天仁茗茶 (太古城中心)

营业中

休息中

913黑糖珍珠鮮奶茶 $28.話說天仁都出左黑糖珍珠 所以我咪又要試下😂.雖然有新產品 但似乎menu未update 要小毒毒開口問 點知佢話有 好開心😂大家想飲記住開口問啦.聽完大家d review都係劣多 不過我就覺得幾好😂會係我飲過既best 3之一 只限太古城分店😊.d奶泡多到漏出黎 又可以揀少甜少冰 完全將913茶王味道突出 但係又會有好香既鮮奶味 我覺得好有驚喜喎😍 黑糖珍珠好q彈 好正 冇諗過連鎖到咁既天仁新推出既奶茶可以咁正 份量又唔算少

今日想飲鐵觀音珍奶已避開lunch peak time諗住去試下啦…已有心理準備唔太好飲奈何附近只有一間台式飲品店，都硬住頭皮去買。等左5分鐘，收到order 左嘅熱鐵觀音珍奶三分糖，一摸上手，杯上面3分1 係暖，下3分2係微溫，果然同之前其他食評一樣，熱度不足，怪我order 時冇指明要“勁熱"…返到公司返叮1分20秒，一飲之下，熱度正常，但毫無鐵觀音味，要自己加個鐵觀音茶包，誠品咭折後$28.8 ，不過無下次!

今日去太古天仁買杯熱珍珠鮮奶綠飲，咁因為我本身唔好凍飲，所以平時都係買天仁嘅熱飲架啦，本身就好鐘意飲佢嘅熱鮮奶綠嘅亦都係每次買都係熱嘅，次次買都係會熱到你要用嘢隔住先唔辣手，但今日到我攞到手我都奇怪嫁啦，點解一啲都唔辣手到我飲咗一啖個下真係笑咗，唔知係佢沖完擺係到好耐定點，係微温接近常温嫁囉!我返去同個店員講點解你地嘅熱珍珠鮮奶綠係微温嘅一啲都熱，我唔係叫咗熱飲咩？個店員態度勁唔耐煩同反咗個大白眼咁聽完再繼續做佢嘅嘢，在場有成起碼5個店員但無個打算理我，之後我就講多聲唔該，唔耐煩嘅男店員再用唔耐煩又唔望住我咁回答下次你要熱嘅唔該你自己落單個陣話要熱啲（再反多下白眼）!!!之後佢就收咗我杯嘢繼續做佢嘅世界大事無理我，咁我就問佢你依加係幫我整多杯定點？佢再用態度惡劣就答我係牙，當堂真係一忍再忍 忍無可忍，佢沖再叫我小姐你杯熱珍珠鮮奶綠牙!我就問佢我叫熱珍珠鮮奶綠但原來係温嘅，咁熱咖啡係咪啫係温咖啡牙？個男店員諗住駁我個陣另一個女店員就叫停佢再用好小小嘅態度咁答我因為我地本身熱飲都係咁嘅温度方便客人易入口（笑咗）佢本身叫熱飲都會有個墊隔住上面仲寫住（高温茶飲請小心飲用）係啵真係好高温啵，我就

晏晝嗰餐食到滯滯地，突然想飲番杯熱茶。平時一向飲開913,不過前排飲過台灣一隻桂花烏龍茶真係超清香好回味，剛巧見menu 有隻桂花茶王，唔知可唔可以重拾呢份感覺。內心掙扎左一輪，不竟價錢貴上913 成14蚊，最後決定都想試下，如果好飲可以買佢罐茶番去慢慢嘆。勁辣手，熱到要搵地方放底😓，要讚佢個杯design幾得意幾有新年feel.✨桂花茶王（$30): 聞落完全無桂花香，飲落極其量係烏龍mix 水仙果d 朋友。一個普通茶包都可以做到既效果。。。只係佢個茶包特別大😓堅失望無下次。還是913最好，價錢平，清香又回甘。

聽說除了飲料，天仁雪糕不錯。而且只得我一個晚飯後仍然想食甜點。所以我就來天仁試下。點單後我等超過了自己7-8個號碼都未出雪糕。明明唧一唧就完成的雪糕，要咁耐嗎？！😂結果發現真係漏單。但店員都好有禮貌地立即道歉，而且俐落地整俾我。👍🏻望落都覺得幾大杯。明明甜品第二個胃，但我食到最後都有點兒勉強。雪糕味道有濃濃的茶味。但至於質感真的好多冰沙。每一口都沙沙聲！🙈🙈起初我以爲是茶渣，但沙粒咬落沒味，所以結論只可能是冰碎。（見圖都有不少粒粒）其實會影響到品嚐茶味和軟雪糕的質感，有點可惜。唔知是不是冬天沒人叫呢？

好耐冇入過黎太古誠品， 今日食完飯係太古hea 時， 走左入黎誠品行下， 點知發現大執位左。 我意我都係兩三個月冇黎者。。 變到咁既？ 成個2樓冇哂書賣， 變哂檔仔。。。 重多左成24個位畀人坐係度食下野hea 下wo.. 幾好幾好。所以就買左杯茶係度邊hea 邊同朋友吹水喇。遲下重有拉面店， 唔知係外賣定有位坐家呢？！

promotion $30 for 2 cone of soft icecream, I selected 鐵觀音。 3 favours macha, 鐵觀音and milk tea. 鐵觀音is more special so bought 2 cones. apparently most of the customer also bought 鐵觀音they use real tea leaf and blend it within. therefore I can find the mashed tea leave.strong tea favour and like drink a cup of real 鐵觀音。

今日食 lunch 去左台灣餐應, 本應就會叫珍珠奶茶飲 ga la. 但朋友們又話之後一齊去食雪榚, 如果飲左珍珠奶茶仲邊食得落雪榚呀?? 咁只有放棄, 就咁飲杯茶就算. 點知去到雪榚店, 原來個特價仲未開始. Ai….咁緊係唔食啦. 無雪榚食, 朋友就 suggest 去返買珍珠奶茶飲. 最近既, 就係誠品入面既天仁. 但呢間天仁, lunch time 永世都多人到爆爆爆, 排二三十人都係平常事. 真係去排?? 但大家都好想飲, 排就排啦. 好好彩! 今次去到只得3個人排隊 jar. Yeah!!! 我今日想飲甜少少頂返個雪糕引, 當食左甜品啦. 所以今次就叫左少甜 (7分). Ai….咁就衰左….好甜呀!!! 下次都係唔好試, 最盡叫半甜好喇! 

平時行誠品書店都只會飲天仁茗茶 但未試過叫雪糕食😂今次口痕決定要試下呢隻綠茶雪糕😙一食落口凍到震☃☃❄❄ 可能因為雪糕新鮮整出黎 仲有好多超細碎冰粒 雖然無影響口感 口感仲好細滑 但真係勁凍😂😂 食落鐵觀音味好濃 綠茶有點比下去的感覺🤔 奶味香濃 🍼 值得一試嘅👍

次次經過天仁茗荼都想飲杯913奶茶，但個重點係你本身係一個唔鍾意飲珍珠奶茶乜乜乜嗰啲野，我都會有時心思思想飲！紅茶同烏龍茶雪糕我都好鍾意食！琴日去食烏龍茶雪糕嗰時啲雪糕滿哂正！又有茶味又有奶味

做一天「港女」。今天朋友專程搭車過來找我喝「茶」！這是我第一次光顧這店。朋友說這個是港女必「tag」！我竟不知道呢！好吧！餐牌上有很多選擇，綠茶狂的我，今次我點了綠捈茶拿鐡。下午四點鐘、竟然有人龍排隊、大多是附近的中學生。取「茶」後，我朋友去到附近的公園坐下，慢慢細味這杯茶！入口是奶味不太濃，綠茶香香的，整杯茶味道淡淡的、很淸新！而且價錢好貼地！溫馨提示。店員會問你選擇糖分落多少，滿足大家需要，非常細心呀！！

試過好多間天仁，太古店最近，所以飲得特別多。茶嘅質素同其他分店一樣，非常好可惜我鐘情香芋奶綠，太古係質素係最差一間。飲過3次香芋奶綠，由唔同員工沖，都係好淡，少香芋，淡奶味，淡茶味，似冇加香芋嘅淡奶綠，飲飲下要開蓋確定有冇錯。平時返工去荃灣兩間，沖得好好飲。灣仔店嘅香芋奶綠沖得好飲之餘，店長仲會俾意見唔同客人。但好可惜，最近屋企嘅太古店沖到連最基本嘅芋頭味都無。衷心希望有其他分店員工可以嚟教太古店員工沖香芋奶綠。我好愛香芋奶綠，會繼續去其他店飲

成日見人食 一直都想試 但因為吾係間間分店都有雪糕！今次黎太古誠品分店 終於有機會比我試到喇去到超多人排隊鐵觀音霜淇淋 $23估吾到鐵觀音除左飲 仲可以食第一啖 嘩真係超正 超濃既鐵觀音味一點點黑色應該係茶碎 而且吾會好甜 食雪糕我一定會揀脆筒 所以我非常在意佢既脆筒究竟好吾好食 天仁茗茶既脆筒吾錯 雖然無東海堂既蛋香重 但都好香脆 好食過via tokyo既脆筒的確 好快溶係唯一既缺點 但其他方面都非常出色 價錢亦吾算貴 絕對值得再買只能說好食好食好好食絕對推薦！好想即刻食多枝

飲品質量不能保持水準，可說是差。剛剛在太古店買了兩杯飲品，其中一杯是香芋鮮奶綠加珍珠去冰，怎料，回到家飲起來沒有一點甜味（我是沒有要求走甜的），而且香芋的味道淡得好像沒有加進去，還沒有香芋肉，其實就是一杯奶綠（只有奶跟綠茶）的味道，跟我平時買的差很遠呢！而且我覺得很難喝，一杯奶綠的價錢也不用$25吧！一杯正常的『香芋鮮奶綠』應該是有好香的香芋味道，而且喝下去會有啖啖的芋頭肉，當然買有奶綠的味道，這是我平時飲到的味道。為什麼會這樣，員工沖泡飲品質素實在沒有保證，$25的飲品比其他品牌$1X的還要差？！公司是不是沒有監管飲品質素嗎？

今天一家大細去太古城行，影聖誕裝飾^_^知道太古城都開左誠品。有誠品自然聯想到有天仁名茶。係台灣已經試過他們的飲品，茶味夠，比較剛好，的確是不錯的選擇。近年黎到香港都大受歡迎，往往經過都有人龍。的確係近年經濟差的行道，十分難得不受影響。茶味雪糕一向小有，仲要係間以茶嗅名，應該不錯。雖然依家係冬天，但眼見購買的人都不少。同買茶飲的人各有參半。雪糕質地香滑，夠茶味，帶一點回甘香，不太甜，亦不漏，味道好好，身為男士既我都十分喜歡。