大阪王將咖哩屋 (已結業)

好鍾意食日式牛肉鍋，星期五晚覓食時經過大阪王將見到menu有個和風肥牛手鍋，就即刻決定「兩位唔該！」。可能因為店舖位置較為偏僻，所以晚餐時去到都唔需要等位。 餐牌是日式雜誌風，圖文並茂，最鍾意呢種,最睇得耐就愈多野想食！😙好快就可以落單。菠蘿乳酸 套餐加購價 $15 最快上既係大大杯菠蘿乳酸，唸住酸maymay, 開胃得黎好少會中伏。點知！ 味道竟然係濃縮菠蘿果汁味，仲要飲唔出乳酸味道😵真心覺得樓上cafe既質素好過佢啵😟元組手製煎餃子 套餐加購價 $18餃子係豬肉加韮菜餡，雖然外皮不夠脆，但入口尚算多汁，賣相亦很吸引。加購價$18來講算是抵吃。和風肥牛手鍋 $78到我期待既牛肉鍋出場！手鍋應是這個扁平而有手柄的鍋的統稱，容易拿起，又不會燙手。套餐配有漬物、珍珠白飯和味噌湯。❤️漬物： 如果你以為佢只係得酸味既普通漬物，就大錯特錯喇！佢其實係一個有層次感有深度既實力派漬物！因為入口先會感受到酸味，之後竟然會有濃厚梅子味溢出！咬落去係「索索」聲既爽脆！梅子味相當突出，真係震驚到我，有幾多店鋪會係漬物如此用心呢？👍珍珠米白飯：圓潤有彈性，不過略嫌太濕，會比較粘。味噌湯：內有稀疏的海帶及豆腐

係團購網見到佢有set 供應 見又未食過 所以買左黎一試 今次試左個天津飯同豬扒鍋定食ummmm 我覺得普普通通一個飯咁囉 未去到好特別 天津飯個蛋的確係大份既 但個蛋感覺好油 上面既炸雞反而不錯 好香口同多肉汁既 唔會乾到鞋但個天津汁就 我個人覺得好難食 連我媽媽都唔覺得好味 所以建議揀返咖哩汁保險啲另外個豬扒鍋 都屬一般般 豬扒肉質偏鞋 唔juicy 但如果用咁既團購價去食 係接受到既 但如果用正價去食 略嫌貴了

今日二人中午到淘大大阪王將咖哩屋午餐。去到唔駛排隊直入。我哋點咗一打餃子，天津飯，章魚鬚，吉烈豬扒，荔枝乳酸，白桃乳酸. 招牌餃子一點也沒令人失望！好味！但更喜出望外的是天津飯！天津飯是鐵板上盛上紫苔飯，味素，上面再舖滿滑漏芝士滑蛋和漢堡扒配咖喱汁! 蛋真是滑到不得了！超滑喔！芝士一絲絲的。不要少看漢堡扒細細塊，因為有厚度的，所以得飽肚的。兩杯乳酸也廷好味的，一點也不漏。最讚的是靚靚店舖經理曾小姐！服務態度好，和藹可親，笑容滿面！下次必定再光臨的

一個人的晚餐，習慣搵啲未試過嘅餐廳，上網搵到呢間新開，所以過來試下，門面光鮮，和式設計，有室外座位，不過我覺得無景觀，坐室外大風，都係室內好啲，店員招呼坐門口二人枱，先來杯熱茶，再比個餐牌，食物款式唔多，一個人又叫唔到咁多款！最後：天津飯：七味海苔飯、元祖天津蛋、王將咖哩汁、珍珠米，樣樣都可以揀，最後呢個配搭幾好，七味粉配圓潤珍珠米，七味粉可以多點更好！天津蛋只係塊蛋皮，好在煎得好，又厚又淋身，好似蓋咗張棉被，只係加了雜菌，什菌有金菇加鮮冬菇，只係灼熟，所以唔加咖哩汁係完全無味，鐵板熱辣辣，煎到團飯脆底！咖哩汁另上，一個有耳杯，倒汁落鐵板滋滋聲，咖哩汁好濃好杰，味道係日式，濃而不辣元祖手製煎餃子（+$18）：為了加呢個所以蛋包飯唔加咁多餸！6隻都皮薄煙韌，唔黏破！餡料加了菜，唔會乾！好味！店員有禮，上菜收碟有問過，last order又每枱去講！確保人客潮！臨尾仲開定門比我！正！

19/9兩公婆帶兩個仔女在這裡晚餐，食到途中有大蟑螂(見相)，嚇親我個仔女，大隻到連侍應亦驚到唔敢打，要廚房佬出黎打，之後無人過黎，一句sorry都無，啲侍應當無事發生，之後更不斷埋黎想收我小朋友未食完嘅食品，衛生有問題，服務亦大問題，肯定以後不再幫襯。

本人由其喜愛日式咖哩店，最重要嘅係配一塊肥美肉厚嘅豬扒，今日午餐搵食到九龍灣，咁啱見到呢間嘢即刻走入去一試！佢裝修都幾OK，但鋪位所限，座位唔太寬闊。但好窩心，佢座嘅位都可以放嘢入去(本人感覺似韓國餐廳果啲咁)小弟揀咗個咖哩吉列豬扒野菜鍋做今日嘅午餐。服務都係普普通通咁，其實如果大家有興趣可以行番去德福果面搵食。但如果你係淘大人，突然想食咖哩，近近地試一試都冇仿。