大食代 (已結業)

在昂坪市集內，食品種類一直都由同樣的幾家餐廳盤踞至今，好像幾年也沒有變因此午餐和晚餐，最好的選擇還是在山下的東涌解決最為理想。今次體驗很糾結，因為食物不俗，可是同樣有負面東西抵消。位於大食代內的香辣妹，主打麻辣燙、四川麵食。因為小弟和Stella嗜辣，因此直接點了這家。^門面有自選的麻辣燙食材區，先夾好想食的食物然後去收銀處付款（最低消費$40）雖然有海鮮、肉類、麵類、蔬菜類等選擇，但每款都只有兩三款可選，反而已配好的麻辣燙鍋款式更多。付款後就見廚子立即開工，大概等10分鐘左右就有熱辣的麻辣燙享用。自選麻辣燙：選了秀珍菇、牛丸、豆卜、薯粉、娃娃菜。食材方面味道還好，比較突出的是薯粉，煮過後仍保持一定彈性，不會過腍；豆卜則不能吸收麻辣燙的湯，有點可惜，因為值得讚好的是麻辣燙的湯底不錯，喝後不會很口乾，而且麻度甚高，有麻辣之感，用鼻一嗅直衝腦門。小鍋薯粉（加配冬菇及豆卜）：小弟叫了小辣，但實際上不太辣，可能加了韭菜芽菜等蔬菜中和了辣度，而且混有肉碎，因此湯底比較濃稠，相反沒有很辣，但同樣不錯。食材跟麻辣燙是同一來源，所以評價一樣，只有冬菇很潺，感覺不太舒服。^小插曲來了，在吃薯粉的時候不停

星期日去貝澳游完水回到東涌時太座已經相當肚餓下令要餵飽個肚才批去搭地鐵! 落巴士隨即衝上”大食代”實行大肆掠奪, 但啱胃口的不多, 行咗一轉以八方雲集的水餃十隻加一碗重味羹開始, 水餃一般沒啥特別, 但那個羹則是一個極其重味的湯, 內容主要是一些台式新竹米線/ 切咗粒嘅貢丸 / 冬菇絲,再另外買咗一個三文魚炒飯套餐, 個飯炒得唔錯, 三文魚碎都不少, 識得用青荳粒點綴一下顏色, 但跟餐來的三文魚味噌湯則幾腥之餘, 個湯面那層三文魚油亦將湯保溫但就令個湯入口嗰下好油膩, 所以扣除個湯這個炒飯是食得過的!當日所見同幾年前來比較, 整個場格調已經落了不少, 更有些師奶帶埋自己食物上去找個角落頭位置開餐!唔知幾時自由人將佢地嘅習慣傳染給予本地人? 這絕不是歧視而是尊重他人(店)的問題, 本人在上環老麥見不少這情況, 不說了,免得太離題了! 

之前食過雞扒蛋包飯,覺得好好食~所以今次試下第二款~配菜本身係有小甘荀,粟米同青豆~不過我有少少偏食,淨係要左粟米XP蛋包飯依然好好味~但係個豬扒就麻麻地,雖然有芝麻醬調味,已經加左分,但係好厚粉,又好似炸左好耐,仲要係凍gei =_=呢個套餐仲有碗羅宋湯,不過好淡,同水冇分別~所以無影到~

這天和朋友去醫肚,決定到美食廣場,貪其多類別選擇嘛兜了大約兩個圈,還是蛋包飯最吸引我們所以我們選擇了這一間蛋包飯,店鋪名字已經忘了購買後就坐下來等侯了,幸好還不是太久~我選擇了魚柳配蛋包飯~對面的朋友選擇了好像叫雞扒+帶子配蛋包飯~配菜嘛,有粟米青豆和甘筍,蕃茄就只有一片~還有一碗羅宋湯~雖然我只是選擇了魚柳但也附上了一顆帶子耶~(其實我忘了那是否叫帶子)先試了幾口羅宋湯,很稀~魚柳煎得不錯,配上那味道有點甜甜像是燒汁加了蜜糖的汁,好吃朋友的雞扒帶子的汁也是一樣的蛋包飯是真的整塊蛋皮包著飯的,上面有茄汁~蛋煎得挺好,沒有燶掉~雖然內裡只是白飯,連同茄汁和蛋吃已經好吃~還把那汁和魚柳也配飯吃~也好吃飯量不是太多,所以我們都很快KO它了~雖然挺好吃~但我們都認為有點兒貴呢沒記錯的話我那碟好像65元~

旅程最後一天，在東薈名店倉大食代點了葡式焗豬扒飯，拿了單子準備領餐，10分鐘過去，期間一直看著比我晚點餐的人都領到了，但我還沒領到，單子拿給外場人員看，外場人員對內場說了一些話(我只聽得懂豬趴)，然後表示要我在等2分鐘，又過了10分鐘，還是沒領到餐，我不高興的詢問到底要多久，問完後我的餐馬上就出現，這餐的飯上有一炸豬趴，飯上淋了醬汁，飯中有蘿蔔與洋蔥，吃了幾口飯在吃到蘿蔔時，蘿蔔居然是硬的，接著在吃洋蔥，洋蔥居然也是硬的，受到這種對待真的很生氣。以上經歷給大家參考。

今晚等朋友放工之後去左附近既東薈城food court食飯! 食完拉麵之後覺得唔夠complete, 要食返d甜野 所以就去左隔離既甜品舖睇下! 見到佢果度既刨冰好似好好味咁, 同朋友就決定要一個古早味刨冰一齊試下個冰32蚊, 好足料! 見到師傅將一舊好大既冰用機刨左好耐先俾我地 仲有好多豆, 有紅豆, 腰豆同埋竽頭, 加埋d黑糖味既醬, 真係好好好好好味! 同我係台灣食既有得揮!! *0* 同朋友都覺得好抵~~讚不絕口呀哈哈! 下次去東涌都一定要再去食呀!!!!!!!!!

逛完東薈城，都8點45了，去到和民仲有好多人等緊位，因為太肚餓，唯有放氣！就係諗住Teppanyaki唔駛等位，就試佢一次啦。我倆二人order咗3個餐，由落單到埋單，35分鐘內搞掂，食物雖然好一般，但服務就真係.......差都無論囉！天寒地凍，我倆脫下大褸，一個手袋，仲有一大袋戰利品，就連我旁邊剛入座位太太，她見我要攬住咁多野開餐，她都好心專登坐迫一點, 讓張凳(放於她與我中間)叫我擺野有位waiter就即時走過黎，叫我從凳上取回自己的物品他話這裡唔可以放咁多張凳，他便立刻拿走張凳整行bar枱，起初只坐得我倆二人坐最右，我左邊對夫婦後來才入座，我眼只見，9點幾都快關門啦，明明有位無人坐，而且員工們就趕收工，為何這位waiter要禁睇唔開呀 我都好明白食客不是大晒，打飲食業工唔易，而且飲食業又難請人，不過明顯地，這位waiter抱住這樣的態度對客人，就真的要不得！

在機場09：00 METT UP，開完會， 嘩已經14：00個CLIENT放低我們在東涌，於是即刻搵食。由於我們可以CALIM錢食飯BUDGET有限， 所以選PEPPER RICE，有飯的餐最平$40，FOOD COURT 其他店食麵都$36起。 我第一次食PEPPER RICE是在泰國SHOPPING MAL，對上應該年多前在郎X坊食。＄40 個SET，其實不是食得好飽， 個湯好鹹，最好可以加錢換COKE。評：味OK，熱熱熱，有煙出的鐵底，D飯有少少焦香味無比， 自行加汁MIX 埋（有HONEY，黑椒，自由選擇）7／10 果FOOD COURT HALF係自由行， 家陣搵食都要同人爭。

完咗大澳行程出返東涌，難得入到嚟，咪晌東薈城打個轉囉，嘩，實在太多人，草草行完就算。臨尾上咗大食代望一望，老婆建議食碗糖水先走，所以，就晌Sweetscoop睇睇有無心水，見佢話全新推介個夏日特大刨冰，共有6款：芒果刨冰、蕃薯刨冰、奇異果刨冰、鮮果雙拼刨冰、紅豆刨冰同古早三色刨冰，即管叫一份試試。刨冰晌台灣就周圍都喺，仲記得嗰時去台南玩，近住安平古堡食過一檔「體育公園杏仁豆腐冰」嘅杏仁紅豆牛奶冰，好鬼正，底層喺杏仁豆腐粒，再鋪一層刨冰，然後澆啲牛奶，最後加上紅豆，涼透心嘅消暑奇冰。今日晌度所試嘅古早三色刨冰，質素又如何呢？古早三色刨冰 $30刨冰大到成咗小雪山咁，兩三個人食都得。三色意指芋頭粒、紅豆、紅腰豆，見個妹妹仔將啲料喺咁壓晌啲刨冰面上，可能個刨冰實在太大，又高又斜，所以最後都跌番唔少落嚟，尤其芋頭粒，因為較大教重身，容易甩番出嚟，最後淋上蔗糖糖水同椰奶奉客。芋頭粒同紅腰豆相對較少份量，因為跌咗唔少，而芋頭未夠粉，咬落有啲實實嘅感覺；紅腰豆就無咩特別，最好喺啲紅豆，夠多，又腍，又清甜。刨冰本身無味大家都知，所以靠晒啲糖水同椰奶，蔗糖糖水頗甜下，椰奶溝咗落啲刨冰度椰子味唔會太突出。

對於好喜歡食冰既我,今日黎到大食代見到鮮果冰,真系諗都唔洗諗就卜鎚!有得揀單拼同雙拼,我梗系揀雙拼啦,食多隻味好似抵d!又鍾意食芒果又鍾意食奇異果,呢個配搭就岩哂我喇!睇住佢個冰機刨d好幼細既冰就已經勁吸引,刨左一碟,店員就拎去一二邊加水果,然後睇住佢淋反d汁上面,真系已經流哂口水!終於食得喇,個樣雖然唔特別,唔系平時咁裝飾得好靚,但其實平平凡凡簡簡單單就可以好好味!半邊芒果半邊奇異果,先黎一啖奇異果先,酸咪咪好岩我食,淋上去既汁唔系糖水咁簡單,而系奇異果汁,一d都唔慳架,睇到冰面d一點二點黑色粒粒就知啦!奇異果上碟既全部都熟哂,唔會有一舊咬落去好生令條脷唔舒服!至於芒果個邊,似乎汁方面就有少少假,因為都偏甜!芒果一樣都系熟既唔會酸!冰底d冰真系好幼細,每一啖都好快就溶入口,好好味!就咁食d冰系無味道,但佢溶系口既感覺真系難以形容!呢個冰既可以當甜品,溶少少又可以當飲料,好兩全其美!

下午茶時間食 food court 當 lunch，四處都係位。隨便點左客海南雞飯（檔名同樣叫海南雞飯）。啲雞幾滑，入得口，但唔算有咩特別，並且不見得有認真調味，顯得有些淡口，一大敗筆。有碗湯送，都飲得落，中中肯肯，唔會太好飲，味道亦單一。最可口係啲飯，真係好岩我食，粒粒煙韌，加埋個汁底，有陣淡淡香味，一流。我對米飯要求最高，即使其他只係中規中矩，米飯好食已經補返哂數。份量略嫌不足，唔夠飽肚，如果再多啲既我或者會畀佢一個笑臉。

唔經唔覺摸蜆摸到八點幾 , 天到黑晒 ... 超肚餓喇開 openrice 睇左一輪都唔知食乜好 ... 個個都有唔同意見就係呢 d 餓到乜都放得入口又搵唔到共識o既時候food court 一定係最佳選擇 , 大家可以各自去買鍾意食o既野 ^^ 大食代其實間間都差唔多 , 黎黎去去我都係幫襯o個幾款今晚就揀左食韓國菜 , 因為平時好少食 , 最多都係食下韓燒但我又好鍾意 d 熱辣辣o既野喎 , 韓式鍋面呀 , 石頭飯呀呢 d 就正喇 !!1. 香辣豬肉蛋面~ 我以為係蛋面 , 原來係有隻蛋 , 個面係普通韓式公仔面 , 不過佢個湯底幾好味 , 辣辣地 , d 面都幾彈牙 , 撈左隻蛋後仲好軟滑 , 仲加入左少少韓式粉絲 , 仲有好多翠玉瓜呀秀珍菇咁 ... 都算幾豐富可惜係 d 豬肉 , 無黎味道之餘仲好厚好鞋好韌 , 我食左少少就放棄左2. 紫菜飯團~ 兩球飯波波 , 上面有一堆韓式紫菜 , 好似平時零食o個種咁d 紫菜有 d 鹽粒同少少辣味 , 不過唔足以為個飯團調味加少少豉油食就 ok , 都幾特別o家 , 睇佢o個兩球飯好細但食左兩舊飯團再食晒碗面, 都幾飽o家喎 ...

東涌(台灣美食)準備去昂平360前食一個午餐，選了台灣食物(因為最多人排隊嘅就係台灣食品)overall不太好味，all 食物都係冰冷的。anyway, 環境都comfortable，價錢attractive ， so free to chat。台灣肉燥飯加小雞蛋：雞蛋有色無味，細到一口攪掂醫肉燥飯味道偏淡，有樣無味，份量偏少，唔太抵食。蚵仔煎和炸雞：蚵仔煎不過不失，份量大而且有小雞蛋香，內有小蠔仔，味道ok。但炸雞就totally rubbished，so cold and day ，無味又硬，無肉只有食皮。我唔prefer大家食呀，因為真係好難食。

大食代服務很好進食時無人走來搔擾我冷氣夠座位夠大不過係膠椅台都係膠好大張可以擺好多食物行了一個圈就好像進了大觀園一樣終於揀食上海野叫左縮水豬扒餐睇個牌塊豬扒好大塊有幾大拳頭咁大仲要係泰臣個拳頭見到即刻想食當佢整到出黎變左咁樣即係又細塊又DRY好像是兩日前炸好即時想封他兩拳就真不過算啦成個檔口得2個人又要收銀又要炸野, 又要6麵, 蒸包D員工都好可憐小籠包就麻麻無肉汁係有皮包一夾充穿穿左都無汁出黎酸辣湯都OK有酸味有辣味又唔太酸太辣作為食DRY豬扒的配搭都唔錯個拉麵就最好因為最正常拉麵係一條條唔係一舊舊易消化湯底都好清唔會帶走拉麵D味麵有麵味依間D拉麵味唔錯可以叫個淨個拉麵下次

I like Pad Thai. That's why I order this every time when I have chance to dine here. The increased the price by HK$2 since last October. Although it looks quite different from the display item, the taste is pretty good and I have no complaince on it. It's funny to mix the noodle with sugar and peanut powder. If you wish, I recommend you to add the fish sauce and some vinegar.