影片
同朋友聚旧,顺便庆佢揾到大生意,于是就选左大门横丁和食屋,呢间我曾经系度食个lunch，觉得味道同分量都几好下，决定再帮衬。一行三人去到唔驶等位，入到去发觉约四成满。今次有部份食物唔记得影相，只可以粗略讲番其他无相既食物。吞拿鱼刺身，四片，厚切，视觉同味道都无问题，鲜味道够，食落亦唔见有渣，68蚊既价钱有呢个质素真系出乎意料正。鳗鱼卷，味道一般，卖相亦同餐牌差一段距离，一睇饭多个乜就知食落只系得饭味，其他既味就系上面既葱花 。但师傅手工好，夹起唔会烂，都值得加分。烧烟肉年糕，烧得恰到好处，无过火位，见其他食评同样出面有出事既事件，烧到太过火而溶晒，呢个就好彩无事，入口肉香四溢，配合年糕既烟韧，每啖都刺激著味蕾，值得一叫再叫。蒜香铁板牛舌，又系厚切，不过牛舌厚切就确系唔同，单睇图已经见到六大块，而每块厚度都有番咁上下，全部加埋都应该有1/4条牛舌咁多，真系不惜工本；因为系厚切，所以好难要求要滑要易咬，但食落亦唔系太韧，而且亦食到有一阵阵牛肉香味，铁板烧过再加上蒜香，令个肉本身既肉味更突出，弥补左本身太厚而难煮左既问题，食出黎最后有合格以上既分数。之后叫左个冷乌冬沙律(无相)，以甜甜酸酸既柚子汁伴少少酱，乌冬分量够，而入口都好滑，虽然未至于好弹牙同爽，不过系酱汁配合下，食落亦有一番风味。杂锦天妇罗($68)，新鲜炸出黎，配以天妇罗汁加萝白蓉，味道唔错，唯一要弹又系基本野，就系天妇罗汁系冻既，咁样沾天妇罗就会整冻而变得无咁好食。呢样野系好多日本料理都常犯既错误。食到呢度，仲有少少唔够喉，于是再加左一个软壳蟹卷同埋鸡翼芝麻鸡翼味道一般，烧得合适，不过系咁多道菜中，佢就算系细份，以廿几蚊以及呢间舖做惯既分量黎讲，真系估唔到佢会畀咁细只鸡翼我地。软壳蟹卷，同之前果个卷一样，有六件，但系饭就明显无咁多，软壳蟹亦系先以天妇罗既做法炸左先做寿司，味道比较之前既鳗鱼卷好得多，至少当中食材既分量较多，而软壳蟹亦炸得好香，上碟时亦有一阵阵天妇罗炸野味，反而个天妇罗并盘就无呢种味。整晚既菜色都几有水准，其实我比较觉得佢地应该主力集中做刺身,虽然叫左三道刺身寿司中，果两个卷物唔系太出色，但单单睇刺身既新鲜味道，其实唔会差过烧物太多，不过似乎佢地呢间本身定位都系未见清晰，烧物同刺身类各一半，如果可以再放多D心机去做好D寿司，相信一定可以吸到更多客返黎。呢餐饭既气氛好好，首先系环境，虽然未至于好有日式风情，但装潢上都见有下过工夫，而且地方阔落，唔系出面好多都系要用尽一切空间去放台，每张台之间有段距离，食野讲野大声少少都唔怕影响到其他人，而灯光冷气适中，坐落亦好舒服，令客人可以放松咁去享受美食。而当晚其他客人都系叫饭或者乌冬为主，相信系价钱方面令佢地选择较抵食既类别，不过整体上我觉得呢度既质素系物有所值
继续阅读
之前午餐有来过吃~ 那时比较满座。没想到晚上来吃的话~反而没什么人=0=!!! 这个沙律有点交行货 >___<！！主食点了 - 什锦鱼生饭 ($78)刺身会很少本来都预了...但没想到来到后可以更失望Q_Q！唯一好的是这个饭总算有点味道。因为另外点的这个 - 和风牛肉锅饭($78)。这个饭真的好淡......好似没有味道似的Orz面豉汤也太咸了 不过小食的 - 汁烧鱿鱼筒 ($48)这个很好吃!!!!! 那个汁的味道也很好~卷物点了 - 金龙卷 ($58) ^^觉得炸得有点过火了... 红豆绿茶($28) 是特饮。绿茶的味道比较淡~但幸好红豆不算太甜。不然只有甜味的话会很难饮。
继续阅读
经常到mk,太子,tst大门横町食野,间间都有一定质素,作为横町fans,特别喜欢他们的特色串烧,素材新鲜而价格合理见佢地开分店,点可以唔黎试试?门内空间感很大,而且坐位宽敞,是很少有能坐得舒服的日式居酒屋呢横町中也是它最大了吧?温泉蛋沙律有点像放题,份量很细小,下了太多醋令味道过酸,跟蛋本身不是很配,但半熟蛋本身味道是很好的蒜香牛脷, 注意: 并非牛舌,心水清的同仁应该注意到,写牛脷的大多是荼记,而且大多腌得很淋,这里也一样,非常淋,一点也不弹牙,但加了炸蒜, 令它挽回了一点分数抱歉吃了一半才记得影相@@已经消失掉的油甘鱼味道最好,既有回甘, 又肥美,吞拿鱼去筋做得很好,完全没有渣,三文鱼则一般炸三文鱼皮因为炸得不够...吃到很多鳞...蟹肉忌廉薯饼里面的忌廉热辣辣,放了一阵子也没有凉掉,而且份量足~很正~但蟹肉就完全吃不到三文鱼头非常油腻,不过烧得不错,不过太干身牛肉野菜锅,极重味精的一道菜,只要浅尝一点就吃得出来,味精味嘛,味道当然好但亦因此过咸一般货色,但放在冰上值得影一影总体来说,质素还可,几道菜都味精略重但如果要吃这个价钱,我宁可去其他横町叫一个乌冬加串烧算了
继续阅读
首次约朋友到这店, 之前去过其他分店, 这里比较起来大很多, 枱与枱之间有足够距离, 感觉好一点!厚切一共四片, 好港式的切法, 实行喂饱大家视觉, 入口当然无问题不过不失的沙律, 现成酱都很难有什么出错, 幸好蔬菜都爽口新鲜都不错的品质, 鳗鱼当然要够鳗鱼汁才没有那样腥, OK, 而带子都没令人失望, 大大片的, 入口都不差, 尚未有冷藏味!都很大只的鸡翼, 啖啖肉不是日式, 香口又脆口卖相OK, 味道都不错, 都很香, 够热又有牛味, 不错带子都不错, 虽然不是很香口, 又有点儿烧过了火, 但芥茉的味道真令其很出色, 很出奇又是吸引的卖相, 很香脆, 够味道, 又好肉甜味较重的炒饭, 饭微湿不是太干身, 鳗鱼片都算多, 整体都赞
继续阅读
在附近上完堂来吃晚餐, 不用等位, 叫了两个乌冬蟹肉蕃茄浓汤乌冬好味, 有蕃茄肉, 上枱才知蟹仔也是全只上的, 一路食一路觉得蟹仔可怜有点后悔叫了佢.糖芯蛋普通入味, 可以煮耐些.沙爹汤底的味道好似比其他分店淡了一点, 虽然依然好味.另外还叫了玉子寿司, 不过本人不食生的食物, 不予置评.
继续阅读