大都烤鴨 (已結業)

本人在這店（大都鴨）食過好幾次，今次令我很失望，食物水準差了很多，這店環境還可以，服務都好！但我主要因為食物而來，可惜相比以前，食物水準不能達標，沒有以往那種味道！本人應該不會再光顧😔

難得拖到兩老出利食飯，要食中菜，所以就利試下片皮鴨！一入門口已經見到師傅係到整片皮鴨啦！不過大台唔多 一家人食飯就一定要記得book台！佢分兩輪時間6:00同8:15，我地8:00到都已經可以入坐啦！鎮江餚肉 食落幾有口感 都好多肉 賣相討好👍🏻雞絲粉皮 正常啦主菜利啦！片皮鴨 可以半份或全份 我地點左半份 皮夠薄 唔會食到成口粉 配資幾好 鴨唔會肥👍🏻另外叫了點小菜 生菜包肉大家都覺得好食 個醬汁味道岩岩好！望落食物唔算大份 但大家都好飽！

其實本身係想食另外一間，不過排隊實在等太耐，於是轉左食呢間中菜。其實呢間都要排隊，仲要係平日嘅夜晚，唔知點解連中菜都咁多人食，可能真係好好食，於是就試吓啦。叫咗個片皮鴨，奇怪嘅係片皮鴨輕超級多肉，咁係好定唔好呢？平時食開片皮鴨係一浸皮再加可能少少鴨肉，但呢個真係片皮之餘連埋好多鴨肉一齊食嘅。只可以話好足料。整體味道都滿意嘅，個片鴨醬好好味。

一直都對片皮鴨有種情意結久唔久就會好想食今次約左朋友去K11 食飯就去試下大都既烤鴨啦一坐低 就有位侍應叫我調位唔好坐果到 態度仲要唔係幾好所以影響左小小對呢間餐廳既印象不過唔理喇 因為太肚餓既原固好快咁落單叫左幾樣野食竹笙生煎包皮有D厚 餡好多不過不失 干炒四季豆炒得干身 肉燥又惹味 同四季豆好夾金沙蝦姐係黃金蝦咸蛋黃推得幾好 起哂沙又唔會一舊舊大蝦爽口既 不過個配角翠玉瓜原來先係亮點原來咁樣整好好味 個個反而食翠玉瓜唔食蝦😂主角出場片皮鴨片得好薄身 唔會連住D肉又無肥膏 食落唔會成口油好正丫！！仲有個鴨飯呢個無乜味 可以不試

上星期去開k11,撞正裝修，無咩餐廳選擇，想食中菜就想食呢間。夜晚7點半去到攞飛，知客派完飛無講野，我睇下個螢幕，下兩張就到我，我橫惦要等朋友，決定等。7點10，見到佢開始安排其他人入座，入了3張，我覺得唔對路，問知客【係咪要先入晒訂位?咁我仲要等幾多張?】點知佢答:【其實宜家開始入8點訂位，已經full左，8點2佢地唔黎，先會開始叫你地walk in囉】真心嬲左，我等左20分鐘先同我講，最少要等多20分鐘先可能有位。其實我攞飛時，講多句要先入訂位果批都唔係好難啫，我唔問就一直都唔知，知客嘅服務態度真係一流囉！無下次

坊間很多酒樓及中菜廳都有片皮鴨此道佳餚在餐牌之中，但絕大部分都很油膩且皮不夠脆。以新派烤鴨作招徠的大都烤鴨據聞很不錯，是次便約齊飯腳到來一同品嘗。首先上的是前菜-大都四繡，即烏鎮肴肉，酸魚，蠔油蘑菇，小蔥海蜇。蠔油蘑菇空口食太鹹了，烏鎮肴肉普通，酸魚的酸甜度適中，魚肉彈牙，開胃。海蛪頭有蔥油香也很爽脆。待應會帶隻烤鴨黎比你望下才交俾師傅片皮，隻鴨燒到漲卜卜，香氣四溢，望住隻鴨，真係流晒口水呀～ 我趁侍應哥哥未拎走隻鴨，快手同佢影張玉照留念！係師傅片緊皮既時候，我地就食住生煎包等。生煎包唔會太大隻亦唔會太細隻，一口咬落去，肉汁大量流出，肉質鮮美，如果個底可以煎得更脆，我會更加喜歡。重頭戲上場啦～ 烤鴨皮色澤光亮，非常薄非常脆。因為採用左新派的皮肉分離切法，所有油脂都會被切除，大家不論食幾多塊都一定唔好食到滿口油。配鴨皮既春卷皮裝在一個蒸籠裡，每塊餅皮之間都隔住張紙，令d餅皮唔會黏在一起，方便你去攞餅皮，的確係一個好貼心既服務。每一層春卷皮都薄又有彈性，放上烤鴨皮和鴨肉，加上京蔥，青瓜條同烤鴨醬，香脆可口。 雖然無晒d油脂係唔會油膩，但其實會稍微唔夠油香。呢度既配料除了常見的京蔥，青瓜條，

這天來到K11想了半天都沒有頭緒在那一家吃飯想起以前曾在大都烤鴨用過餐感覺不錯 位置坐得舒服就決定吃這家.一開始職員會先送上茶和水果晚市茗茶每位 $15水果也要每位$10是挺貴的.北京填鴨吃得多這次試一下水晶鵝肝片皮鴨 $358廚師在準備切鴨片之前職員會先拿烤鴨到顧客面前確定了再處理一會兒8塊水晶鵝肝片皮鴨就呈上來份量偏少 最下面是青瓜片、饅頭片、水晶姐喱、鵝肝、片皮鴨 咬一口後 鵝肝的味道會充斥著味蕾底下的青瓜片可以減低肥膩感水晶姐喱相信是高湯所煮成但在鵝肝的襯托下 顯得寡淡而且也很快融化片皮鴨保持一貴水準性價比不高 不試也罷.荷香包鴨飯 (二食兩位用) $78超出意料地好吃很香的荷葉香味鴨的份量不多中間夾著一種和叉燒醬味道相似的醬料飯不會太乾 而且粒粒飽滿分明值得一試.淮揚灌湯小籠包 $48去到任個地方都要吃小籠包這裡的小籠包更不會放過小籠包的皮不會太厚 而且平滑在外皮已經看到在小籠包內的上湯先把小籠包的頂咬破小籠包皮不會輕易倒塌在洞裡還看到熱騰騰的湯汁先吸一半 鮮甜 再加一點點醋進去一口把小籠包放進口裡肉的鮮味和醋配合得天衣無縫.涼伴茄子 $78茄子整整齊齊地排列仍然保持冷

[ #食皮獸 | 我最喜愛的片皮鴨🏆🦆]一話食片皮鴨，我就會諗起呢間😍媽咪生日同母親節都請佢地去食，因為我爸媽都好傳統，比較鍾意食中菜👩🏻👨🏻同男朋友/fd都食過好多次，但係我覺得中菜都係多啲人一齊食開心啲🐒⋆ ⋆ ⋆ ⋆ ⋆🔹烤北京填鴨($258/半隻)⭐️8.5/10我暫時覺得最好🏅皮片得夠薄，烤得夠香脆，肉雖然無肥，但絕對不鞋😼荷葉餅皮夠薄，又無穿窿，食5件都唔會太滯👅我鍾意夾青瓜條同蜜瓜條🍈好好食❤️-🔹二崧炒鴨末($78/二人; $98/四人)⭐️8.5/10呢個係我每次必食‼️鴨肉粒炒埋一碟，就咁食好鹹，可以揀配生菜/芝麻燒餅😍我建議芝麻燒餅，好好食，好香芝麻味又酥脆👍🏻真係好好食❤️啲鴨末好多，我猛咁塞滿成個芝麻餅，都淨好多，所以另外再叫4塊芝麻燒餅($38)😋-🔹清水雞湯雲呑($70)⭐️8/10小小一盅有4粒，真心係皮薄餡靚😍塊雲呑皮好滑，真係幾正👍🏻本身從來都無諗過要食，有一次同朋友黎食👧🏻佢地當呢間餐廳係飯堂咁，係佢地介紹我要食呢個🤣-🔹灌湯小籠包($48)⭐️7/10正正常常爆湯，比平時連鎖餐廳既好食一點🤣🔹牡丹蝦($???)⭐️7/10冷盤，擺盤好靚🌺蝦好爽口，有點醋酸又有點

尋晚同我老公去左大都烤鴨食晚飯，其實有幾次經過都想去試下，因為本身都鐘意食鴨同我老公，咁我地見到有個二人餐6百幾有幾款食物又覺得唔太貴，都可以試下食好d咁，但食完其實真係有d失望的 有個侍應拿一隻鴨俾我地睇，問要唔要幫我地切片，咁我地當然要啦，隻鴨好大隻，我地個餐係半隻來的，但唔知點解切左半隻出來好似好少分量都算，鴨無咩味，d皮一d都唔脆，完全唔似剛煮起，似攤左好耐咁，😔😔😔埋單連埋加一7百幾蚊，我去霸王xx食無咁嬲

這裡的招牌菜烤鴨當然不可不試，而其他小吃及菜式也很不錯，前菜、主菜、單尾加上甜品達十五道菜式的一夜，豐富。前菜六款，鹽水鴨肝就是一致公認萬人迷。一客四片，只見只是外邊浸熟而內裡還是粉嫩嫣紅的，對辦。味道豐腴之餘口感也軟滑非常，吃此品有一弊處，就是一定會令你吃得更多！必吃。另一味水晶鴨舌賣相是一等一的吸引，不過個人不太欣賞此品，老實說在香港也沒有幾個地方可以吃到有水準的鴨舌了。看到一枝獨秀大家或會覺得熟口熟面，是的，席上有不少食友都參與過綠楊村一局，當然不會對此陌生。撇開別緻的賣相，這一味漬蘿蔔也爽甜好吃的。另外的簑衣蘑菇也是似曾相識的，加入了麻油調味令蘑菇更好吃，是不錯的前菜小吃。到了主菜部份，第一味要試的當然是這裡的烤鴨。只要走進店子時都會看到一旁那掛滿烤鴨的土爐，而師傅也在忙碌的片著烤鴨，就知此味不能不試。烤鴨是片得皮還皮，肉還肉的疊在一個碟子上。餅皮及調味料就另外再放上來，快速拍照完畢，大家也急不及待的試試此味。先吃鴨皮，吃起來是真的熱脆，足見是烤起即片的。

昨晚同家人和朋友到大都烤鴨晚餐，餸菜除了烤鴨可以接受外，其他都一般， 及每個菜式都好咸，好多味精，非常口喝。另服務人員禮貌，除了送菜員更好外，其他都「黑口黑面」。這樣的價錢、食物及服務，上普通酒樓好了。CP 值 非常低

食中午飯，同朋友試一試呢間～之前朋友都介紹過，話ok 既～由於係午市，佢分別有幾個lunch set 既餐牌（但忘記影相）我地就揀左個$288 既set(另外再加一） , 呢個set 係足夠二人份量先講下食物啦有配菜係醬油蘿白，同唔知咩肉之後到主菜，有冷盆 係個蝦仁，個人認為麻麻地。另外就係糖醋魚柳，呢個唔錯，幾好食另外都係主菜啦， 炒雜菜一碟，味道ok再來就係鴨肉炒飯，冇咩特別另外仲有個鴨肉湯呢個好味呀整體呢間都唔錯，食物味道ok, 服務唔錯， 下次會再去

琴晚同媽咪去大都食晚餐，開頭上openrice睇到好多食評都話佢地既片皮鴨最出名我同媽咪一到步就決定叫佢個2人套餐我同媽咪一叫完個餐d野食記好快甘上枱d侍應係比人感覺想盡快趕你食完然後交枱比下台客，我地一路食都未食完記趕住收我地d野，大佬你依間餐廳都算係中價餐廳點解服務態度要差個d街坊酒樓，味道難食，呃遊客你就得，重要連態度都差，當晚我叫左兩壺茶比得一壺茶我，我向店員了解個店員就發悔氣叫我直接同經理投訴，咩事先，個片皮鴨話凍要求換點知換完比之前果碟更凍大佬我真金白銀比錢消費真係好失望，亦5會再番轉頭食

今日小編同一大班同事一齊去食午餐，除咗話平時會去北京樓之外，烤鴨係有啲心癮一個月食反餐。因為其實今日都有12個人，我哋只不過係order 咗一個六人餐＋4人餐(10人份量)。但到最後都食唔晒，起碼打爆左三大盒走！因為多人嘅關係，今次真係試咗好多菜式！烤鴨有點兒冷，好似冇夜晚咁熱辣辣感覺。前菜其實最出色，小籠包真係有水準。不過反而主菜就失色啲啦，佢有個應該係回鍋肉，肥豬肉太多同埋太過紅色，我只係食咗佢旁邊嘅麵包就算。最最最正就係佢個燉盅湯，飲完成個肚舒服晒

朋友說想吃烤鴨，而我也很久沒吃，所以就來試試看。忘記了菜式的名字，只記得點了烤鴨2食，小籠包。朋友說這個烤鴨是比較新派的食法，我自己沒什麼研究，只是覺得不錯吃。另外的菜式也不錯，煮得剛剛好，味道濃郁。