大鍋口海鮮火鍋店 (已結業)

今晚同朋友出到旺角,旺角星期六既行人區真係好多人,再加埋好熱既天氣,簡直係透唔到氣！但係同朋友傾開,今晚大家都好想去打邊爐！一行5個麻甩仔就去左瓊華大鍋口一齊烚下烚下！因為大家都係即慶打邊爐,都無book到位,所以都諗住坐好耐先有位,咁就大家打住機等,估唔到等左半個鐘左右,到7:30就有甩底既客人,咁我地就好好彩咁食到個early beeno喇～今次叫左沙嗲同番茄湯底,平時我自己麻麻地食番茄湯,但呢個番茄湯真係非一般好食！佢d湯濃得黎唔會好假,襯埋d牛肉吸埋d濃湯味係完全唔洗點豉油！相反,打邊爐既鐵膽沙嗲湯底就略嫌遜色了,沙嗲味太淡,烚完似清湯多呢間邊爐雖然係任食,但我地order既野都算係黎得齊,又唔洗催單,我自己覺得佢牛丸,鮮牛個牛味都好重,唔係一般貨仔！另外黑松露餃同埋韮菜餃都好大隻好足料,韮菜餃就不嬲都係我至愛,而黑松露餃因為入面有木耳,食落好夾口,再加埋黑松露吊味唔錯👍🏻野飲都多選擇,呢個價錢有呢個種類同質素既食物都算係性價比高了😊

呢間火鍋店應該係第四次去🤔第一次去係幾年前🤔感覺非常之OK👌🏻第二次去係相隔兩個月後🤔食物變得非常差🤦🏻‍♂️上年路經此處搵嘢食😋比多一次機會佢😄食物質素又變返好咗，剛剛今日又上去食，都一樣保持到食物水準😋落單後食物上枱都算快💨每一碟食物份量唔多，可以試多幾款食物😋不過如果叫蔬菜，我本人就比較覺得多咗少少😅每一次都食唔晒，如果去到每一次都必要點嘅我會選擇是日海鮮😋最近呢兩次去都係蜆，又新鮮又鮮甜😋飲品方便選擇都唔算多，我通常會飲佢自家製竹䉀茅根，感覺冇咁熱氣😄我通常去食都係六點前去到，七點半前埋單，可以每位減多$20😁

哩間打邊爐放題簡直平靚正，牛骨髓必點之選，可能因為個名叫骨髓有d恐怖，所以d fd好多都唔鐘意食，而且又有響玲食，未試過有漏單出現，哩點服務唔錯，坐2.5小時任食，時間合理。

今日同屋企人一齊出去食飯，因為佢哋話想打邊爐，所以一早就book咗枱，所以上到去都唔使等就可以馬上入座，其實佢喺荃灣嗰間我都幫襯過，的確係好好食， 所以今次屋企人話想打邊爐我都推薦呢一間✌🏻，因為地方唔係好大，所以環境比較逼，但服務員就好好禮貌，坐正喺個飲品櫃隔離，所以攞嘢飲都好方便😂，因為有小朋友，所以叫咗兩個湯底，一個麻辣火鍋，一個椰子雞湯，兩個湯都好正，而用料確係新鮮，價錢又唔係好貴，一個人都唔使＄200，而且屋企人個個都食得好開心，只係略嫌每次叫牛肉嘅時候，都只係比兩細盤，因為人多所以要不停咁入單😂😂，但無論價錢同味道，都非常之合理同好味，整體來講值得一試👍🏻👍🏻

哩間相信好多人都認識，出名平就大家都知，我個人最鐘意點牛骨髓，口感好得意，好似食烏冬一樣，同埋可以坐2個半鐘慢慢食，就係因為咁，即係排隊等位都有排等，起碼等一個小時以上

朋友介紹呢間火鍋店新鮮同好難book位，趁住星期日未夠5點就去排隊啦，4:45去到都已經有人坐住排緊隊啦😵等左一陣就入得去啦～入面卡位冷氣好大，建議帶件薄褸啦。坐低就即刻揀湯底，每位158+1想有辣有唔辣，揀左鴛鴦湯底～就要加$48，四川麻辣&皮蛋芫茜湯底麻辣好香唔算太辣，皮蛋芫茜湯底原來都幾多皮蛋夠足料👍🏻任食方面都好多選擇，野飲就自己攞牛肉賣相普通但好食、好稔，蝦都好新鮮😋是日海鮮係蜆，都算鮮甜。其他丸類芝士丸、蟹籽丸，鵝腸都花膠仲要大大舊😍兩個人食到好飽埋單都唔洗400蚊☺️真係好抵食，下次一定再來～

今日同班老友記一齊聚就簡左呢個時間一打邊爐，星期五六日 埋單148+1服務費。菜單選都幾多，唔少多人鍾意食既野都有eg 響鈴，仲有海鮮 好似蝦，蜆，帆立貝，都係吸引到我地既原因。不過叫野食果陣，寫左蜆數量特別多 5， 丸 1，蜆都係呢得遲同好少，所以想食海鮮既朋友就要早d叫同埋肉就唔好寫咁多住啦。 食物質素唔錯，環境企理光猛。

宵夜場的火鍋首選，2.5小時任飲任食，每人人均消費是$152！這裡不論夏天、冬天都是一如既往的很多人幫襯，本人多數相約朋友、同事都會提前至少好幾天打電話預約，一行如6人以上基本上都會訂到位，如是2-4位就不一定了⋯這裡推介湯底胡椒豬肚、椰子雞湯都是比較有保證的。食物首選手切肥牛、海蝦是不二之選，其次是日海鮮多是蜆，也是比較新鮮又沒有沙的，每次基本上都會叫上幾次給的汁醬調料架是一坐下就放在枱上，自行加入豉油𥚃拌混⋯飲料自行拿取，基本汽水、韓國樂天飲品、竹蔗水都是我的首選⋯這店因爲人氣十足，門口時常出現等位之情況，店員又不是太充足，所以要多多包涵，不能要求太高！宵夜歡聚價格便宜又吃得飽飽的火鍋店，生意火爆是有原因的😆

難得就到同朋友行街食飯！本身都唔知食乜好的？又見太耐無見！想揾D好坐，又食得耐D既地方食下野，吹下水！朋友就介紹左在旺角一間平靚正既火鍋店都只係$158一位，再加一服務費環境都闊落，但是比較難book位！所以決定直接上去等位，可能因為成9:00去到！等一陣就有位了，等得唔算耐！重點係如果九點半的話仲可以每位平$20但有位了，唔會再等咁耐，因為價錢又唔係貴！無乜所謂啦一坐底職員己經準備調味料給你！我們選擇了椰子滑雞湯底，湯底十分鮮甜，勁多椰子味，材料十足！！仲有海蝦，蜆，肥牛，墨魚滑，花膠......海鮮都非常新鮮，肉質爽口彈牙

記得一開始係一班舊同事帶我去食既，當時仲未有旺角店，佢地一講去大鍋口打邊爐，我係以為間野係大窩口，原來係餐廳名尼既~幾年之後，港式平價火鍋已經開到成行成市，我自己都食左唔少，今晚係旺角行到餓既時候，男朋友竟然話想食大鍋口，所以上左去。5點幾未到食飯時間，係門口已經見到好多人食緊，我地冇book 位，帶位就帶左我地去張12人大圓枱到。我地揀左免費既沙嗲湯底，跟住職員就放低左醬料比我地混醬肥牛，以呢個價錢尼講算係咁，起碼唔韌既我叫既牛展，冇咁肥可以食得放D蝦滑，幾爽自家製韮菜餃，皮薄足餡，有再加單!海蝦OK既，是日海鮮係蜆，上尼仲見到佢郁緊，勁新鮮。蘿蔔基本上係我打邊爐必叫既，通常其他餐廳切到好大舊，臨尾先食得呢度切得好薄，碌左一陣已經可以食!!白鱔片，男朋友話好食脆魚雲，爽呀D肉豬肝，幾好豬頸肉，又係我必點，個size 切得OK既，因為碌完個縮水，如果切太細塊會冇咩口感好似食雞絲咁食完咁多肉，叫返D菜尼彌補返個罪惡感超甜粟米，張點菜紙真係咁寫，結果一食落去真係超甜又大粒唐生菜都好新鮮雖然比起以前食係加左少少價，不過以性價比尼講，大鍋口算好高

係一間平靚正既打邊爐精選，港式邊爐有手切肥牛，是日海鮮，啲墨魚滑哩蝦滑都好鬼正 ，仲有最好食嘅都係我最鍾意食嘅萵荀。 平時想食嘅配料都會有齊， 仲會包埋豉油配料， 例如有 炸蒜 蔥 辣椒 沙茶醬 等等。 但係唯一唔好就係人太多次次都要等一大輪先到 就算book咗位都係要等一大輪先有得位，咁不如排隊walk in攞飛算數

熊大黎左熊妹家拜年，仲帶埋熊妹家族去打打邊爐，yea!大鍋口火煱放題又平又正，都出哂名喇，熊大熊妹都久仰大名，終於有機會試喇!聽聞book極都book唔到枱，熊妹有幸地都只係book到九點半特價場，決定早啲去排walk-in隊喇。真係好多人，八點三去到，最後俾到九點位，都算係咁，雖然唔係特價時段，不過早啲食完早啲消化。一坐低，先揀揀湯底，卡肥哥哥一眼就揀中椰子雞湯，一向鍾情椰香的熊大即刻舉腳贊成要加一，熊妹不嬲唔好椰子味都唯有順服喇。係正喎，好重椰奶味，材料好豐富好足料，都有五六件大雞件，係無揀錯喎，熊妹真係另眼相看，好彩卡肥同熊大堅持揀呢款姐，嘻嘻！火煱材料真係好多款揀，花多眼亂，任飲任食，雖然質素都係大眾化，不過都幾新鮮，菜洗得幾乾淨; 響鈴，炸魚皮都係少不免的火煱聖物; 醉雞件好有酒味，唔錯; 仲有滑牛肉大大碟，絕唔吝嗇; 熊妹好欣賞的係肥牛一啲都唔肥，岩哂怕肥的熊妹，仲有好多好多，不能盡錄，熊妹唔係唔記得影相，係唔得閒影相，限時2.5小時內爭分奪秒食呀食呀食呀，哈哈哈哈…冬天真係好岩打邊爐，食完成身暖粒粒，多謝大鍋口，令熊大同熊妹一家大飽口福，滿足。

最近天氣特別寒冷，所以基本上每一晚都會在外打邊爐，路過旺角，原來這裏有一間是大鍋口火鍋酒家 ，還以為只有荃灣才有，所以下午五點已經到達，上去但如果沒有預定，七點前就要交枱， 首先就是選擇火鍋湯底，我們所選的就是椰子雞鍋湯底，湯底十分鮮甜和足料， 之後 有一張任食的選配料的，也有很多選擇，連高價之選也有，包括有帆立貝，蝦，蟮，花膠，雞子等等 ，牛肉也不是特別差 ，飲品任飲埋單每位連加一，只是152。食品質素很好，非常值得推介

呢個天氣最啱同D朋友一齊打邊爐 之前食過呢間都唔錯 但係成日what in都起碼要排兩個鐘先等到位 所以今次特登一早打電話來book定個靚位（book左卡位）我約咗八點半 只係等咗大概5分鐘之後 就有位啦 其實嗰度真係好多人 好彩有打電話黎book定位ja我哋叫咗鴛鴦湯底一邊係四川麻辣一邊係胡椒豬肚 麻辣嗰邊呢 啱啱嚟到嘅時候就係屬於中辣左右啦 之後就越食越辣 但係加完水之後就又變返中辣啦 😬而另一邊豬肚啲都好足料 胡椒味十足 一邊辣 一邊清清地 滿足晒各人喜好雖然係任食但係佢嘅料一d都唔渣架 你地睇下d肥牛幾新鮮 有時d任食既肥牛會瘀紅色架 但係呢到既肥牛碟碟都係血紅色架 我最鍾意食冰豆腐 佢好似海綿咁可以吸晒啲湯底嘅味 除左生根之外 呢個都可以用黎食到湯底既精華上面係芥末魚皮餃 真係有Wasabi味架 好特別 唔係度度地方有得食㗎 而下面就係芝士豆腐 中間夾位好多細粒既芝士 咬既時間d芝士必晒出黎 不過其實嗰個口感似魚蛋多過豆腐囉 但係都好正D丸都好彈牙 免費飲品除咗普通嘅汽水烏龍茶之外仲有竹庶茅根 仲要係一揸任叫任飲 咁打邊爐都唔怕熱氣啦

已經嚟過幾次，因為實在太抵食每位$158+10%，兩個半小時今次我覺得最好味就係肥牛同炸魚皮，肥牛唔係勁肥嗰啲，係中價質素嗰啲嚟！炸魚皮就夠咸香同埋佢哋啲食物嚟得超快，唯一不足就係我哋5個人，佢哋夾硬叫我哋迫4人卡位，仲話6個都夠坐，但我哋見到有3至4個人都係坐6-8人卡位，同佢哋講，佢哋都堅持話可以坐，到最後我哋無嘈，接受安排！但無幾耐，我哋隔離枱嘅食客又係咁樣，今次人哋嘈到要搵經理，咁佢哋就安排6-8人卡位俾佢哋！下次我哋都要搵經理