天勝

营业中

休息中

今晚相約女兒到銅鑼灣晚飯， 上餐廳時有幾位日本人同𨋢， 原來我們是去同一餐廳”天勝“。餐廳座位不多，但好有日本feel. 女兒之前來過午餐激讚，所以帶我來試試😋😋。穴子幼苗(鰻魚BB)  ~我第一次食, 好得意,  驟眼睇似河粉，個汁幾好味加上青檸汁酸酸地更加正鹽燒獅魚 ~魚皮燒得夠香脆，而魚肉不會乾👍炒羊肉 ~師傅把薄薄羊肉片輕炒過，以芽菜墊底放鐵板上，羊肉片肉質鮮嫩而不覺蘇， 配上南瓜片小青椒洋蔥，配搭得宜，正😋👍燒牛舌 ~師傅把厚切牛舌燒得脆脆，有咬口之餘又夠juicy👍🤩炸豆腐 ~ 輕炸豆腐浸湯上, 豆腐超滑, 好味道👍蕃薯天婦羅 ~好味👍雜菜炒牛肉厚燒玉子👍蟹肉滑蛋湯飯 ~ 這個份量十足, 蟹味濃郁, 用上真蟹肉棒👍👍👍日本生蠔 ~見隔離枱日本人叫就跟住叫, 真係好大隻, 一啖放入口超滿足, 好好味呀👍👍👍

今晚又喺銅鑼灣搵食今次帶爸媽食好嘢！係我最鍾意食嘅日本野穴子幼苗今次試咗個好特別嘅小食望落有啲似河粉，又有啲似白飯魚原來係鰻魚bb!個汁有少少酸酸地，應該有加鰹魚汁食落去好滑，我覺得好特別燒獅魚魚肉唔會太鞋最正係魚皮燒到脆卜卜燒牛舌幾厚身咬落去唔會太淋，有少少咬口得來唔會太硬佢冇落好複雜既調味簡單用鹽同黑椒已經做到好好味嘅效果厚燒玉子蟹肉雜炊一開始家姐話入面嘅係高仿蟹柳我再望真少少，係真蟹肉唔係蟹柳！成煲雜炊都好香蟹味而且蟹肉分量唔會太少起碼我哋四個每人都分到1-2條佢用既日本米good呀可能我係香港好少食到雜炊，所以覺得好似去咗日本咁好感動！解我思鄉之情🤣阿媽都話好味👩🏻生蠔生蠔係見隔離枱叫我地先跟住叫超級大隻！差唔多有我隻手咁長而且仲好鮮味！家姐平時唔係特別鍾意食蠔都話好正整體來講環境同食物質素好好果然係一分錢一分貨人均消費約200蚊我地4個都食得好開心

同朋友撞左入去試，廚師同啲同事都超級好人，我地叫左個刺身拼盤同招牌照燒牛肉 本身想試天婦羅 但因為同行有朋友唔鐘食炸野 所以無叫度天婦羅，但下次黎一定會試下照燒牛肉 好有肉味之餘又惹味 餐廳比較專主打食日本野嘅日本餐廳，餐廳嘅照燒牛肉都真係無得輸 肉味夠濃真係要一讚，刺身拼盤夠多又夠新鮮 另外廚師話佢係日本菜呢邊已經做左好多年，餐廳嘅好多菜式都係佢嘅心血 餐飯我覺得都幾抵 有份量同野食好新鮮另外刺身都要再讚讚 廚師話刺身都係親自揀供應商的，真係好細心

係銅鑼灣放飯選擇真係多，本來諗住食老麥，跟住突然發現餐廳，見到餐牌啲價錢好似都ok，係openrice睇左一陣，最終決定去呢間餐廳，地方都算幾大，但員工好有熱心招呼我地，都幾貼心店員強烈推薦我地叫個特選刺身定食試下，不過上枱之後我地都發現個特選刺身定食真係好唔錯下，特選刺身定食入口鮮味真係好唔錯夠晒新鮮，飯入口都真係夠口感。定食呢度嘅定食雖然係好多地方都有得食，不過都真係有啲意思，份量足之餘，師傅係午市前會先整架,真係都幾貼心,等客人叫嘅時候，入口唔會有雪味貼心嘅服務再加埋唔錯嘅食物,餐廳都值得再食下

 最近灣仔開飯開到厭，於是決定同事去銅鑼灣搵下野食，跟住見到呢間日本野好似幾多野食，於是就決定抱住試下嘅心態入去食下。一入去見到地方都算大，店員仲熱心咁為我地送上menu，仲同我地介紹左好多好食嘅野即製壽司‌呢個即製壽司絕對值得一讚架，呢度嘅即製壽司份量唔少，仲要非常咁貼心即叫即整。成個即製壽司未食之前仲睇得出刺身好新鮮同暖架，真心夠晒鮮味，入口感覺超正，包唔會有一夾就散嘅感覺。除左野食，餐廳嘅環境都唔錯架，二個人靜靜地坐低食下野，都真係幾寫意架，因為格局或氣氛都比同類型餐好，下次都要同屋企人黎先得。

又到放lunch時候緊係搵間就腳嘅好野食下野喇，係openrice搵左一陣，最終決定去呢間離公司近嘅餐廳，地方雖然唔算太大，但員工就夠晒親切，個人真係好耐無食過日本野喇天勝便當主食我地叫左個餐廳嘅天勝便當，呢個招牌天勝便當真係值得食下，天婦羅係即日即整，成個天勝便當本身唔會太油膩，入口夠惹味，而且醬汁好香都好開胃下，係一個幾令人驚喜嘅野食。刺身呢度嘅刺身都真係幾有心思，夠份量唔再講，重點係所有刺身都係餐廳日本師傅自己即場切嘅，夠晒心思!!餐廳嘅野食都真係幾令人興奮，咩都有得食下，價錢都唔算太貴，幾個朋友食下野傾下偈都算係好地方，下次都要再黎先得

向來好喜歡食日本野，朋友係銅鑼灣反工，話食過呢間lunch好唔錯😁今次一於試試😋lunch係定食來，我要了滑蛋吉列豬扒定食😍😍😍首先上刺身，吞拿魚超級新鮮，抵讚😋跟住有沙律，小食同茶碗蒸，沙律份量唔少，汁好多唔會乾😁茶碗蒸蛋好滑溜，有我鐘意嘅菇菇🙊終於到主角😼個蛋索曬d汁超級濃味超級滑嘟嘟💖💖💖豬扒好厚好大塊，唔會梅，粉唔厚，又入味，好食😋飯係日本珍珠米，粒粒分明，煙煙unun😁湯就正正常常甜品其實就係水果，甜度都好高，正！

銅鑼灣嘅樓上日本餐廳，又幾有日式居酒屋感覺。首先，當然要叫啲酒飲下啦。一杯係巨峰乳酸，味道都幾濃又唔算好甜。另一杯係桃味梅酒，味道梅酒味較重，飲落細味又飲到桃味。日式雜菜沙律，好新鮮嘅菜，有清新感覺又好甜。睇見呢隻日本蠔就好想食，長身又好光亮，又清洗得好乾淨，食落仲好凍，好鮮甜／清新感覺。燒河豚乾，唔會燒到太乾身，熱熱地又軟軟地，唔駛點沙律醬味道都夠。深海池魚薄切，呢次食覺得魚質比較有咬口，好有魚香味。燒油金魚鮫，燒得好乾身，啱啱好，唔怕油，但魚質仲保到啲水份，唔好睇少都幾多肉食。壽司盛合（六貫），分別有大拖羅、 立阱魚、深海池魚、蟹棒、帆立貝、海膽卷。壽司新鮮可口。炒銀芽韭菜豚肉，呢個清清地炒，又幾好。上面又加啲黑胡椒，清得黎又野味。

今日同朋友去左銅鑼灣行街，中午經過亨利中心，見到有間日本餐廳，就份去食個午餐！餐廳以木系設計為主，環境好大好舒服！午餐價錢唔算太貴，選擇都有好多！我叫左北海丼！夏天總想食啲冰冷食物，日本菜是我首選！海膽、三文魚籽、北寄貝、蟹肉！份量好多好足料！壽司飯有微酸醋香，非常開胃！海膽非常香甜，無腥味，入口甜度高！三文魚籽咸香鮮味，好爆汁！蟹肉絲絲充滿蟹香，蟹肉有陣陣鮮甜！份量非常足夠飽肚！前菜是我最愛的蘿蔔絲，味道清新開胃，另有芝麻醬沙律菜和蒸蛋，豐富午餐地方！

LUNCH 以定食為主, 價錢由130 至280 不等, 價錢為中上, 質素來講係幾好哦近排天口熱, 唔想食咁多熱野, 食刺食係一個不錯都選擇, 價錢為180元包一個前菜, 蒸蛋, 白飯, 味噌湯, 沙律同甜品, 先品嘗沙律, 有青瓜, 車厘茄, 好JUICY, 又夠新鮮蒸蛋好滑, 熱辣辣, 蛋味夠, 仲有無菇, 日本魚蛋, 丰富口感添主菜正式出場, 刺身放滿個個碟, 有甜蝦, 吞拿魚, 八爪魚, 鯛魚, 仲有深海池魚添, 每一件刺身都非常厚切, 新鮮無比, TORO既肥美, 八爪魚既Q彈, 甜蝦既鮮香, 鯛魚味道鮮美又獨特, 不時不食, 多重口感, 餐廳提供既刺青好高質素, 絕對值回票價!

今次已經係第二次你食天勝啊！ 上次食咗雜錦海鮮飯一試回味，今次一定要試吓上次看到隔離枱食到津津有味嘅吞拿魚飯。第一時間一定要叫個蔥花吞拿魚飯，先試少少吞拿魚茸，簡直係入口即溶，吞拿魚腩嘅油脂分布均勻，魚油香佈滿口，一食難忘！再加埋紫菜壽司飯同埋吞拿魚腩用，真是不得了！上次見好多人嘅呢個炒羊肉，今次我一定要試返一次。終於明白點解咁多人叫啦，羊肉香嫩而不羶！ 味道適中，而且不油膩。連配菜都好好食，鐵板洋蔥10分出色！芝士雞肉春卷都做得好出色，雞肉包住芝士，外層有紫蘇葉同埋春卷皮包住，炸得非常鬆脆，濃郁的芝士溶在雞肉中，係味覺同口感嘅享受！呢條銀鱈魚真係算好抵呀，因為好大塊！銀雪魚魚肉好香嫩，甜中帶點兒油脂，入口香濃！

我最鍾意食日本野, 尤其係刺身, 多多都唔驅今日係銅鑼灣食左個刺身定食, 晚餐會貴點, 所以選擇日頭食。定食有前菜, 湯, 蒸蛋, 仲有蜜瓜做甜品 吞拿魚, 口感軟滑，筋少而脂肪多，魚味極濃, 那肥美的口感, 好邪惡。八爪魚肉質夠彈牙, 雪白的魚肉，咬起來非常彈牙，口感嫩中帶脆，極富口感。深海池魚厚切池魚刺身, 味道鮮美肉質較細緻, 爽口有彈性, 味道鮮甜。嚐一口鯛魚鮮味而彈牙，油份充足，嚐出原汁原味的鮮甜，正！茶碗蒸用上精緻的茶碗，內裡的蛋細滑而入口即化，感覺很滿足了！甜蝦甜蝦有滿滿黏黏的膠質，蝦身甘甜，很新鮮呢！

朋友介紹點都要試下。想試「天勝」好耐啦。擇日不如撞日。Lunch Set 由$98-$288 。豐儉由人。選擇款式都幾多。總有一款岩你心水每個lunch set 都會配上沙律。前菜。燉蛋。相當豐富。為食妹👧🏻左揀右揀。最後order左個「北海丼」試試。有海膽。蟹肉。牡丹🦐。三文魚籽。未食已經流曬口水🤤牡丹🦐彈牙爽口。相當出色。三文魚籽唔鹹唔腥。係鮮甜架切開一件件嘅哈蜜瓜爽甜多汁。為e餐畫上完美句號

這天同女朋友放工去到銅鑼灣一間樓上的日式餐廳食飯, 因為係同事介紹,所以就去試下.餐廳內環境寧靜舒適, 空間感十足, 全以簡樸的木調家俱, 整潔乾淨.這到食午餐, 呢度既午餐都好多樣化, 但係唯一一點就是價格都比一般的略貴一點, 但係同事講到好正, 點都要試下, 辛苦搵黎自在食.我地一人點左個定食, 我呢個係海鮮丼定食, 定食都附有沙律, 前菜同埋蒸蛋…先黎就係沙律份量不多不少, 中間有芝麻醬, 酸酸地幾開胃, 沙律都幾新鮮爽口…之後到日式蒸蛋, 蒸蛋好滑有蛋味, 而入面有冬菇同雞肉, 唯一就是不夠熱, 如果熱一點會更好…跟住就係個主角出場, 海鮮丼出場了…上面有好多唔同款式既刺身款式, 有甜蝦, 魚子粒, 吞拿魚, 魷魚, 蟹棒, 海膽等…款款都好新鮮, 加入豉油不錯, 甜蝦好爽甜, 而魚子粒冇腥味, 吞拿魚肉質都十分鮮嫩易咬, 份量足夠, 好高質…最後附送埋一碗味噌湯作結, 味噌湯唔會太咸, 有小小豆腐粒同埋海苔, 清甜易入口…正當以為完左, 職員就送上一小塊哈蜜瓜為飯後甜品, 哈蜜瓜好新鮮爽甜, 同事果然冇介紹錯, 食物質素都幾高. 下次再黎過..

「天勝」開業於食肆臨立的亨利中心，由日本廚師主理，吸引不少日籍食客光顧。是晚二人同行享用晚膳，食客不算多，可安坐壽司吧枱位置。首先送上的是一客「六貫握壽司」，由左至右款式分別是大拖羅、鯛魚、北寄貝、蟹柳、深海池魚及海膽壽司。 「大拖羅壽司」選用偏向肥美的品位，入口融化，味道甘香，沒有帶筋，水準不俗。「鯛魚壽司」魚肉鮮味。「北寄貝壽司」口感彈爽又清甜，擁有貝類海產應有的優點。 「蟹柳壽司」比較少出現於中高級的鮨店，出品未能帶來驚喜。「深海池魚壽司」擁有銀光閃閃的外觀，口感先滑而後爽實，魚味亦足。 「海膽壽司」用上日本馬糞海膽，味道甜濃，沒有任何令人不悦的添加味道。唯相機先食以致紫菜失脆，自食惡果，哈哈！ 參考「推薦板」上的推介，本想品評大蜆，只可惜餐廳缺貨，唯有退而求其次享用「清酒煮蜆」。除了個別一兩隻蜆肉內含微量沙粒外，煮蜆普遍鮮甜細嫩。清酒湯輕泛著淡淡的酒香，味道不霸道，能做好綠葉的角色為蜆肉增分。「唐揚雞」雖屬炸品，但一點也不油膩，肉質仍保一定嫩感。就個人口味而言，小編較喜歡炸得較脆的外層，這份炸雞的外皮則偏向酥化微脆。 另一炸品「海老天婦羅」，一客四只海老以一條翠綠青椒天婦羅作襯