天仁茗茶 (已結業)

自從幾年前在台灣品嚐過天仁茗茶的珍珠鮮奶綠就難以忘懷，當天仁喫茶趣在香港開張後，幾乎每次經過都要買一杯來喝!天仁喫茶趣的內店同步售賣茶葉，是獨有的珍珠奶茶店的經營手法，讓你喝完奶茶，可以立即選購天仁喫茶趣的店子相對有空間感，而且取茶、打包(外帶)都是自助形式點了新推介的香芋鮮奶綠，加珍珠要額外加$4-HKD，喜歡奶茶店可以選凍飲的冰量、甜度，按個人口味不勉強!絕對不是單純加入香芋香料的奶茶，每一口都喝到粒粒香芋，配上彈牙珍珠，口感十足，大愛!

天氣熱，想吃杯軟雪糕多數都是雪糕車、便利店都不是每間都冇軟雪糕，講軟雪糕款式多就只冇麥當勞的新地。天仁茗茶亦不是每間分店有賣軟雪糕，今日終於遇到有賣軟雪糕的。不同店有賣不同味的雪糕，這店賣的是鐵觀音味。一杯看到上面有二到三圈雪糕，以為很少，但其實餅筒裡藏了好多圈雪糕，份量其實很多，吃很久才吃光，很抵吃！鐵觀音味道濃厚，有點似咖啡味雪糕。雪糕質地柔滑結實，份量多到吃完這杯雪糕是會有飽肚感，真抵吃！而個雪糕餅筒，很脆口，好好味。

簡直係個笑話 營業時間0930 但要1100先有野賣講得係營業就唔係應該有野賣嫁咩？要11點先有野賣就好心營業時間寫11點啦 搞到人地白行 可能你地會諗邊個會晨禁早飲珍珠奶。sorry我唔係企係高地批評人 只係你諗下當你去到麥記11點明明可以食雞翼/22蚊餐既時侯 個人同你講未有 要12點半先有 你會點諗？你會咩感受？好彩冇腐皮 唔係一定係禁比👎👎👎👎👎👎👎👎👎👎👎👎👎👎👎👎👎👎👎

最近日日都三十幾度，今日下午食完飯，行返公司途中，已經大汗疊細汗。經過天仁茗茶，門口已經有一大班OL排緊隊，於是就即刻排隊買番杯嘢飲解下喝。無論甜度，冰度都有幾種選擇。難怪吸引到一大班上班一族，消暑解渴之餘，都可按自己口味飲得健康啲。自己買咗杯冰凍嘅913茶王 $16 茶係用台灣中部高山茶區上等嘅烏龍茶同頂級粉光參、參茶調制而成。所以味道唔只香，入口茶味濃郁甘醇，仲有回甘味，口感清爽。飲左即時解渴透心涼。

珍珠奶茶就飲得多, 最鐘意都係天仁, 質素比較穩定, 茶味較出, 珍珠好Q得黎又夠甜, 自從佢開始賣埋雪糕, 對天仁的好感又再加一倍!早前友人已經介紹過天仁既雪糕好香濃又大杯, 食一杯真係會飽肚, 今次再試鐵觀音雪糕, 都仲係咁大杯, 係30度既天氣下, 我又唔覺得佢溶得特別快喎雪糕好香奶味, 而又好重茶味, 質地都夠滑夠creamy, 仲要好大杯, 食到底都仲有好多雪糕, $23真係超值!

呢幾日天氣又熱又焗，太陽仲要鬼咁猛，只係係室外行咗一陣，已經熱到出晒汗又口渴，所以見到天仁茗茶，諗都唔諗，行入去買返杯凍飲先。天仁嘅飲品選擇都幾多，有凍有熱，甜度同冰量都可以揀，仲有軟雪糕買。平時飲開珍珠奶綠，今次轉吓口味，買咗杯茉香綠茶加珍珠，點左半糖，甜度岩岩好，又夠茶味。雖然點咗少冰，但都好夠凍，飲左幾啖，即刻透心涼。仲有呢間嘅珍珠唔錯架，有甜味，夠煙韌，唔似其他台式飲品店嘅珍珠，冇嚟味道只得咬口。

一向都鍾意飲天人嘅綠茶，今次呢就要食佢嘅雪糕。貪心所以加兩蚊都食佢嘅扭紋雪糕，即係綠茶拼鐵觀音雪糕。綠茶雪糕又唔夠賣開綠茶雪糕咁樣用茉茶做雪糕底既綠茶雪糕咁濃，鐵觀音只有一點茶味而且淡到嚐不出什麼茶，只感到是中式茶味不是西式紅茶味。不過淡淡的尚算清新，而且比起其他綠茶雪糕店賣的便宜。

之前好多人都瘋狂咁讚天仁嘅913茶王正，橫掂晚飯唔係好飽，所以就決意去試一試！都已經夜晚9點幾，但門口仲係堆滿人！天仁雖然黎咗香港好一段時間，但熱潮都仲係有，勁！根據官方描述，913茶王係採用台灣中部高山茶區的上等烏龍茶及頂級粉光參、參葉調製而成。飲嘅時候，不單止可享受茶之甘醇，更能吸收參品之滋養。講到咁勁，無理由唔使下 。我根據網上嘅Comment, 最後叫咗呢杯913奶茶、茶濃、7分糖、少冰，加珍珠，相傳係最好飲嘅配搭！但係...嗯...我地3個朋友都一齊試咗...只係覺得好普通...一杯好普通嘅珍珠奶茶，唔覺得啲茶有咩咁特别！反而飲過咁多台式飲品，我最念念不忘都係台灣春水堂嘅鐵觀音奶茶。鐵觀音嘅香味估唔到同奶咁夾，如果春水堂係香港開就好啦！！

早係上兩年夏天時已試過當時新出既鐵觀音雪糕~茶味雪糕挺過癮, 不過鐵觀音略嫌水份較重。今日又路過天仁茗茶, 見到有新的(可能都新左一段時間...)既阿薩姆霜淇淋其實我都唔係好知係咩黎,不過都試下啦~ 原係好似奶茶咁, 今次好重奶味同菜味, 就冇再覺得好水啦! 口感幼滑，同上次食既鐵觀音雪糕有好大對比！我喜歡呢個多D！杯雪糕唔算好甜, 而且都幾大杯架! 兩個人食都得~ 哈哈哈! 冬天既關係, 冇再邊食邊溶! 太好啦~ 

新年，繼續旺角掃街之旅，食完一輪開始口渴，有人提議去星x克，但又有人唔飲咖啡，傾完一輪話去飲珍珠奶茶，沿路行下行下去到天仁，雖然好出名，但原來未飲過試下先，呢間旺角分店有四個位坐，面向街，有啲迫，純粹等茶整好係ok嘅，長坐就唔啦。傳說中嘅913茶王奶茶，要熱的走糖，又真係幾好飲喎，茶好香，茶味好出，加左奶都好夾，仲估中式茶品加奶會怪添，但走左糖都甜甜地咁嘅？！？已經無珍珠，啲甜味邊度黎？係我味蕾有問題？哈哈哈哈，是但啦，好飲就得。

這店子位於旺角，每次經過也是一堆人在排隊，然後這次終於到我加入他們的行列了。我跟友人各叫了不同的雪糕。我發現這店好像雪糕比較吸引耶。很多人都是手捧著雪糕離開的。我的鐵觀音雪糕茶味十足，那陣清新的茶香混了絲絲雪糕的甜膩，讓人感到茶的新品嚐方法。而且雪糕口感冰涼軟滑，跟平常在超市買的雪得硬成一團的完全不一樣。友人叫的是綠茶雪糕，說是清新且綠茶澀味不重挺好吃的。臨走前還聽到店家的人說鐵觀音口味的沒有了。可見還真受歡迎。

睇完戲有小小空虛感， 又未夠時間食晚飯，就想食小小野，就去左天仁茗茶買杯雪糕，又幾多人排隊噃。 以前食過綠茶味，念念不忘。 可惜今日無呢個款。 只有紅茶同鐵觀音， 我就選左鐵觀音， 咖啡色， 唔太甜又唔太奶，有一點唔明就係，咁凍天氣都易溶，我一俾完錢就拎杯雪糕影相，佢就即溶，要拎紙巾抹，幾論盡。茶味都好夠下，食完成杯，個茶味都留響口中，都幾正，都幾似鐵觀音茶。 二十蚊一杯好味軟雪糕，好抵！下次見到的話，都要買嚟食。

早早食完雞煲, 個人仲好飽, 喺旺角行左一陣之後, 有啲口渴, 個friend就提議去天仁茗茶買嘢食!!! 平時飲開913茶王嘅。今次朋友推薦香橙綠茶, 佢話酸酸地都幾消滯!!! 好啱我呢, 就試左香橙綠茶。去到條隊都幾長, 排左5分鐘先可以order. 叫左去冰, 半糖嘅香橙綠茶。勁多嘢飲可以揀。左邊凍飲, 右邊熱飲。就算去冰都係有少少冰嘅。味道真係唔錯, 酸酸甜甜得黎又有啲茶味, 仲食到少少嘅橙肉粒。半糖對我黎講啱啱好~呢杯用黎消滯確係唔錯, 係除左913茶王嘅另一好選擇!!!

作為叔的創始食評，就選呢間做評啦，長長既人龍都不減叔的興致，員工效率不錯，約10人的人龍排5分鐘就到，領取飲料等候時間亦很快，比鄰近貢的等待時間短上很多，平時最愛香芋奶綠因為晚餐吃得太撐而棄選了，今次就叫了杯連台灣朋友都推介的香橙綠茶消消滯$22。7分糖走冰，甜度剛剛好，淡淡鮮橙肉滲出香濃綠茶香，間中會飲到有小小的橙核，是對我說這是鮮榨橙汁，不是合成果汁的證據嗎?! 選這杯作為休假既晚飲是沒有選錯了，在鬧市中一個人踏上回家之路都不愁寂寞。

一直都好喜歡天仁茗茶，每次經過都必定買杯，喜歡它清醇茶味，甜道適中，十分解渴。今日見熱熱地就諗住試一試它的鐵觀音雪糕，可惜有驚無喜。原來喜歡它的茶係唔代表喜歡它的茶味雪糕㗎 >< ！ 鐵觀音雪糕味道怪怪的，没有茶香，平平淡淡，只有茶"酸"味。味道就好似將一杯泡了很久的鐡觀音加奶再雪凍…凍的食物會另味蕾變得無咁靈敏，所以要個性突出少少的茶會比較適合用來整雪糕。個人覺得鐵觀音這種茶就不太適合。希望它會推出其他口味的雪糕啦~