大門橫丁串燒手打烏龍麵店 (山東街)

营业中

休息中

曾經係尖沙咀分店食過大門橫丁既手打烏冬，當時一試難忘，今日特意喺旺角分店再嚐烏冬！因為我好鍾意番茄湯，所以諗都冇諗就揀咗最出名嘅蕃茄湯底，而配料方面我就叫咗豬軟骨。烏冬都有唔少嘅配菜，例如粟米粒同一啲蔬菜。湯底同我當時試嘅一樣，都係有十分濃郁嘅蕃茄味道，而豬軟骨煮得非常之淋，做到入口即溶嘅口感，而且十分入味。至於烏冬方面，烏冬的確十分煙韌，咬感唔錯。以50幾60蚊嘅價錢來講，性價比相當高。當日我係食午餐，同一碗麵來講價錢好似比晚餐平少少，約平10蚊。如果好鍾意食烏冬嘅話，呢間餐廳既烏冬應該都不會令你失望！濃郁嘅蕃茄湯底⬇️煮得超淋嘅豬軟骨，入口即溶啊⬇️

本身見朋友去呢間鋪既尖沙咀分店 望到佢影啲相好似好好食咁 所以就諗住去比較近既旺角分店點知咁樣就中左伏入到去店員安排左我地坐低本身都好地地 跟住我地寫紙 叫左一份溫泉蛋豚肉撈烏冬同溫泉蛋牛肉撈烏冬另外叫左各一罐可樂同雪碧跟住有一個男店員 拎左我張單係到寫寫下跟住粒聲都唔出行開左 完全冇諗住對單最後真係落少左兩罐野飲 都算喇 諗住汽水 要拎好快姐 所以就廢事煩住人 諗住等佢地上野食黎先至再同佢地講跟住等左20分鐘左右 有另一位男店長 拎住一個疑似係我地既烏冬周圍問係咪呢張枱 其實都感覺唔多良好 跟住佢粒聲唔出 係我男朋友既背後 同格離枱既男人之間 遞落黎 （因為佢係兩張枱痴埋 跟住一人坐一邊咁）個個位置係完全唔小心一撞 就會令我男朋友成身都係 正常一間飲食鋪唔會咁樣上野食 完全反感跟住等多5分鐘左右 我地懷疑係咪廚房冇單跟住我地就問岩岩上野個個男店員佢勁大聲 同勁Hea咁話：黎緊嫁喇個野真係完全燥左 你望都未望就知黎緊？好啦跟住等多9分鐘左右 另外一個終於黎我同男朋友都因為太谷氣 所以都冇叫佢地落多次汽水拿拿林食完就走其實唔係話特別好食 仲要等左30分鐘而且碗野偏細兩碗野埋單仲要$161

先前在尖沙咀店試過它的黑椒煙鴨胸拉麵，覺得味道不錯，所以今天經過這間旺角店，決定也進去嚐一嚐。因為天氣悶熱的關係，今次選擇了冷麵。看到拉麵的上面鋪著不同顏色的配料，有切了絲的青瓜、紅蘿蔔、嗚門卷、煙鴨胸，再加上粟米粒，色彩鮮豔，相當吸引，大大增加了我的食欲。吃下去的時候，配料的青瓜絲、紅蘿蔔絲沒有切得太幼，所以吃下去十分爽脆，而且粟米味道清甜，鴨胸亦不會很肥，整體很配合，感覺很清新，至於拉麵就彈性十足，另外，清新之餘，麻醬也很正，可以於一款菜嚐到不同的口味，這個冷麵真的很值得推薦。

今日同媽咪去旺角行街，午餐醫肚，想食烏冬同拉麵，然後就揀咗「大門橫丁」。食烏冬或者拉麵，你有五款主食揀，湯底有八款。詳情就要參考下餐牌。我食左個特選西班牙黑毛豬手打烏東，湯底係東京鰹魚魚介湯，野飲我加左$5要活性乳酸系列既巨峰提子。唔太識分特唔特選，但今次食既的確平時食既多啲肉味，仲有啲似牛肉添。烏東冇咩好批評，但當麵底合格既時候，湯底就成了重點。我揀個魚湯，非常濃郁，將烏東同啲湯放係隻匙羹上面，一啖啪落去，真係幾好食喎。雖然我未食過其他湯底，但我已經覺得呢個湯底應該係依間鋪最好味嘅湯底。烏冬仲有其他配料，分別係嗚門卷，碗豆，粟米。嘢飲方面，個人應為活性乳酸味比較淡，如果多番小小活性乳酸嗰陣味嘅話，杯野即刻昇華左去另一個層次。環境方面，由於鋪頭唔算大，但係店舖內嘅枱枱櫈櫈都安排得密密麻麻，所以你唔好預可以坐得好舒服。另外，其實個烏冬都等左好耐，等左15分鐘度啦。總結：個魚湯真係幾好味，下次再黎都會叫黎食。

今日夜晚同朋友行完街行夜左少少,就去左旺角到食dinner~~平時好少行去旺角新寶戲院果邊,原來果邊都好多野食😋朋友話想食串燒,所以就去左呢間大門橫丁,餐廳都算寬敞,日式風格坐得好舒服😊今日小妹想食得清少少,所以叫左個撈麵,其實小妹真心食得好清(如果唔食甜野時😜)所以本身都諗住係為食妹填飽肚就算,估唔到都有驚喜喎,冷麵賣相好吸引,用好多唔同既絲鋪滿左碗面,青瓜,粟米,火腿,嗚門卷,紅蘿蔔⋯比人一個好健康既感覺,咁就太好喇!等為食妹無添咁多罪惡感😚😚連埋胡麻醬食,酸酸甜甜好開胃,岩晒用黎消暑😊

今天跟去西藏的朋友們在附近見面，完結時已經下午兩點，還沒有吃午飯，所以在附近隨便找了家吃的。特色燒四季豆（$20）先不說這份量很少，味道偏鹹，而且只有鹹味。日本迷你紫薯串燒（$25）小蕃薯很甜，一口size，好吃。岩鹽串燒牛舌（$38）牛舌切得不算厚，但是吃起來很彈牙，而且不會韌，不錯。汁燒香蔥牛肉卷（$38）串燒偏油，牛肉有點硬，但是香蔥的清脆口感很加分。芝士明太子玉子燒（$30）蛋的口感不是很滑，芝士雖然看起來很多，但是吃起來沒什麼味道，反而是明太子的味道很突出。整體來說這家店的價格偏高，但是食物的素質只屬一般，吃串燒的話，這個價格可以有更好的選擇。

我決定唔會再黎食。以前都好食架，尋晚再去，係另外一件事。烏冬分量一次比一次愈來愈少，叫咗個豬軟骨魚介湯烏冬，湯底無魚鮮味，好咸。豬軟骨係大舊，但又「鞋」又實過煲湯舊瘦肉，不如你叫豬硬骨啦。溏心蛋無醬油味，反而怪異嘅甜，完全唔夾又奇怪，好唔掂。最唔掂叫咗個燒雞軟骨，1串得4粒雞軟骨，Size 仲細粒過指甲。單睇都燒到乾晒水，食落口仲有燶味，仲要一串16蚊！！食完仲要係口渴，完全係畀錢食味精。最好食，未個枝豆囉，夠晒大碟呀～食物質素下降，題外話都補充咗D問題，以前成日黎食，依家無下次。

大門橫丁,有時同同事收得夜,又諗唔到食咩,都會黎呢到食下串燒。今日我就同男人黎喇,總共叫左以下呢幾樣野,男人話想食燒茄子,唔知係咪我記錯左呢?!燒茄子上面有D花生碎嘅…有D畫蛇添足嘅感覺,D花生又唔係脆又唔係香口….反而搞到好「翹口」辛辣蓄茄湯烏冬….我每次都淨係叫呢個湯底架咋…濃濃蕃茄味,有唔少嘅粟米粒, 正呀…今次配嘅吉烈豬..就唔太特別喇~燒菠蘿, 每次必叫,好甜好好味!芝士蟹籽雞肉串, 又係必叫,好嫩滑..唔食雞嘅我都會食!!!

星期六出旺角行街，再去大門橫丁，叫咗幾串串燒，日式牛肉撈烏冬，仲有新產品芥末尤魚鬚，keep 住好好食嘅軟殻蟹沙律。好失望冇得食牛舌串燒，上次食過好好食，講真對今次嘅串燒有啲失望，嗰個牛肉蘆筍串燒啲牛肉乾乾地不夠juicy ，撈鳥冬都不過不失啦，只不過等候時間太耐。忌廉蟹肉餅係整得幾好食嘅。

今日入左呢間主打烏冬的餐廳用餐，門面大，但內籠細，內只有1x張枱，而且排到好迫，但都滿座了，只好等一下。一開始淨係叫咗兩個烏冬，但見到有優惠， 叫滿250蚊之後有折，所以另外嗌多咗啲串燒小食。老公叫嗰個特上沙爹烏冬味道濃味， 有豬軟骨 ，好味道。 我order 左個炸炸豬扒烏冬， 烏冬都幾好味，但佢隔左好耐先畀碟炸豬排，而且豬扒炸到乾曬，好鞋，我盡力食都真係食唔落...牛舌串燒好味道，但要48蚊，好貴。炸蠔又係麻麻地，所以總括嚟講烏冬好味，價錢合理。串燒好味但貴，炸物就真係唔好試。

雖然呢間出名手打烏冬，但串燒真係好出色。今次主菜叫咗和風炒牛肉溫泉蛋撈手打烏冬(+$10有汽水)，佢啲牛肉真係炒得好好味，牛肉都好新鮮，肉汁鮮甜，加埋溫泉蛋同撈汁真係好好味，而烏冬都好煙韌。跟住就去到重點推介嘅串燒，有幾樣都係必試之選:吉列流心蛋豬扒，忌廉蟹肉餅，芝士明太子玉子燒，呢幾樣真係好意外，尤其係明太子醬加芝士真係好驚喜，忌廉蟹肉餅更加係啖啖蟹肉，再加埋沙律醬都係冇得輸，新鮮炸起嘅流心蛋豬扒亦都令人好難忘！除此之外，其他串燒都好好食，尤其係韓風醬串燒雞翼個醬，仲有辛辣八爪鬚串，食唔到辣嘅朋友都唔洗驚，因為佢唔會太辣，去到最後嘅日式餃子，最普通日式餐廳有嘅小食更加唔會令人失望！只要10pm前落單會有全單8折優惠，10pm後串燒更加抵至$13起！

木魚湯燒鳥手烏冬湯底不錯， 烏冬好有口感👍🏻👍🏻串燒雞皮蝦👍🏻👍🏻 創新可以成個連蝦頭食， 叫左辣， 佢地落辣粉...好辣...但好香口， 值得一試😋😋棉花糖燒香蕉香蕉味好重， 中意食蕉既人岩哂🤷🏻‍♀️

夜晚行經山東街。見到一間門口好光猛的日本餐廳，又見無人排隊，就試呢間啦。呢間餐廳主打手打烏冬同串燒。先叫魚介叉燒烏冬。上檯。魚介湯好濃。好好味！烏冬亦都彈牙。但叉燒好簿好細塊。減左好多分。串燒叫左雞翼、雞軟骨同八爪魚鬚。雞翼炸得到有點過左頭。幾乾。八爪魚鬚又係一樣。最後仲有牛肋骨。咦？我無點過呀？但我嘅格言：有食唔食，罪大惡極，食左先講。幾香口。最後埋單170。出左來先發覺牛肋骨無計數。下次再補返。

上次食烏冬吾錯今日又去，可能因為九點幾吾多人不用排就入得去，沒有想到餐廳周年紀念竟然10點前結帳滿$250送烏冬煲，勁開心，少女心嘅我當然要粉紅色啦。蕃茄烏冬依然好味，但雞肉講真就麻麻啦，鞋身少少，下次食淨菜烏冬或上次不錯的豬軟骨。豚肉撈烏冬味道偏淡，豚肉冇味有點失望。雞泡魚乾依然大片又燒食好食。另外2串串燒正常啦，不過整體黎講等都係比較耐少少，以吾多人情況之下。如果10點後黎就串燒有折，但煲就冇得送啦。

手打烏冬仲可以自選湯底！大拿拿有九款俾你選擇😊鍾意食辣又得，鍾意唔食辣亦都得！而且亦都可以由烏冬轉做拉麵新款有東京鰹魚魚介湯！湯底都幾濃郁～略嫌就咸左啲啦，食落有啲似沾麵個種湯但稀啲配有溫泉蛋蔬菜等配料～叉燒肥瘦適中而手打烏冬就做得最出色👍滑得黎略帶煙軔就算夏天嚟食都冇有怕😋價錢黎講亦都算係公道，而且份量都岩岩好，不過男孩子就可能要加啲小食先會飽肚啲啦😊😊😊但系經過嘅都可以試下😉😉😉