜品，系中点嘅「姜汁千层糕」，哗，食落好够姜味，好正，姜味浓得嚟又唔会话太辣，啱啱好，大家食到赞不绝口啊。我哋系星期五下昼去嘅，大中小点划一 $20.8，特点 $33.8，顶点 $36.8，茶位就 $12 位。写到嚟呢度我就尽架喇，因为去到争畀钱嘅环节就冇我参战嘅可能性，我都系斟多杯茶畀自己，润润喉、浪浪口，咁又完成一餐。。。（地址：长沙湾元州街296号西岸国际大厦3楼）#1amfoodie #foodie #hkfoodie #thatfoodiething #delicious #foodies #tasty #globaleats #tastyfood #foodpics #followforfollowback #love #eat #1am深水埗区 #长沙湾 #天然居 #天然居海鲜酒家 #samsplace #沙姜猪手 #必食虾饺皇 #潮州蒸粉果 #蟹籽烧卖皇 #虫草花鲜竹卷 #鲜虾腐皮卷 #蜜汁叉烧肠 #酱皇蒸凤爪 #姜汁千层糕 #1am0931 #1ambackup
继续阅读
呢区嘅酒楼都几多，今次试下呢间天然居。佢位于相当荒芜的西岸广场的三楼。个人嚟讲，虽然食物选择唔算多，但我觉得比隔离嘅龙宝酒家好食。因为佢做出来嘅点心喺有啲独特嘅味道，与众不同而唔花巧。门口写明大中小点一样价钱（当日平日好似系$18.8），但系好多点心都属于特点／顶点，另外小菜都有唔同价钱。环境亦都比较旧，缺乏装修，呢一点净系睇外墙个招牌甩皮甩骨已经知，而且佢仲用屏风间左一个D区（而系冇乜人坐），令其余空间更显局促。值得欣赏之处系佢嘅点心食落去比较新鲜，例如个蟹籽烧卖皇肉质喺弹牙架，口感明显喺有啲分别，居然系有层次感。喺哩个价钱，已经好少食多啲咁新鲜嘅点心。佢呢度嘅鲜竹卷有浸煮汤嘅，腐皮软滑富豆香，冇雪藏味，内馅亦好balance。另外叫左个松化蛋散（当日特价＄13.8），点中糖浆之后亦都系非常香，食落带点奶香味，酥脆可口。潮式咸菜猪肚（＄38），都算份量十足，黑椒加咸菜恰到好处，咸淡适中，猪肚烟韧冇异味，最底有啲萝卜，索晒啲汁。成碗我哋喺饮到一滴不剩。虾米肠系有煎香个表面，配有麻酱甜酱同豉油，个人黎讲比较钟意叉烧肠。酥炸绿茶饼外脆内软，面头有好香嘅芝麻，中间口感烟韧，趁热食好好食。咸水角新鲜炸起，脆卜卜，空气感十足而内馅足料多汁好味。反而XO酱炒陈村粉（＄42）唔系好够味，比较一般。好在唔算好油。但系同点心质素比较，就乏善可陈啦。题外话，今次去嗌咗铁观音，初头饮味道带酸，饮饮下又正常返。用既茶叶唔算特别靓，但都襟饮、唔易变淡。服务方面，传菜姐姐成日放低点心即掉头走，完全唔讲喺咩嚟，有一个系送错左，搞到好似斗快截人咁。总结三个人食左300蚊有找，计埋茶钱每人唔洗100蚊，而系食得非常之饱。虽然店铺装修比较残旧，但点心质素有惊喜，虽然未去到精雕细琢，以同价位酒楼来讲已经算超晒班。
继续阅读
二千蚊12个人捧著腹,又可大众畅聚,环境又宽敞,食品质素又佳,夫复何求。最近一班很久没有见面的明友因一次一齐活动的机会至晚上,决定来个聚餐,天然居这老字号一向都较有信心和有品质保证,而且仲有二仟蚊全包宴仲有啤酒汽水,选择又多,包括白灼中虾、烧味拼盘、北菰鹅掌、芝士虾伊面、碧绿炒龙趸片、火腩炆头腩、清远鸡、瑶柱羹等等。样样都碟头充足,味道中上,尤其灼虾及龙趸球各人都大赞有海鲜档的水准。这晚大家都尽兴而归。
继续阅读
男朋友爸爸钟意食中菜，所以好多时都会试下唔同酒楼，喺op揾到元州街呢间楼上舖酒楼，抱住试下嘅心态去试下，食完觉得每道𩠌都份量足，味道亦都唔错！餐牌有唔同人数嘅套餐，亦有晚饭优惠。前排睇中医话我气血虚，睇到『是日靓汤』有虫草花乌鸡汤😍一盅够晒我哋七个人饮，营养丰富，够晒滋补，好好饮！好多汤渣！汤浓料足。黑椒牛仔骨好惹味！！牛味浓郁，肉质劲腍好易咬👍🏻再用黑椒汁捞白饭 必叫～上汤海虾伊面 单睇摆盘就知厨师绝对唔系马马虎虎！最后叫 冬菇鲍螺片扒生菜，螺片腍身，芡汁无煮到稀身，简单又大份嘅传统菜式！糖水系红豆沙，口感浓稠，甜度适中，而且劲多红豆，好满足！
继续阅读
疾情前我哋欢送同事调职，午餐就去咗饮茶。深水埗餐厅多，但酒楼就比较少🤔，反而近长沙湾天悦𠮶边有多几间选择。其中一位同事介绍我哋试喺大厦三楼嘅「天然居海鲜酒家」。估唔到酒楼系楼上舖，但都咁多人帮衬，目测全场满座👏。可能上咗楼嘅关系，餐厅环境几唔错，光猛开扬，不过坐得少逼。整体感觉算干净衞生😊。呢餐我哋一行十人每人百一蚊左右就搞掂，而且系食到饱饱，仲有食物剩打包添，性价比OK👌。不过茶钱$12位，食水都几深。 点心纸十分清晰，因为大中小点写哂出嚟每款几钱，唔驶再揾餐牌对数，但其实大中小点同价($18.8)...😅。午市仲有啲拼盘餐同孖宝餐，抵食啲。另外，亦有单点推介菜🥢。蜜饯鸡中翼($48)，依个系同事嘅必食推介，又真系几好食㖞😋。鸡翼煎得几香口，蜜饯口味甜蜜蜜，但唔系蜜糖𠮶种死甜。但一碟得六只，我哋要叫两碟先够。另外点咗两款小食：椒盐脆豆腐($42)同椒盐鱿鱼须($48)，两样都好酥脆，正啊。笼仔蒜香开边虾蒸饭($78)，呢个饭嘅造型不得了😍。首先，因为系以笼仔上，感觉即刻吸引啲。第二，虽然系蒸饭，但其实个饭有炒底的，所以饭粒干身得嚟，又别有一番香气。第三，开边虾唔大只，但切开竖起几好睇🦐。XO酱炒肠粉($32)，炒肠粉好入味，并用上芽菜一齐炒，但谂唔到辣味都几劲🌶。孖宝：雪菜火鸭丝炆米 + 脆皮烧腩仔($128)，炆米都几大碟，而且几足料，有唔少鸭丝。🐷烧腩仔亦属中上水平，皮够脆，肉唔太肥。鲜虾腐皮卷(特:$26.8)同脆皮素鹅($42)，两款都系即煎即上，所以外皮脆卜卜。不过我都系略嫌偏贵，特别系素鹅，无肉㖞🙊，建议叫前者！必食虾饺皇(顶:$28.8)同蟹籽烧卖皇(特:$26.8)，两款均系大路点心，价钱都几贵下。每笼四粒，唔算大粒，味道普普通通😟。黑椒茄子牛仔骨煲($88)，呢个小菜几惹味，🐮牛仔骨量颇多的，肉质唔韧。同事话茄子仲好食过牛肉添，不过我唔食茄子，所以唔知。金银蛋浸苋菜($68)同菜胆扒鲍螺片($78)，我哋叫咗两碟菜🥦，味道几好，健康啲。苋菜几嫩，无乜渣。另一碟就系用上唐生菜做菜底，有好多蚝油所以够味，螺片以外仲有冬菇。总括嚟讲，天然居酒家质素算唔错，个人认为小食同小菜类较点心出色🤤。始终呢区无乜见得人嘅酒楼，所以我觉得想饮茶都可以嚟试下，特别系一班人(例如老板请食饭)想食得好啲。
继续阅读