天后甜品

营业中

休息中

三個字:唔好食！呢三張相既野食加埋就盛恵$432 係432蚊！！ 仲貴過岀去食放堤🤭🤭重點係串燒佢一定要打孖叫🤢 你嗌每一份野佢都逼你一定要食兩串比double價錢 如果你同你fd想食唔同既野咁就gg鳥🤦🏻‍♀️🤦🏻‍♀️其實本身我地都係嗌咗6款野食就變成12串😥😥 而且好細份 花之戀賣成39$一舊但都係無乜㹀別 好唔抵食 呢到同兩個fd share都要每人144蚊 但完全唔飽🤭🤭 味道亦都唔係超特別 唔值呢個價錢 回頭率係0🤮

I ordered a 椰果檸檬乳酸西米露 which was super sour. I did not expect it to be this kinda sour...it was like a torture to finish it all... I think they also put lemon skin in it which was actually making it bitter... the whole combination was disgusting... I wanted to eat something sour and sweet but not super sour and bitter dessert. We asked the server if its possible to make it sweeter cuz every sip was like drinking 100% lemon juice. She said you could buy water from the convenient store and poured i

很後悔沒有查過相關評論就踏入了此家甜品店，不僅價格高，且甜品份量少與極不可口(成分很差)........ 我和朋友吃了幾口便傻住了，感覺好像受騙，經驗非常不好，非常不建議來這裡.........

腐竹白果意米甜水，食過最差既糖水！腐竹唔溶，唔夠濃味白果唔去心，食糖水食到苦既意米唔知擺左幾耐，硬到呢垃圾木糠布甸，成pak野🍮布甸咼，唔知自己食左咩無咩寫過comment 不過真係太差

天后一帶有很多甜品舖，因為不想吃凍的東西，看了幾間，最後決定試試這間。店舖不算大，幸好人不是很多，不用排隊，入到愛翻翻餐牌看看，真是嚇了一跳，選擇多到難以想像，有傳統的中式糖水，也有西式甜品，港式棉花冰也有，仲有另一個餐牌，是快餐類的熱食。我叫了熱的蛋白杏仁茶，都ok,蛋白好滑，杏仁茶都幾香。朋友就叫左木糠布丁，好結實，要等一下才吃，味道不算太甜，正正常常咁啦。由於冇人等位，食完之後傾下計都可以，唔洗趕住還枱

食完晚餐，因為朋友想食甜品，一時想不起來就開車亂打亂撞去了天后，見到尼間有圖貼滿牆的甜品店，二話不說三人就坐下，望了一下餐牌，因為有相，見到相好似好好味好大碗，朋友點了Oreo 木糠布丁，老公點了芒果鴛鴦撈，我點左薑汁芝麻湯圓，甜品到枱，一望完全唔同餐牌張圖，好細碗，Oreo木糠布丁同張相個對比好大差入！我朋友望住個布丁完全唔想食，跟住試食下啦，哇，好難食！唔知咩味！好彩我點左湯圓，衰極有個譜！我老公碗芒果撈超級洗碗！唉...貴唔緊要，最緊要好食咯！尼間貴仲要係好難食！唔會有下次！

天后的確很多甜品店，競爭大 ，選擇多。如果一比下去，天候甜品可能真係遇到挑戰！因為以前都食過其他的甜品店，今次就來試試。一進店坐低，發覺原來這裡負評比較多，心中一沉...... 自己唔敢亂叫，不如問下服務員 （其實聽聞服務態度差，又怕她們面黑）。其實服務員都好有禮貌咁建議左一個芒果天后，其實=芒果涼粉。 芒果數量多，新鮮，整體感覺唔太甜。 店主應該吸收了以前食評的意見，加以改良 人均消費$36；呢個消費水平，都算平均啦～ 這些圖片應該好耐無update了，俾人一個好殘舊的感覺。 

諗住同班朋友喺山頂倒數完就落天后食糖水，見到間間都排晒長龍，呢間條龍好似冇咁長就食呢間啦，點知就奶晒野喇第一，等左1個鐘先有得食，我明人多呀嘛，但隔離左右兩枱客遲過我地黎都食緊喇wor,已經唔係揀d即整，有個fd揀左腐竹薏米糖水($22),我地差唔多食晒先黎，嘩，呀fd“畢”出黎咋喎，要甘耐??同d人講就話等多陣啦（黑面），等左好耐喇喎.....第二，等得耐都算，重要甘難食又冇賣相，真係服左佢，另外叫左薑汁花生湯圓($25)，最正常係呢個，我同男朋友叫左龍眼雪糕布甸($50)同芒果啫喱雪糕布甸($50),中大伏，簡稱龍布，布甸咩味都冇，我唔知自己食緊乜，周圍有d suppose應該係汁黎，但佢加水整到勁稀， 雪糕又好硬好似石頭甘，成件事大伏，而芒啫布就好dddd啦， d啫喱堅似百潔布，見到都唔開胃，總之black list，絕對冇下次，送俾我都唔食呀

中午食完飯口痕，於是同同事去左食糖水。本身想試第二間嘅，可惜果間裝修緊，雖然天后有好多甜品舖，但係中式糖水唔係間間有，冇咩選擇吓就黎左天后甜品食喇。我地叫左芝麻糊同桑寄生蓮子蛋茶，個桑寄生蓮子蛋茶望落色水唔錯，好似好濃咁，不過事實上係好濃嘅糖味，超級甜，但係冇咩桑寄生味，我食晒d蓮子同隻蛋就停左手，寧願浪費都唔想糖尿病。芝麻糊亦唔見得好好多，我同事都話係超甜，佢食左一半都頂唔順放棄左。雖則話糖水係應該甜嘅，但係點都有個限度丫，我以後唔會再搵條命博。

榴槤佐酒係會中毒架～豬仔想大家享受食物, 都要留意自己身體呀黎到天后, 緊係食天后甜品, 豬仔覺得榴槤味好正架店員又極力推薦榴槤椰果冰冰, 一於試下！甜品黎到店員細心咁叫我地與甜品底下的冰冰混在一起吃, 以免底下的冰冰無味道😍😍榴槤味重而香濃, 奶味濃郁, 喜歡奶味的食家, 不妨都試一試！ 榴摙當造, 榴槤甜品唔食唔得啦

同朋友一齊入黎避雨順便食糖水，結果中晒伏，個腰果糊係加水既極甜花生醬，個芒果西米露配布甸收成50蚊但d西米煮到過晒火，個布甸分明cheap 野而且d汁係螢光黃色既唉，早知淋雨算

街口轉角果間間唔時都食下，印象中價錢正常，味道正常，今次想食埋串燒，見過左11點無其他選擇，就入左呢間分店既天后甜品。入到去大把位，冷氣開到好大...兩個人，叫左一個冰糖雪耳燉木瓜 $4X，一個芒果豆腐花 $4X，雪耳木瓜屬正常味道，暖暖地唔算熱，不過成差唔多50蚊。芒果就偏酸唔夠熟，但芒果汁底就好甜，豆腐花一般質素唔好預佢好滑，男朋友見我食到咁既樣都知有幾好食。想叫少少串燒食下原來每類串燒要至少叫2串，最平既串燒都要$28/一串，最終叫左3類串燒，總共6串。有豬頸肉、雞軟骨、雞翼，記得其中一款要$3X一串，一款要$4X一串。串燒黎到，終於明白點解每款最少叫2串，因為叫1串你唔覺得自己有野落肚。燒得都正路，係雞翼有啲太鹹。不過去到埋單真係嚇親，居然要$28X，只係食左2碗普通款既甜水 + 6串細細串既串燒。個人覺得定價過高喇...300蚊我可以行去琉璃街食潮州野食到好飽了...😓 大家自己考慮呢間甜品自己比唔比得起...因為隔離鋪既居酒屋都係佢地既，同一條街開3間鋪又開到咁夜，你話比咁貴啲錢去左邊喇😓😓

今晚幾個朋友約埋去SHOPPING，跟住去睇電影，睇完電影出嚟有個話去天后甜品食糖水，佢話聽講果度出品幾好，雜志上有介紹，我地都未去過就過去試下味啦，我地去得比較夜喇，店差唔多關門，店面唔大，不過感覺幾干凈同舒服。楊枝甘露睇落同其他店嘅差唔多，甜度適中，糖水濃度都OK，芒果味幾重，西米都算Q彈，但柚子肉有D苦，總嘅嚟講一般。芒果冰，顔值幾高，睇落好靚，芒果味幾濃，做得都幾滑，無冰渣，我地幾個都覺得呢個做得都算可以。黑芝麻糊一上臺就聞到好香嘅芝麻味，幾香滑，有D似即磨果種感覺，用料比較足同新鮮，唔錯。呢個我覺得系今晚點嘅幾個甜品最好食嘅一個，好大舊榴蓮肉，榴蓮肉好香滑，涼粉無咩苦澀味，幾爽口，糖水濃度OK，甜度適中，但無傳說中嘅咁好食，無特別驚艷嘅感覺。

食過晚餐，當然要有甜食埋尾，天后一定是頭三甲位置。而天后甜品的豆腐花當然是我第一選擇，有時市面上的連瑣豆腐店，酒店餅房撞的豆腐花都不及天后甜品來得滑跟細緻。豆腐花用木桶裝，聽聞是為了保存豆腐花的温度，用木桶裝的豆腐花也較傳統，一入口，豆腐花立即化開，滑到喉嚨的深處，完全沒有任何「鞋」口、厚身的感覺，這刻終於明白為何這間店會用如此平凡的豆腐花做招牌。豆要磨得十分滑，撞擊的力度、温度等要恰到好處，才可做到如此質素。至於豆味，我個人認為x和豆x廠較重。整體而言，這是一碗上乘的甜品。朋友叫了楊枝甘露和榴槤西米露。食後十分激讚，不停叫我試一口，考慮兩款甜品味道太重，食後影響豆腐花的味道，唯有期待下次試試。

今晚同男朋友散步經過天后，見到呢間叫天后甜品的店舖，正想食甜品，就行埋去睇一睇。職員在門口好親切咁叫我地入去試下，我地諗住是但食一間都OK，最多都係普普通通，唔會至於唔好食，所以就試下入到去，D位都幾逼，坐低左郁少少都會唔小心撞到後面果個人我同我男朋友都算瘦同斯文，平時都坐得好定，但食野中途我同我男朋友都唔小心碰到一下各自後面的人坐低無幾耐，五分鐘內啦，我地仲揀緊食咩好，職員已經問左兩次我地揀好未又唔係埋來介紹自己店舖的甜品，佢係催你嗌野食咁睇下個餐牌，見到款式有好多，榴槤、心太軟、雪花冰、中式甜品、椰果冰等，乜都有。心諗咁勁？好似外面間間甜品的招牌甜品佢地都做到咁睇多兩睇，有埋串燒、小食同壽司TIM，真係樣樣齊，但價錢真係偏貴，不過如果大份或者好食都無所謂，咁就叫左一個龍眼椰果冰同榴槤飄香試試啦！首先係榴槤飄香，一見到份野，已經唔多對路，同平時其他店舖相比，個色怪怪地份量少，榴槤更少，賣相差唔緊要啦，可能都好好食，但一試就發現中伏榴槤唔香，而且無好食的榴槤的質感，超軟，完全無口感個汁食完令人覺得喉嚨唔舒服，好似加左好多糖水咁，完全唔香同深井發X完全無得比，無論份量、賣相、味道都差好多