天丼てんや

营业中

休息中

自天丼開業起已經想試，一直未有機會，這天路過，見到人龍不算長，當然要嚐嚐店內座位寛躺，裝修是簡約日式的感覺天丼$49+半熟蛋$12我點了最傳統的天丼，雖然是最便宜，但食材不欺場，有黑虎蝦，魷魚，茄子等先試一口虎蝦，熱辣辣新鮮炸起，脆漿很薄，蝦肉彈牙材料新鮮，好吃！其他食材同樣出色，澆上特製的醬油，令人一口接一口另加的溫泉蛋沒什麼特別，下次會試加別的華味鳥天丼$68這一款主要吃雞肉，亦自帶了一隻溫泉蛋，雞肉嫩滑，但我認為天丼性價比高一點靈魂的醬汁的確好味

首先講排隊🚶🏽‍♀️🚶🏽‍♂️🚶🏽‍♀️🚶🏽‍♂️🚶🏽‍♀️🚶🏽‍♂️嗰日係七點幾左右去到，門口排咗一條龍，數咗一下大概有10組人喺前面等緊🤢因為佢哋係冇得㩒飛等Number，所以只可以乖乖地排隊🤢不過好在佢翻台都好快，所以唔係真係等好耐就已經可以入去食☺️排到我哋嘅時候，因為朋友去咗廁所，我就同員工講話有一位去咗廁所返緊嚟😣門口嘅員工就同我講：「我等你2分鐘」（仲加埋一個完全唔友善甚至帶啲惡意嘅笑容🤗）即係咁，我都知道你係驚有人呃你想霸住個位，但係你作為服務人員可唔可以態度好少少？😀坐低嘅時候佢哋會攞Menu同埋茶俾你，然後會話俾你聽佢哋嘅用餐時間係40分鐘可能係我食嘢食得慢， 40分鐘其實會唔會真係少咗啲🥴仲要佢哋計40分鐘係計坐低嗰一刻，如果你睇Menu睇慢少少或者佢哋上嘢食上得慢啲，其實你可能都係得返20-25分鐘可以食嘢到最後亦都真係，員工行過黎同我哋講夠時間嘅時候，我都未食完🤢都聽到隔離枱係員工同佢哋講夠時間嘅時候，同佢講「下？唔夠時間食喎」不過呢樣嘢就兩面睇嘅😐食嘅時候會覺得時間太少，都冇時間好好享受個食物佢就同你講要走😣但係就係因為佢哋嘅用餐時間咁少，所以排隊先至排得咁快🤣然後係食物

之前我老公已經去過呢間天丼，佢話覺得好好味 😋所以今日夜晚就帶咗我去啦。我哋兩公婆叫咗勁多嘢食！見到個套餐嚟到嘅時候覺得好似得好少飯🍚但係點知原來係夠晒飽㗎！其實佢所有嘅炸嘢呢都係非常之好味嘅，因為嗰個粉漿係非常之偷薄啦加上呢相信佢哋餐廳都係用了新鮮呢所以呢食出嚟係非常之好味嘅👍🏻👍🏻👍🏻我係尤其喜愛嗰個炸芝士嘅，店內嘅侍應推介呢必須係要加埋嗰個日本嘅醬油去食呢味道先會更加出色🧀 果然呢系非常之好食嘅！而且呢店舖入邊嘅每一個員工都非常之有禮貌啦同埋友善☺️其中一個舉動係令到我覺得十分之surprise，通常你去到一啲五星級嘅酒店嘅高級餐廳入面，先會有經理啊或者係侍應去問吓你「請問啲嘢啱唔啱食啊？」二竟然我係一間普通嘅商場，普通嘅日本餐廳，仲要係有連鎖店嘅感覺嘅餐廳入面聽到有侍應咁樣問我😳 就係呢一下我已經覺得佢哋嘅員工非常之貼心👍🏻 而且佢哋都會好主動咁樣推介食物啦同埋主動呢係加茶比客人嘅🍵所以總結無論係佢嘅服務質素啦食物嘅水平啦都係令到我非常之滿意嘅😋😋😋

兩位女人一入去同肥身材既女職員講完幾句及拎完個相架，就俾位佢哋入座啦，之後位肥身材既女職員扮晒聽唔到我哋問題，之後仲有其他排到既人都問，點解個兩位女人唔洗排隊。🤬🤬🤬位肥身材職員只講左一句特選客戶就算，🤬🤬🤬特選客戶大晒，普通食嘢既人就要繼續排隊啦。之黎問佢野佢扮聽唔到🤬🤬🤬咁排隊既人就要企左成45分鐘以上。 仲要限時食嘢，食物仲要等好耐先有。食物就無想像中咁好食。味精食物，真係無下次🤬🤬🤬🤬

日本連鎖天婦羅店Tenya想食呢間好耐。成日都見勁多人排隊，終於試到啦👽👉Menu有飯同蕎麥麵揀，咩都想試。飯桶🤚😬叫左巨星天丼🍚🍤🍄呢款丼有齊蔬菜同海鮮👉黑虎蝦、本菇、魷魚、青森縣帆立貝、蟹柳、四季豆同紫菜。即叫即製大約等左15分鐘🤤天婦羅炸得酥脆唔油膩。 炸物冇乜調味，可以食到食物本身既鮮味。靈魂係佢嘅秘製醬油☻甜甜地配珍珠米或點炸物食都好正值得讚係虎蝦好彈牙😬👍跟餐配麵鼓湯❤豐富滿足

好耐以前喺日本食過一間日本天婦羅餐廳，廚師會將即炸好的天婦羅，逐樣放起你嘅位前面，非常好食。因為天婦羅真係要即刻炸起，入口一咬，新鮮熱辣的脆漿，一流。終於喺香港遇到一間天婦羅店，係值得推薦，呢間天丼天婦羅脆漿做得幾好，而且食材新鮮。我同友人分別嗌咗一個天婦羅配飯嘅，另外一個就天婦羅配烏冬。發現如果係跟飯嘅，天婦羅係會有醬汁淋喺面。烏冬配嘅天婦羅係分開放，有另外一兜醬汁畀你，我自己覺得咁樣好食D。講番食材，炸蝦好大隻，蔬菜類都幾新鮮，鰻魚好大條，幾好食，另外餐廳有自己嘅特製醬汁，可以一試。烏冬嘅湯底都做得非常之好，唔怪得知成日排長龍，下次會再來。

每次想食天婦羅都會嚟呢間嘢，一百蚊就有勁多天婦羅，跟蕎麥面又得，跟飯又得，跟烏冬又得，有幾多選題。天婦羅有幾隻款，有蝦嘅，有鰻魚叼被，有埋唔同嘅蔬菜，食落炸粉又薄，正。

平時呢間係長龍店，但疫情期間都仲有唔少人排隊食，證明好多香港人都想出走好旅行啦🤣🤣🤣今次叫咗呢個海老穴子天丼 $82天丼裏面有一隻黑虎蝦、一條長個碗嘅穴子，同埋幾款炸天婦羅蔬菜。聽落好似唔多，但食落都唔少嘢🤣講返個天丼虎蝦同條穴子都炸得啱啱好，特別係個炸蝦，個生熟程度特別好，外面香脆入面軟糯。但要講講佢個天婦羅汁落得唔夠，問佢哋再攞時，又要我等好耐，大家都知啲嘢要熱食先特別好味啦，仲要人等咁耐🙁

太掛住日本超值又好味既天丼，專登過嚟青衣既天丼懷緬一下個味道。由於午膳時間，人流不算太多，好快就有位。香港分店既餐牌同日本既有八成相似，食譜、份量全部跟足日本店做法，為了更貼近日本店的風味，有日籍師傅駐店控制品質，所以去唔到日本食，留返香港都食到正宗味道。當然亦有d係香港既特色丼飯。今次就點左最喜歡既野菜天丼$52附送麵豉湯。野菜天丼有本菇，南瓜，番薯，蓮藕同四季豆。天婦羅即叫即炸，上枱仍然熱辣香口。食落件件都炸到鬆脆又唔會油膩。米飯都係用日本既珍珠米，質感較軟腍但吃得出米香，沾滿鰹魚汁醬油，送飯一流。食完好滿足，好味道。整體來講，香港天丼價錢也Keep住低價，最平$49就食到天婦羅丼飯，每款丼飯都會送麵豉湯！真係物超所值

無得去日本、好想食日本野、睇食評幾好一於試下星期五晚放工8:30都好多人等、等左最小20分鐘、記住要人齊先可以入坐環境- 內有十多張枱、唔算大、疫情下用每張枱之間放「e拉架」、感覺有點迫- 清潔度一般、坐低先上茶、杯內有異物服務- 還可以- 上菜有點慢食物- 唔知係咪期望越大失望越大、分別order $49 & $79款式- 食物一到、賣相ok- 炸物味道可以、但食落「林」既、有點油膩、仲有點油品、超失望- 飯好味價錢- 大眾化- 但呢個質素就唔係好值

［青衣］天丼-近呢一兩年係香港多左好多食日式天婦羅既專門店，呢間天丼就係其一。晏晝大約1245到，等左約10分鐘就入得😆-天婦羅烏冬（湯麵）定食（3.5/5）-落單之後都等左10分鐘多啲先黎，所以一開始expect啲天婦羅會熱辣辣，但上碟後發現係微暖。（唔通微暖先可以keep到脆口？）-天婦羅：雖然唔熱，但爽脆唔油膩。個人覺得蓮藕最好食，蝦都彈牙唔霉口。湯底：湯底有兩款（醬油/豚骨），我揀左醬油。令人驚訝竟然有柚子，柚子香中和左醬油嘅咸味！烏冬：彈牙又滑捋捋👻-不過定食係唔包嘢飲架同埋餐廳要加一。買單大約$80-90，得閒可以再嚟食過！

本人喜愛日本除左鍾意佢地既風境外，更加欣賞佢地既人民對所有野既堅持💪🏻。日本人對食物要求好高，永遠都不會令人失望今日睇左場日本戲，咁睇完硬係要食返d日本野🍱，去左日本炸物人氣連鎖店～天丼餐牌同日本都大同小異，還可追加其他配料我就選左個巨星天丼($79)，而細妹就選左一個普通天丼($49)。巨星天丼內炸物有～黑虎蝦、帆立貝、魷魚、蟹柳、紫菜、本菇和四季豆。當中黑虎蝦新鮮唔在講，本菇更值得一讚天丼內炸物有～黑虎蝦、魷魚、鱚魚、茄子和四季豆。一路食一路都感覺到好有日本味道除左用料和味道外，店內的裝修都令人感覺好舒服。而且店內更有日本青森出產的米出售，4kg都只是$178，相當抵買現在還有限定～青森天丼，可惜我臨走先見到，希望有機會可試一試Aomori既米👍🏻*店內有加一服務費

難得去到青衣必定要試下朋友高度推介嘅 天丼👏🏻-我地一行5人都排左大概半個鐘隊舖頭唔大 但環境淨潔光猛我叫左79蚊巨星天丼 加12蚊要埋半熟日本蛋😋巨星天丼有 黑虎蝦 帆立貝 魷魚 蟹柳 紫菜 本菇 四季豆食物質素真係好好天婦羅雖然係炸 但完全唔會影響食材本身嘅味道每一件都好好食 好新鮮我尤其中意個帆立貝 出面嘅酥炸加帆立貝嘅口感同味道新鮮得黎好有層次👏🏻-半熟日本蛋我加埋入飯撈埋食都好出色 日本米加半熟蛋 你明啦😋再加上店舖醬汁倒上天婦羅同啲飯上面岩晒重口味嘅我哈哈 好豐富嘅味道❤️

平時經過天丼見好多人排隊就會放棄，今晚夜一夜到左青衣城，去到見無咩人排隊唔駛等，所以決定去幫襯。餐牌簡單得兩頁圖文並茂，美食選擇有限，以天婦羅為主，天婦羅整得水準不俗，論價錢和美味度，真係覺得物有所值，好抵食。巨星天丼 $79(黑虎蝦、帆立貝、魷魚、蟹柳、紫菜、本菇、四季豆)天婦羅炸漿粉唔厚而且炸得鬆脆，黑虎蝦大隻爽口彈牙，紫菜出奇地炸到脆卜卜，魷魚軟淋淋好嚼，本菇爽口仲有水份，食完唔覺油膩，好味。華味鳥天丼 $68(華味鳥雞肉、華味鳥雞肉丸、蓮藕、四季豆、溫泉日本蛋)半熟流心蛋加醬汁撈飯好好味，飯粒粒分明，雞肉雞肉丸都好夠味，蓮藕片薄脆，整體味道OK。麵豉湯 跟餐麵豉湯味濃好夠味，湯裡好多大蔥，唔錯。

#小秘書 呢排工作上有啲轉變，暫時都仲係適應期👉🏻👈🏻 咁啱撞正兩個workshop擺埋喺同一個星期，真係人都癲🤯 最慘係又要被迫住清假... 都唔知顧得邊度好😏不過既然Boss話無問題，我就依計劃行事😏 拋開公事半日咁多啦... 出去陪吓我嘅朋友仔🤩呢日我哋入咗 #東涌 #CitygateOutlets 行咗一轉，可惜 #空手而回🤪 回程嘅時候，朋友提議去 #青衣城 買啲嘢，順便去 天丼 TENYA Hong Kong #潮聖 🍚🍤 其實我都想去試吓 #天丼 #師傅 嘅手勢好耐㗎喇，以前喺 #日本 無試過，今次終於喺 #香港 可以試到🤤 未夠17:30，#人客 已經開始喺門口排隊，當然我哋都唔執輸... 好彩我哋企咗十分鐘左右就有位。既然未幫襯過，我就揀 #人氣 #巨星天丼 🍚🍤 #食材 包括有 #黑虎蝦、#帆立貝、#魷魚、#蟹柳、#紫菜、#本菇，仲有 #四季豆😉 為食嘅我仲加咗粒 #帆立貝 獎勵自己... 行咗大半日，零舍開胃🤤 似乎 #天丼 嘅味道比另一間 #連鎖店 適合我，我好容易就食得出每樣食材嘅真實味道，而 #汁醬 嘅味道亦係我嘅口味，甜甜地配埋 #白飯 一齊入口，好夾味😉