天丼

营业中

休息中

一到夏天就會好頻繁咁想食呢間日式冷烏冬，每次去都仲有或長或短既人龍，但都無阻我要食既慾望😆主食當然係天婦羅，配搭方面可以凍食可以熱食，有飯，烏冬，素麵，喬麥麵，冷麵或熱湯麵都可以食到。 每次都食冷烏冬，真係好彈牙好有口感，一試難忘，好專一冇食過其他😆 個冷面汁甜咸度適中，加d wasabi同小蔥花再夾埋烏冬食，真係消暑好開胃。天婦羅唔需多講，一定係必食，碟碟新鮮炸出黎，炸粉唔會太多，有蝦兩隻，有四季豆x2，蟹柳x1，茄子x1， 蓮藕x1，相當豐富。餐廳裝潢小清新風，尚算寬敞，乾淨企理。價錢個人黎講都尚可接受，但好似愈來愈貴，仲要加一，唔好持續加價就好了🥰

上次同朋友食隔離個間見佢地上比戶外既客人已經覺得好吸引，今日等豬先生收工就早早黎個me times啦☺️有飯既定食set同麵類既定食set，今日簡左烏冬，所有麵食既天婦羅🍤都set定左係虎蝦2隻，蟹柳、茄子、蓮藕及豆角。天婦羅咬開清脆既聲音同厚薄均勻既外衣，係真係令我食指大動架👍🏻蔬菜類唔會炸到乾淨淨，配上天婦羅汁可以解膩。但我發覺我比較鍾意配飯個隻天婦羅汁，因為杰身d肥豬好味指數：🐽🐽🐽🐽

由地下搬咗上2樓，以前耐唔耐都有嚟食，點咗巨星天丼$87，有黑虎蝦、帆立貝、魷魚、蟹柳、紫菜、本菇、四季豆 - 所有炸物上枱只是暖的，又標示係即叫即炸，脆漿已經淋哂，比以前差好多😤 d侍應仲不停咁企喺隔嚟互相吹水🥵

路過搵地方食午餐，入左呢間試，好食既，不過原來有加一，仲以為$88就可以埋單。😅另外，睇佢唔出原來對筷子係即棄筷子，但勁靚。😆同埋個天婦羅汁似乎有來頭。自助手機落單。環境乾淨，員工都有禮貌。

今次去食咗穴子海老天丼，真係感受到食物嘅美味同滋味。份量算係比較豐富，有穴子同埋海老，兩者都炸得好香脆。而且，啲海鮮都好新鮮，炸得唔會太油膩，配上啲醬汁，味道更加豐富。飯粒好Q彈，唔會太軟爛，同埋搭配得啱啱好。整體嚟講，呢款天丼真係好開胃，好食又好睇，令人食得好滿足。不過要留意嘅係，飯同埋海鮮嘅熱度，唔好等太耐先食啦，否則味道會受影響。總括黎講，係一款好值得一試嘅天丼，如果鍾意日式美食嘅朋友，絕對唔可以錯過呢個好選擇！

有幾次夜晚經過呢間天丼門口都見到大排長龍，開始好奇佢有乜咁好食，估佢中午應該冇咁多人掛，於是搵日中午得閒就行過去望下。點知日頭11點幾去到都係要排隊，不過就冇夜晚咁誇張lor前面排緊五六個人咁，等咗十幾分鐘到我地。坐低嗌嘢食係電話落單，基本係set有飯有麵，我地兩個人就order兩樣試下唔同款。天婦羅兩個餐都差唔多有蝦、四季豆、蟹柳、茄子、菇都炸得好鬆脆，炸粉厚度適中、咬落去面層脆口裏層juice食到食材鮮味，不愧為招牌主打天婦羅！！個人鍾意個蕎麥冷麵多啲，配咗碗有wasabi嘅湯汁味道好特別，食落好開胃。不過碗麵同飯嘅份量對於男仔黎講應該少咗啲唔夠飽肚。lunch set價錢係六十幾到八十幾之間，以餐品口味黎講都算合理食得過。

每次喺Yoho形點行街，經過天丼都會想食返個炸蝦丼。我揀嘅呢款有3隻大蝦🍤。蝦身炸得脆口，啲蝦🍤又彈牙。好正😋😋個秘製醬油真係調得幾好味，同個🍤及飯好夾。令到🍤飯更好味。係惹味😍😍

自從呢個Covid 多左唔小過江龍鋪頭，位於元朗yoho商場內既天丼就係其中之一。呢間鋪以前喺地下電梯口旁，經常見到要排隊。不過最近佢地就由地下搬左上2樓。華味鳥天丼 $72 一碗飯配勁多餸，有半熟蛋、蓮藕、四季豆，華味鳥等等，餸菜全部即叫即炸。天嬌羅入口脆卜卜不在話下，亦都唔覺好油膩，仲有配碗麵豉湯。上天丼 $63自己覺得呢款冇理由咁平，皆因呢款有2隻虎蝦天婦羅，對於我呢啲咁鍾意食蝦既人完全滿足到我，再配埋蟹柳，茄子等等…虎蝦炸得好大條，不過相影得唔好，肉質彈牙，枱上面仲可以自由加天婦羅汁同7味粉添。完全滿足撈汁食飯既我。