大阪王將 (已結業)

食左個元祖煎餃，六隻廿蚊，唔算太平，不過好好食，皮薄餡靚，唔會太焦但係又脆，ｄ汁都好好，少少酸又唔會太濃，雖然d餃好易夾爛

天津飯加餃子餐，有齊二人份量餃子，天津飯，蛋花湯。天津飯係用珍珠米，面上加蔥花同埋類似蟹既野炒蛋，再淋上汁。蛋份量夠多，起碼兩隻蛋，但汁係比較漏的，好彩配珍珠米都叫夾，咸咸地，好過乾爭爭。馳名餃子有十二隻，係就係皮薄，亦夠脆，食到最尾都夠熱夠脆，但佢地係一排咁煎，黏實晒，一夾就一定爛皮，無辦法。餃子汁加埋天津飯汁就更漏，如果可以夾杯綠茶就更好，但可惜只係得杯水，雖然唔駛叫已經俾就算唔錯架啦。蛋花湯，清清地，夠熱丫。但蛋花湯又係蛋，天津飯又係蛋，個感覺好悶，天津飯汁又漏，餃子汁又漏，咁加埋又係漏。飲水無得飲熱綠茶又係敗筆。

Among several City Super Deli, this place has more options for us. but it is too crowded!1.餃子:8分We ordered $20 餃子w/6 pieces. Some are overcooked, but in general the taste is pretty good. It would have a higher mark if every single pieces would cook in the same condition.

琴日就同左一個fd去左APM食晚餐...上到foodcourt,花多眼亂..突然醒起之前睇過有個食評話有間食set係有12隻餃子,就去到大阪王將既counter.....嘩個set既份量都幾勁wor,有d擔心食唔食得曬....最後都係決定大吃一餐,叫左一個set--->12隻餃子+1碟炒飯+ 蛋花湯($55) 基本上味道係ok 既,不過我就覺得d餃子皮包得唔係咁好,一夾就散,而且d皮可以的話,脆d就會更好食. 個炒飯就一般la,又唔係特別好食,可能因為俾我既感覺係唔夠"鑊氣",d飯既質感可以更好.... 不過整體lei講都ok, 個set既份量都就夠(我食得曬).而且我好鍾意佢地會俾一杯冰水,俾人一個幾細心既感覺,因為一般食呢d冇野飲既set之後,個喉嚨會好乾ma.加埋杯水,真係有一種"我食飽la"既感覺....下次試埋個"天津飯"先.....

叫左天津飯+餃子套餐(諗起"龍珠"果兩個曖昧關係既人物),好似$55.跟餐仲有蛋花湯.天津飯似濕版芙蓉蛋飯,好多汁.以為好濃味,原來係甜甜地既,都ok好食.餃子12隻,味道真係好好,絕對係皮薄餡靚,可惜黐住晒,分開時難免甩皮甩骨.跟餐既蛋花湯都好飲.不過$55真係唔算抵.

20050510 9pm同大熊想食呢度的餃子好耐,今日終於可以一齊來試試.第一次來食就有奇蹟出現:餃子難分難解之餘又可以甩皮甩骨﹙穿曬洞﹚,賣相一D都唔討好.不過食落真係唔錯,果真皮薄餡靚.附送的醬油味道比較淡,唔特別.唔點都冇損失.

個餃子幾好但係其他就普通d不個40 零蚊有成打餃子，只食餃子都幾好

和朋友叫了個$55的二人餐\,有十二隻煎餃子.一碗蛋花湯和一碟炒飯,碗湯得兩啖,味道可以啦,但係炒飯就太鹹了,我和朋友一致同意這個飯好鹹,加埋餃子真係鹹上加鹹,食完要即刻買野飲!!(個餐\冇野飲)個餃子其實唔錯,不過要盡快食,否則凍了便會黏在一起,要分開佢\時便會弄穿晒個皮了, 我覺得個餐\係兩個女仔份量,有男仔食的話便不夠了,如果冇咁鹹都好味架!

星期日,老公話去apm行下,當然好,唔知係新定係twins原固,人多得不得了,因人太多及想行的如吉之島又未開,我們各層行了一圈便轉去將軍澳吉之島行,晚上再來foodcout 吃飯,到了7:00鐘去到foodcout,人多到差不多每檯都有人在後等位,行多陣番去都係一樣,老公問我想吃什麼,我見這間餃子不錯,便說想試下,他說不如拎走吃吧,好..買完都等了幾個字才有,拿到上手已經邊行邊吃,因怕放耐左唔脆,結論係皮薄,餡都幾好味,不過散d,吃完便去大快活醫肚....人多真係食不知奇味,一來等位已減去心情,等到位又要等食物來,到吃時又有人在後等你走,你說,好吃的東西也變得一得氣了......

貪新鮮今晚7點零左右黎apm逛,但發覺系冇野睇!於是黎到food court搵食,試左呢間既餃子炸雞餐$45;餃子(8隻)---果然系招牌貨!餃子皮薄而脆!肉餡juicy.旦花湯---一般水準啦!椰菜沙律---麻麻!椰菜帶點苦澀味.炸雞(2件)---超水準之作!炸漿不過厚,脆口,內裏非常juicy且入味;完全毫無瑕疵!

我在APM的王將一共食了2次,因為剛剛開了不久,所以星期六日十分多人.去到這店一定要食餃子, 因為真是十分皮薄,入口O的豬肉肉汁好多...正!不過因為是即叫即做, 一般要得20分鐘以上才可以有得食.